- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك 12 – كەزەكتى حالىق قۇرىلتايى 4 – ءماجىلىسىنىڭ تىلشىلەردى قابىلداۋ ماجىلىسىندە
لي كىچياڭ زۇڭلي جۇڭگولىق – شەتەلدىك تىلشىلەردىڭ سۇراۋلارىنا جاۋاپ بەردى
2016.03.17 14:29 كەلۋ قاينارى : حالىق تورابى
شينحۋا اگەنتتىگى، 16 – ناۋرىز، بەيجيڭ. مەملەكەتتىك 12 – كەزەكتى حالىق قۇرىلتايىنىڭ 4 – ءماجىلىسى 16 – ناۋرىز تۇستەن بۇرىن حالىق سارايىندا تىلشىلەردى قابىلداۋ ءماجىلىسىن وتكىزدى، مەملەكەتتىك كەڭەستىڭ زۇڭليى لي كىچياڭ ءماجىلىستىڭ مالىمدەمەشىسى فۋ يىڭنىڭ ۇسىنىسىمەن جۇڭگولىق – شەتەلدىك تىلشىلەرمەن كەزدەستى ءارى تىلشىلەردىڭ سۇراۋلارىنا جاۋاپ بەردى.
تىلشىلەردى قابىلداۋ ءماجىلىسى باستالار ساتتە، لي كىچياڭ بىلاي دەدى: كوپشىلىكتىڭ تىلشىلەردى قابىلداۋ ماجىلىسىنە قاتىناسۋىن قارسى الامىن، سىزدەردىڭ جۇڭگونىڭ «ەكى ماجىلىسىنە» نازار اۋدارعاندارىڭىزعا جانە قاجىرلى ەڭبەكتەرىڭىزگە راقىمەت ايتامىن. جۇرگىزۋشى جاڭا عانا ۋاقىتتىڭ كوپ ەمەس ەكەنىن ايتتى، قانەكي، سۇراۋ – جاۋاپقا تىكەلەي كوشەيىك.
رەيتەر اگەنتتىگىنىڭ ءتىلشىسى: جۋىردا جۇڭگونىڭ جارنا بازارى مەن شەتەل اقشاسى بازارىنىڭ تولقۋى حالىقاراداعى قارجى قوسۋشىلاردىڭ نازارىن ايرىقشا اۋداردى. ءسىزدىڭ قاراۋىڭىزشا، جۇڭگونىڭ فينانس بازارى قازىر قانداي باستى ماسەلەلەر مەن سايىستارعا ءدوپ كەلىپ وتىر؟ جۇڭگو ۇكىمەتىنىڭ فينانس بازارىنىڭ بولاشاقتاعى دامۋى مەن باقىلاپ – باسقارۋدى كۇشەيتۋ جونىندە قانداي جوسپارى بار؟ جارنا بازارى مەن شەتەل اقشاسى بازارىنا جانە زايوم بەلەتى بازارىنا قانداي ماڭىزدى رەفورما جاسايدى؟ قانداي ماڭىزدى شارا قولدانادى؟ تاياۋدعى بازار تولقۋى رەفورمانىڭ اياق الىسىنا ىقپال جاساي ما؟ شىنجىن مەن شياڭگاڭ جارنا بازارىنىڭ ايىرباسى بيىل ىسكە اسا ما؟
لي كىچياڭ: ءبىرىنشى سۇراۋدا جارنا بازارى مەن شەتەل اقشاسى بازارى سياقتى فينانس بازارىنا قاتىستى ماسەلەلەردى كولدەنەڭ تارتتىڭىز، مۇنى تۇسىنەمىن. سەبەبى كوپتەگەن فينانس ماسەلەسى ۇنەمى ەكونوميكالىق ماسەلەلەردەن بۇرىن تۋىلادى. فينانستىڭ ماڭداي الدى مىندەتى ءالى دە تۇلعالىق ەكونوميكانىڭ دامۋىن قولداۋ بولۋى كەرەك، تۇلعالىق ەكونوميكا دامىماسا، فينانسقا ۇلكەن قاتەر تونەدى. بىلتىر ءبىز ءوسىمدى تومەندەتۋ، امانات اقشا ساقتىق قورى مولشەرىن ازايتۋ، امانات اقشا ساقتىق قورى مولشەرىن باعىتتامالى ازايتۋ شارالارىن قولداندىق، بۇل مولشەردى ەركىنە جىبەرگەندىك ەمەس، ءبىز اقشامەن قامداۋ مولشەرىنىڭ تىعىزدىق دارەجەسىن مەڭگەرۋگە باستان – اياق ءمان بەرىپ كەلەمىز، مۇنداعى باستى ماقساتىمىز تۇلعالىق ەكونوميكانىڭ قارجى قۇرۋ وزىندىك قۇنىن تومەندەتۋ. سوندىقتان فينانس قۇرىلىمدارى تۇلعالىق ەكونوميكانى، اسىرەسە، شاعىن، ۇساق كاسىپورىنداردىڭ اقاۋسىز دامۋىن بار كۇشپەن قولداۋى كەرەك، ناقتى جاعدايدان الشاقتاپ كەتۋگە استە بولمايدى.
