- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي مەملەكەتتىك حالىق قۇرىلتايىنىڭ ماجىلىسىنە كەلگەن ءىشىنارا ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى
2016.03.08 14:06 كەلۋ قاينارى : حالىق تورابى
شينحۋا اگەنتتىگى، 7 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي 7 – ناۋرىز تۇستەن بۇرىن مەملەكەتتىك 12 – كەزەكتى حالىق قۇرىلتايىنىڭ 4 – ماجىلىسىنە كەلگەن ءىشىنارا ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى.
شي جينپيڭ حەيلۇڭجياڭ ولكەسىنىڭ وتكەن 5 جىلداعى قىزمەتىن تۇراقتاندىرعاننان كەيىن دارىپتەپ مىنانى اتاپ كورسەتتى: ارتىقشىلىقتى ساۋلەلەندىرىپ، جەتەرسىزدىكتى تولىقتاپ، ەكونوميكالىق قۇرىلىس سىندى وزەككە كۇشتى شوعىرلاندىرىپ، دامۋدا مىعىم بىرىككەن كۇش قالىپتاستىرىپ، جاپپاي گۇلدەندىرۋ جاڭا جولىمەن قايراتتانا ءجۇرۋ كەرەك. شي جينپيڭ مىنانى اتاپ كورسەتتى: شىعىس سولتۇستىك سياقتى بايىرعى ونەركاسىپ بازالارىن كوركەيتۋ ــ مەملەكەتتىڭ كەلەلى ستراتەگياسى، ءىستىڭ ءتۇيىنىن، قيىن ءتۇيىنىن يگەرۋگە شەبەر بولىپ، جاڭاشىل، سايكەستى، جاسىل، اشىق، ورتاق يگىلىكتەنىپ دامۋ تانىمىن جاپپاي تياناقتاندىرىپ، تىڭ دامۋ يدەياسىمەن قىزمەتتى تارازىلاپ، ارەكەتكە جەتەكشىلىك ەتىپ، كادرلاردى شىنىقتىرىپ، تىڭ دامۋ يدەياسىن تياناقتاندىرۋ بارىسىندا وي قاراستىرىپ، كورىنەۋ تۇيىندەردى سومداپ، باسىمدىقتى كەڭەيتۋ؛ رەفورمانى جاپپاي تەرەڭدەتىپ، ءارقايسى جاقتىڭ ومىرشەڭدىك كۇشتى قوزداتۋىنا تۇساۋ بولاتىن تۇزىلىستىك، مەحانيزمدىك كەدەرگىلەردى تالقانداۋ؛ قاقپانى شار تاراپقا ايقارا اشۋدى بەلسەنە ىلگەرىلەتۋ؛ حالىق تۇرمىسىن قامتاماسىزداندىرۋ جانە جاقسارتۋ؛ ەكولوگيالىق وركەنيەت قۇرىلىسىن كۇشەيتىپ، باياندى دامۋعا بەلگىلى مۇمكىندىك قالدىرىپ، ۇرپاقتارعا اسپانى اشىق، ورتاسى جاسىل، سۋى تۇنىق كوركەم مەكەندى اماناتتاۋ كەرەك. زاڭمەن جونگە سالۋ قۇرىلىسىن ىشكەرىلەي ىلگەرىلەتىپ، جاپپاي كوركەيەتىن تاماشا ورتانى كۇش سالا ازىرلەۋ كەرەك. زاڭمەن جونگە سالۋ ــ ءبىر ءتۇرلى نەگىزدىك ويلاۋ ءتاسىلى جانە قىزمەت ءتاسىلى، زاڭمەن جونگە سالىناتىن ورتا ادام كۇشىن، بايلىقتى اناعۇرلىم ۇيىستىرا الادى، سونداي – اق ول دامۋعا ەڭ ءتيىمدى. باسشى كادرلاردىڭ زاڭمەن