- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ انحۇيدا تەكسەرۋ - زەرتتەۋ جۇرگىزگەندە
«13 - بەسجىلدىق» جوبا باعدارلاماسىن جاپپاي تياناقتاندىرىپ، رەفورما جاساۋ مەن جاڭالىق اشۋدى كۇشەيتىپ، دامۋدىڭ جاڭا جاعدايىن قالىپتاستىرۋدى باسا دارىپتەدى
2016.04.28 15:00 كەلۋ قاينارى : شينجياڭ گازەتى
شينحۋا اگەنتتىگىنىڭ 27 - ساۋىردە حىفيدەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا انحۇيدا تەكسەرۋ - زەرتتەۋ جۇرگىزگەندە مىنانى باسا دارىپتەدى: «13 - بەسجىلدىق» جوبا باعدارلاماسىندا پارتيانىڭ 18 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى دايەكتىلەنىپ، جاڭا دامۋ يدەياسىنىڭ امالياتتىق جاڭا تالاپتارى ايگىلەنىپ، حالىقتىڭ ەركى مەن قوعامنىڭ تىلەگى بەينەلەنگەن، ول − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى ءىس - قيمىل قىبلاناماسى. ءار دارەجەلى پارتكوم مەن ۇكىمەتتەر «بەستىءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن ىشكەرىلەي دايەكتىلەندىرىپ، ءوز ارتىقشىلىعىنا تابان تىرەپ، رەفورما جاساۋ مەن جاڭالىق اشۋدى كۇشەيتىپ، قۇلشىنا جاڭا جول قاراستىرىپ، ەكونوميكالىق، قوعامدىق دامۋدىڭ جاڭا جاعدايىن قالىپتاستىرۋعا كۇش سالۋى كەرەك.
24 - ساۋىردە 27 - ساۋىرگە دەيىن، شي جينپيڭ انحۇي ولكەلىك پارتكومنىڭ شۋجيى ۋاڭ شۋەجۇننىڭ، ولكە باستىعى لي جينبيننىڭ سەرىك بولۋىمەن، ليۋ - ان، چۋجوۋ، حىفي سياقتى جەرلەردە اۋىل - قىستاقتاردى، كاسىپورىنداردى، جوعارى مەكتەپتەردى، عىلمي زەرتتەۋ جانە مادەنيەت ورىندارىن ارالاپ، پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، «13 - بەسجىلدىق» جوبا باعدارلاماسىن تياناقتاندىرۋ جونىندە تەكسەرۋ - زەرتتەۋ جۇرگىزدى.
دابيەشان تاۋىنىڭ قويناۋىنداعى ليۋ - ان قالاسىنىڭ جينجاي اۋدانى − جۇڭگو توڭكەرىسى مەن حالىق ارمياسىنىڭ التىن بەسىكتەرىنىڭ ءبىرى. 24 - ءساۋىر تۇستەن بۇرىن، شي جينپيڭ بەيجيڭنەن اتتانىپ، حىفي اۋەجايىنا كەلىپ تۇسىسىمەن، اۆتوكولىكپەن ءبىر جارىم ساعات جول ءجۇرىپ، جينجاي اۋدانىنداعى قىزىل ارميا الاڭىنا ات باسىن تىرەپ، توڭكەرىستىك قۇرباندار ەسكەرتكىش مۇناراسىنا گۇل شارباق قويدى، اۋداندىق قىزىل ارميا ەسكەرتكىش سارايىن، اۋداندىق توڭكەرىستىك مۇراجايدى ارالادى. شي جينپيڭ تەرەڭ سەزىممەن بىلاي دەدى: سوعىس ءورتى لاۋلاعان جىلدارى، جينجاي حالقى تايسالماس قۇربان بەرۋ رۋحىمەن، جۇڭگونىڭ توڭكەرىستىك ىستەرىنە تاريحقا قالاتىنداي ەڭبەك ءسىڭىردى، ءبىز توڭكەرىستىك اعا بۋىنداردىڭ ىزىمەن ۇزدىكسىز العا باسىپ، قىزىل وتاندى ۇرپاقتان - ۇرپاققا اماناتتاۋىمىز كەرەك. توڭكەرىستىك تاربيەنى بالالاردان باستاپ، توڭكەرىس گەنىن بويىنا ءسىڭىرىپ، جۇرەگىنە ۇيالاتىپ، قالىڭ جاستار مەن ورەندەردى دۇنيەگە، ومىرگە، قۇنعا دۇرىس كوزقاراس ورناتۋعا جەتەكتەۋىمىز كەرەك.
