- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ازىق - تۇلىك حاۋىپسىزدىگى قىزمەتى جونىندە ماڭىزدى نۇسقاۋ بەردى
حالىق بۇقاراسىنىڭ ازىق - تۇلىك حاۋىپسىزدىگىنە شىنايى كەپىلدىك ەتەيىك
2016.02.01 14:31 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 28 - قاڭتاردا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ازىق - تۇلىك حاۋىپسىزدىگى قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: ازىق - تۇلىكتىڭ حاۋىپسىزدىگىنە كەپىلدىك ەتۋ − حالىق تۇرمىسى قۇرىلىسى ءارى حالىقتىڭ قالاۋىنان شىعۋ قۇرىلىسى، سونداي - اق ءار دارەجەلى پارتكومدار مەن ۇكىمەتتەردىڭ بۇلتارتپاس بورىشى. جاقىنعى جىلداردان بەرى قاتىستى تاراۋلار قىرۋار قىزمەت ىستەپ، ايتارلىقتاي جاقسى ناتيجەگە قول جەتكىزدى. قازىر ەلىمىزدىڭ ازىق - تۇلىك حاۋىپسىزدىگى جاعدايى ءالى مۇشكىل حالدە تۇر، حالىق جۇرتشىلىعى ازىق - تۇلىكتى بارىنشا الاڭسىز تۇتىنۋدى، دەنساۋلىققا پايدالى، زالالسىز ازىق - تۇلىك تۇتىنۋدى ارماندايدى. 2016 - جىل − «13 - بەسجىلدىقتان» باستاما جاراتاتىن جىل، سوندىقتان حالىقتى وزەك ەتكەن دامۋ كوزقاراسىن بەرىك ورناتىپ، پارتيا مەن ۇكىمەت جاۋاپكەرلىگىن بىردەي ۇستىنە الۋدا تاباندى بولۋ، ءبىر تۇتاس جوسپارلاپ، سايكەستىرۋدى كۇشەيتۋ، باقىلاۋ - باسقارۋدا ءبىر تۇتاس بەدەلدى ءتۇزىلىس جانە ءتۇزىمىن كەمەلدەندىرۋدى تەزدەتىپ، «4 تە قاتاڭ بولۋ تالابىن» تياناقتاندىرىپ، حالىق بۇقاراسىنىڭ ازىق - تۇلىك حاۋىپسىزدىگىنە شىنايى كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جاساپ بىلاي دەپ اتاپ كورسەتتى: ازىق - تۇلىك حاۋىپسىزدىگى ماسەلەسىنە جالپى قوعام وسكەلەڭ نازار اۋدارىپ، حالىق جۇرتشىلىعى ۇلكەن ءۇمىت ارتىپ وتىر. وتكەن ءبىر جىلدا ءار دارەجەلى ازىق - تۇلىك حاۋىپسىزدىگى كوميتەتتەرى، ازىق - تۇلىك حاۋىپسىزدىگى كەڭسەلەرى مەن وعان مۇشە ورىندار ءوز مىندەت - بورىشتارىن ايتارلىقتاي وتەدى، زاڭمەن جونگە سالۋ قۇرىلىسىن كۇشەيتۋ، باقىلاۋ - باسقارۋ جاۋاپكەرشىلىگىن تياناقتاندىرۋ، «اس - سۋ لاستانۋىن» جونگە سالۋ سياقتى جاقتاردا قىرۋار قىزمەت ىستەدى، ولاردىڭ قول جەتكىزگەن تابىستارىن تۇراقتاندىرۋعا تاتيدى. ازىق - تۇلىك حاۋىپسىزدىگىن قامتاماسىزداندىرۋ قىزمەتىنىڭ مىندەتى ءالى توتەنشە اۋىر، سوندىقتان ءبىز ەشقاشان قاجىماي - تالماي، ۇزدىكسىز قامال الۋىمىز ءتيىس. ءار دارەجەلى ۇكىمەتتەر حالىقتىڭ مۇددەسىن ماڭداي الدى ورىنعا قويۋدا تاباندى بولىپ، ازىق - تۇلىك حاۋىپسىزدىگى كوميتەتتەرىنىڭ ءبىر تۇتاس