ارينە، فينانستىڭ دا وزىندىك قاعيداسى بولادى، قاتەردەن ساقتانۋ كەرەك. مەن فينانس قۇرىلىمىنىڭ وزىنە ءتىپتى دە نازار اۋدارامىن، بىلتىر كەيبىر كاسىپ سالالارىنىڭ ءوندىرىس قۋاتى ارتىپ قالدى، كاسىپورىنداردىڭ تيجاراتى قيىنعا ءتۇستى، فينانس قۇرىلىمدارىنىڭ ءتيىمسىز قارىز اقشالارىنىڭ سالىستىرماسى جوعارىلاپ بارادى. دەسە دە ءبىزدىڭ قاتەرگە توتەۋ قۋاتىمىز بار، ويتكەنى ساۋدا بانكەلەرىنىڭ كاپيتال جەتكىلىكتى بولۋ مولشەرى %13 تەن اسىپ، حالىقارالىق ولشەمنەن جوعارى تۇردى، زاپاس اقشانى ءبولۋ شارپۋ مولشەرى %180 تەن اسىپ، ءبىز بەلگىلەگەن %150 تىك ولشەمنەن استى، ونىڭ ۇستىنە ءبىزدىڭ بازار تاسىلىنەن پايدالانىپ كاسىپورىنداردىڭ قارىز مولشەرىن ازايتۋىمىزعا بولادى. كاسىپورىنداردىڭ قارىز مولشەرى جوعارى بولۋ ــ داعدىلى ماسەلە، ويتكەنى جۇڭگو جاناما قارجى قۇراۋدى نەگىز ەتەدى، الايدا تۇرعىندارىمىزدىڭ امانات اقشا قويۋ سالىستىرماسى دا ءبىرشاما جوعارى. سوندىقتان بازاردا قانداي تولقۋ تۋىلسا دا، ءبىز كوپ ساتىلى كاپيتال بازارىن بۇلجىماستان دامىتامىز، سونداي – اق بازار ارقىلى قارىزدى جارناعا اينالدىرۋ تاسىلىمەن كاسىپورىنداردىڭ تىرەكتىك شاماسىن بىرتىندەپ تومەندەتە الامىز.
بىلتىر كوپتەگەن فاكتوردىڭ سەبەبىنەن جۇڭگونىڭ جارنا بازارى ەرەكشە تولقىدى، قاتىستى جاقتار بازاردى ورنىقتىرۋدىڭ جالپى بەتتىك شارالارىن قولداندى، ناقتاپ ايتقاندا، جۇيەلىك فينانس قاتەرىنىڭ تۋىلۋىنان ساقتانۋ كەرەك، بۇل ءتۇيىندى ورىندادىق. ەندىگى قادامدا قايتۋ كەرەك؟ ەكى كۇننىڭ الدىندا جاڭادان تاعايىندالعان جارنانى باقىلاۋ كوميتەتىنىڭ ءتوراعاسى ناقتى ماسەلەلەرگە پايىمداۋ جاسادى، ۋاقىت سەبەبىنەن بۇل جاعىن اشالاپ وتىرمايمىن. جارنا بازارى، زايوم بازارى، شەتەل اقشاسى بازارى سياقتى فينانس بازارلارى ــ ماندىك جاقتان العاندا، تۇگەلدەي بازار، ءالى دە بازارلاندىرۋ، زاڭمەن جونگە سالۋ رەفورماسىن ىلگەرىلەتۋ كەرەك. ارينە، ۇكىمەتتىڭ باقىلاۋ جاۋاپكەرلىگى بار، جاعدايداعى وزگەرىسكە ساي فينانس بازارىن باقىلاۋ – باسقارۋ جۇيەسىن رەفورمالاۋ جانە كەمەلدەندىرۋ كەرەك. تولىق قامتۋدى ىسكە اسىرۋ كەرەك، ويتكەنى قازىر فينانستىق جاڭالىق اشۋ ونىمدەرى وتە كوپ، باقىلاپ – باسقارۋدا ساڭلاۋ قالدىرۋعا بولمايدى؛ سايكەستىرۋدى كۇشەيتۋ كەرەك، ويتكەنى فينانس بازارى ونىمدەرى اراسىنداعى تۇتاستىق ءبىرشاما جوعارى، سايكەستىرۋدە بەدەل بولۋ كەرەك؛ بۇدان تىس ۇقىق پەن جاۋاپكەرلىك بىردەي بولۋ كەرەك، ورتالىقتاعى قاتىستى تاراۋلار مەن جەرگىلىكتى ورىندار ساتىلار بويىنشا جاۋاپتى بولۋى، ماسەلە بايقالسا دەر كەزىندە ءبىر جاقتى ەتىپ، جاعدايداىڭ ورشۋىنەن ساقتانۋى كەرەك، ءمورالدىق تاۋەكەلدىككە جول بەرۋگە دە بولمايدى. قورىتىپ ايتقاندا، وي – سانادا سەرگەك بولىپ، باقىلاپ – باسقارۋدى كۇشەيتۋدە قىراعىلىقتى كۇشەيتۋ كەرەك.
وسى ورايدا مىنا ءتۇيىندى دارىپتەي كەتەيىن، فينانستى باقىلاپ – باسقارۋ ءتۇزىمىن كەمەلدەندىرۋ جانە وعان رەفورما جۇرگىزۋ وزىندىك بارىس ەسەپتەلەدى، قاتىستى تاراۋلار مەن جەرگىلىكتى ورىندار قىزمەت مىندەتى بويىنشا جاۋاپكەرلىكتەرىن ادا ەتىپ، بويكۇيەزدىككە استە سالىنباۋى، تاجىريبە – ساباقتى قورىتىندىلاۋى كەرەك، بۇل دا فينانس تۇتىنۋشىلارى مەن قارجىلاندىرۋشىلاردىڭ زاڭدى ۇقىق – مۇددەسىن قورعاعاندىق، ويپتەگەندە جاۋپكەرلىكتى قۋزاۋعا تۋرا كەلەدى.
شىنجىن مەن شياڭگاڭ جارنا بازارىنىڭ ايىرباسى قاشان ىسكە اسادى دەگەن ماسەلەگە توقتالساق، ءبىز شاڭحاي مەن شياڭگاڭ جارنا بازارىنىڭ ايىرباسىن ىسكە اسىرىپ، مول تاجىريبە توپتادىق، ونىڭ ۇستىنە اماليات مۇنىڭ ەكى جەرگە دە ءتيىمدى ەكەنىن دالەلدەدى. قازىر ىشكى ولكەلەر مەن شياڭگاڭ تىعىز كەڭەسۋدە، شىنجىن مەن شياڭگاڭ جارنا بازارىنىڭ ايىرباسىن بيىل ىسكە اسىرۋعا قۇلشىنامىز. راقىمەت. (تولىق مازمۇنىن «حالىق گازەتىنىڭ» 17 – ناۋرىزداعى 1 – بەتىنەن وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
