بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ حالىقتىق اۋە قورعانىس جونىندەگى مەملەكەتتىك 7 - رەتكى ءماجىلىستىڭ ۋاكىلدەرىمەن كەزدەسكەندە

حالىقتىق اۋە قورعانىس ءىسىنىڭ جاڭا جاعدايىن جاساۋدى باسا دارىپتەدى

2016.05.17 13:33     كەلۋ قاينارى : شينجياڭ گازەتى

  شينحۋا اگەنتتىگىنىڭ 13 - مامىردا بەيجيڭنەن بەرگەن حابارى. حالىقتىق اۋە قورعانىس جونىندەگى مەملەكەتتىك 7 - رەتكى ءماجىلىس 13 - مامىردا بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناسقان ۋاكىلدەرمەن ىقىلاسپەن كەزدەستى. ول بىلاي دەپ باسا دارىپتەدى: حالىقتىق اۋە قورعانىس حالىق بۇقاراسىنىڭ اماندىعىنا، رەفورما جاساۋ، ەسىك اشۋ جانە وسىزامانداندىرۋ قۇرىلىسىنىڭ جەتىستىگىنە سايادى. حالىقتىق اۋە قورعانىسى حالىق ءۇشىن ىستەۋ ماقساتىنا تاباندى بولىپ، وسى قىزمەتتى ستراتەگيالىق ورىنعا قويىپ، «13 - بەسجىلدىق» جوباعا ەنگىزىپ، باسقا قىزمەتتەرمەن قاتار يگەرىپ، حالىقتىق اۋە قورعانىس ءىسىنىڭ جاڭا جاعدايىن ىنتىماقتاسا وتىرىپ جاساۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي ۋاكىلدەرمەن كەزدەسۋدە بىرگە بولدى.

  ءتۇستىڭ الدىندا ساعات 9دان 30 مينۋت وتكەندە، شي جينپيڭ قاتارلىلار جيڭشي قوناق ءۇيى ءماجىلىس عيماراتىنىڭ الدىڭعى زالىنا كەلىپ، ۋاكىلدەرمەن ىقىلاسپەن قول الىستى ءارى ولارمەن ەستەلىك سۋرەتكە ءتۇستى.

  قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان حالىقتىق اۋە قورعانىس جونىندەگى مەملەكەتتىك 7 - رەتكى ماجىلىسكە قاتىناسقان ۋاكىلدەردەن جانە حالىقتىق اۋە قورعانىس شەبىندەگى بارلىق جولداستاردان شىنايى حال سۇرادى، ماداقتالىپ - سيلانعان حالىقتىق اۋە قورعانىسىنداعى وزات قالالاردى، وزات كوللەكتيۆتەردى، وزات قىزمەتكەرلەردى قىزۋ قۇتتىقتادى.

  شي جينپيڭ بىلاي دەپ اتاپ كورسەتتى: حالىقتىق اۋە قورعانىسى −− مەملەكەتتىڭ كەلەلى ءىسى، مەملەكەتتىك ستراتەگيا، ۇزاق ۋاقىتتىق ستراتەگيا. رەفورما جاساپ، ەسىك اشقاننان بەرى، حالىقتىق اۋە قورعانىس ىسىندە تىڭ جەتىستىكتەرگە قول جەتىپ، مەملەكەتتىڭ حاۋىپسىزدىگىن قورعاۋعا، ەكونوميكالىق، قوعامدىق دامۋعا قىزمەت وتەۋ جاعىندا ۇلەس قوستى. جاڭا جاعدايدا حالىقتىق اۋە قورعانىس شەبىندەگى جولداستاردىڭ ساياسي سانانى، جالپى جاعداي ساناسىن، قورعانىس ساناسىن، جاۋاپكەرشىلىك ساناسىن كۇشەيتىپ، مەملەكەت حاۋىپسىزدىگى جونىندەگى جالپى تۇلعالىق كوزقاراستى دايەكتىلەندىرىپ، حالىقتىق اۋە قورعانىسىنىڭ قۇدىرەتتى، بەرىك وسى زامانعى جۇيەسىن قۇرۋعا تىڭ ۇلەستەر قوسۋىن ءۇمىت ەتەمىن.

