- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 23 - رەتكى ءماجىلىسىن باسقارىپ اشقاندا
رەفورمانى دامۋعا جاڭا قوزعاۋشى كۇش قوسۋ باعىتىنا قاراي ىلگەرىلەتۋ ءارى قوعامدىق ادىلەتتىلىك پەن تۋراشىلدىقتى قورعاۋ باعىتىنا قاراي ىلگەرىلەتۋ كەرەكتىگىن باسا دارىپتەدى
2016.04.20 13:26 كەلۋ قاينارى : شينجياڭ گازەتى
شينحۋا اگەنتتىگىنىڭ 18 - ساۋىردە بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ 18 - ءساۋىر ءتۇستىڭ الدىندا ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 23 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: رەفورمانى دامۋعا جاڭا قوزعاۋشى كۇش قوسۋعا ءتيىمدى باعىتقا قاراي ءارى قوعامدىق ادىلەتتىلىك پەن تۋراشىلدىقتى قورعاۋعا ءتيىمدى باعىتقا قاراي ىلگەرىلەتىپ، قامداۋ جاعىنداعى قۇرىلىمدىق رەفورمانى تۇزىلىسكە، مەحانيزمگە جاڭالىق ەنگىزۋ جاعىنان ىلگەرىلەتۋگە باسا ءمان بەرىپ، ەكونوميكالىق، قوعامدىق دامۋدى تەجەيتىن تۇزىلىستىك، مەحانيزمدىك ماسەلەلەردى شەشۋگە كۇش سالۋ؛ حالىقتى وزەك ەتكەن دامۋ يدەياسىن ەكونوميكالىق، قوعامدىق دامۋدىڭ ءار بۋىنىندا ايگىلەپ، بۇقارا نەگە نازار اۋدارسا، نەنى كوكسەسە، رەفورما سونى يگەرۋى، سونى ىلگەرىلەتۋى، رەفورما ارقىلى حالىق بۇقاراسىنا ءتىپتى كوپ تابىس سەزىمىن باعىشتاۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىقتارى لي كىچياڭ، ليۋ يۇنشان، جاڭ گاۋلي ماجىلىسكە قاتىناستى.
ءماجىلىس بەيجيڭ قالاسىنىڭ، گۋاڭدۇڭ ولكەسىنىڭ، چۇڭچيڭ قالاسىنىڭ، شينجياڭ ۇيعۇر اۆتونوميالى رايونىنىڭ باسشى كادرلاردىڭ جۇبايلارىنىڭ، پەرزەنتتەرى مەن ولاردىڭ جۇبايلارىنىڭ ساۋدامەن اينالىسىپ كاسىپورىن قۇرۋ ارەكەتىن اناعۇرلىم ارناعا ءتۇسىرۋ جونىندەگى بەلگىلەمەلەرىن (سىناق رەتىندە اتقارىلادى)، «ءادىل باسەكەنى تەكسەرۋ ءتۇزىمىن ورناتۋ جونىندەگى پىكىردى»، «كاسىپتىك تەحنيكا تۇرىندەگى مەملەكەت قىزمەتكەرلەرىن باسقارۋ بەلگىلەمەسىن (سىناق رەتىندە اتقارىلادى)»، «اكىمشىلىك زاڭ اتقارۋ تۇرىندەگى مەملەكەت قىزمەتكەرلەرىن باسقارۋ بەلگىلەمەسىن (سىناق رەتىندە اتقارىلادى)»، «وتباسى شيپاگەرلەرىنىڭ كەلىسىم - شارت بويىنشا قىزمەت كورسەتۋىن ىلگەرىلەتۋ جونىندەگى جەتەكشى پىكىردى»، «ۋادەنى ورىنداعانداردى بىرلەسىپ شابىتتاندىرۋ جانە ۋادەنى ورىنداماعانداردى بىرلەسىپ جازالاپ ساقتاندىرۋ ءتۇزىمىن ورناتىپ، كەمەلدەندىرىپ، قوعامدىق سەنىمدىلىك قۇرىلىسىن ىلگەرىلەتۋ جونىندەگى جەتەكشى پىكىردى»، «حالىق باسقارۋىنداعى مەكتەپتەردىڭ پارتيا قۇرىلىسى قىزمەتىن كۇشەيتۋ جونىندەگى پىكىردى (سىناق رەتىندە اتقارىلادى)»، «حالىق باسقارۋىنداعى مەكتەپتەردى تۇرگە ايىرىپ تىركەۋ جونىندەگى اتقارۋ ەرەجەسىن»، «پايدانى كوزدەيتىن حالىق باسقارۋىنداعى مەكتەپتەردى باقىلاۋ، باسقارۋ جونىندەگى اتقارۋ ەرەجەسىن»، «ءادىليا قىزمەتكەرلەرىنىڭ زاڭدا بەلگىلەنگەن قىزمەت جاۋاپكەرشىلىگىن زاڭ بويىنشا وتەۋىن قورعاۋ بەلگىلەمەسىن»، «نيڭشيا حۇيزۋ اۆتونوميالى رايونىنىڭ كەڭىستىك جوباسىنىڭ (كوپ جوبانى بىرىكتىرۋ) سىناق جوباسىن»، «پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ قاتىستى رەفورما شارالارىن اتقارۋ جوباسىن (2020 ~ 2016)» قاراپ ماقۇلدادى.
ءماجىلىس مىنالاردى اتاپ كورسەتتى: باسشى كادرلاردىڭ جۇبايلارىنىڭ، پەرزەنتتەرى مەن ولاردىڭ جۇبايلارىنىڭ ساۋدامەن اينالىسىپ كاسىپورىن قۇرۋ ارەكەتىن ارناعا ءتۇسىرۋ − پارتيانى جاپپاي قاتاڭ باسقارۋ تالابىن دايەكتىلەندىرۋدەگى ماڭىزدى شارا. ءماجىلىس شاڭحايدا الدىمەن سىناق رەتىندە اتقارۋ نەگىزىندە، بەيجيڭ، گۋاڭجوۋ، چۇڭچيڭ، شينجياڭداردا ىركەس - تىركەس سىناق رەتىندە اتقارۋدى ۇيعاردى. ارناعا تۇسىرىلەتىن وبيەكتىلەردىڭ كولەمىنە ساي، قاتاڭ تۇردە، الدىمەن ارناعا ءتۇسىرىپ، جوعارى ارقىلى تومەنگە جەتەكشىلىك ەتۋ كەرەك. ساۋدامەن اينالىسىپ كاسىپورىن قۇرۋ ارەكەتىنىڭ شەكاراسىن قاتاڭ بەلگىلەپ، ارناعا ءتۇسىرۋ تارتىپتەرىن اشالاپ، جۇمىس نەگىزىن ايقىنداپ، ارناعا ءتۇسىرۋ قىزمەتىنىڭ ءتارتىپتى ءجۇرىلۋىن قامتاماسىز ەتۋ كەرەك. شوعىرلى تۇردە ارناعا ءتۇسىرۋ مەن كۇندەلىكتى باقىلاۋدى ورگانيكالى تۇردە ۇشتاستىرۋ، ارناعا ءتۇسىرۋ قىزمەتى نەگىزىنەن اياقتالعاننان كەيىن، ۇدايىلانعان باسقارۋعا اينالدىرىپ، باياندى ءتۇزىمنىڭ قالىپتاسۋىن جەبەۋ كەرەك.
