بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 24 - رەتكى ءماجىلىسىن باسقارىپ اشتى

2016.05.23 13:28     كەلۋ قاينارى : ءتاڭىرتاۋ تورابى

  رەفورما جونىندەگى سەنىمدى بەكەمدەپ، دالمە - ءدال شارا قولدانۋعا باسا ءمان بەرىپ، رەفورمانىڭ ونىمدىلىگىن جوعارىلاتىپ، ءتۇزىمنىڭ باسىمدىعىن ارتتىرۋدى باسا دارىپتەدى

  شينحۋا اگەنتتىگىنىڭ 20 - مامىردا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ 20 - مامىر كۇنى تۇستەن بۇرىن، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 24 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنانى باسا دارىپتەدى: قامداۋ جاعىنداعى قۇرىلىمدىق رەفورما ءمانى جاعىنان ءبارى ءبىر رەفورما، سوندىقتان قۇرىلىمدىق رەتتەۋدى رەفورما ادىسىمەن ىلگەرىلەتىپ، قامداۋ ساپاسىن جوعارىلاتۋعا ىشكى قوزعاۋشى كۇش بەرۋ، سىرتقى ورتا ازىرلەۋ كەرەك. رايوندار، تاراۋلار رەفورمانى جاپپاي تەرەڭدەتۋگە سۇيەنە وتىرىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى ماڭىزدى ورىنعا قويىپ، رەفورما جونىندەگى سەنىمدى بەكەمدەپ، ماسەلەنى نىشان ەتۋدى كورنەكتىلەندىرىپ، تۇرلەر بويىنشا جەتەكشىلىك ەتۋدى كۇشەيتىپ، دالمە - ءدال شارا قولدانۋعا باسا ءمان بەرىپ، رەفورمانىڭ ونىمدىلىگىن جوعارىلاتىپ، ءتۇزىم باسىمدىعىن ارتتىرۋى كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىقتارى لي كىچياڭ، ليۋ يۇنشان، جاڭ گاۋلي ماجىلىسكە قاتىناستى.

  ءماجىلىس «قالا مەن اۋىلدىڭ مىندەتتى وقۋ - اعارتۋىن ءبىر تۇلعالاندىرۋ رەفورماسى مەن دامۋىن ءبىر تۇتاس ىلگەرىلەتۋ جونىندەگى پىكىردى»، «قوعام حاۋىپسىزدىگى سالاسىنىڭ زاڭ اتقارۋىن ارناعا ءتۇسىرۋ قۇرىلىسىن تەرەڭدەتۋ جونىندەگى پىكىردى»، «ەرىكتى قىزمەت وتەۋ ۇيىمدارىن قولداۋ جانە دامىتۋ جونىندەگى پىكىردى»، «ەگىس داقىلدارىن الما - كەزەك ەگىپ، ەگىستىك جەرلەردى تىنىقتىرۋ ءتۇزىمىن سىناق تۇيىندەرىندە اتقارۋعا ىزدەنىس جاساۋ جوباسىن »، «شەتەلدەرگە قاتىستى زاڭدىق قىزمەت وتەۋ كاسىبىن دامىتۋ جونىندەگى پىكىردى»، «رايونداردىڭ قامداۋ جاعىنداعى قۇرىلىمدىق رەفورماسىن رەفورما شاراسى ارقىلى تياناقتاندىرۋ جاعدايىن» قاراپ ماقۇلدادى.

