- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس قالا جوباسىن كۇشەيتۋ تۋرالى «پىكىردى» باسىپ تاراتتى
جايلى قالالاردى سالايىق (ساياساتقا تالداۋ جاساۋ)
2016.02.23 13:30 كەلۋ قاينارى : حالىق تورابى
ج ك پ ورتالىق كوميتەتى مەن مەملەكەتتىك كەڭەس «قالا جوباسى مەن قۇرىلىسىن باسقارۋ قىزمەتىن اناعۇرلىم كۇشەيتۋ جونىندەگى پىكىردى» (تومەندە قىسقاشا «پىكىر» دەلىنەدى) جاريالاپ، قالا جوباسى قىزمەتىن كۇشەيۋ، قالانىڭ وزگەشە بەت – بەينەسىن سومداۋ، قالانىڭ قۇرىلىس ورەسىن جوعارىلاتۋ، ەنەرگيا ۇنەمدەيتىن قالا قۇرىلىسىن ىلگەرىلەتۋ، قالانىڭ الەۋمەتتىك قىزمەت وتەۋىن كەمەلدەندىرۋ، قالانىڭ جايلى ورتاسىن جاراتۋ، قالانى رەتتەۋ تاسىلىندە جاڭالىق جاراتۋ قاتارلى ماڭىزدى شارالاردى ورتاعا قويدى.
جۇڭگو قالا جوباسىن زەرتتەۋ مەكەمەسى باستىعىنىڭ ورىنباسارى ياڭ باۋجۇن: «پىكىردە» ەلىمىز قالالارىنىڭ كوز الداعى دامۋ جاعدايىنىڭ تامىرى ءداپ باسىلىپ، جۇڭگوشا ەرەكشەلىككە يە قالانى دامىتۋ جولىنىڭ جارقىن باعدارى كورسەتىلگەن، - دەيدى.
ەلىمىز قالا جوباسى مەن قۇرىلىسىن باسقارۋ قىزمەتىندە كورنەكتى ناتيجەلەرگە قول جەتكىزدى، الايدا، ماسەلەلەر دە ورىن تەۋىپ وتىر. مىسالى: قالا جوباسىنىڭ بولجامدىلىعى، قاتاڭدىعى، ماجبۇرلىلىگى، جاريالىلىعى جەتەرسىز بولۋ؛ قالا قۇرىلىسىندا ۇنەمشىلدىك پەن شوعىرلىلىق دەرلىكتەي بولماۋ؛ قاتىناس كەپتەلىسكە جيى ۇشىراۋ، الەۋمەتتىك بۇيىمدارمەن قامداۋ جانە قىزمەت وتەۋ جەتەرسىز بولۋ، ورتانىڭ لاستانۋى قاتارلى «قالا كىناراتى» ەتەك الۋدا جانە اۋىرلاسا تۇسۋدە.
ياڭ باۋجۇن: بۇرىنعى قالانى دامىتۋ فورماسىن ەندىگارى جالعاستىرۋعا بولمايدى، قالانى دامىتۋ تاسىلىندە بۇرىلىس جاسايتىن كەزەڭگە جەتتىك، - دەپ قارايدى، «پىكىردىڭ» ورتاعا قويىلۋىنىڭ ماڭىزدى زور، «پىكىر» كوز الداعى قالانى عىلمي دامىتۋعا تۇساۋ بولىپ وتىرعان قايشىلىقتار مەن نەگىزگى ماسەلەلەردى شەشۋگە كومەگىن تيگىزىپ، جەر – جەردە جاراسىمدى دا جايلى، ومىرشەڭدىك قۋاتقا باي، ەرەكشەلىككە يە وسىزاماندانعان قالالاردى قۇرىپ، حالىقتىڭ تۇرمىسىن اناعۇرلىم تاماشا دەڭگەيگە كوتەرۋگە جەتەلەيدى.
قالاداعى «تار جول، تىعىز جول تورابى»
«پىكىردە» قالا جوباسى تۋرالى ءبىرتالاي جاڭا كوزقاراستار مەن جاڭا وي جەلىسى ورتاعا قويىلعان، كەلەسى كەزەڭدە قالانى دامىتۋ تالابىنا وتە ۇيلەسەدى. مىسالى، «پىكىردە» قالا جولىن ورنالاستىرۋ جاعىندا «تار جول، تىعىز جول تورابى» سىندى وي جەلىسىن ورناتىپ، قاتىناس تورابىن قۇرۋدا جالقى باعىتتاعى جول تاسىلىنەن ۇتىمدى پايدالانۋ ورتاعا قويىلعان. ياڭ باۋجۇن: جولداردى كەڭ سالۋعا ادەتتەنىپ قالعانبىز، تار جول سالۋ يدەياسىنىڭ ورتاعا قويىلۋى جاڭالىق بولدى، - دەيدى. تار جولدىڭ ەكى ارتىقشىلىعى بار: ءبىرى، قالادا بۇرىن سالىنعان قۇرىلىستاردى ءبۇلدىرۋدى ازايتىپ، قالانىڭ ەرەكشەلىگى مەن كەلبەتىن ساقتاۋعا بارىنشا ءتيىمدى؛ ەكىنشى، جول تار بولسا قالاداعى جولداردىڭ ارالىعى جاقىن بولادى دا ءجۇرىس – تۇرىسقا قولايلى بولادى، سونىمەن بىرگە، تۇرعىندار رايونى كوشەمەن قاناتتاس جاتاتىندىقتان، بازار ارالايتىن ورىن كوپ بولىپ، قالاعا ومىرشەڭدىك كۇش باعىشتايدى.
تاعى ءبىر مىسال كەلتىرسەك، «پىكىردە» جاڭا سالىنعان تۇرعىندار رايونىندا كوشە مەن الەۋمەتتىك ءوڭىر تۇتاستىرىلىپ، پرينسيپتىك جاقتان جابىق تۇرعىندار رايونى سالىنبايتىنى ايتىلعان. بۇرىن سالىنعان تۇرعىندار رايونى مەن مەكەمە اۋلالارى بىرتىندەپ اشىلىپ، اۋلالارداعى تاس جولداردى الەۋمەتتىك جولعا اينالدىرۋ ىسكە اسىرىلادى. ياڭ باۋجۇن: بۇرىن جابىق رايونداردى قۇرۋعا بەيىم بولىپ، وسىلاي بولسا ءتىپتى دە حاۋىپسىز بولادى دەپ قارايتىنبىز. الايدا، جابىق رايوندار مەن اۋلالار قالا جولدارىنداعى نازىك اينالىستاردى ءۇزىپ، جەردى ۇنەمدى پايدالانۋعا ءتيىمسىز بولادى. حاۋىپسىزدىك ماسەلەسىن تىڭعىلىقتى باسقارۋ ارقىلى شەشىم ەتۋگە بولادى، الەۋمەتتىك وڭىرلەردى اشىق ۇستاۋدا الدىمەن وڭايىنان باستاپ، سوڭىنان قيىنىنا قول سالاتىن بولامىز، الدىمەن جاڭا سالىنعان تۇرعىندار رايونىندا اباجاداي اۋلا سالىنبايتىن بولادى. بىرتىندەپ بۇرىن سالىنىپ بولعان رايونداردىڭ اۋلالارىندا جاياۋلاردىڭ كەسىپ وتۋىنە، ونان سوڭ موتورسىز كولىكتەردىڭ كەسىپ وتۋىنە جاعداي جاسالىپ، ەڭ سوڭىندا اۋلا قورعانى بۇكىلدەي شاعىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