  شي جينپيڭ مىنانى باسا دارىپتەدى: حالىقتىق اۋە قورعانىسى حالىق ءۇشىن ىستەۋ ماقساتىنا تاباندى بولىپ، حالىقتى قورعايتىن مىزعىماس بەرىك قامال تۇرعىزۋ كەرەك. بورىشتى، مىندەتتى اتقارۋ قابىلەتىن ءوسىرىپ، اۋە شابۋىلىنان قورعانۋداعى شايقاس قابىلەتىن جوعارىلاتىپ، سوعىس كەزىندە اۋە شابۋىلىنان قورعانۋ، بەيبىت كەزدە قىزمەت وتەۋ، شۇعىل جاعدايدا كومەك كورسەتۋ فۋنكتسيالىق بورىشىن ءونىمدى تۇردە اتقارۋ كەرەك. حالىقتىق اۋە قورعانىس قۇرىلىسىنىڭ دامۋ تاسىلىنە بۇرىلىس جاساپ، جاڭا دامۋ كوزقاراسىن ورناتىپ جانە تياناقتاندىرىپ، رەفورمانى تەرەڭدەتىپ، ارميا مەن حالىقتىڭ توعىسۋىن ىلگەرىلەتىپ، اناعۇرلىم ساپالى، اناعۇرلىم ءونىمدى، اناعۇرلىم باياندى دامۋدى جۇزەگە اسىرۋعا قۇلشىنۋ كەرەك. ارميا مەن ۇكىمەتتىڭ بىرگە باسشىلىق ەتۋ باسىمدىعىن ساۋلەلەندىرۋ، ءار دارەجەلى پارتكوم مەن ۇكىمەت، سونداي - اق اسكەري ىستەر ورگانى ۇيىمدىق باسشىلىقتى كۇشەيتۋ كەرەك.