  ءماجىلىس مىنالاردى اتاپ كورسەتتى: اۋدان وڭىرىندەگى قالا مەن اۋىلدىڭ مىندەتتى وقۋ - اعارتۋىنىڭ ءبىر تۇلعالانا دامۋىن ءبىر تۇتاس ىلگەرىلەتۋ − قالا مەن اۋىلدىڭ وقۋ - اعارتۋ جاعىنداعى پارقىن ازايتۋدا، وقۋ - اعارتۋ ادىلدىگىن جەبەۋدە ماڭىزدى ءمان الادى. كورنەكتى ماسەلەلەرگە مەڭزەس، قالا مەن اۋىلدارداعى مىندەتتى وقۋ - اعارتۋ ساتىسىنداعى مەكتەپتەردىڭ ورنالاسۋىن ۇيلەسىمدى جوبالاۋ، قالا مەن اۋىلدىڭ مىندەتتى وقۋ - اعارتۋ قاراجاتىن قامتاماسىز ەتۋ مەحانيزمىن كەمەلدەندىرۋ، قالا مەن اۋىلدىڭ وقۋ - اعارتۋ بايلىعىنىڭ جايعاسۋىن ءبىر تۇتاس جوسپارلاۋ، اۋىل - قىستاقتاردىڭ وقۋ - اعارتۋ ساپاسىن جوعارىلاتۋ، اۋىل - قىستاقتارداعى وقۋشى قاينارىن ورنىقتىرۋ، اتا - اناسىمەن بىرگە قونىس اۋدارعان بالالاردىڭ وقۋعا ءتۇسۋىن قامتاماسىز ەتۋ، ۇيدە قالعان بالالارعا قامقورلىق جاساۋ، ولاردى قورعاۋدى كۇشەيتۋ جاقتارىندا ناقتى، جارامدى ادىستەردى العا قويۋ كەرەك. اۋىل - قىستاقتاردىڭ، وتە - موتە، بايىرعى توڭكەرىستىك رايوندار، از ۇلت رايوندارى، شەكارا رايوندارى سياقتى رايونداردىڭ مىندەتتى وقۋ - اعارتۋىن سۇيەمەلدەۋ سەرپىنىن ارتتىرىپ، كەدەي رايوندارداعى بالالاردىڭ ءادىل، ساپالى مىندەتتى وقۋ - اعارتۋدان يگىلىكتەنۋ ورايىنا يە بولۋىنا مۇمكىندىك جاساۋ كەرەك. جەرگىلىكتى ورىننىڭ ءىس جۇزىندىك جاعدايىمەن ۇشتاستىرۋعا كوڭىل ءبولىپ، دامۋ جولىن جەرگىلىكتى جاعدايعا قاراي تاڭداۋ كەرەك.

  ءماجىلىس مىنانى باسا دارىپتەدى: قوعام حاۋىپسىزدىگى سالاسىنىڭ زاڭ اتقارۋدى ارناعا ءتۇسىرۋ قۇرىلىسىن تەرەڭدەتۋدە قوعام حاۋىپسىزدىگى سالاسىنىڭ زاڭ اتقارۋ ۇقىعىن جۇرگىزۋ مەحانيزمىن كەمەلدەندىرۋدى كوزدەپ، زاڭ اتقارۋ ءتۇزىمىنىڭ كەمەلدى جۇيەسىن، زاڭ اتقارۋدىڭ، دەلو ىستەۋدىڭ ارناعا تۇسىرىلگەن جۇيەسىن، زاڭ اتقارۋدى باسقارۋدىڭ سيستەمالى جۇيەسىن، زاڭ اتقارۋ بويىنشا تاربيەلەۋدىڭ ناقتى شايقاستىق جۇيەسىن، زاڭ اتقارۋدى قامتاماسىز ەتۋدىڭ پارمەندى جۇيەسىن قۇرىپ، زاڭ اتقارۋ قوسىنىن مامانداندىرىپ، زاڭ اتقارۋ ارەكەتىن ولشەمدەندىرىپ، زاڭ اتقارۋدى باسقارۋدى جۇيەلىلەندىرىپ، زاڭ اتقارۋ ءتارتىبىن ينفورماتسيالاندىرىپ، زاڭ اتقارۋ ساپاسى مەن زاڭ اتقارۋدىڭ الەۋمەتتىك سەنىمىنىڭ ۇزدىكسىز كۇشەيۋىن قامتاماسىز ەتۋ كەرەك. زاڭ اتقارۋ سۋبيەكتىنىڭ ءوز مىندەتىن زاڭ بويىنشا اتقارۋ قابىلەتىن كۇشەيتىپ، حالىق ءۇشىن زاڭ اتقارۋ يدەياسىن ورناتىپ، زاڭ اتقارۋدى باقىلاۋدى قاتايتىپ، زاڭ اتقارۋداعى كورنەكتى ماسەلەلەردى شەشىپ، حالىق بۇقاراسىنا ءاربىر زاڭ اتقارۋ ارەكەتىندە، ءاربىر دەلونى ءبىر جايلى ەتۋدە قوعامنىڭ ادىلدىگى مەن تۋراشىلدىعىن سەزىندىرۋگە قۇلشىنۋ كەرەك.