بايىرعى رايونداعى حالىقتىڭ تۇرمىس جاعدايى شي جينپيڭنىڭ ەسىنەن ەكى ەلى كوتەرىلگەن ەمەس. 24 - ءساۋىر تۇستەن كەيىن، ول اۆتوكولىكپەن تاۋدى بوكتەرلەپ ءبىر ساعات جول باسىپ، جينجاي اۋدانىنىڭ حۋاشى اۋىلىنىڭ داۋان قىستاعىنا بارىپ، كەدەيلىكتەن قۇتىلدىرۋ قىزمەتىن تەكسەردى. چىن زىپيڭ، ۋاڭ نىڭباۋ، ۋاڭ دا - ۋي، ۋاڭ داكاي، چىن زىشىن سياقتى جارلى - جاقپايلاردىڭ وتباسىندا، شي جينپيڭ ولاردىڭ تۇرعىن ۇيلەرى مەن دۇنيە - مۇلىكتەرىن مۇقيات قاراپ، كەدەيلەسۋ سەبەپتەرىن، كەدەيلىك دارەجەسىن ۇعىسىپ، كەدەيلىكتەن قۇتىلدىرۋ قولدانباسى ارقىلى قانداي شارالار بەلگىلەنگەنىن، ونىڭ قانشالىق تياناقتانعانىن تەكسەردى.
شي جينپيڭ ەگىنشى اۋلاسىندا قىستاق تۇرعىندارىمەن ىقىلاستى بەينەدە اڭگىمەلەستى. اۋىلداستار تۇرمىستاعى وزگەرىستەردى تىلگە تيەك ەتىپ، پارتيا مەن ۇكىمەتتىڭ قامقورلىعىنا، كومەگىنە العىس ايتىپ، قاجىرلى ەڭبەكتەرى ارقىلى اۋقاتتانۋدىڭ ءتىپتى كوپ جولىن تاباتىندىقتارىن ءبىلدىرىستى. شي جينپيڭ مىنانى اتاپ كورسەتتى: كەدەيلىكتەن قۇتىلدىرۋ قيىنشىلىقتى جەڭىپ، تاس قامالدى تالقاندايتىن سوڭعى كەزەڭگە قادام تاستادى، ءسوز جوق، بەرىك نيەتپەن مىقتى يگەرۋ كەرەك. نىسانالىق جاۋاپكەرشىلىكتى كۇشەيتىپ، دالمە - ءدال سۇيەمەلدەۋگە تاباندى بولىپ، ءاربىر جوبا، ءاربىر شارانى مۇقيات تياناقتاندىرىپ، كەدەيلىكتەن قۇتىلدىرۋدان قامال الۋ قىزمەتىن بار كۇشپەن جاقسى ىستەپ، حالىققا بەرگەن سەرتتى ناقتى ارەكەتپەن ىسكە اسىرۋ كەرەك.