جونگە سالۋ ويىنان جانە زاڭمەن جونگە سالۋ تاسىلىنەن پايدالانىپ قىزمەت ورىستەتۋ، ماسەلەنى شەشۋ، دامۋدى ىلگەرىلەتۋ قابىلەتىن جوعارىلاتىپ، سوتسياليستىك زاڭمەن جونگە سالۋ مادەنيەتىن بەلسەنە سومداپ، قالىڭ حالىق بۇقاراسىن سانالىلىقپەن زاڭعا بويسۇنۋعا، ىسكە كەز بولعاندا زاڭعا جۇگىنۋگە، ماسەلەنى شەشكەندە زاڭعا سۇيەنۋگە جەتەلەپ، نەگىزگى ساتىنىڭ زاڭمەن جونگە سالۋ ءىسىن تەرەڭدەتىپ، زاڭمەن جونگە سالۋ قۇرىلىسىن نەگىزگى ساتىنىڭ بەرىك نەگىزدىك قىزمەتى نەگىزىندە ورناتىپ، زاڭ بويىنشا ءىس ءبىتىرۋدى داعدىعا اينالدىرۋ كەرەك. قالىڭ كادرلاردىڭ بەلسەندىلىگىن تولىق جۇمىلدىرىپ، قىزمەت تەبىنىن تىنباي جوعارىلاتۋ كەرەك. كادرلار جونىنەن ءىس تىندىرۋ بارىنەن ماڭىزدى، ءارى قالاپ ىستەۋ، پەيىلدى ىستەۋ، بەلسەنە ىستەۋ، ءارى ءونىمدى ىستەۋ، ىعىمەن ىستەۋ، شەبەرلىكپەن ىستەۋ كەرەك، مۇندا بەلسەندىلىك ماڭداي الدى ورىندا تۇرادى. پارتيا ۇيىمى كادرلاردى قاتاڭ باسقارۋمەن بىرگە، ىقىلاسپەن كوڭىل ءبولۋى كەرەك. ستيلى دۇرىس، قايسار، تالاپتى كادرلاردى قورعاۋ، ىستەگىسى كەلەتىن، ءىس تىندىرا الاتىن، جاۋاپكەرشىلىكتى ارقالاي بىلەتىن، ءىس تىندىرۋعا شەبەر تاڭداۋلى كادرلاردى ءار دارەجەلى باسشىلىق القا قۇرامىنا ەنگىزۋ كەرەك.
لي كىچياڭ فۋجيان ۋاكىلدەر ۇيىرمەسىنىڭ باياندامانى قاراۋىنا قاتىناستى. ول بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتىنىڭ باسشىلىعىندا بىلتىر فۋجيان بۇكىل ەلمەن بىرگە قۇلشىنىپ، پارتيا ورتالىق كوميتەتى مەن مەملەكەتتىك كەڭەستىڭ ءتۇرلى شەشىمدەرىن، ورنالاستىرۋلارىن مۇقيات دايەكتىلەندىردى، ەكونوميكالىق، قوعامدىق دامۋى ويداعىداي بولىپ، ايتارلىقتاي ناتيجەگە قول جەتكىزدى. بيىلعى دامۋ مىندەتى كۇردەلى ءارى جاپالى، بىرىنشىدەن، قۇرىلىستى كورنەكتىلەندىرىپ، تەڭىز جاعالاۋى وڭىرلەرىنىڭ دامۋىنداعى تىڭ ستراتەگيالىق تۇيىندەردى سومداۋ كەرەك. ورايدى يگەرىپ، ورايدى جاراتىپ، ەكونوميكانىڭ ورنىقتى اينالىسىن ساقتاپ، حالىقتىق ەكونوميكانىڭ رولىن ءتىپتى دە ويداعىداي ساۋلەلەندىرىپ، جاسىل ەكونوميكانى، تەڭىز شارۋاشىلىعىن الۋەتتەندىرۋ، توڭكەرىستىك بايىرعى رايونداردىڭ نەگىزدىك قۇرىلعى قۇرىلىسىن كۇشەيتۋ، عىلمي دامۋدى جەبەۋ كەرەك. ەكىنشىدەن، قيىننان جول تاۋىپ، جاڭا، كونە