  ءماجىلىس بىلاي دەپ اتاپ كورسەتتى: ەرىكتى قىزمەت وتەۋ ۇيىمدارىن قولداۋ جانە دامىتۋ ءۇشىن، سوتسياليستىك وزەكتى قۇن كوزقاراسىن جەتىلدىرۋدى جانە امالياتتا ايگىلەۋدى، حالىقتىڭ كۇن سايىن ارتىپ كەلە جاتقان قوعامدىق قىزمەت وتەۋ سۇرانىسىن قاناعاتتاندىرۋدى ارقاۋ ەتۋگە، قابىلەت قۇرىلىسىن نەگىز ەتۋگە، ساياسات، ءتۇزىم ورناتۋدى، كەمەلدەندىرۋدى، ءتۇزىلىس پەن مەحانيزمدى كەمەلدەندىرۋدى، زاڭدىق قامتاماسىز ەتۋدى كۇشەيتۋدى ءتۇيىن ەتۋگە تاباندى بولىپ، ەرىكتى قىزمەت وتەۋ ۇيىمدارىن بەلسەنە دەمەپ، دامىتىپ، ەرىكتى قىزمەت وتەۋ ۇيىمدارىنىڭ ۇيلەسىمدى ورنالاستىرىلعان، جۇيەلى باسقارىلاتىن، كەمەلدى قىزمەت وتەيتىن، ومىرشەڭدىك كۇشكە تولى جۇيەسىن قالىپتاستىرۋ كەرەك. ەرىكتى قىزمەت وتەۋ ۇيىمدارىنىڭ قىزمەت ءتۇيىنىن كەدەيلەردى سۇيەمەلدەۋ، كەدەيلەرگە كومەكتەسۋ، قارتتاردى سۇيەمەلدەۋ، جەتىمدەردى قۇتقارۋ، اۋرۋ - سىرقاۋلارعا كومەكتەسۋ، مۇگەدەكتەرگە قارايلاسۋ، اپاتتان قۇتقارۋ، مەديتسينالىق كومەك بەرۋ، وقۋعا كومەكتەسۋ جاقتارىنا بەيىمدەۋ كەرەك.

  ءماجىلىس مىنانى باسا دارىپتەدى: ءىشىنارا رايونداردا ەگىس داقىلدارىن الما - كەزەك ەگىپ، ەگىستىك جەرلەردى تىنىقتىرۋ ءتۇزىمىن سىناق تۇيىندەرىندە اتقارۋعا ىزدەنىس جاساۋ ەگىستىك جەرلەردى تىنىقتىرۋعا جانە اۋىل شارۋاشىلىعىنىڭ باياندى دامۋىنا ءتيىمدى ءارى استىق جاعىنداعى قامداۋ مەن قاجەتتى تەڭگەرۋگە، شارۋالاردىڭ كىرىسىن ورنىقتىرۋعا ءتيىمدى. ەگىستىك جەردى قورعاۋدىڭ قىزىل سىزىعىنان وتپەۋ، مەملەكەتتىڭ استىق حاۋىپسىزدىگىن قامتاماسىز ەتۋ، شارۋالاردىڭ كىرىسىنە ىقپال جاساماۋ العى شارتى استىندا، قاتىستى رايونداردا ەگىس داقىلدارىن الما - كەزەك ەگۋدى جانە ەگىستىك جەردى تىنىقتىرۋدى تۇيىندەردە سىناق ەتۋ كەرەك. مۇددە تولەمى مەحانيزمىن ورناتىپ، شارۋالاردىڭ كىرىسىن ورنىقتىرۋ كەرەك.