چۋجوۋ قالاسى فىڭياڭ اۋدانىنىڭ شياۋگاڭ قىستاعى − مەملەكەتكە تانىمال كوتەرىپ الۋدىڭ باستالعان جەرى. 25 - ءساۋىر تۇستەن كەيىن، شي جينپيڭ وسىندا تەكسەرۋ جۇرگىزىپ، قىستاقتىڭ اۋىل شارۋاشىلىق ءوندىرىسىنىڭ جاعدايىمەن تانىستى. ول مىنانى اتاپ كورسەتتى: انحۇي − استىق وندىرەتىن ءىرى ولكە، ۇزاقتان بەرى مەملەكەتتىڭ استىق حاۋىپسىزدىگىنە ماڭىزدى ۇلەس قوسىپ كەلدى. جەتىستىكتەردى جالعاستىرىپ، قايراتقا قايرات قوسىپ، سۇيەمەلدەۋ ساياساتتارىن تياناقتاندىرىپ، استىقتى القاپتاردىڭ استىق ءوندىرىسىنىڭ دامۋى مەن ەكونوميكالىق قۋاتىنىڭ نىعايۋىن جاندى تۇردە ۇشتاستىرىپ، ەگىنشىلەردىڭ استىق ءوندىرۋى مەن تابىستارىنىڭ مولايۋىن قاتار ىلگەرىلەتۋ قاجەت.
شي جينپيڭ قىستاق تۇرعىنى ۋ گۋاڭليدىڭ، كوتەرىپ الۋدىڭ باستاماشىسى يان جينچاڭنىڭ ۇيىنە امانداسا باردى. ولاردىڭ كەڭ دە جارىق جاڭا ۇيگە كوشىپ كىرگەنىن، تۇرمىس ورتاسىنىڭ تازا دا رەتتى ەكەنىن كورىپ، شي جينپيڭ قۋانىشقا بولەندى. شي جينپيڭ شياۋگاڭ قىستاعىنىڭ اۋىل - قىستاق رەفورماسىن تەرەڭدەتۋدە ۇزدىكسىز تۇردە ۇلگى كورسەتۋىن، كوپشىلىكتىڭ شىن حاۋ جولداستان ۇيرەنىپ، اۋىلداستارىنىڭ ءىسىن ونان ارى جاقسى ىستەۋىن ءۇمىت ەتتى.
26 - ساۋىردە شي جينپيڭ حىفەيدە جۇڭگو عىلىم - تەحنيكا ۋنيۆەرسيتەتى مەن وسى ۋنيۆەرسيتەتتىڭ وزىق تەحنيكالاردى زەرتتەۋ ورنىندا قىزمەت تەكسەردى. تۇستەن بۇرىن، زەرتتەۋ ورنىندا ناقتى زاتتاردى كورە وتىرىپ، انحۇي ولكەسىنىڭ جاڭالىق اشۋدى جەتەكشى ەتكەن دامۋ ستراتەگياسىن اتقارۋ جاعدايىن ەگجەي - تەگجەيلى ۇعىستى. تۇستەن كەيىن، ۋنيۆەرسيتەتتىڭ تاياۋ زامان فيزيكاسى فاكۋلتەتىنە بارىپ، تاجىريبەلىك عىلمي زەرتتەۋدىڭ جالپى جاعدايىن ۇعىسىپ، وسى فاكۋلتەتتىڭ ءبىر ءبولىم وقىتۋشىلارىمەن جانە كىتاپحانادا ساباق پىسىقتاپ وتىرعان ستۋدەنتتەرمەن ىقىلاستى بەينەدە اڭگىمەلەستى.
شي جينپيڭ مىنانى باسا دارىپتەدى: انحۇي عىلىم - تەحنيكاداعى ءىرى ولكە، جۇڭگو عىلىم - تەحنيكا ۋنيۆەرسيتەتى الدىڭعى قاتارلى عىلىمدار مەن جوعارى، جاڭا تەحنولوگيالاردى نەگىز ەتكەن ۋنيۆەرسيتەت رەتىندە، وتكەن بىرنەشە جىلدا عىلىم - تەحنيكادا جاڭالىق اشۋدى جەدەل، پارمەندى تۇردە يگەرىپ، كورنەكتى ناتيجەگە جەتتى، بۇل قۇپتاۋعا تۇرارلىق. قازىرگى دۇنيەدە عىلىم - تەحنيكا توڭكەرىسى مەن كاسىپ وزگەرىسى قاز - قاز باسىپ كەلەدى، ءبىز بورىشتىلىق سەزىمدى كۇشەيتىپ، جاڭالىق اشۋدى ەڭ ۇلكەن ساياسات ەتىپ، تالماي ىلگەرىلەپ، قۋىپ جەتۋىمىز كەرەك.
