شي جينپيڭ شاعان مەرەكەسى قارساڭىندا جياڭشيعا بارىپ، قالىڭ كادرلار جۇرتشىلىعىنان حال سۇرادى
بۇكىل ەلدەگى ءار ۇلت حالقىنىڭ ساۋ دەنەلى، شات – شادىمان بولۋىن، رەفورما، دامۋ ارقىلى حالىق تۇرمىسىنىڭ كۇن سايىن جاقسارۋىن ءۇمىت ەتەمىن
2016.02.04 14:50 كەلۋ قاينارى : حالىق تورابى
اقپاننىڭ 2 – كۇنى شي جينپيڭ جيڭگاڭشان قالاسى ماۋپيڭ اۋىلى شىنشان قىستاعىنداعى اۋىلداستارعا امانداسا بارعاندا ولاردىڭ باقىت قۇشاعىنا كەنەلىپ، مەشىن جىلدارىنىڭ ىرىستى بولۋىن ءۇمىت ەتتى.اقپاننىڭ 3 – كۇنى شي جينپيڭ نانچاڭ قالاسى دۇڭحۋ رايونى پىڭجياچياۋ كوشە باسقارماسى گۋاڭميڭ الەۋمەتتىك اۋماعىنىڭ سۋرەت ۇيىنە بارعاندا، ءبىر بالاقايدىڭ ناق مايداندا جازعان «باقىت» دەگەن ءارىبىن كورىپ، كوپشىلىككە باقىت تىلەدى.
اقپاننىڭ 2 – كۇنى شي جينپيڭ نانچاڭدا جياڭشيدا تۇراتىن اسكەري قوسىندارداعى ديۆيزيا باسشىسىنان جوعارى كادرلار جانە تۋان ورىندارىنىڭ نەگىزگى باسشىلارىمەن كەزدەسكەندە، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان، جياڭشيدا تۇراتىن اسكەري قوسىندارداعى بارلىق كوماندير – جاۋىنگەرلەردەن حال سۇرادى، ازاتتىق ارميانىڭ بارلىق كوماندير – جاۋىنگەرلەرىنىڭ، قارۋلى ساقشى قوسىندارىنداعى كوماندير – جاۋىنگەرلەرىنىڭ، حالىق جاساعى زاپاس قىزمەتكەرلەرىنىڭ شاعان مەرەكەسىنە قۇتتى بولسىن ايتتى.
حالىق تورابى، 4 – قاڭتار، بەيجيڭ. شينحۋا اگەنتتگى، نانچاڭ، اقپاننىڭ 3 – كۇنى. جۇڭحۋا ۇلتتارىنىڭ مەشىن جىلعى ءداستۇرلى شاعان مەرەكەسى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭشيعا كەلىپ، قالىڭ كادرلار جۇرتشىلىعى مەن جياڭشيدا تۇراتىن اسكەري قوسىنداردان حال سۇراپ، بۇكىل ەلدەگى ءار ۇلت حالقىنىڭ ساۋ دەنەلى، شات – شادىمان بولۋىن، رەفورما، دامۋ ارقىلى حالىق تۇرمىسىنىڭ كۇن سايىن جاقسارۋىن ءۇمىت ەتتى ءارى ازاتتىق ارميانىڭ بارلىق كوماندير – جاۋىنگەرلەرىنىڭ، قارۋلى ساقشى قوسىندارىنداعى كوماندير – جاۋىنگەرلەرىنىڭ، حالىق جاساعى زاپاس قىزمەتكەرلەرىنىڭ شاعان مەرەكەسىنە قۇتتى بولسىن ايتتى.