ءماجىلىس بىلاي دەپ باسا دارىپتەدى: ءادىل باسەكەنى تەكسەرۋ ءتۇزىمىن ورناتۋدا، بۇكىل ەلدىڭ ءبىر تۇتاس بازارى مەن ءادىل باسەكەنى قورعاۋ تۇرعىسىنان، تەكسەرۋ وبيەكتىسى مەن ءتاسىلىن ايقىنداپ، بازارعا كىرۋگە رۇقسات ەتۋ مەن بازاردان شىعارۋ ولشەمىنە، تاۋار مەن ماڭىزدى قۇرامداردىڭ ەركىن جىلجۋ ولشەمىنە، ءوندىرىس پەن شارۋاشىلىققا ىقپال جاسايتىن وزىندىك قۇن ولشەمىنە، ءوندىرىس پەن شارۋاشىلىققا ىقپال جاسايتىن ارەكەت ولشەمىنە ساي، قاتىستى ساياسات - شارالاردى تەكسەرىپ، بازار باسەكەسىن جوققا شىعارۋ مەن ونى تەجەۋدەن تۋ باستان ساقتانۋ كەرەك. ءادىل باسەكەنى تەكسەرۋ، قامتاماسىز ەتۋ ءتۇزىمىن ورناتىپ، اقاۋسىزداندىرىپ، وزىندىك تەكسەرۋ مەن سىرتقى باقىلاۋدى ۇشتاستىرىپ، قوعامنىڭ باقىلاۋىن كۇشەيتۋ قاجەت. ءادىل باسەكەنى تەكسەرۋ ولشەمىنە قايشىلىق جاساعانداردى زاڭ بويىنشا تەكسەرىپ انىقتاعان سوڭ، قاتاڭ ءبىر جايلى ەتۋ كەرەك.
ءماجىلىس بىلاي دەپ اتاپ كورسەتتى: مەملەكەت قىزمەتكەرلەرىن تۇرگە ايىرۋ رەفورماسىن تەرەڭدەتىپ، كاسىپتىك تەحنيكالىق تۇرىندەگى، اكىمشىلىك زاڭ اتقارۋ تۇرىندەگى مەملەكەت قىزمەتكەرلەرىن باسقارۋ ءتۇزىمىن جەدەل ورناتۋ − پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ قارارىن تياناقتاندىرۋدىڭ شاراسى. باسقارۋ تيىمدىلىگى مەن عىلميلانۋ ورەسىن جوعارىلاتۋعا نازار اۋدارىپ، قىزمەت سيپاتى مەن مىندەت ەرەكشەلىگىن ايگىلەيتىن كاسىپتى دامىتۋ ارناسىن ايقىنداپ، تۇرلەر بويىنشا قابىلداپ، تۇرلەر بويىنشا تەكسەرىپ، تۇرلەر بويىنشا تاربيەلەپ، مەملەكەت قىزمەتكەرلەرىن، وتە - موتە، نەگىزگى ساتىداعى مەملەكەت قىزمەتكەرلەرىن ۇزدىكسىز شابىتتاندىرىپ، مەملەكەت قىزمەتكەرلەرىنىڭ بەلسەندىلىگىن ءتىپتى جاقسى جۇمىلدىرۋ كەرەك.
ءماجىلىس بىلاي دەپ باس دارىپتەدى: وتباسىلىق شيپاگەرلەردىڭ كەلىسىمشارت بويىنشا قىزمەت كورسەتۋىن ىلگەرىلەتۋ − ەمدەۋ، دەنساۋلىق ساقتاۋ قىزمەتىنىڭ سالماعىنىڭ تومەنگە ويىستىرىلۋىن، بايلىقتىڭ تومەنگە ءتۇسىرىلۋىن جەبەپ، ادامداردىڭ بارلىعىنىڭ نەگىزگى ەمدەۋ، دەنساۋلىق ساقتاۋ قىزمەتىنەن يگىلىكتەنۋ نىساناسىن جۇزەگە اسىرۋدا بەلسەندى ماڭىزعا يە. كەلىسىمشارت بويىنشا قىزمەت كورسەتۋ ءتاسىلى، مازمۇنى، اقى الۋ - تولەۋ، تەكسەرۋ، شابىتتاندىرۋ مەحانيزمى، تەحنيكالىق تىرەك جاقتارىندا ءتۇيىندى تۇردە تۇرەن سالىپ، قارتتار، سوزىلمالى ناۋقاسقا شالدىققاندار، تۋبەركۋلەز سياقتى سوزىلمالى جۇقپالى اۋىرۋعا شالدىققاندار، اۋىر رۋحاني اۋرۋعا شالدىققاندار، جۇكتى ايەلدەر مەن بوسانعان ايەلدەر، بالالار، مۇگەدەكتەر قاتارلى ءتۇيىندى ادامداردى الدىمەن قامتۋ كەرەك. وتباسى شيپاگەرلەرىن كاسىپتىك جاقتان قامتاماسىز ەتۋ شاراسىن قولدانۋ كەرەك.
