- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ بۇيرىعىنا قول قويىپ «مەملەكەتتىك قوعامدىق قامتاماسىزداندىرۋ قورى ەرەجەسىن» جاريالادى
2016.03.29 14:53 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 28 - ناۋرىزدا بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭنىڭ 667 - ءنومىرلى مەملەكەتتىك كەڭەس بۇيرىعىنا قول قويۋىمەن «مەملەكەتتىك قوعامدىق قامتاماسىزداندىرۋ قورى ەرەجەسى» جاريالاندى، «ەرەجە» 2015 - جىلى 1 - مامىردان باستاپ اتقارىلادى.
«ەرەجەدە» بىلاي دەپ بەلگىلەندى: مەملەكەتتىك قوعامدىق قامتاماسىزداندىرۋ قورى − مەملەكەتتىڭ قوعامدىق قامتاماسىزداندىرۋعا ارناعان زاپاس قورى، قوردى مەملەكەتتىك قوعامدىق قامتاماسىزداندىرۋ قورى جونىندەگى كەڭەس باسقارادى جانە جۇرگىزەدى، ورتالىق قازىنادان بولىنگەن، مەملەكەتتىك كاپيتالدان اجىراتىلعان، قوردىڭ قارجىلاي تابىسىنان تۇسكەن جانە مەملەكەتتىك كەڭەس بەكىتكەن باسقا تاسىلدەرمەن جيناقتالعان قارجىدان قۇرالادى، ول قارتتانۋدىڭ ورلەۋ كەزەڭىندەگى زەينەتكەرلىك قامسىزداندىرۋى سياقتى قوعامدىق قامتاماسىزداندىرۋ شىعىستارىن جابۋ، رەتتەۋ ءۇشىن قولدانىلادى.
«ەرەجەدە» سابىرلى، ورنىقتى، اشىق، جاريا بولۋ پرينسيبىنە سايكەس، قوردى باسقارۋ، جۇرگىزۋدىڭ ءتۇرلى تاۋەكەلدەرىنەن ساقتانۋ شارالارى بەلگىلەندى: مەملەكەتتىك قوعامدىق قامتاماسىزداندىرۋ قورى كەڭەسى ىشكى - سىرتقى بازارعا قوردان مەملەكەتتىك كەڭەس بەكىتكەن مولشەر بويىنشا قارجى سالىپ، مەملەكەتتىك كەڭەس بەكىتكەن تۇراقتى تابىس تۇرىندەگى، اكتسيا تۇرىندەگى جانە بيرجالىق ەمەس اكتسيالىق ۇقىق تۇرىندەگى، ت.ب مۇلىكتەردى ۇيلەسىمدى جايعاستىرۋى؛ تاۋەكەلدى باسقارۋ جانە ىشكى تىزگىندەۋ ادىستەرىن بەلگىلەۋى؛ قوردىڭ مۇلىكتىك جايعاستىرۋ جوسپارىن دايىنداۋ، كەلەلى قارجى سالۋ تۇرلەرىن ايقىنداۋدا تاۋەكەل باعالاۋىن جۇرگىزۋى ءارى كوللەكتيۆ تالقى ارقىلى شەشىم قابىلداۋى؛ مەملەكەتتىك كەڭەستىڭ قاتىستى تاراۋىنا قوردى باسقارۋ، جۇرگىزۋ جاعدايىنان ۋاقتىلى تۇردە ەسەپ بەرۋى؛ قوردى كوميسسيالىق قارجى سالۋعا پايدالانعاندا، قوردىڭ قارجىلىق باسقارۋشىلارى مەن كاستودياندارىن زاڭدا بەلگىلەنگەن شارتتارعا ۇيلەسەتىن مامانداندىرىلعان قارجىلىق باسقارۋ قۇرىلىمدارى مەن مامانداندىرىلعان كاستودياندىق قۇرىلىمداردان ىرىكتەپ الۋى ءارى ولارعا تەكسەرۋ - باعالاۋ جۇرگىزۋى قاجەت. بۇدان سىرت، «ەرەجەدە» قوردىڭ قارجىلىق باسقارۋشىلارىنىڭ قارجى سالۋعا ىقتيات بولۋ، كاستوديانداردىڭ قوردى حاۋىپسىز ساقتاۋ جونىندەگى زاڭدىق جاۋاپكەرشىلىكتەرى ءارى شەكتەۋ سالىنعان ارەكەتتەر تۋراسىندا انىق بەلگىلەمە جاسالدى.
«ەرەجەدە» مىنالار ايقىن كورسەتىلدى: مەملەكەتتىك كەڭەستىڭ قازىنا تاراۋلارى، مەملەكەتتىك كەڭەستىڭ قوعامدىق قامتاماسىزداندىرۋ اكىمشىلىك تاراۋلارى ءوز جاۋاپكەرشىلىكتەرى بويىنشا قوردىڭ كىرىس - شىعىس، باسقارۋ جانە قارجىلاندىرۋ - جۇرگىزىلۋ جاعدايىنا باقىلاۋ جۇرگىزىپ، ورىن تەپكەن ماسەلەلەردى انىقتاپ، زاڭ بويىنشا ءبىر جاقتى ەتۋى؛ ءوز تاراۋىنىڭ قىزمەت جاۋاپكەرشىلىگى كولەمىندە بولماسا، زاڭ بويىنشا قاتىستى تاراۋلاردىڭ ءبىر جاقتى ەتۋىنە وتكىزۋى كەرەك. مەملەكەتتىك كەڭەستىڭ شەتەل ۆاليۋتاسىن باسقارۋ تاراۋى، مەملەكەتتىك كەڭەستىڭ باعالى قاعازداردى باقىلاۋ - باسقارۋ قۇرىلىمى، مەملەكەتتىك كەڭەستىڭ بانكە سالاسىن باقىلاۋ - باسقارۋ قۇرىلىمى ءوز جاۋاپكەرشىلىكتەرى بويىنشا قارجىلىق باسقارۋشىنىڭ قارجى سالۋ، كاستودياننىڭ مەملەكەتتىك قوعامدىق قامتاماسىزداندىرۋ قورىن اماناتقا الىپ ساقتاۋ جاعدايىنا باقىلاۋ جۇرگىزۋى كەرەك. قازىنالىق باقىلاۋ مەكەمەسى جىل سايىن قورعا قازىنالىق باقىلاۋ جۇرگىزىپ، ونىڭ ناتيجەسىن قوعامعا اشىق جاريالايدى. مەملەكەتتىك قوعامدىق قامتاماسىزداندىرۋ قورى كەڭەسى بۇعالترلىق جۇمىس كەڭسەلەرىن اشىق مەردىگەرلىككە شاقىرۋ ارقىلى قورعا قازىنالىق باقىلاۋ جۇرگىزۋى ءارى قوردىڭ كىرىس - شىعىس، باسقارىلۋ جانە قارجىلاندىرۋ - جۇرگىزىلۋ جاعدايىن رەسمي سايت جانە مەملەكەت بويىنشا اشىق تاراتىلاتىن گازەت ارقىلى جىل سايىن قوعامعا اشىق جاريالاپ، قوعامنىڭ باقىلاۋىن قابىلداۋى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