شي جينپيڭ تەرەڭنەن تولعاپ، ستۋدەنتتەرگە بىلاي دەدى: جاستار − مەملەكەتتىڭ بولاشاعى، ۇلتتىڭ ءۇمىتى. سىزدەردىڭ ءداۋىر جۇكتەگەن جاۋاپكەرشىلىككە ارقا توسەپ، ارمان جەلكەنىن بيىك كوتەرىپ، قاجىرلىلىقپەن وقۋعا كوڭىل قويىپ، ءومىر مەن كاسىپكەرلىكتىڭ نەگىزگى بىلىمدەرىن قۇلشىنا يگەرىپ، مۇراتتى، تالپىنعىش، جاۋاپكەرشىل، ىسكەر، ۇستامدى، ونەگەلى ستۋدەنت بولۋلارىڭىزدى ءۇمىت ەتەمىن.
قىزمەت تەكسەرۋ كەزىندە، شي جينپيڭ انحۇي ولكەلىك پارتكوم مەن حالىق ۇكىمەتىنىڭ قىزمەت بايانداماسىن تىڭداپ، انحۇي ولكەسىنىڭ ەكونوميكالىق، قوعامدىق دامۋدا قول جەتكەن ناتيجەلەرى مەن ءتۇرلى قىزمەتتەرىن تۇراقتاندىردى. ول انحۇي ولكەسىنىڭ يدەيانى ونان ارى ازات ەتىپ، شىنايى يگەرىپ، ناقتى ىستەپ، ءورىس اشا جاڭالىق اشىپ، ورتا بولەكتىڭ ەڭسە كوتەرۋىندە جاڭا جول اشىپ، كوركەم بولاشاق جاراتۋىن ءۇمىت ەتتى.
شي جينپيڭ مىنانى اتاپ كورسەتتى: جالپى سۇرانىستى لايىقتى كەڭەيتۋمەن بىرگە، قامداۋ جاعىنداعى قۇرىلىمدىق رەفورمانى بارىنشا كۇشەيتۋ − ەلىمىزدىڭ ەكونوميكالىق، قوعامدىق دامۋىنىڭ وي جۇلگەسى مەن قىزمەت تۇيىندەرى جونىندەگى ماڭىزدى ورنالاستىرۋ. جەر - جەر ءوز جاعدايىنا ۇشتاستىرىپ، جاڭا دامۋ يدەياسىن مۇقيات دايەكتىلەندىرىپ، ءوندىرىس قۋاتىن كەمەيتۋ، قامباداعى قوردى ازايتۋ، قارجىلىق سۇيمەندى جويۋ، وزىندىك قۇندى تومەندەتۋ، ولقىلىقتاردى تولىقتىرۋدى ارقاۋ ەتىپ، قولدانىستاعى ءوندىرىس فاكتورلارىنىڭ جايعاسۋى مەن توپتالۋىن ساپالىلاندىرىپ، ەكونوميكانىڭ ىشكى ءوسىمىنىڭ قوزعاۋشى كۇشىن نىعايتىپ، قازىرگى قامداۋ قۇرىلىمىن جاقسارتىپ، ءونىم مەن قىزمەت كورسەتۋ ساپاسىن جوعارىلاتىپ، جاڭا سالالار مەن جاڭا فورماتسيالاردى باۋلىپ جانە دامىتىپ، جاڭا ءونىم، جاڭا قىزمەتتەرمەن قامتاماسىز ەتۋ كەرەك.