قوزعاۋشى كۇشتەردىڭ ىركىلىسسىز اۋىسۋىن جەدەلدەتۋ كەرەك. زات توعىستىرۋ تورابى، اۋقىمدى ساندى مالىمەت سياقتى قولدانىلمالى تەحنيكانىڭ جالپىلاسۋىن ىلگەرىلەىتپ، زەيىندىك جاساۋ، وسى زامانعى قىزمەت وتەۋ، اۋىل شارۋاشىلىعىندا الۋان فورمادا ۇيلەسىمدى كولەمدە تيجارات جۇرگىزۋ، ت. ب. ارقىلى جاڭا ەكونوميكانى جەتىلدىرىپ، جاڭا قوزعاۋشى كۇش ارقىلى ءداستۇرلى قوزعاۋشى كۇشتىڭ دارەجەسىن جوعارىلاتۋعا جەبەۋشىلىك ەتۋ كەرەك. ۇشىنشىدەن، الدىمەن اتقارىپ، الدىمەن سىناپ، رەفورما جۇرگىزۋ، قاقپا اشۋ مەن بۇعازدىڭ ەكى جاعالاۋىنىڭ قاتىناسىنىڭ بەيبىت دامۋىن ىلگەرىلەتۋ بارىسىندا تاجىريبەلەردى جيناقتاۋ كەرەك. فۋجياننىڭ ءىس جۇزىندىكتى تياناق ەتىپ، قاجىرلىلىقپەن تىڭعىلىقتى ىستەپ، حالىقتى اناعۇرلىم كوپ يگىلىككە كەنەلتۋىن ءۇمىت ەتەمىن.
جاڭ دىجياڭ انحۇي ۋاكىلدەر ۇيىرمەسىنىڭ باياندامانى قاراۋىنا قاتىناستى. ول بىلاي دەدى: جاڭاشىل، سايكەستى، جاسىل، اشىق، ورتاق يگىلىكتەنىپ دامۋ تانىمى ــ شي جينپيڭ جولداس باس شۋجي بولعان پارتيا ورتالىق كوميتەتىنىڭ دامۋ جونىندەگى ەلەۋلى نازاريالىق جاسامپازدىعى، جالپى جاعدايعا جارايتىن، ءتۇبىرلى، ۇزاق بولاشاقتىق كەلەلى امالياتتىق باعدارلاماسى. «13 – بەس جىلدىق» كەزىندەگى، ءتىپتى ونان دا ۇزاق مەزگىلدەگى دامۋدى ىلگەرىلەتۋدە ەكونوميكالىق دامۋدىڭ جاڭا كۇيىن ءداپ باسىپ يگەرىپ، جاڭا دامۋ تانىمىمەن يدەيانى بىرلىككە كەلتىرىپ، امالياتقا جەتەكشىلىك ەتتىرۋ، جاڭا دامۋ تانىمىمەن دامۋعا جەتەكشىلىك ەتتىرۋ، قيىن تۇيىندەردەن قامال الۋ، اناعۇرلىم ساپالى، ءونىمدى، ءادىل، باياندى دامۋدى جۇزەگە اسىرۋ كەرەك. جاڭا دامۋ تانىمىن دايەكتى تياناقتاندىرىپ، «ەكىدەن ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسىمەن تىعىز ۇشتاستىرىپ، جاڭا دامۋ تانىمىن دايەكتىلەندىرۋ قۋاتى مەن دەڭگەيىن كۇشەيتۋ كەرەك. دامۋ ساپاسى مەن ونىمدىلىگىن جوعارىلاتۋدى وزەك، قامداۋ تۇرىندەگى قۇرىلىمدى رەفورمانى نەگىزگى جەلى ەتىپ، جاڭالىق جاراتۋ قۋاتىن كۇشەيتىپ، سايكەستى دامۋدى ءبىر تۇتاس ورنالاستىرىپ، جاراسىمدىلىقتى، ورتاق تىرشىلىك ەتۋدى جەبەپ، سىرتقا قاقپا اشۋدا تاباندى بولىپ، جالپى حالىقتى دامۋ تابىسىنان اناعۇرلىم كوپ، اناعۇرلىم ءادىل يگىلىكتەندىرۋ كەرەك.
