- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ازاتتىق ارميا ۋاكىلدەر ۇيىرمەسىنىڭ جالپى جيىنىنا قاتىناسقاندا جاڭالىق اشۋ ارقىلى دامۋعا دەم بەرۋ ستراتەگياسىن جاپپاي اتقارىپ، مەملەكەت قورعانىسى مەن ارميا قۇرىلىسىنىڭ قارىشتاپ دامۋىن جۇزگە اسىرۋدى باسا دارىپتەدى
2016.03.15 10:40 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 13 - ناۋرىزدا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - ناۋرىز تۇستەن كەيىن مەملەكەتتىك حالىق قۇرىلتايىنىڭ 4 - ماجىلىسىنە قاتىناسىپ جاتقان ازاتتىق ارميا ۋاكىلدەر ۇيىرمەسىنىڭ جالپى جيىنىنا قاتىناسقاندا مىنانى باسا دارىپتەدى: جاڭالىق اشۋدى ارميامىزدىڭ كوركەيۋ، دامۋ جالپى جاعدايىنداعى ماڭىزدى ورىنعا قويىپ، رەفورما جاساۋ، جاڭالىق اشۋ ارقىلى مەملەكەت قورعانىسى مەن ارميا قۇرىلىسىنىڭ قارىشتاپ دامۋىن جۇزەگە اسىرۋ − ارميامىزدىڭ بولاشاعى مەن تاعدىرىن بەلگىلەيتىن تەتىك. جاڭالىق اشۋ ارقىلى دامۋعا دەم بەرۋ ستراتەگياسىن، ءسوز جوق، جاپپاي اتقارىپ، جاۋىنگەرلىك كۇش ولشەمىنەن جازباي، نازاريادا جاڭالىق اشۋدى، عىلىم - تەحنيكادا جاڭالىق اشۋدى، عىلمي باسقارۋدى، دارىندىلاردى شوعىرلاندىرۋدى، اماليات بارىسىندا جاڭالىق اشۋدى بارىنشا مىقتى يگەرىپ، ءتۇيىندى تۇردە جاڭالىق اشۋ ارقىلى جاپپاي جاڭالىق اشۋعا جەتەكشىلىك ەتىپ جانە ونى جەبەپ، ارميانى قۇدىرەتتەندىرۋدە، ارميانى كوركەيتۋدە ۇزدىكسىز تىڭ جاعداي اشۋ كەرەك.
جيىندا ليۋ گوجى، جۋاڭ كىجۋ، لياڭ شياۋچيان، ياڭ بو، ۋاڭ شۋ، ۋاڭ نا، لياڭ شۇي، ليۋ شين قاتارلى ۋاكىلدەر جەكە - جەكە مەملەكەت قورعانىسى عىلىم - تەحنيكاسىندا جاڭالىق اشۋ، جاڭا سوعىستىق كۇشتەر قۇرىلىسى، نازاريامەن قارۋلاندىرۋدا جاڭالىق اشۋ، قۇرلىق ارمياسىنىڭ جاڭا سوعىستىق كۇشتەر قۇرىلىسى، دارىندىلاردى باۋلۋدا جاڭالىق اشۋ، ستراتەگيالىق ارنا قۇرىلىسى، ارميانى باسقارۋدا جاڭالىق اشۋ، ارميا مەن حالىق توعىسىپ ىشكەرىلەي دامۋ سياقتى ماسەلەلەر جونىندەگى پىكىرلەرى مەن ۇسىنىستارىن العا قويدى.
ۋاكىلدەردىڭ سوزىنەن كەيىن، شي جينپيڭ ماڭىزدى ءسوز سويلەدى. ول «12 - بەسجىلدىق» جوبا كەزىندە، اسىرەسە، پارتيا 18 - قۇرىلتايىنان بەرى، مەملەكەت قورعانىسى مەن ارميا قۇرىلىسىندا قول جەتكەن تابىستاردى تولىق تۇراقتاندىرا كەلىپ مىنانى اتاپ كورسەتتى: «13 - بەسجىلدىق» جوبا كەزى − جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭ ءارى مەملەكەت قورعانىسى مەن ارميا قۇرىلىسىنداعى شەشۋشى كەزەڭ. تۇتاس ارميا مەن قارۋلى ساقشى اسكەري بولىمدەرى پارتيا 18 - قۇرىلتايى مەن پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىنداعى تالاپ بويىنشا، تىڭ دامۋ يدەياسىن ىشكەرىلەي دايەكتىلەندىرىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، جاڭا جاعدايداعى اسكەري ستراتەگيالىق باعىتتى دايەكتىلەندىرىپ، ارميانى ساياسي ارقىلى كوركەيتۋ، ارميانى رەفورما جاساۋ ارقىلى قۇدىرەتتەندىرۋ، ارميانى زاڭ بويىنشا جونگە سالۋ ءىسىن ىلگەرىلەتىپ، ارميا قۇرىلىسى مەن اسكەري كۇرەس دايىندىعىن نىعايتىپ، مەملەكەت قورعانىسى مەن ارميانى وسىزامانداندىرۋ قۇرىلىسىن «3 ساتىعا ءبولىپ» دامىتۋ ستراتەگياسىنىڭ 2 - ساتىداعى نىساناسىنىڭ ۋاعىندا ورىندالۋىنا شىنايى كەپىلدىك ەتۋ كەرەك.
