ساياسي كەڭەس مەملەكەتتىك 12 – كەزەكتى كوميتەتىنىڭ 4 – ماجىلىسىندە يۇي جىڭشىڭ جاساعان ساياسي كەڭەس تۇراقتى كوميتەتىنىڭ قىزمەت بايانداماسى (ءۇزىندى)

2016.03.04 16:54   كەلۋ قاينارى : حالىق تورابى

　　مەملەكەتتىك ساياسي كەڭەستىڭ ءتوراعاسى يۇي جىڭشىڭ 3 – ناۋرىزدا ساياسي كەڭەس مەملەكەتتىك 12 – كەزەكتى كوميتەتى 4 – ءماجىلىسىنىڭ اشىلۋ سالتىندا ماجىلىسكە قىزمەتتەن بايانداما جاساعاندا بىلاي دەدى: 2016 – جىلى حالىق ساياسي كەڭەسى زەيىن – زەردە، كۇش – قۋاتتى شوعىرلاندىرۋ قىزمەتىن جاقسى ىستەۋى كەرەك.

　　يۇي جىڭشىڭ بىلاي دەدى: پارتيانىڭ ۇلت ساياساتى مەن ءدىن ساياساتىن جاپپاي دايەكتىلەندىرىپ، قالا – قالاشىقتاندىرۋ بارىسىندا از ۇلت جىلجىمالى حالىق سانىنا قىزمەت وتەۋ جانە ونى باسقارۋ، ءدىن سالاسىندا ورتا جاستاعى ۋاكىلدەر مەن جاس ۋاكىلدەردى جەتىلدىرۋ سياقتى ماسەلەلەردى توڭىرەكتەي وتىرىپ تەكسەرىپ – زەرتتەۋ جۇرگىزىپ، ۇكىمەت ىسىنە كەڭەس بەرىپ، از ۇلتتاردىڭ، ءدىن سالاسىنداعىلاردىڭ ۋاكىلدەرىنىڭ رولىن ساۋلەلەندىرىپ، ۇلتتار ىنتىماعىن، ءدىننىڭ جاراسىمدىلىعىن جەبەۋ كەرەك. «ءبىر ەلدە ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي دۇرىس تياناقتاندىرىپ، نەگىزگى زاڭ مەن ءتۇبىرلى زاڭدى قاتاڭ نەگىز ەتە وتىرىپ ىستەپ، ەرەكشە اكىمشىلىك رايون اكىمى مەن ۇكىمەتىنىڭ زاڭ بويىنشا بيلىك جۇرگىزۋىن قولداپ، شياڭگاڭ، اۋمىن رايوندارىنداعى ساياسي كەڭەس مۇشەلەرىنىڭ ەكى جاقتى بەلسەندى رولدارىن ساۋلەلەندىرۋىنە شابىت بەرىپ، ىشكى ولكەلەر مەن شياڭگاڭ، اۋمىننىڭ سەلبەستىك جاساپ دامۋىن جەبەۋگە اقىل قوسىپ، دەم بەرىپ، شياڭگاڭنىڭ، اۋمىننىڭ جاستار – ورەندەر قىزمەتىنە كەڭ كولەمدە ىشكەرىلەي قاتىناسۋ كەرەك. «92 – جىلعى ورتاق تانىمدا تاباندى بولۋ، «تايۋان تاۋەلسىزدىگىنە» قارسى تۇرۋ ساياسي نەگىزىندە ەكى جاعالاۋدىڭ قاتىناسىنىڭ بەيبىت دامۋىن ءۇرتىس جەبەۋ، تايۋانداعى قاتىستى قوعامدىق ۇيىمدارمەن، توپتارمەن بايلانىستى، بارىس – كەلىستى ءۇرتىس دامىتۋ، ەكى جاعالاۋدىڭ ەكونوميكا، ساۋدا، مادەنيەت اۋىس – كۇيىس، سەلبەستىگىن جەبەۋ، تايۋان جاستارىنا باعىتتالعان ءتۇسىندىرۋ سيپاتىنداعى اۋىس – كۇيىس قيمىلدارىن ورىستەتۋ، ۇلى قۇرلىقتا وقيتىن تايۋان وقۋشىلارىنىڭ كاسىپتەنۋ جاعدايىنا قاراتا تەكسەرىپ – زەرتتەۋ قيمىلىن ورىستەتۋ كەرەك. شەتەلدەردەگى مۇھاجىرلارمەن جانە وتانعا ورالعان مۇھاجىرلارمەن ىنتىماق، دوستىقتى كۇشەيتۋ، شەتەلدەردەگى جۇڭگو تەكتىلەردىڭ جاڭا ۇرپاقتارىنىڭ تاربيەلەنۋىنە، ءبىلىم الۋىنا قامقورلىق جاساۋ، وتانعا ورالعان مۇھاجىرلاردىڭ ۇقىق – مۇددەسىن قورعاۋ قىزمەتىن جاقسى ىستەۋ كەرەك. سۇن جۇڭشان مىرزا دۇنيەگە كەلگەنىنىڭ 150 جىلدىعىن اتاپ ءوتۋ قيمىلىن وتكىزىپ، سۇن جۇڭشان مىرزانىڭ وتانشىلدىق يدەياسىن، توڭكەرىستىك جىگەرىن جانە العا باسۋ رۋحىن ۇيرەنۋ، جالعاستىرۋ جانە ساۋلەلەندىرۋ، ەل ءىشى – سىرتىنداعى جۇڭحۋا ۇلاندارىن «جۇڭگو ارمانىن» ءبىر نيەتپەن جۇزەگە اسىرۋعا بارىنشا ىنتىماقتاستىرۋ كەرەك. مەملەكەتتىڭ ديپلوماتيا قىزمەتى جالپىلىق ورنالاستىرۋى بويىنشا جوعارى جىكتەگىلەردىڭ ءوزارا ساپاردا بولۋىن، الەۋمەتتىك ديپلوماتيانى جانە گۋمانيتارلىق اۋىس – كۇيىستى بەلسەنە ورىستەتىپ، جۇڭگو ەكونوميكالىق – قوعامدىق القالار كەڭەسى، جۇڭگو ءدىن سالاسى بەيبىتشىلىك كوميتەتى سياقتى تەكشەلەردىڭ رولىن ساۋلەلەندىرىپ، تاماشا حالىقارالىق ورتا جاراتۋعا قۇلشىنا ۇلەس قوسۋ كەرەك.

　　كەلۋ قاينارى: حالىق تورابى