قىس ماۋسىمىنداعى جياڭشي القابىنان كوكتەمنىڭ لەبى ەسەتىن ەدى. اقپاننىڭ 1 – كۇنىنەن 3 – كۇنىنە دەيىن، شي جينپيڭ جياڭشي ولكەلىك پارتكومنىڭ شۋجيى چياڭ ۋەي، ولكە باستىعى لۋ شينشىنىڭ سەرىك بولۋىمەن، جي – ان، جيڭگاڭشان، نانچاڭ سىندى جەرلەرگە ات باسىن بۇرىپ، ونداعى اۋىل – قىستاق، كاسىپورىن، مەكتەپ، الەۋمەتتىك اۋماق، توڭكەرىستىك بازا ەسكەرتكىش ورىندارىنا بارىپ تەكسەرىپ – زەرتتەۋ جۇرگىزىپ، پارتيانىڭ 18 – كەزەكتى بەسىنشى جالپى ءماجىلىسىنىڭ رۋحى مەن ورتالىقتىڭ ەكونوميكا قىزمەتى ءماجىلىسىى، ورتالىقتىڭ كەدەيلەردى سۇيەمەلدەۋ، اشۋ قىزمەتى ءماجىلىسىى، ورتالىقتىڭ قالا قىزمەتى ءماجىلىسىى رۋحىنىڭ دايەكتى تياناقتانۋى جونىنەن جەتەكشىلىك ىستەدى ءارى قالىڭ كادرلار جۇرتشىلىعىنا ورتالىقتىڭ شاعان مەرەكەسىندىك تىلەۋى مەن قامقورلىعىن جەتكىزدى.
اقپاننىڭ 1 – كۇنى تۇستەن كەيىن شي جينپيڭ بەيجيڭنەن ۇشاققا ءمىنىپ جياڭشي ولكەسىنىڭ جي – ان قالاسىنا كەلدى، ودان كەيىن ارناۋلى كولىكپەن جيڭگاڭشانعا ات باسىن تىرەدى. ول جول بويى جياڭشي ولكەسىنىڭ قاتىستى قىزمەتتەرىنەن بەرىلگەن دوكلادتاردى تىڭدادى، بايىرعى توڭكەرىستىك رايوننىڭ دامۋ جاعدايىن سۇراپ ۇعىسىپ، جاپپاي دوڭگەلەك داۋلەتتى قوعام قۇرۋدا حالىق رەسپۋبليكاسىنىڭ ومىرگە كەلۋىنە ەسەلى ۇلەستەردى قوسقان بايىرعى توڭكەرىستىك رايونداردى ءتىپتى دە جاقسى دامىتۋدى باسا دارىپتەدى.
اقپاننىڭ 2 – كۇنى تۇستەن بۇرىن شي جينپيڭ جيڭگاڭشانداعى توڭكەرىستىك قۇربانداردىڭ قابىرىنا باردى. ەسكەرتكىش سارايىنىڭ ازا ءبىلدىرۋ زالىندا، توڭكەرىستىك قۇرباندارعا گۇل شەڭبەر قويدى ءارى ءۇش رەت ءيىلىپ تاعزىم جاسادى. كورمە بولمەسى مەن شەيتتەر زالىندا شي جينپيڭ ەل قۇرۋشى ارداگەرلەر مەن توڭكەرىستىك قۇربانداردىڭ سۋرەتىن كورىپ تۇرىپ، تەرەڭ تەبىرەنىسپەن بىلاي دەدى: «جياڭگاڭشان توڭكەرىستىڭ، كۇرەستىڭ وشاعى ءارى باتىرلىقتىڭ، داڭق – مارتەبەنىڭ مەكەنى، ءار رەت كەلىپ جانىن قيعان توڭكەرىستىك قۇربانداردى ەسكە العاندا، كوڭىل كۇيىم تولقيدى. وتكەن كۇندەردەگى قاندى بالاق سوعىس كەزدەرىن ەسكە الساق، ءبىزدىڭ توڭكەرىستىك قۇرباندارعا دەگەن قۇرمەتىمىز ەسەلەپ ارتادى، ءبىز ولاردى ماڭگى جادىمىزدا ساقتاۋىمىز، جۇرەك تۇكپىرلەرىنەن ورىن بەرۋىمىز، ولاردىڭ اسىل داستۇرلەرىنە مۇراگەرلىك ەتۋىمىز كەرەك».
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