باسشىلىق ەتۋ، جان - جاقتىلى سايكەستىرۋ رولىن شىنايى ساۋلەلەندىرۋى، رەفورما جاساۋ رۋحى مەن زاڭمەن جونگە سالۋ وي جەلىسى ارقىلى ازىق - تۇلىك حاۋىپسىزدىگى ستراتەگياسىن باتىل اتقارۋى، ورتالىقتان جەرگىلىكتى ورىنعا، ءتىپتى، نەگىزگى ساتىعا دەيىن جالعاسقان باقىلاۋ - باسقارۋ جۇيەسىن كەمەلدەندىرۋدى تەزدەتۋى، تۇتاس بارىستى باقىلاپ - باسقارۋداعى قاتاڭ ءتۇزىمدى تياناقتاندىرۋى، اتىز باسىنان داستارقانعا دەيىنگى ءاربىر بۋىندى قاتاڭ مەڭگەرۋى، زاڭ - بەلگىلەمەگە قايشىلىق جاساعان ارەكەتتەرگە استە كەڭشىلىك ەتپەۋى، شاپشاڭ قيمىلداپ، قاتاڭ جازالاپ، حالىق جۇرتشىلىعىنىڭ دەنساۋلىعىنىڭ اقاۋسىزدىعى مەن باس اماندىعىن شىنايى قامتاماسىز ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، مەملەكەتتىك كەڭەستىڭ ازىق - تۇلىك حاۋىپسىزدىگى كوميتەتىنىڭ مەڭگەرۋشىسى جاڭ گاۋلي 28 - قاڭتاردا مەمەكەتتىك كەڭەستىڭ ازىق - تۇلىك حاۋىپسىزدىگى كوميتەتىنىڭ ءۇشىنشى جالپى ءماجىلىسىن باسقارىپ اشتى ءارى ءسوز سويلەدى. ءماجىلىس باس شۋجي شي جينپيڭنىڭ ازىق - تۇلىك حاۋىپسىزدىگى جونىندە سويلەگەن ماڭىزدى ءسوزى مەن نۇسقاۋ، بەكىتۋلەرىنىڭ رۋحىن جانە لي كىچياڭ زۇڭليدىڭ ماڭىزدى بەكىتۋىنىڭ تالابىن مۇقيات ۇيرەندى، 2015 - جىلعى ازىق - تۇلىك حاۋىپسىزدىگى قىزمەتىن جان - جاقتىلى قورىتىندىلاپ، 2016 - جىلعى ءتۇيىندى قىزمەتتەردى زەرتتەپ، ورنالاستىرۋ جاسادى.
جاڭ گاۋلي بىلاي دەدى: 2015 - جىلى ازىق - تۇلىك حاۋىپسىزدىگى كوميتەتىنە مۇشە ءارقايسى ورىندار مەن قاتىستى تاراۋلار پارتيا ورتالىق كوميتەتى مەن مەملەكەتتىك كەڭەستىڭ شەشىم - ورنالاستىرۋلارىنا ساي، كورنەكتى ماسەلەنى رەتتەۋ، وڭاۋ، زاڭمەن جونگە سالۋ قۇرىلىسىن كۇشەيتۋ، باقىلاۋ - باسقارۋ ۇلگىسىن جاڭالاۋ سياقتى جاقتاردا تالاي قىزمەتتەر ىستەپ، ازىق - تۇلىك حاۋىپسىزدىگى جاعدايىنىڭ جالپى جاقتا ءبىرشاما ورنىقتى كۇيىن ساقتادى، سونىمەن بىرگە ءبىز قازىرگى كەزدەگى ازىق - تۇلىك حاۋىپسىزدىگىنىڭ ءالى ءبىرشاما مۇشكىل حالدە تۇرعاندىعىن، ءىشىنارا ماسەلەلەرگە سەلقوس قاراۋعا بولمايتىندىعىن جەتە تانۋىمىز كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ كوزقاراسىن بەرىك ورناتىپ، حالىقتىڭ مۇددەسىن بارىنەن ۇستەم ورىنعا قويۋدا، ماسەلەنى نىشان ەتۋدە تاباندى بولىپ، قامداۋ مەن قاجەتسىنۋ جاعىنداعى قۇرىلىمدىق رەفورمانى بار كۇشپەن ىلگەرىلەتىپ، ازىق - تۇلىك حاۋىپسىزدىگى ستراتەگياسىن پارمەندى اتقارىپ، ازىق - تۇلىك حاۋىپسىزدىگىنىڭ دەڭگەيىن جوعارىلاتۋعا قۇلشىنۋىمىز كەرەك.