  لي كىچياڭ ماجىلىسكە قاتىناستى ءارى ءسوز سويلەدى. ول بىلاي دەپ اتاپ كورسەتتى: «بەس ءبىر تۇلعالاندىرىلعان» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، جاڭا دامۋ كوزقاراسىن مىقتاپ ورناتىپ جانە دايەكتى تياناقتاندىرىپ، حالىقتىق اۋە قورعانىس ءىسىن دامىتۋ تاسىلىنە جەدەل بۇرىلىس جاساپ، ارميا مەن حالىقتىڭ توعىسپالى دامۋ ستراتەگياسىن ىشكەرىلەي اتقارىپ، حالىقتىق اۋە قورعانىس قۇرىلىسىنىڭ قوعامدىق، ەكونوميكالىق دامۋمەن سايكەسۋىنە تاباندى بولىپ، سوعىس دايىندىعى ونىمدىلىگىن، قوعامدىق ونىمدىلىكتى جانە ەكونوميكالىق ونىمدىلىكتى ۇزدىكسىز جوعارىلاتۋ كەرەك. ءبىرىنشى، حالىقتىق اۋە قورعانىس قىزمەتىنىڭ ماڭىزدىلىعىن مەملەكەتتىڭ دامۋى مەن حاۋىپسىزدىگى تۇرعىسىنان جەتە تانىپ، حالىقتىق اۋە قورعانىسىنىڭ «جەر استى قامالىن» قالىپتاستىرىپ، ەكونوميكالىق، قوعامدىق دامۋدى جانە حالىقتىڭ باس اماندىعى مەن مال - مۇلكىنىڭ حاۋىپسىزدىگىن پارمەندى تۇردە قامتاماسىز ەتۋ كەرەك. ەكىنشى، جاڭاشا قالا - قالاشىقتاندىرۋدا حالىقتىق اۋە قورعانىس قۇرىلىسىن ءبىر تۇتاس جوسپارمەن ىلگەرىلەتۋ قاجەت. حالىقتىق اۋە قورعانىس ينجەنەرياسىن جەر استى كەڭىستىگىن اشىپ پايدالانۋدىڭ ماڭىزدى دانەكەرى ەتىپ، جەر استى بايلىعىنىڭ مۇمكىندىكتەرىن جاقسى اشىپ، بەيبىت كەز بەن سوعىس كەزى ۇشتاستىرىلعان، ءوزارا ۇلاسقان، توڭىرەكتىڭ ءتورت بۇرىشىنا تۇتاسقان قالا جەر استى كەڭىستىگىن قالىپتاستىرۋ كەرەك. ءۇشىنشى، ماڭىزدى ەكونوميكالىق نىسانالاردى قورعاۋ فۋنكتسياسىن كۇشەيتۋ كەرەك. دارەجەگە، تۇرگە ايىرىلعان قورعانىس مەحانيزمىن ورناتىپ، سالىنىپ بولعان نىسانالارعا قورعانىستىق تالاپ بويىنشا جوسپارلى، ساتىلى تۇردە وزگەرىس ەنگىزۋ، جاڭادان سالىنعان نىسانالارعا قورعانۋ شارالارىن سايكەستى تياناقتاندىرۋ كەرەك. ءىشىنارا ماڭىزدى ەكونوميكالىق نىسانالاردى بىرتىندەپ جەر استىنا بەيىمدەۋ كەرەك. ءتورتىنشى، حالىقتىق اۋە قورعانىس بايلىعىن اشىپ پايدالانۋ قاجەت. حالىقتىق اۋە قورعانىسىنىڭ الەۋمەتتىك قىزمەت وتەۋ فۋنكتسياسىن ساۋلەلەندىرىپ، ءىس جۇزىندىك جاعدايدى نەگىزگە الا وتىرىپ، حالىقتىق اۋە قورعانىس ينجەنەريالارىن جەر استى اۆتوتۇراق سياقتى الەۋمەتتىك قىزمەت قۇرىلعىلارى رەتىندە پايدالانىپ جانە قوس تۇعىر ورناتىپ، جاڭا كاسىپتەردى دامىتۋ كەرەك؛ سونىمەن قاتار حالىقتىق اۋە قورعانۋ بويىنشا شۇعىل جاعدايعا توتەپ بەرۋ، قۇتقارۋ يقۋاتىن ساۋلەلەندىرىپ، قالانىڭ شۇعىل جاعدايعا توتەپ بەرۋ، قۇتقارۋ، قامتاماسىز ەتۋ جۇيەسىنە ەنگىزىپ، الەۋمەتتىك شۇعىل جاعدايعا توتەپ بەرۋ قابىلەتىن ارتتىرۋ كەرەك. بەسىنشى، حالىقتىق اۋە قورعانىس ءىسىن بازارلاندىرۋ رەفورماسىن بەلسەنە جۇرگىزۋ كەرەك. قارجى قوسۋ، قارجى توپتاۋ مەحانيزمىن جاڭالاپ، قوعامدىق كۇشتەردى حالىقتىق اۋە قورعانىس قۇرىلعىلارى قۇرىلىسىنا، شارۋاشىلىعىنا جانە باسقارۋ ىستەرىنە قاتىناسۋعا جەتەكتەۋ كەرەك. التىنشى، سەلبەسىپ قىزمەت ىستەۋ مەحانيزمىن ورناتۋ كەرەك. ءار دارەجەلى ۇكىمەتتەر حالىقتىق اۋە قورعانىس قۇرىلىسىن دامىتۋدى ماڭىزدى ورىنعا قويىپ، ساياساتتىق قولداۋدى كۇشەيتۋى قاجەت. ءار دارەجەلى حالىقتىق اۋە قورعانىس تاراۋى ارميا مەن جەرگىلىكتى ورىننىڭ قارىم - قاتىناسى مەن سايكەسۋىن ىرىقتى تۇردە كۇشەيتىپ، حالىقتىق اۋە قورعانىسى قىزمەتىنىڭ بىرىككەن كۇشىن قالىپتاستىرۋ كەرەك.

  ماجىلىستە حالىقتىق اۋە قورعانىس سالاسىنداعى مەملەكەتتىك 65 وزات قالا، 35 وزات كوللەكتيۆ، 45 وزات قىزمەتكەر ماداقتالىپ - سيلاندى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.