- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ داچىن ارالىنداعى تىڭ يگەرۋشىلەردىڭ ۇرپاقتارىنا جاۋاپ حات جازىپ
ولاردى وتاندى قىزۋ ءسۇيىپ، جاقسى وقىپ، تاماشا ءمورالدىق قاسيەت جەتىلدىرۋگە ىنتالاندىردى
2016.06.01 14:02 كەلۋ قاينارى : شينجياڭ گازەتى
شينحۋا اگەنتتىگىنىڭ 31 - مامىردا بەيجيڭنەن بەرگەن حابارى. «1 - ماۋسىم» حالىقارالىق بالالار مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ داچىن ارالىنداعى تىڭ يگەرۋشىلەردىڭ ۇرپاقتارى، جىجياڭ ولكەسى تايجوۋ قالاسى جياۋجياڭ رايونىنداعى باستاۋىش مەكتەپتىڭ 12 وقۋشىسىنا جاۋاپ حات جازىپ، ولاردىڭ مەرەكەلەرىنە قۇتتى بولسىن ايتىپ، بۇكىل ەلدەگى بالدىرعانداردىڭ مەرەكەلەرىن قۇتتىقتادى.
شي جينپيڭ جاۋاپ حاتىندا بىلاي دەدى: جازعان حاتتارىڭدى وقىپ، 10 جىلدىڭ الدىندا داچىن ارالىنا بارعان ساپارىم، وندا سەندەردىڭ اتا - اجەلەرىڭمەن كەڭەسكەن كەزدەرىم ەسىمە ءتۇستى. 60 جىلدىڭ الدىندا، اتالارىڭ مەن اجەلەرىڭ اۋىلدارىنان شالعايداعى داچىن ارالىنا كەلىپ، تىڭ يگەرىپ، جاپا - ماشاقاتتان تايسالماي شارۋاشىلىق قۇراتىن، جىگەرلەنە العا ۇمتىلاتىن، قالتقسىز ۇلەس قوساتىن، ءورىس اشا جاڭالىق جاسايتىن تىڭ يگەرۋ رۋحىن جاستىق جالىندارىمەن جانە تابان ەت، ماڭداي تەرلەرىمەن سومدادى. ءدال سەندەردىڭ حاتتارىڭدا ايتىلعانداي، ولار − ەڭ قادىرلى جاندار.
شي جينپيڭ بىلاي دەپ اتاپ كورسەتتى: ماعان جازعان حاتتارىڭدا «تىڭ يگەرۋشىلەردىڭ ۇرپاعى ەكەندىكتەرىڭدى، اتا - اجەلەرىڭنىڭ سول جىلدارداعى كۇرەسكەرلىك رۋحىن ەستە بەرىك ساقتاپ، قۇلشىنا ۇيرەنىپ، تاماشا ءمورالدىق قاسيەت جەتىلدىرىپ، ەسەيگەندە وتان مەن حالىقتىڭ ءۇمىتىن اقتايتىندىقتارىڭدى» ايتىپسىڭدار، مەن بۇعان ەرەكشە ءسۇيىندىم. مەن سەندەردىڭ اتا - اجەلەرىڭنەن ۇيرەنىپ، پارتيانى، وتاندى، حالىقتى قىزۋ ءسۇيىپ، ءبىلىمدى، ءمورالدى، جەتەلى جاڭا بۋىن قۇرىلىسشىلار، بولۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋءۇشىن كۇش قوسۋعا دايىن بولۋلارىڭدى ءۇمىت ەتەمىن.
داچىن ارالى جىجياڭنىڭ ورتا بولەگىندەگى تايجوۋ شىعاناعىنىڭ وڭتۇستىك شىعىس تەڭىز ايدىنىندا. جىجياڭ ولكەسىنەن 1956 - جىلى 467 جاس ەرىكتى داچىن ارالىنا بارىپ تىڭ يگەرۋ قۇرىلىسىنا ات سالىسقان. 2006 - جىلى 29 - تامىزدا جىجياڭ ولكەلىك پارتكومنىڭ سول كەزدەگى شۋجيى شي جينپيڭ داچىن ارالىنا بارىپ قىزمەت تەكسەرىپ، ارالداعى ساقا تىڭ يگەرۋشىلەرگە امانداسقان بولاتىن. 2010 - جىلى 27 - ساۋىردە ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىڭ ورىنباسار ءتوراعاسى شي جينپيڭ داچىن ارالىنداعى ساقا تىڭ يگەرۋشىلەرگە جاۋاپ حات جازدى. جۋىقتا تايجوۋ قالاسى جياۋجياڭ رايونىنداعى باستاۋىش مەكتەپتىڭ 12 وقۋشىسى «داچىن ارالىنداعى تىڭ يگەرۋشىلەردىڭ ۇرپاقتارى» اتىندا شي جينپيڭگە حات جازىپ، داچىن ارالىنداعى تىڭ يگەرۋشىلەردىڭ رۋحىنا مۇراگەرلىك ەتىپ، ۇيرەنۋدى، ەڭبەكتى، وتاندى سۇيەتىن جاقسى ورەن بولۋ بەكىمدەرىن جەتكىزدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