شي جينپيڭ مىنانى باسا دارىپتەدى: جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ − ەلىمىزدى دامىتۋداعى كوكەي تەستى تالاپ، ونى، ءسوز جوق، كورنەكتى ورىنعا قويۋ كەرەك. جاڭالىق اشۋ قابىلەتى − ارميانىڭ وزەكتى باسەكەلىك قۋاتى ءارى جاۋىنگەرلىك كۇشتىڭ قالىپتاسۋى مەن نىعايۋىن جەبەيتىن قارۋ. ارميامىز قۇرىلىسى مەن رەفورماسىنا كەدەرگى بولاتىن كورنەكتى قايشىلىقتاردى شەشۋ ءۇشىن، جاڭا وي جەلى بولۋ كەرەك. ءار دارەجەلى باسشىلار باستاماشىلدىقپەن يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە ىلگەرىلەپ، جاڭالىق اشۋدى جەبەپ، جاڭالىق اشۋدى قولداپ، جاڭالىق اشۋعا جەتەكشىلىك ەتىپ، مەملەكەت قورعانىسى مەن ارميا قۇرىلىسى ساپاسىنىڭ ونان ارى جوعارىلاۋىن، ونىمدىلىگىنىڭ اناعۇرلىم ارتۋىن، ۇزدىكسىز باياندى دامۋىن جۇزەگە اسىرۋى كەرەك.
شي جينپيڭ مىنانى اتاپ كورسەتتى: عىلمي اسكەري ىستەر نازارياسى − جاۋىنگەرلىك كۇش. قۇدىرەتتى ارميادا، ءسوز جوق، جەتەكشىلىك ەتەتىن عىلمي نازاريا بولۋ كەرەك. نازاريانى امالياتپەن ۇشتاستىرۋدان جازباۋ، كوز ايانى كەڭەيتۋ، ءبىراق دۇرمەككە ەرمەۋ، باس قاتىرۋ، ءبىراق امالياتتان الشاقتاماۋ كەرەك. ماركستىك اسكەري ىستەر نازارياسىندا جاڭالىق اشۋدى بارىنشا ىلگەرىلەتىپ، داۋىرلىك ەرەكشەلىككە، جەتەكشىلىك ەرەكشەلىككە، وزىندىك ەرەكشەلىككە يە اسكەي ىستەر نازارياسى جۇيەسىن تەز ارادا قالىپتاستىرىپ، ارميانى قۇدىرەتتەندىرۋدىڭ، ارميانى گۇلدەندىرۋدىڭ عىلمي نازاريالىق تىرەگىن بەكەمدەۋ كەرەك.
شي جينپيڭ مىنانى باسا دارىپتەدى: ارميامىز ستراتەگيالىق الدىڭعى شەپ تەحنيكاسىن دامىتۋعا، ءسوز جوق، باسا ءمان بەرىپ، دەربەس جاڭالىق اشۋ ارقىلى ىرىقتىلىقتى مىقتى يگەرىپ، باستامانى جاقسى باستاپ، ىرىقتىلىق شايقاسىن جاقسى جۇرگىزۋى كەرەك. قاتاردان قالماۋ، جاڭالىق اشۋ تاكتيكاسىن دۇرىس بەلگىلەپ، نەگىزگى بەتالىس پەن جاڭالىق اشۋ ءتۇيىنىن دۇرىس تاڭداپ، الدىن الا ورنالاستىرىپ، كۇنى بۇرىن جوسپارلاپ، ءىشىنارا ماڭىزدى سالالاردا وزىندىك ەرەكشەلىكتەگى ابزالدىلىقتاردى جەدەل قالىپتاستىرۋ كەرەك. جاڭالىق اشۋ جەتىستىكتەرىنەن پايدالانۋدى مىقتى يگەرىپ، جاڭالىق اشۋ جەتىستىكتەرىن ناقتى جاۋىنگەرلىك كۇشكە اينالدىرۋ كەرەك.
شي جينپيڭ مىنانى اتاپ كورسەتتى: ارميانىڭ سوعىسا الۋ - الماۋىندا، جەڭىستى سوعىس جۇرگىزۋىندە عىلمي باسقارۋ شەشۋشى رول اتقارادى. باسقارۋ يدەياسىندا جاڭالىق اشىپ، باسقارۋ جۇيەسىن كەمەلدەندىرىپ، باسقارۋ بارىسىن ساپالىلاندىرىپ، كاسىپتىك، جۇيەلىلىك، عىلميلىق دەڭگەيىن جوعارىلاتىپ، ارميامىزدىڭ ساپاعا، ونىمدىلىككە ءمان بەرۋگە قاراي ويىسۋىن جەدەلدەتىپ، شوعىرلى، جوعارى ونىمدىلىكتى دامۋىن جۇزەگە اسىرۋ كەرەك.
