- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ 30 - رەتكى توپتىق ۇيرەنۋىندە مىنانى باسا دارىپتەدى
ەلىمىزدىڭ دامۋ ستراتەگيالىق تۇيىندەرىن ءداپ باسىپ يگەرۋ جانە ونى مىقتى ۇستاۋ كەرەك
2016.02.01 14:28 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 30 - قاڭتاردا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 29 - قاڭتار تۇستەن كەيىن «13 - بەسجىلدىق» جوبا كەزىندەگى ەلىمىزدىڭ ەكونوميكالىق، قوعامدىق دامۋىنداعى ستراتەگيالىق ماڭىزدى تۇيىندەر جونىندە 30 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋ قيمىلىن باسقارعاندا مىنانى باسا دارىپتەدى: دامۋ ستراتەگيالىق تۇيىندەرى − «13 - بەسجىلدىق» جوبا كەزىندە ەلىمىز دامۋىنىڭ «تىزگىنى»، «بۇيداسى». ستراتەگيالىق تۇيىندەردى ءداپ باسىپ مىقتى يگەرۋ − «13 - بەسجىلدىق» جوبا كەزىندەگى دامۋدى جاقسى باستاپ، قادامدى نىق تاستاۋعا كەپىلدىك ەتۋدىڭ تەتىگى، جاپپاي دوڭگەلەك داۋلەتتى قوعام قۇرۋ شەشۋشى كەزەڭىندە جاپپاي جەڭىسكە قول جەتكىزۋگە كەپىلدىك ەتۋدىڭ تەتىگى. «13 - بەسجىلدىق» جوبا كەزىندە ەلىمىز دامۋىنداعى ستراتەگيالىق تۇيىندەردى ءداپ باسىپ يگەرۋ، كوكەيدە سان، تياناقتاندىرۋ شارالارى، قيمىل تاسىلدەرى بولۋ، تالىقپاي تالپىنۋداي رۋحاني كۇيمەن، قيىنشىلىقتاردى جەڭۋدەي ەرلىك جىگەرمەن، ۋاقىتپەن جارىسۋداي ارىندى تەبىنمەن، دامۋ ستراتەگيالىق تۇيىندەرىن مىقتى يگەرۋ ارقىلى دامۋ جالپى جاعدايىنا جەتەكشىلىك ەتىپ، «13 - بەسجىلدىق» جوباداعى دامۋ ايبىندى جوباسىن بىرتىندەپ امالياتقا اينالدىرۋ كەرەك.
وسى رەتكى ورتالىق كوميتەت ساياسي بيۋروسىنىڭ توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىكتەرىنەن ۇيرەندى، سونداي - اق قىزمەت تاجىريبەلەرىن اۋىستىردى، ليۋ ياندۇڭ، لي يۋانچاۋ، ۋاڭ ياڭ، جاڭ چۇنشيان، حان جىڭ وسى ماسەلە جونىندە ءتۇيىندى ءسوز سويلەدى.
شي جينپيڭ ۇيرەنۋ قيمىلىن باسقارعاندا مىنانى اتاپ كورسەتتى: ءتۇيىندى مىقتى يگەرىپ، جالپى قىزمەتكە جەتەكشىلىك ەتۋ، زاتتاردىڭ دامۋىن تەپە - تەڭدىككە ۇزدىكسىز جەبەۋ − ماتەرياليستىك ديالەكتيكانىڭ تالابى، پارتيامىز بۇنى توڭكەرىس، قۇرىلىس، رەفورما تاريحى بارىسىندا دايەكتى دارىپتەپ كەلدى جانە وعان تاباندى بولدى. دامۋ ستراتەگيالىق تۇيىندەرىن 5تى ءبىر تۇلعالاندىرۋ تۇلعالىق ورنالاستىرۋى، «4تى جاپپاي ورىنداۋ» ستراتەگيالىق ورنالاستىرۋى، تىڭ دامۋ يدەياسى، 5 ۇلكەن تىرەكتى ساياسات، ولقىلىقتاردى تولىقتىرۋ، قاتەردەن ساقتانۋ جاعىنان يگەرۋ كەرەك.
شي جينپيڭ مىنانى باسا دارىپتەدى: جۇڭگوشا سوتسياليزم − جاپپاي داميتىن سوتسياليزم. ەلىمىز دامۋدا قوماقتى تابىسقا قول جەتكىزدى، الايدا ەلىمىزدىڭ سوتسياليزمنىڭ العاشقى دامۋ كەزەڭىندە ۇزاق ۋاقىت تۇرۋداي نەگىزگى جاعدايى ءالى وزگەرگەن جوق، حالىقتىڭ كۇننەن - كۇنگە ارتىپ كەلە جاتقان ماتەريالدىق جانە مادەنيەت سۇرانىسى مەن مەشەۋ قوعامدىق ءوندىرىس اراسىنداعى قايشىلىق سىندى قوعامدىق باستى قايشىلىق وزگەرگەن جوق. مىنە بۇل ءبىزدىڭ ەكونوميكالىق قۇرىلىستى وزەك ەتۋگە، ءسوز جوق، تاباندى بولىپ، حالىقتى وزەك ەتۋدەي دامۋ يدەياسىنان جازباي، دامۋ سىندى پارتيانىڭ بيلىك جۇرگىزىپ، ەلدى كوركەيتۋىندەگى ماڭداي الدى مىندەتىن زەيىن - زەردەنى شوعىرلاندىرا وتىرىپ مىقتى يگەرىپ، اناعۇرلىم جوعارى ساپانى، اناعۇرلىم جوعارى ونىمدىلىكتى، اناعۇرلىم ءادىل، اناعۇرلىم باياندى دامۋدى جۇزەگە اسىرۋىمىزدى بەلگىلەپ وتىر. سونىمەن قاتار، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن، سونداي - اق باسقا دا جاقتارداعى قۇرىلىستاردى سايكەستى ىلگەرىلەتىپ، سوتسياليستىك بازار شارۋاشىلىعىنىڭ، سوتسياليستىك دەموكراتيالىق ساياسيدىڭ، سوتسياليستىك وزىق مادەنيەتتىڭ، سوتسياليستىك جاراسىمدى قوعامنىڭ، سوتسياليستىك ەكولوگيالىق وركەنيەتتىڭ جاپپاي العا باسۋىن جۇزەگە اسىرىپ، ەكونوميكالىق دامۋدى تۇزىممەن، ورتا شارت - جاعدايىمەن قامتاماسىزداندىرۋ كەرەك.