يۇي جىڭشىڭ تايۋان ۋاكىلدەر ۇيىرمەسىنىڭ باياندامانى قاراۋىنا قاتىناستى. يۇي جىڭشىڭ بىلاي دەپ اتاپ كورسەتتى: 5 – ناۋرىزدا باس شۋجي شي جينپيڭ ەكى جاعالاۋ قاتىناسى جونىندە ماڭىزدى ءسوز سويلەدى، ءبىز بۇل ءسوزدى مۇقيات ۇيرەنۋىمىز، ءتۇسىنۋىمىز، شىنايى دايەكتىلەندىرىپ اتقارۋىمىز كەرەك. يۇي جىڭشىڭ مىنالاردى دارىپتەدى: وتكەن 8 جىلدان، اسىرەسە، پارتيانىڭ 18 – قۇرىلتايىنان كەيىن ەكى جاعالاۋ قاتىناسىنىڭ بەيبىت دامۋى مول تابىسقا قول جەتكىزىپ، ەكى جاعالاۋداعى باۋىرلاستاردىڭ جاپپاي قۇپتاۋى مەن قولداۋىنا يە بولدى، وڭاي – وسپاق قولعا كەلمەگەن بۇل اۋقىم ايرىقشا قاستەرلەۋگە تاتيدى. جىل باسىنان بەرى تايۋاننىڭ ساياسي جۇيەسىندە ۇلكەن وزگەرىستەر تۋىلدى، ءبىراق ەكى جاعالاۋ قاتىناسى دامۋىنىڭ نەگىزگى جۇلگەسى مەن بەتالىسى وزگەرگەن جوق، ءبىز ەكى جاعالاۋ قاتىناسى دامۋىنىڭ بولاشاعىنا تولىق سەنىممەن قاراۋىمىز كەرەك. ورتالىقتىڭ تايۋان جونىندەگى باعىت – ساياساتىن مۇقيات دايەكتىلەندىرىپ، «92 – جىلعى ورتاق تانىمدا» تاباندى بولىپ، ءارقانداي فورماداعى «تايۋان تاۋەلسىزدىگى» بولشەكتەۋشىلىك قيمىلىنا باتىل قارسى تۇرۋىمىز جانە ونى شاۋجايلاۋىمىز، ءبىر جۇڭگونى قۇپتايتىن تايۋانداعى بارلىق پارتيامەن جانە توپتارمەن قارىم – قاتىناستى، اۋىس – كۇيىستى كۇشەيتىپ، ەكى جاعالاۋدىڭ ءتۇرلى سالاداعى اۋىس – كۇيىسىن، سەلبەستىگىن ءۇرتىس ىلگەرىلەتۋىمىز، ەكى جاعالاۋداعى باۋىرلاستاردى جاپپاي ىنتىماقتاستىرىپ، ەكى جاعالاۋ قاتىناسىنىڭ بەيبىت دامۋى مەن تايۋان بۇعازىنىڭ بەيبىتشىلىگىن، ورنىقتىلىعىن قۇلشىنا قورعاپ، جۇڭحۋا ۇلتتارىنىڭ ۇلى گۇلدەنۋىن ىسكە اسىرۋ ءۇشىن بىرگە كۇرەس جۇرگىزۋىمىز كەرەك.