  ءماجىلىس مىنانى اتاپ كورسەتتى: شەتەلدەرگە قاتىستى زاڭدىق كومەك وتەۋ كاسىبىن دامىتۋدا، سىرتقا اشىلعان ەكونوميكانىڭ جاڭا ءتۇزىلىسى تالابىنا ۇيلەسىپ، ەلىمىزدىڭ ديپلوماتيالىق قىزمەتىنىڭ جالپى جاعدايى مەن مەملەكەتتىڭ كەلەلى دامۋ ستراتەگياسى توڭىرەگىندە، سۇيەمەلدەۋ، قامتاماسىز ەتۋ ساياساتىن كەمەلدەندىرىپ، شەتەلدەرگە قاتىستى زاڭدىق قىزمەت وتەۋ قۇرىلىمدارىن قۇرىپ، شەتەلدەرگە قاتىستى زاڭدىق قىزمەت وتەۋ قوسىنىن دامىتىپ، زورايتىپ، شەتەلدەرگە قاتىستى زاڭدىق قىزمەت وتەۋ ءتاسىلىن كەمەلدەندىرىپ، شەتەلدەرگە قاتىستى زاڭدىق قىزمەت وتەۋدىڭ ساپاسىن جوعارىلاتىپ، زاڭدىق قىزمەت وتەۋ كاسىبىنىڭ سىرتقا اشىق ۇستاۋدى ورنىقتى تۇردە ىلگەرىلەتىپ، ەلىمىز ازاماتتارىنىڭ، زاڭدىق يەلەرىنىڭ شەتەلدەردەگى، سونداي - اق شەتەل ازاماتتارىنىڭ، زاڭدىق يەلەرىنىڭ ەلىمىزدەگى ورىندى مۇددەسىن اناعۇرلىم جاقسى قورعاۋ كەرەك.

  ءماجىلىس مىنالاردى باسا دارىپتەدى: قامداۋ جاعىنداعى قۇرىلىمدىق رەفورمانى ىلگەرىلەتۋ − رەفورمانى جاپپاي تەرەڭدەتۋ بەكىمى ءۇشىن ماڭىزدى سىن. رەفورمانىڭ ميحىناتى مەزەتتىك بولاتىنىن، ءبىراق رەفورما جۇرگىزىلمەسە، تاۋقىمەتتىڭ ۇزاق بولاتىنىن جەتە تانۋ كەرەك. ءتۇرلى قايشىلىقتار جونىندە ىشتەي دايىندىق بولۋ، رەفورمانىڭ تۇراقتىلىعىن كۇشەيتىپ، رەفورمانىڭ ۋاقىت وتكەلەكتەرىن مىقتى يگەرۋ كەرەك، كوز جەتكەن رەفورمالاردى، ءسوز جوق، سوڭىنا دەيىن جالعاستىرۋ، ءسوز جوق، جەڭىسكە جەتۋ كەرەك.

  مەملەكەت مەنشىگىندەگى كاسىپورىندار، قازىنا، باجى، فينانس، باعا ءتۇزىلىسى، اۋىل شارۋاشىلىعى، اۋىل - قىستاق، سىرتقا ەسىك اشۋ، قوعامدىق قامتاماسىزداندىرۋ، ەكولوگيالىق وركەنيەت سياقتى سالالارداعى نەگىزدىك رەفورمانى تەزدەتۋ، شەشۋشى رەفورما شارالارىن جەدەل العا قويۋ كەرەك. قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋدا ارناۋلى جوبا جاساۋ، تياناقتاندىرۋدى تۇرلەر بويىنشا يگەرۋ كەرەك. قازىرگى ساتىدا العا قويىلعان قىسقا مەرزىمدىك تىزگىندەۋ تاسىلدەرىن رەفورما نىساناسىمەن بىرلىككە كەلتىرۋگە كوڭىل ءبولىپ، كەمەلدى ءتۇزىلىستىڭ، مەحانيزمنىڭ قالىپتاسۋىن جەبەۋ كەرەك. رەفورمانى قۋزاۋ - تەكسەرۋ قىزمەتىن مىقتى يگەرۋ ءارى جوبانىڭ تياناقتاندىرىلۋىن قۋزاۋ، ءارى جاۋاپكەرشىلىكتىڭ تياناقتاندىرىلۋىن دا قۋزاۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.