شي جينپيڭ مىنانى باسا دارىپتەدى: «ءتورتتى جاپپاي ورىنداۋ» ستراتەگيالىق ورنالاستىرۋىندا، ستراتەگيالىق نىسانا دا، ستراتەگيالىق شارالار دا بار، ءاربىر «جاپپاي ورىنداۋدىڭ» وزىندىك ماڭىزدى ءمانى بار، ول پارتيامىزدىڭ جاڭا جاعدايدا ەل باسقارىپ، ۇكىمەت ىستەرىن جونگە سالۋىنداعى باستى تاكتيكاسى، پارتيا مەن مەملەكەت ىستەرىنىڭ بولاشاق دامۋىنا قاتىستى باستى ستراتەگياسى. «13 - بەسجىلدىق» جوبا كەزىندە ەكونوميكالىق، قوعامدىق دامۋدى ىلگەرىلەتۋدە، ءسوز جوق، جاپپاي دوڭگەلەك داۋلەتتى قوعام قۇرۋ سىندى ستراتەگيالىق نىسانانى مىقتى يگەرۋدەن اۋىتقىماي، رەفورمانى جاپپاي تەرەڭدەتۋ، مەملەكەتتى جاپپاي زاڭ بويىنشا جونگە سالۋ، پارتيانى جاپپاي قاتاڭ جونگە سالۋ ستراتەگيالىق شارالارىن بوساڭسىتپاي مىقتى يگەرىپ، «ءتورتتى جاپپاي ورىنداۋدىڭ» ءبىرىن - ءبىرى كەمەلدەندىرۋىن، ءبىرىن - ءبىرى جەبەۋىن، ءبىر - بىرىنە ساي كەلۋىن قۇلشىنا جۇزەگە اسىرۋ كەرەك.
شي جينپيڭ مىنانى باسا دارىپتەدى: جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىكتەنەتىن دامۋ يدەياسى، «13 - بەسجىلدىق» جوبا كەزىندەگى، ءتىپتى، مۇنان دا ۇزاق ءبىر مەزگىلدەگى ەلىمىزدىڭ دامۋ وي جەلىسىن، دامۋ بەتالىسىن، دامۋ تياناعىن شوعىرلى بەينەلەدى، ول − جالپى جاعدايدى مەڭگەرۋدىڭ، تۇبىرىنەن باسقارۋدىڭ، ۇزاق ۋاقىتتىق باسقارۋدىڭ باعدار شامى. 5 ۇلكەن دامۋ يدەياسىن دايەكتى تياناقتاندىرۋعا تۇرتكى بولاتىن ءتۇيىندى قىزمەتتەردى مىقتى يگەرىپ، 5 ۇلكەن دامۋ يدەياسىن دايەكتى تياناقتاندىرۋدى ءبىر تۇتاس جوبالاپ ىلگەرىلەتۋ كەرەك. ءاربىر دامۋ يدەياسىنىڭ ءتۇيىنىن مىقتى يگەرىپ، ءتۇيىندى يگەرۋ ارقىلى ءاربىر يدەيانىڭ اماليات بارىسىندا تابىسقا جەتۋىن جەبەۋ كەرەك. بۇل بىزدەن ىشكەرىلەي تەكسەرۋ - زەرتتەۋ جۇرگىزۋدى، جالپى جاعدايعا تۇلعالىق جاقتان تالداۋ جاساۋمەن بىرگە، ىشكەرىلەي بورشالاپ، يكەمدى ساياساتتىق شارالار مەن قىزمەت جوباسىن العا قويۋدى تالاپ ەتەدى. دامۋ يدەياسى − ءامىرتاياق، باعدار شام. بۇكىل پارتيا يدەيا مەن ءىس − ارەكەتتى جاڭا دامۋ يدەياسىمەن بىرلىككە كەلتىرىپ، تىڭ دامۋ يدەياسىن ءبىر تۇتاس جوبالاپ، دايەكتىلەندىرۋ قابىلەتى مەن ورەسىن قۇلشىنا جوعارىلاتىپ، دامۋ يدەياسىنا ۇيلەسپەيتىن، ساي كەلمەيتىن، ءتىپتى، قايشى كەلەتىن دامۋ تانىمىن دەرەۋ رەتتەپ، تىڭ دامۋ يدەياسىنا ۇيلەسپەيتىن، ساي كەلمەيتىن، ءتىپتى، قايشى كەلەتىن ارەكەتتەردى باتىل تۇزەتۋ، تىڭ دامۋ يدەياسىنا ۇيلەسپەيتىن، ساي كەلمەيتىن، ءتىپتى، قايشى كەلەتىن ىستەردى تۇبەگەيلى ارىلتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