ءماجىلىس بىلاي دەپ اتاپ كورسەتتى: ۋادەنى ورىنداعانداردى بىرلەسىپ شابىتتاندىرۋ جانە ۋادەنى ورىنداماعانداردى بىرلەسىپ جازالاپ ساقتاندىرۋ ءتۇزىمىن ورناتىپ جانە كەمەلدەندىرىپ، قوعامدىق سەنىمدىلىك قۇرىلىسىن جەدەل ىلگەرىلەتىپ، سەنىمدىلىك بويىنشا شابىتتاندىرۋ جانە تەجەۋ تاسىلدەرىن جان - جاقتى قولدانىپ، رايون، تاراۋ، ءوڭىر اتتاعان بىرلەسىپ شابىتتاندىرۋ جانە جازالاپ ساقتاندىرۋ مەحانيزمىن ورناتىپ، سەنىمدىلىك ينفورماتسياسىن اشىق ۇستاۋدى جانە ودان تەڭ يگىلىكتەنۋدى جەبەپ، بۇگىنگى تاڭداعى الەۋمەتتىك مۇددە مەن الەۋمەتتىك حاۋىپسىزدىككە زيان سالىپ وتىرعان، حالىق بۇقاراسىنىڭ اڭىسى كۇشتى بولعان، ەكونوميكالىق، قوعامدىق دامۋعا اۋىر كەرى ىقپال جاساپ وتىرعان ءتۇيىندى سالالارداعى ۋادەنى ورىنداماۋ ماسەلەلەرىن كۇش سالا شەشىپ، ادال، سەنىمدى سۋبيەكتتەردى شابىتتاندىرۋ جانە ۋادەسىندە تۇرماعان سۋبيەكتتەردى جازالاپ ساقتاندىرۋ سەرپىنىن ارتتىرىپ، ۋادەنى ورىنداعانداردى القاۋ، ۋادەنى ورىنداماعانداردى جازالاپ ساقتاندىرۋ ءتۇزىمى مەحانيزمىن جانە قوعامدىق سالتىن قالىپتاستىرۋ كەرەك.
ءماجىلىس مىنالاردى باسا دارىپتەدى: حالىق باسقارۋىنداعى مەكتەپتەردىڭ ءبىلىم بەرۋ ءىسىنىڭ دامۋىن قولداۋ جانە ونى ارناعا تۇسىرۋدە، پارتيانىڭ حالىق باسقارۋىنداعى مەكتەپتەرگە باسشىلىعىنا تاباندى بولۋ جانە ونى كۇشەيتۋ، حالىق باسقارۋىنداعى مەكتەپ اشقاندا پارتيا قۇرىلىسىمەن بىرگە جوسپارلاپ، پارتيا ۇيىمىن بىرگە قۇرىپ، پارتيا قىزمەتىمەن بىرگە جۇرگىزىپ، حالىق باسقارۋىنداعى مەكتەپتەردىڭ سوتسياليستىك ءبىلىم بەرۋ باعىتىنا تاباندى بولۋىنا كەپىلدىك ەتۋ كەرەك. پايدانى كوزدەيتىن حالىق باسقارۋىنداعى مەكتەپتەر مەن پايدانى كوزدەمەيتىن حالىق باسقارۋىنداعى مەكتەپتەردى ايىرىپ تىركەۋ، ءبولىپ باسقارۋ ءتۇزىمىن ورناتىپ، ءبىلىم بەرۋ ساپاسىن جوعارىلاتۋ كەرەك.