شي جينپيڭ مىنانى اتاپ كورسەتتى: ەكونوميكالىق باسەڭدەۋدىڭ قىسمى ارتىپ، قوعامدىق ماسەلەلەر مەن قايشىلىقتار كوبەيگەن قازىرگى جاعدايدا، نەگىزدى، تومەنگى شەكتى، حالىق تۇرمىسىن قامتاماسىز ەتۋ جاۋاپكەرشىلىگىن، وتە - موتە، ويداعىداي اتقارۋ كەرەك. قامداۋ جاعىنداعى قۇرىلىمدىق رەفورمانىڭ ۇزدىكسىز ىلگەرىلەۋىنە سايكەس، ءبىراز جۇمىسشى - قىزمەتكەرلەر جۇمىستان بوسايدى، كاسىپتەندىرۋ ماسەلەسىنە ونان ارى باسا ءمان بەرىپ، كاسىپتەنۋدە قيىنشىلىققا ۇشىراعان ادامداردىڭ تەزىرەك كاسىپتەنۋىنە كاسىپورىنداردى جۇمىسقا الۋعا ىنتالاندىرۋ، الەۋمەتتىك يگىلىكتى جۇمىس ورىندارىنا ورنالاستىرۋ، قوعامدىق ساياساتپەن قامتاماسىز ەتۋ سياقتى ارنالارمەن كومەكتەسىپ، بىردە - ءبىر ادامى كاسىپتەنبەگەن وتباسىلاردىڭ ديناميكالى تۇردە «نولدىك كۇيدە تۇرۋىنا» كەپىلدىك ەتۋ كەرەك.
شي جينپيڭ مىنانى باسا دارىپتەدى: جەڭۋگە ءتيىستى قيىنشىلىق، الۋعا ءتيىستى قامال، تيىسۋگە ءتيىستى ىرىمشىكتىڭ كوپ بولۋى − جاڭا كەزەكتى رەفورمانىڭ ەرەكشەلىگى. رەفورمانى جاپپاي تەرەڭدەتۋ ءۇشىن، الدىمەن قىلىشتىڭ ءجۇزىن ىشكە قاراتىپ، وزىمىزگە جۇرەكتىلىكپەن توڭكەرىس جۇرگىزۋىمىز، باستىسى، جاڭعىرتۋعا باسا ءمان بەرىپ، قيىنشىلىقتى جەڭە العا ۇمتىلىپ، قوزعاۋشى كۇشتى تۇبەگەيلى تۇردە جانداندىرىپ، حالىق جۇرتشىلىعىنىڭ ۇزدىكسىز تۇردە تابىستىلىق سەزىمدە بولۋىنا مۇمكىندىك جاساۋىمىز كەرەك. ءار دارەجەلى پارتكوم مەن ۇكىمەتتەر جانە ءار دارەجەلى باسشى كادرلار رەفورمانى وي ەلەگىنەن وتكىزۋدە، رەفورمانى تالقىلاۋدا، رەفورمانى يگەرۋدە باستاماشى بولىپ، رەفورمانىڭ قايراتتى اتويشىسى بولۋعا ۇمتىلۋى كەرەك. رەفورما تاقىرىپتارىن بەلگىلەپ، رەفورما شارالارىن انىقتاپ، بۇقارانىڭ قاجەتىنە تىعىز ۇشتاستىرىپ، بۇقارانىڭ پىكىرىن سابىرمەن تىڭداپ، حالىق جۇرتشىلىعىنىڭ رەفورما بارىسىنا ۇلەس قوسىپ، رەفورما بارىسىندا ءتىپتى كوپ ناقتى يگىلىككە كەنەلۋىنە مۇمكىندىك جاساۋ كەرەك.