ليۋ يۇنشان سىچۋان ۋاكىلدەر ۇيىرمەسىنىڭ باياندامانى قاراۋىنا قاتىناستى. ليۋ يۇنشان ۋاكىلدەردىڭ ءسوزىن تىڭداعان سوڭ بىلاي دەدى: «13 – بەس جىلدىقتىڭ» ەكونوميكانى، قوعامدى دامىتۋ نىسانالارىن ورىنداۋدىڭ كىلتى ەكونوميكالىق دامۋدىڭ جاڭا كۇيىندە «قالاي قاراۋ»، «قالاي ىستەۋ» ماسەلەسىن شەشۋدە. ەلىمىز ەكونوميكاسى دامۋىنىڭ جالپىلىق استارىن، جالپىلىق لوگيكانى ايقىن يگەرىپ، مەملەكەت جاعدايىنىڭ، دۇنيە ءجۇزى جاعدايىنىڭ «وزگەرۋى» مەن «وزگەرمەۋىن» يگەرىپ، ەكونوميكالىق دامۋدىڭ جاڭا كۇيىنىڭ وبيەكتيۆ قاجەتىن جىعا تانۋىمىز، جاعدايعا قاراي ارەكەت جاساپ، اۋقىمعا قاراي ىستەۋىمىز كەرەك. جاڭا دامۋ تانىمىنىڭ جەتەكشىلىگىندە زاڭدىلىق بويىنشا عىلميلىقپەن جۇمىس ىستەپ، قىزمەتتىڭ ورنىقتىلىق بارىسىندا ىلگەرىلەۋى سىندى نەگىزگى اۋەننەن جازباي، جاڭا دامۋ تانىمىن ساياسات بەلگىلەۋدە، قىزمەت ورنالاستىرۋدا، مىندەتتى تياناقتاندىرۋدا ايگىلەۋىمىز كەرەك. ماسەلەنى نىشان ەتۋ مەن ولقىلىق تانىمىن كۇشەيتە وتىرىپ، شەشۋشى ءتۇيىندى مىقتى ۇستاي وتىرىپ قىزمەت ىستەپ، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، جالپىلىق سۇرانىستى لايىقتى كەڭەيتۋمەن بىرگە، قامداۋ قۇرىلىمىنىڭ سۇرانىس وزگەرىسىنە سايكەسىمدىلىگى مەن يكەمدىلىگىن كۇشەيتۋ كەرەك. جاۋاپكەرشىلىك ارقالاۋعا باتىل بولىپ، قىزمەتتى قايراتتانا ىستەپ، ۇيرەنۋدى امالياتتان وتكىزۋدى كۇشەيتىپ، ستيلدى تىنباي جاقسارتىپ، جۇكتەلگەن قىزمەت مىندەتىن جاسامپازدىقپەن ادا ەتۋ كەرەك. ليۋ يۇنشان سىچۋان ولكەسىنىڭ قىزمەتىن تۇراقتاندىردى، تاماشا دامۋ كۇيىن جالعاستىرىپ، تىنباي ىلگەرىلەۋىن ءۇمىت ەتتى.
ۋاڭ چيشان حىبەي ۋاكىلدەر ۇيىرمەسىنىڭ باياندامانى قاراۋىنا قاتىناستى. ول مىنالاردى اتاپ كورسەتتى: جۇڭحۋا ۇلتتارىنىڭ ۇلى گۇلدەنۋىن ىسكە اسىرۋدىڭ كىلتى پارتيانىڭ باسشىلىعىن كۇشەيتۋدە. بيلىك باسىنداعى پارتيا ساياسيدى دارىپتەۋى كەرەك. جالپى جاعدايدىڭ ءوزى ــ ساياسي، پارتيا ۋستاۆىنا قاشان دا بويسۇنىپ، ساياسيدى، جالپى جاعدايدى، وزەكتى، ساپ تۇزەۋدى دارىپتەۋ كەرەك. پارتيامىز شارۋاشىلىق قۇرىلىسىن وزەك ەتىپ، دامۋدى ماڭداي الدى مىندەت ەتۋدەن جازباي، حالىقتىڭ كۇن سايىن ارتقان زاتتىق، مادەني قاجەتىن ۇزدىكسىز قاناعاتتاندىرىپ كەلەدى، مۇندا ايگىلەنگەنى ــ پارتيامىزدىڭ باستى ماقساتى، ەڭ ۇلكەن ساياسي دەگەنىمىز وسى. ساياسيدان قول ۇزەتىن ەكونوميكا، ەكونوميكادان قول ۇزەتىن ساياسي بولمايدى. پارتيانىڭ بيلىك جۇرگىزۋدەگى سايايس نەگىزىن بەكەمدەپ، حالىقتىڭ قۋانۋى مەن قايعىرۋىن، رازى بولۋى مەن نارازىلىعىن، قۇپتاۋ – قۇپتاماۋىن قىزمەت تەكسەرۋدىڭ ولشەمى ەتىپ، ورتالىقتىڭ رۋحىن جەرگىلىكتى ءوڭىردىڭ، سول تاراۋدىڭ ناقتى جاعدايىمەن بىرلەستىرىپ، شەشۋشى ازشىلىقتىڭ رولىن كورنەكتىلەندىرىپ، كوكىرەك تولى سەنىممەن ەڭ كوپ حالىق بۇقاراسىنىڭ ءتۇبىرلى مۇددەسىن جاقسى قورعاپ، «بەستى ءبىر تۇلعالاندىرۋ» قۇرىلىسى مەن پارتيا قۇرىلىسىنىڭ جاۋاپكەرشىلىگىن ساتى – ساتى بويىنشا جەتكىزىپ، ناقتاپ تياناقتاندىرۋ كەرەك.
