- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك عىلىم - تەحنيكا جاسامپازدىعى جينالىسى، ەكى اكادەميا اكادەميكتەرىنىڭ جينالىسى، جۇڭگو عىلىم - تەحنيكا قوعامىنىڭ مەملەكەتتىك 9 - قۇرىلتايى بەيجيڭدە اشىلدى
2016.05.31 14:10 كەلۋ قاينارى : حالىق تورابى
«حالىق گازەتى»، 30 – مامىر، بەيجيڭ. مەملەكەتتىك عىلىم - تەحنيكا جاسامپازدىعى جينالىسى، جۇڭگو عىلىم اكادەمياسى اكادەميكتەرىنىڭ 18 - رەتكى جينالىسى جانە جۇڭگو تەحنيكالىق عىلىمدار اكادەمياسى اكادەميكتەرىنىڭ 13 - رەتكى جينالىسى، جۇڭگو عىلىم - تەحنيكا قوعامىنىڭ مەملەكەتتىك 9 - قۇرىلتايى 30 - مامىر تۇستەن بۇرىن حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول مىنانى دارىپتەدى: عىلىم - تەحنيكا قۇدىرەتتەنسە، ۇلت كوركەيەدى، عىلىم - تەحنيكا قۇدىرەتتەنسە، مەملەكەت كۇشەيەدى. بۇگىن ءبىز وسى ارادا سالتاناتتى جينالىس اشۋ ارقىلى ەلىمىز دامۋىنىڭ شىت جاڭا تاريحي بەلەسىندە عىلىم - تەحنيكادا جاڭالىق اشۋدى ءتىپتى دە ماڭىزدى ورىنعا قويىپ، عىلىم - تەحنيكادا دۇنيە جۇزىندەگى قۇدىرەتتى ەل بولۋ دابىلىن قاقتىق. «ەكى 100 جىلدىق» كۇرەس نىساناسىن ىسكە اسىرۋ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن، ءسوز جوق، دەربەس جاڭالىق اشۋدىڭ جۇڭگوشا جولىمەن جۇرۋدە تاباندى بولۋ، دۇنيە ءجۇزى عىلىم - تەحنيكاسىنىڭ الدىڭعى شەبىن، ەكونوميكالىق نەگىزگى شايقاس مايدانىن، مەملەكەتتىڭ ەلەۋلى قاجەتىن كوزدە ۇستاپ، ءارقايسى سالاداعى عىلىم - تەحنيكالىق جاسامپازدىقتى جەدەلدەتىپ، دۇنيە ءجۇزىنىڭ عىلىم - تەحنيكا باسەكەسىندە ۇتىمدى ورايدى بۇلجىتپاي يگەرۋ كەرەك. بۇل ــ ءبىزدىڭ دۇنيە ءجۇزى بويىنشا عىلىم - تەحنيكادا قۇدىرەتتى ەل بولۋدى العا قويۋداعى شىعار ءتۇيىنىمىز.
جينالىستى لي كىچياڭ باسقاردى. جاڭ دىجياڭ، يۇي جىڭشىڭ، ليۋ يۇنشان، ۋاڭ چيشاندار جينالىسقا قاتىناستى.
دۋ قول شاپالاق ءۇنى ىشىندە شي جينپيڭ ءسوز سويلەدى. ول بىلاي دەپ اتاپ كورسەتتى: ەلىمىزدىڭ عىلىم - تەحنيكا ىستەرىنىڭ دامۋ نىساناسى ــ 2020 - جىلى ەلىمىزدىڭ جاسامپاز ەلدەردىڭ قاتارىنان ورىن الۋىنا مۇمكىندىك جاساۋ، 2030 - جىلى ەلىمىزدىڭ جاسامپاز ەلدەردىڭ الدىڭعى لەگىنە وتۋىنە مۇمكىندىك جاساۋ، جاڭا جۇڭگونىڭ قۇرىلعانىنا 100 جىل تولعاندا ەلىمىزدى دۇنيە جۇزىندەگى عىلىم - تەحنيكادا قۇدىرەتتى ەلگە اينالدىرۋ.
جۇڭگو عىلىم اكادەمياسى مەن جۇڭگو تەحنيكالىق عىلىمدار اكادەمياسىنىڭ اكادەميكتەرى جانە عىلىم - تەحنيكا قىزمەتكەرلەرى ــ ەلىمىزدىڭ بايلىعى، حالىقتىڭ ماقتانىشى، ۇلتتىڭ مەرەيى. كوپشىلىك ماڭىزدى جاۋاپكەرشىلىك، كەلەلى بورىش ارقالاپ وتىر، جاسامپاز مەملەكەت قۇرۋعا، دۇنيە جۇزىندەگى عىلىم - تەحنيكادا قۇدىرەتتى ەل بولۋعا تىڭ دا اناعۇرلىم زور ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