شي جينپيڭ مىنانى باسا دارىپتەدى: پارتيا ۋستاۆىن ۇيرەنۋ − بارلىق پارتيا مۇشەسىنىڭ نەگىزگى ساباعى، بۇل ساباقتى ۇنەمى پىسىقتاپ وتىرۋ قاجەت. پارتيا ۋستاۆىن ءتۇپ نۇسقادان ۇيرەنىپ، قايتا - قايتا ۇيرەنىپ، ونىڭ ماڭىزىن تۇسىنۋمەن بىرگە، امالياتپەن ۇشتاستىرىپ، تەرەڭ وي جۇگىرتىپ، ونىڭ مانىنە كوز جەتكىزۋ كەرەك. پارتيانىڭ تاريحىنا جانە پارتيامىزدىڭ قازىرگى تاريحي ورنى مەن تاريحي پارىزىنىڭ ءىس جۇزىندىك جاعدايىنا، پارتيامىزدىڭ نازاريالىق دامۋىنا جانە مۇرات - سەنىمدى بەكەمدەۋدىڭ قازىرگى ءىس جۇزىندىك جاعدايىنا، پارتيامىزدىڭ نەگىزگى لۋشيانىنا جانە قىزمەتتەردى جاقسى ىستەۋدىڭ قازىرگى ءىس جۇزىندىك جاعدايىنا، پارتيامىزدىڭ سيپاتى مەن نەگىزگى ماقساتىنا جانە حالىققا ءتىپتى جاقسى قىزمەت ەتۋدىڭ قازىرگى ءىس جۇزىندىك جاعدايىنا، پارتيا مۇشەلەرىنىڭ مىندەتتەرى مەن ۇقىقتارىنا جانە پارتيا مۇشەلەرىنىڭ ۇلگىلى ەكپىندىلىك رولىن ويداعىداي ساۋلەلەندىرۋدىڭ قازىرگى ءىس جۇزىندىك جاعدايىنا، پارتيانىڭ تارتىپتەرى مەن قاعيدالارىنا جانە پارتيا ىشىندە ورىن تەپكەن كورنەۋ ماسەلەلەردى جاقسى شەشۋدىڭ قازىرگى ءىس جۇزىندىك جاعدايىنا ۇشتاستىرىپ، پارتيا ۋستاۆىندا پارتيا ۇيىمدارىنا، پارتيا مۇشەلەرىنە، كادرلارعا قانداي تالاپتار قويىلعانىن، ونى قايتكەندە ىسكە اسىرۋعا بولاتىندىعى، پارتيا ۋستاۆىنداعى تالاپتاردىڭ قايسىسىن ورىنداي الماعاندىعى، ءوز دەڭگەيىن قالاي كوتەرۋگە بولاتىندىعى، پارتيانى جاپپاي قاتاڭ جونگە سالۋدىڭ قانداي بۋىندارىن كۇشەيتۋگە، قانداي تۇزىمدەردى كەمەلدەندىرۋگە تۋرا كەلەتىندىگى جونىندە تەرەڭ وي جۇگىرتۋ كەرەك. وسىنداي ۇيرەنۋ ارقىلى پارتيا ۋستاۆىن تولىق يگەرۋ، ۇيرەنگەنىن ءتۇسىنۋ، ۇيرەنگەنىنە سەنىم ارتۋ، ۇيرەنگەنىن قولدانا ءبىلۋ كەرەك.
قىزمەت تەكسەرۋ كەزىندە، شي جينپيڭ انحۇي ولكەسىندە تۇراتىن اسكەري ءبولىمنىڭ ديۆيزيا دارەجەلىدەن جوعارى كادرلارىمەن جانە شايقاستىق پولكتەردىڭ نەگىزگى كومانديرلارىمەن ىقىلاستى بەينەدە كەزدەسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان انحۇيدا تۇراتىن اسكەري بولىمدەردەگى بارلىق كوماندير - جاۋىنگەردەن شىنايى حال سۇرادى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 24 - ساۋىردەن 27 - ساۋىرگە دەيىن انحۇيدا تەكسەرۋ - زەرتتەۋ جۇرگىزدى. سۋرەتتە: 24 - ءساۋىر تۇستەن كەيىن، شي جينپيڭ ليۋ - ان قالاسى جينجاي اۋدانى حۋاشى اۋىلى داۋان قىستاعىنىڭ تۇرعىنى ۋاڭ نىڭباۋ وتباسىندا كەدەيلەردى سۇيەمەلدەۋ قولدانباسىن كورۋدە.
(شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
