- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك ۇلتتىق ىستەر كوميتەتىنىڭ قاتىستى جاۋاپتىسى
مۇسىلمانشا ازىق – تۇلىكتەردى باسقارۋعا قاتىستى ماسەلەلەر تۋرالى تىلشىلەردىڭ سۇراۋىنا جاۋاپ بەردى
از ۇلتتاردىڭ عۇرىپ – ادەتىنە جانە زاڭدى ۇقىق – مۇددەسىنە قۇرمەت ەتۋ جانە وعان كەپىلدىك ەتۋ كەرەك ــ مەملەكەتتىك ۇلتتىق ىستەر كوميتەتىنىڭ قاتىستى جاۋاپتىسى مۇسىلمانشا ازىق – تۇلىكتەردى باسقارۋ ءىسى تۋرالى ءتىلشىنىڭ سۇراۋىنا جاۋاپ بەردى
2016.06.03 13:12 كەلۋ قاينارى : حالىق تورابى
حالىق تورابى، 2 – ماۋسىم، بەيجيڭ. شينحۋا اگەنتتىگىنىڭ حابارلاۋىنشا، جۋىردان بەرى «‹مۇسىلمانشا› ازىق – تۇلىكتەردىڭ مۇسىلمانشا بولماي شىعۋى» «مۇسىلمانشا ازىق – تۇلىكتەردىڭ ءوز مانىنەن القىپ كەتۋى» قاتارلى مۇسىلمانشا ازىق – تۇلىكتەردى باسقارۋعا قاتىستى ماسەلەلەر جۇرت نازارىن اۋداردى، ءتىلشى وسى تۋرالى مەملەكەتتىك ۇلتتىق ىستەر كوميتەتى ساياسات – بەلگىلەمەلەر مەڭگەرمەسىنىڭ قاتىستى جاۋاپتىسىن سۇحباتقا تارتتى، اتالعان جاۋاپتى ادام ەلىمىزدىڭ مۇسىلمانشا ازىق – تۇلىكتەردى باسقارۋ قىزمەتىن تانىستىرۋمەن بىرگە، مۇسىلمانشا ازىق – تۇلىك ءوندىرىسى مەن تيجاراتىن اناعۇرلىم ارناعا ءتۇسىرىپ، ءار ۇلت بۇقاراسىنىڭ زاڭدى ۇقىق – مۇددەسىن، ۇلتتار ىنتىماعى مەن قوعامنىڭ ورنىقتىلىعى سىندى جالپى جاعدايدى قورعاۋ كەرەك ەكەنىن باسا دارىپتەدى.
سۇراۋ: ەلىمىزدە مۇسىلمانشا ازىق – تۇلىكتەردى باسقارۋ قىزمەتىنىڭ قازىرگى جاعدايى قانداي؟ قانداي ماسەلەلەر ورىن تەۋىپ وتىر؟
جاۋاپ: ەلىمىزدە نەگىزىنەن 10 ۇلت مۇسىلمانشا ازىق – تۇلىك تۇتىنادى، ولاردىڭ جالپى جان سانى 23 ميلليوننان اسادى. پارتيا مەن ۇكىمەت مۇسىلمانشا ازىق – تۇلىك ءوندىرىسى مەن قامداۋ، باقىلاۋ – باسقارۋ قىزمەتىنە ەرەكشە ءمان بەرىپ وتىر. ورتالىقتىڭ شارالارىنا كەلسەك، 2014 – جىلى اقپان ايىندا مەملەكەتتىك كەڭەستىڭ ازىق – تۇلىك حاۋىپسىزدىگى كەڭسەسى، مەملەكەتتىك ۇلتتىق ىستەر كوميتەتى، ساۋدا مينيسترلىگى، ازىق – تۇلىك، ءدارى – دارمەكتەردى باقىلاۋ – باسقارۋ باس مەكەمەسى، ساۋدا – ونەركاسىپ باس مەكەمەسى قاتارلى بەس تاراۋ بىرلىكتە «مۇسىلمانشا ازىق تۇلىكتەردىڭ باستاپقى مانىنەن القىپ كەتۋى»، «مۇسىلمانشا دەلىنگەن ازىق – تۇلىكتەردىڭ مۇسىلمانشا بولماي شىعۋى» قاتارلى ماسەلەلەرگە كوپ رەت بىرلىكتە تەكسەرۋ جۇرگىزۋ جانە پىكىر سايكەستىگىنە قول جەتكىزۋ نەگىزىندە، «مۇسىلمانشا ازىق – تۇلىك ءوندىرىسى مەن تيجاراتىن ارناعا ءتۇسىرۋ تۋرالى ۇقتىرۋدى» بىرلىكتە باسىپ تاراتتى، وسى ارقىلى ءارقايسى تاراۋلاردىڭ مۇسىلمانشا ازىق – تۇلىك حاۋىپسىزدىگى مەن ونى باسقارۋ قىزمەتىندەگى قىزمەت ءبولىنىسىن، قىزمەت جاۋاپكەرشىلىگىن جانە قىزمەت مىندەتىن ايقىنداپ، مۇسىلمانشا ازىق – تۇلىك ءوندىرىسى مەن تيجاراتىن ىشكەرىلەي ارناعا ءتۇسىرۋ جونىندە ناقتى تالاپتاردى ورتاعا قويدى. قازىر ەلىمىزدەگى كوپ ءبولىم ولكەلەردە (اۆتونوميالى رايون، توتە قاراستى قالا) ۇلتتىق ىستەر، ساۋدا – ونەركاسىپتى باسقارۋ، ءدارى – دارمەكتەردى باقىلاۋ، ساۋدا – ساتتىق قاتارلىلارعا جاۋاپتى تاراۋلاردىڭ سايكەسە جۇمىس ىستەۋ جانە بىرلىكتە باسقارۋىنداعى مۇسىلمانشا ازىق – تۇلىكتەردى باسقارۋ قىزمەت مەحانيزمى قۇرىلدى.