ءماجىلىس مىنالاردى اتاپ كورسەتتى: ءادىليا قىزمەتكەرلەرىنىڭ زاڭ جۇكتەگەن قىزمەت مىندەتتەرىن اتقارۋىن قورعاۋ − ءادىليا قىزمەتكەرلەرىن كاسىپتىك جاقتان قامتاماسىز ەتۋدىڭ، تەرگەۋ ۇقىعى مەن پروكۋرورلىق ۇقىعىن زاڭ بويىنشا، دەربەس، ءادىل جۇرگىزۋىنە كەپىلدىك ەتۋدىڭ ماڭىزدى شاراسى. قورعاۋ شارالارىن قاتايتۋ، ءارقانداي مەكەمەنىڭ نەمەسە جەكەنىڭ سۋديادان، پروكۋروردان زاڭ جۇكتەگەن مىندەت كولەمىنەن تىسقارى جۇمىسپەن اينالىسۋىن تالاپ ەتۋىنە بولمايدى، سۋديانى، پروكۋروردى زاڭدى سەبەبى بولماي تۇرىپ، زاڭدىق تارتىپكە قايشى تۇردە ورنىنان اۋىستىرۋعا، ورنىنان الىپ تاستاۋعا، جۇمىستان شىعارۋعا نەمەسە دارەجەسىن تومەندەتۋ، مىندەتىنەن قالدىرۋ سياقتى جازالار بەرۋىنە بولمايدى. ءادىليا قيمىلدارىنا كيلىگىپ، كەدەرگى كەلتىرگەندەردى، ءادىليا قىزمەتكەرلەرىنە جانە ونىڭ جاقىن تۋىستارىنا زورلىقتى كۇشپەن زاقىم كەلتىرگەندەردى زاڭ بويىنشا قاتاڭ جازالاۋ كەرەك.
ءماجىلىس نيڭشيا حۇيزۋ اۆتونوميالى رايونىنىڭ كەڭىستىكتىك جوبا (كوپ جوبانى بىرىكتىرۋ) سىناق ءتۇيىنىن ماقۇلداپ، ۇيىمدىق باسشىلىقتى كۇشەيتۋدى، بەلسەنە ىزدەنىس جاساۋدى، باتىلدىقپەن جاڭالىق اشۋدى، ورتالىقتىڭ قاتىستى تاراۋلارىنان قولداۋ كورسەتۋدى، سايكەسۋدى، اياق الىسىنا قۋزاۋ سالۋدى، تاجىريبەلەردى قورىتىندىلاۋدى تالاپ ەتتى.
ءماجىلىس مىنانى باسا دارىپتەدى: پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ قاتىستى رەفورما شارالارىن اتقارۋ جوباسى (2016 − 2020) رەفورما شارالارىنىڭ رەفورما جولدارىن، ناتيجەسىنىڭ فورمالارىن، ۋاقىت ءۇردىسىن ايقىندادى. جاپپاي دوڭگەلەك داۋلەتتى قوعام قۇرۋ نىساناسىنا نازاردى شوعىرلاندىرىپ، جوسپاردى اتقارۋ قىزمەتىن جاقسى ۇيىمداستىرىپ، ءتۇرلى رەفورما شارالارىنىڭ ناقتى تياناقتانىپ، جەمىس بەرۋىنە كەپىلدىك ەتۋ كەرەك.