جاڭ گاۋلي گۋاڭشي ۋاكىلدەر ۇيىرمەسىنىڭ باياندامانى قاراۋىنا قاتىناستى. ول بىلاي دەدى: وتكەن ءبىر جىلدا گۋاڭشيدىڭ رەفورما جۇرگىزۋ، دامۋ ىستەرىندە جاڭا تابىس قولعا كەلدى، مەن گۋاڭشيدىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا بەس ءىرى دامۋ تانىمىمەن گۋاڭشيدىڭ جاڭالىق اشا دامۋىنا جەتەكشىلىك ەتۋدەن جازباي، بەيبوۋۋان ەكونوميكالىق رايونى مەن جۋجياڭ – جياڭشي ەكونوميكالىق بەلدەۋىنىڭ قاقپا اشۋى مەن دامۋىن تەزدەتىپ، شىعىس وڭتۇستىك ازيا ەلدەرى وداعىنا تۇتاساتىن حالىقارالىق ءىرى ارنا قۇرىپ، باتىس وڭتۇستىك، وڭتۇستىك وڭىرلەردىڭ قاقپا اشۋىنىڭ، دامۋىنىڭ جاڭا ستراتەگيالىق تياناعىن قۇرىپ، 21 – عاسىرداعى تەڭىز جىبەك جولى مەن جىبەك جولى ەكونوميكالىق بەلدەۋىن ۇتىمدى ۇشتاستىرۋدىڭ ماڭىزدى قاقپاسىن قالىپتاستىرۋىن ءۇمىت ەتەمىن. «قوس وزەكتى قوزعاۋشى كۇشتى»، «ءۇش ءوڭىردى ءبىر تۇتاس ورنالاستىرۋ» بىرلەسپە قيمىلىن كۇشەيتىپ، وڭىرلىك سايكەستى دامۋدى جەبەۋ؛ قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، جاڭالىق اشا دامۋ مەن كاسىپتىڭ دارەجەسىن بۇرىلىس جاساي وتىرىپ جوعارىلاتۋدى تەزدەتۋ؛ جاسىل دامۋدى ىلگەرىلەتىپ، ەكولوگيالىق ورتا ماركاسىنىڭ ابزالدىعىن بەكەمدەۋ جانە جوعارىلاتۋ؛ كەدەيلەردى دالمە – ءدال سۇيەمەلدەۋدە تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە ۇمىلتۋ؛ ۇلتتاردىڭ ىنتىماعىن، العاباسارلىعىن جەبەپ، شەكارا، ۇلتتىق وڭىرلەردە يگىلىكتەن بىرگە كەنەلەتىن دامۋ ۇلگىسىن ورناتىپ، گۋاڭشيدىڭ رەفورما جۇرگىزۋ، دامۋ ىستەرىنىڭ جاڭا جاعدايىن جاراتا بەرۋ كەرەك.
ليۋ ياندۇڭ، ليچ چيباۋ، ۋاڭ ياڭ، مىڭ جيانجۋ، جاۋ حۇڭجۋ قاتارلىلار باياندامانى قاراۋعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
