بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ: جاڭا جاعدايداعى اۋىل - قىستاق رەفورماسىن ىلگەرىلەتۋ سەرپىنىن ارتتىرىپ، اۋىل شارۋاشىلىعىنىڭ نەگىزىن بەكەمدەۋ، شارۋالاردىڭ الاڭسىز تىرشىلىك ەتۋىن جەبەۋ كەرەك

2016.04.29 15:51     كەلۋ قاينارى : حالىق تورابى


  شينحۋا اگەنتتىگى، 28 – ءساۋىر، حىفەي. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا انحۇيدىڭ فىڭياڭ اۋدانىنىڭ شياۋگاڭ قىستاعىندا اۋىل - قىستاق رەفورماسى جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. ول مىنانى دارىپتەدى: جۇڭگونى قۇدىرەتتەندىرۋ ءۇشىن، ءسوز جوق، اۋىل شارۋاشىلىعىن قۇدىرەتتەندىرۋ؛ جۇڭگونى كوركەيتۋ ءۇشىن، ءسوز جوق، اۋىل - قىستاقتى كوركەيتۋ؛ جۇڭگونى بايىتۋ ءۇشىن، ءسوز جوق، شارۋالاردى بايىتۋ كەرەك. اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە بارىنەن ماڭىزدى ورىنعا قويۋدا تاباندى بولىپ، جاڭا جاعدايداعى اۋىل - قىستاق رەفورماسىن ىلگەرىلەتۋ سەرپىنىن ارتتىرىپ، قالا مەن اۋىلدى ءبىر تۇتاس جوسپارلاۋدى كۇشەيتىپ، اۋىل شارۋاشىلىعىن قۇدىرەتتەندىرۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ ساياساتىن جاپپاي تياناقتاندىرىپ، اۋىل شارۋاشىلىعىنىڭ نەگىزىن بەكەمدەۋدى، اۋىل - قىستاقتىڭ جاراسىمدىلىعى مەن ورنىقتىلىعىن، شارۋالاردىڭ الاڭسىز تىرشىلىك ەتۋىن جەبەۋ كەرەك.

  كوپشىلىكتىڭ ءسوزىن تىڭداعان سوڭ شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: شياۋگاڭ قىستاعى ــ اۋىل - قىستاق رەفورماسىنىڭ نەگىزگى وشاعى. شياۋگاڭ قىستاعىنداعى كوتەرىپ الۋ سياقتى اۋىل شارۋاشىلىعى ءوندىرىسىنىڭ جاۋاپكەرشىلىگى نەگىزىندە قالىپتاسقان وتباسىلارىنىڭ كوتەرمەگە الىپ شارۋاشىلىق جۇرگىزۋىن نەگىز ەتكەن، بىرلىككە كەلتىرۋ مەن ءبولۋ ءوزارا ۇشتاستىرىلعان قوس جىكتى شارۋاشىلىق ءتۇزىلىسى ــ پارتيامىزدىڭ اۋىل - قىستاق ساياساتىنىڭ ماڭىزدى ىرگە تاسى. وسى رەتكى ءماجىلىستى شياۋگاڭ قىستاعىندا اشۋدىڭ ءمان - ماڭىزى ەرەكشە.شي جينپيڭ مىنانى دارىپتەدى: اۋىل - قىستاقتىڭ نەگىزگى شارۋاشىلىق ءتۇزىمىن كەمەلدەندىرۋ ءۇشىن، شارۋالاردىڭ ساقتامالى جەردى كوتەرمەگە الۋ ۇقىعىنا، جەر شارۋاشىلىق ۇقىعىن اينالىمعا سالۋ تىلەگىنە سايكەس، شارۋالاردىڭ جەردى كوتەرمەگە الىپ شارۋاشىلىق جۇرگىزۋ ۇقىعىن كوتەرمەگە الۋ ۇقىعى مەن شارۋاشىلىق جۇرگىزۋ ۇقىعىنا ايىرىپ، كوتەرمەگە الۋ ۇقىعى مەن شارۋاشىلىق جۇرگىزۋ ۇقىعىن ءبولىپ ورنالاستىرىپ قاتار جۇرگىزۋ كەرەك. بۇل ــ اۋىل - قىستاق رەفورماسىنداعى تاعى ءبىر ماڭىزدى ءتۇزىم جاڭالىعى. جەر شارۋاشىلىق ۇقىعىن ەركىنە جىبەرىپ، جەر شارۋاشىلىق ۇقىعىنىڭ ءتارتىپتى اينالىمعا ءتۇسۋىن جەبەۋدىڭ ساياساتتىق سيپاتى وتە كۇشتى، اينالىمعا تۇسكەن، شوعىرلى، كولەمدى شارۋاشىلىقتىڭ مولشەرىن ويداعىداي يگەرۋ ءۇشىن، ونى قالا - قالاشىقتاندىرۋ بارىسىمەن جانە اۋىل - قىستاقتاعى ەڭبەككۇشتەردى باسقا كاسىپ سالالارىنا ويىستىرۋ كولەمىمەن ۇيلەستىرۋ، اۋىل شارۋاشىلىعى عىلىم - تەحنيكاسىنىڭ العا باسۋىمەن جانە ءوندىرىس ءتاسىلىنىڭ جاڭالانۋ ورەسىمەن ۇيلەستىرۋ، اۋىل شارۋاشىلىعىنىڭ قوعامدانعان قىزمەت كورسەتۋ ورەسىنىڭ جوعارىلاۋىمەن ۇيلەستىرۋ كەرەك. شارۋالاردىڭ تىلەگىنە قۇرمەت ەتىپ جانە شارۋالاردىڭ ۇقىق - مۇددەسىن قورعاپ، تاڭداۋ ۇقىعىن شارۋالارعا بەرۋ كەرەك، شارۋالاردىڭ ورنىنا تاڭداۋ ەمەس، قايتا شارۋالاردىڭ ءوزى تاڭداۋدان ۇلگى كورسەتۋگە، وعان جەتەكشىلىك ەتۋگە بولادى، ءبىراق ءماجبۇري بۇيرىق تۇسىرۋگە، ناۋقانعا اينالدىرۋعا، ءبىر شىبىقپەن ايداۋعا بولمايدى. قالاي وزگەرتكەن كۇندە دە اۋىل - قىستاق جەرىنىڭ كوللەكتيۆ مەنشىك ءتۇزىمىن قۇلاتۋعا، ەگىستىك جەردى ازايتۋعا، استىق ءوندىرىس قابىلەتىن السىرەتۋگە، شارۋالاردىڭ مۇددەسىنە زيان سالۋعا بولمايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.