شي جينپيڭ مىنانى باسا دارىپتەدى: دارىندى − جاڭالىق اشۋداعى وزەكتى فاكتور، جوعارى ورەلى دارىندىلاردى بارىنشا شوعىرلاندىرۋ − ارميامىزدىڭ رەفورما جاساۋ، جاڭالىق اشۋ قۇرىلىسىنداعى كەزەك كۇتتىرمەيتىن ءىس. دارىندىلاردى باۋلۋ، ەنگىزۋ، الىپ قالۋ، پايدالانۋ ءتۇزىلىس مەحانيزمى مەن ساياساتتىق تۇزىمىندە بەلسەنە جاڭالىق اشىپ، دارىندىلاردى اناعۇرلىم اشىق وي ورىسپەن قابىلداپ، شوعىرلاندىرىپ، جوعارى ساپالى، جاڭالىق اشۋعا شەبەر، كولەمدى اسكەري دارىندىلار قوسىنىن قۇلشىنا قۇرىپ شىعۋ كەرەك.
شي جينپيڭ مىنانى اتاپ كورسەتتى: ارميانى قۇدىرەتتەندىرۋ نىساناسىن جۇزەگە اسىرۋ ءۇشىن، بۇكىل ارمياداعى كومانديرلار مەن جاۋىنگەرلەر ورتاق كۇرەس جۇرگىزۋى، ارميانىڭ رەفورما جاساۋ، جاڭالىق اشۋ قۇرىلىسىن ىلگەرىلەتۋ ءۇشىن، بۇكىل ارمياداعى كومانديرلار مەن جاۋىنگەرلەر بىرگە قۇلشىنۋى قاجەت. ءار دارەجەلى ورىندار كوماندير - جاۋىنگەرلەردىڭ تۇلعالىق ورنىنا قۇرمەت ەتىپ، كوماندير - جاۋىنگەرلەردىڭ جاڭالىق اشۋ رۋحىن، جاڭالىق اشۋ مادەنيەتىن بارىنشا ساۋلەلەندىرىپ، كوماندير - جاۋىنگەرلەدىڭ جاڭالىق اشۋ باتىلدىعىن، باسقالاردان الدا ءجۇرۋ، ورشەلەنە ورگە ۇمتىلۋ جىگەرىن سومداپ، كوپشىلىكتى جاڭالىق اشۋدىڭ جەبەۋشىسى، امالياتتا ايگىلەۋشىسى بولۋعا شابىتتاندىرىپ، جاڭالىق اشۋ جوباسىن جاساۋدى، جاڭالىق اشۋدى جەبەۋدى، جاڭالىق اشۋدى تياناقتاندىرۋدى تۇتاس ارميانىڭ سانالى قيمىلىنا اينالدىرۋ كەرەك.
شي جينپيڭ مىنانى اتاپ كورسەتتى: ارميانىڭ جاڭالىق اشۋىن مەملەكەتتىڭ جاڭالىق اشۋ جۇيەسىنە ەنگىزىپ، ارميا مەن حالىق سەلبەسىپ جاڭالىق اشۋ قيمىلىن بارىنشا ورىستەتىپ، مەملەكەت قورعانىسى عىلىم - تەحنيكاسىندا جاڭالىق اشۋعا پايدالى ءتۇزىلىس مەحانيزمىن ورناتۋ جونىندە ىزدەنىس جاساپ، ارميا مەن حالىقتىڭ توعىسىپ ىشكەرىلەي دامۋىن جەبەۋ كەرەك. ورتالىقتاعى مەملەكەت ورگاندارى، جەرگىلىكتى ءار دارەجەلى پارتكومدار مەن حالىق ۇكىمەتتەرى مەملەكەت قورعانىسى مەن ارميا قۇرىلىسىن، اسكەري كۇرەس دايىندىعىن بار ىنتامەن قولداپ، مەملەكەت قورعانىسى مەن ارميانى وسىزامانداندىرۋ قۇرىلىسىندا جاڭالىق اشۋعا تاماشا شارت - جاعداي ازىرلەۋ كەرەك.
جيىن اياقتاعاننان كەيىن، شي جينپيڭ نەگىزگى ساتىداعى اسكەري بولىمدەردەن جانە وقىتۋ، عىلمي زەرتتەۋدىڭ ءبىرىنشى شەبىندەگى اسكەري بولىمدەردەن كەلگەن ءىشىنارا حالىق قۇرىلتايى ۋاكىلدەرىمەن ىستىق ىقىلاسپەن كەزدەسىپ، ولاردىڭ ۇيرەنۋ، قىزمەت جاعدايىن ۇعىسىپ، ولاردى ءوز قىزمەت ورىندارىن تياناق ەتىپ، قىزمەت امالياتىمەن ۇشتاستىرىپ، امالياتتا ايگىلەۋگە، جاڭالىق اشۋعا باتىل بولىپ، ۇلگىلىك، جەتەكشىلىك رولدارىن ساۋلەلەندىرىپ، جاڭالىق اشۋدى ارمياداعى تاماشا سالتقا اينالدىرۋعا جىگەرلەندىردى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