ءماجىلىس مىنالاردى اتاپ كورسەتتى: قامداۋ جاعىنداعى قۇرىلىمدىق رەفورما − رەفورمانى جاپپاي تەرەڭدەتۋمەن، دامۋدىڭ جاڭا يدەيالارىن تياناقتاندىرۋمەن ساباقتاس، ونىڭ وزەگى تۇزىلىستە، مەحانيزمدە جاڭالىق اشۋ، سوڭعى نىساناسى − ەكونوميكالىق ءوسۋدىڭ جاڭا مەحانيزمىن قالىپتاستىرۋ. ەكونوميكالىق قۇرىلىمنىڭ تۇزىمدىك ماسەلەلەرىن ارقاۋ ەتە وتىرىپ رەفورما جاساۋ، «قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋعا» قاجەتتى شوعىرلى تۇردە ورتاعا قويىلاتىن جانە تياناقتاندىرىلاتىن رەفورما شارالارىن رەتكە سالىپ، ىلگەرىلەتىپ، كەشەندى شارالاردى جاقسى جۇرگىزىپ، ءتۇرلى رەفورما شارالارىنىڭ ءبىر باعىتقا كۇش تۇسىرۋىنە مۇمكىندىك جاساۋ كەرەك. مەملەكەت مەنشىگىندەگى كاسىپورىندار رەفورماسى، قازىنا - سالىق ءتۇزىلىسى رەفورماسى، فينانس ءتۇزىلىسى رەفورماسى، اشىق ەكونوميكالىق جاڭا ءتۇزىلىس قۇرۋ سياقتىلاردى جەدەل ىلگەرىلەتىپ، ولاردىڭ قامداۋ جاعىنداعى قۇرىلىمدىق رەفورماداعى نەگىزدىك رولىن كورنەكتىلەندىرۋ كەرەك.
ءماجىلىس مىنالاردى باسا دارىپتەدى: قوعامدىق ىستەر رەفورماسى حالىق تۇرمىسىنا سايادى، حالىق تىلەگىن توعىستىرادى. رەفورمانىڭ جالپىلىق جوباسىنداعى قوعامدىق ىستەرگە، حالىق تۇرمىسىن قامتاماسىز ەتۋگە جانە جاقسارتۋعا ساياتىن رەفورما شارالارىن ناقتى تياناقتاندىرۋدان جازباي، جۇمىسقا ورنالاسۋعا، شارۋاشىلىق قۇرۋعا قاتىستى ءتۇزىلىس پەن مەحانيزمدى كەمەلدەندىرۋ، ءبىلىم بەرۋ ءتۇزىلىسى رەفورماسىن تەرەڭدەتۋ، كىرىس ءبولىسى رەفورماسىن تەرەڭدەتۋ، ءتىپتى دە ءادىل، باياندى قوعامدىق قامتاماسىز ەتۋ ءتۇزىمىن قۇرۋ، ەمدەۋ، ءدارى - دارمەك ءتۇزىلىسى رەفورماسىن تەرەڭدەتۋ سياقتى ءتۇيىندى مىندەتتەردى جەدەل ىلگەرىلەتۋ كەرەك. بۇقارانىڭ كوپ جاقتى، كوپ ساتىلى سۇرانىسىنا كوڭىل ءبولىپ، ءتاسىل مەن ادىستە جاڭالىق اشىپ، كوپ بەرىپ، از الۋ، بۇعاۋدان بوساتىپ، جاپپاي تيىمدىلىك جاساۋ ءادىسىن كوبىرەك، ۇتىمدى پايدالانا ءبىلۋ ارقىلى رەفورمالاردى ىلگەرىلەتىپ، حالىق تۇرمىسىنا ءتيىمدى بولۋ جاعىن كوبىرەك ويلاستىرىپ، حالىقتىڭ مۇڭ - مۇقتاجىن كوبىرەك شەشۋ كەرەك. حالىق تۇرمىسى سالاسىنداعى قولامتالى تۇيىندەردى، قيىن ماسەلەلەردى مۇقيات تاڭداپ، جيناقتاپ، ءتىزىم جاساپ، شارالار بەلگىلەپ، ءار جىلى ناقتى بىرنەشە ءىس تىندىرۋ كەرەك.
ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى، ورتالىقتىڭ جانە مەملەكەتتىڭ قاتىستى تاراۋلارىنىڭ جانە قاتىستى جەرگىلىكتى ورىنداردىڭ جاۋاپتى جولداستارى ماجىلىسكە سىرتتاي قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