جاڭ گاۋلي بىلاي دەپ باسا دارىپتەدى: باس شۋجي شي جينپيڭنىڭ العا قويعان قاتاڭ ولشەم قولدانۋ، باقىلاۋ - باسقارۋدا قاتاڭ ءتۇزىم ورناتۋ، قاتاڭ جازالاۋ شاراسىن اتقارۋ، جاۋاپكەرشىلىكتى قاتاڭ قۋزاستىرۋ سىندى «4 تە قاتاڭ بولۋ» تالابىن باتىل تياناقتاندىرىپ، ازىق - تۇلىك حاۋىپسىزدىگى ماسەلەسىن جونگە سالۋ جۇيەسىن ورناتۋ جانە كەمەلدەندىرۋ، الدىن الۋ، ساقتانۋدا قاتاڭ جۇيە قالىپتاستىرىپ، ازىق - تۇلىك حاۋىپسىزدىگى جاعىنداعى جۇيەلىك، وڭىرلىك سيپات الاتىن حاۋىپ - قاتەردىڭ تۋىلماۋىنا كەپىلدىك ەتۋ كەرەك. اتىز باسىن قاتاڭ باقىلاپ، اۋىل شارۋاشىلىق دارىلەرىنىڭ، مال دارىلەرىنىڭ قالدىقتارىنىڭ بەلگىلەنگەن ولشەمنەن اسىپ كەتۋى، توپىراقتىڭ اۋىر مەتالدارمەن لاستانۋى، زاڭسىز قوسپا قوسۋ سياقتى ماسەلەلەردى جان - جاقتى جونگە سالىپ، ازىق - تۇلىك حاۋىپسىزدىگىن تۋ باستان قاتاڭ مەڭگەرۋ قاجەت. كاسىپورىنداردىڭ سۋبەكتيۆ جاۋاپكەرشىلىگى ءتۇزىمىن قاتايتىپ، ازىق - تۇلىك ءوندىرىسىنىڭ تۇتاس بارىسىن باقىلاپ - باسقارۋدى قاتاڭ اتقارۋ، باقىلاۋ - باسقارۋدىڭ ۇلگىسى مەن ءادىس - امالىن جاڭالاۋ، ماڭىزدى ونىمدەردى تەكتەۋ جۇيەسى قۇرىلىسىن ىلگەرىلەتۋ، تىعىز سايكەسىپ، ساڭلاۋ قالدىرماۋعا كەپىلدىك ەتۋ ءتيىس. ءتۇيىندى سالالاردى، ءتۇيىندى وڭىرلەردى مىقتى ۇستاپ، ازىق - تۇلىك حاۋىپسىزدىگىن باقىلاۋ - باسقارۋدا ءبىر تۇتاس بەدەلدى جۇيە ورناتۋ اياق الىسىن جەدەلدەتۋ، تۇتاس بارىستى شارپىعان قاتاڭ باقىلاۋ - باسقارۋ ءتۇزىمىن ورناتىپ، مەملەكەت جاعدايىنا ۇيلەسەتىن، حالىقارامەن ۇشتاساتىن ولشەم جۇيەسىن قالىپتاستىرۋ قاجەت. قاتاڭ شارا قولدانىپ، اۋىر، تيپتىك ماسەلەلەردى جونگە سالۋ، ازىق - تۇلىك حاۋىپسىزدىگىندە زاڭعا قايشىلىق جاساپ، قىلمىس وتكىزۋگە ساياتىن ارەكەتتەردى قاتاڭ جازالاۋدىڭ تەگەۋرىندى كۇيىن ساقتاپ، زاڭسىز ەلەمەنتتەرگە ۇرەي تۋدىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