جەرگىلىكتى ورىنداردىڭ جاعدايىنان قاراعاندا، جەرگىلىكتى ورىنداعى ۇلتتىق ىستەر تاراۋلارىنىڭ كوبى مۇسىلمانشا ازىق - تۇلىك ءوندىرىسى مەن تيجاراتىنىڭ نەگىزگى تۇلعاسىنا سايكەستى باقىلاۋ – باسقارۋ شارالارىن اتقارادى؛ ءىشىنارا جەرلەردە ۇكىمەت قىزمەت وتەۋدى ساتىپ الۋ تاسىلىمەن مۇسىلمانشا ازىق – تۇلىك كاسىپتىك قوعامدىق ۇيىمدارىنىڭ رولىن بەلسەندى ساۋلەلەندىرىپ، كاسىپ سالاسىنىڭ وزىندىك تەجەمىن كۇشەيتىپ، مۇسىلمانشا ازىق – تۇلىك سالاسىنىڭ ءتارتىپتى، اقاۋسىز دامۋىن ىسكە اسىرادى؛ جەر – جەردەگى ۇلتتىق ىستەر تاراۋلارى مۇسىلمانشا ازىق – تۇلىكتەردىڭ حاۋىپسىزدىگى مەن ونى باسقارۋ قىزمەتى بارىسىندا، جەرگىلىكتى ءىسلام ءدىنى قوعامى مەن ءار ۇلت بۇقاراسىن بەلسەندى رول اتقارۋعا جەتەكتەيدى جانە ولاردىڭ رولىن ساۋلەلەندىرۋگە باسا نازار اۋدارادى؛ بۇكىل ەلىمىزدەگى ۇلتتىق ىستەر تاراۋلارىنىڭ كوپ ءبولىمى مۇسىلمانشا ازىق – تۇلىك ءوندىرىسى مەن تيجاراتىنا جاپپاي تەكسەرۋ جۇرگىزۋ، ءبىر – بىرلەي تەكسەرۋ، ۇلگى الىپ تەكسەرۋ، باقىلاۋ جۇرگىزۋ قاتارلىلاردى بىرلەستىرگەن كۇندەلىكتى باقىلاۋ – باسقارۋ مەحانيزمىن ورناتىپ، بايقالعان زاڭعا قايشى دەلولار مەن بەلگىلەمەگە قايشى احۋالداردى دەر كەزىندە تەكسەرىپ ءبىرجاقتىلى ەتەدى.
نارىقتىق ەكونوميكا مەن تاۋار اينالىمىنىڭ جەدەل دامۋىنا ىلەسە، مۇسىلمانشا ازىق – تۇلىكتەردى باسقارۋ جاعىندا ءالى دە كورنەكتى قيىنشىلىقتار مەن ماسەلەلەر ساقتالىپ وتىر، «‹مۇسىلمانشا› دەلىنگەن ازىق – تۇلىكتىڭ مۇسىلمانشا بولماۋى»، «مۇسىلمانشا» ماركاسىن ءوز بەتىمەن الباتى قولدانۋ قاتارلى ماسەلەلەر مەن جاعدايلار ءىشىنارا جەرلەردە اندا – ساندا بايقالىپ قالۋدا؛ ءىشىنارا جەرلەردە اكىمشىلىك تەكسەرىپ بەكىتۋ تۇزىمىنە رەفورما جۇرگىزۋ بارىسىندا، مۇسىلمانشا ازىق – تۇلىك ءوندىرىسى مەن تيجاراتىنا باقىلاۋ – باسقارۋ جۇرگىزۋ جەتەرلىك بولماي وتىر.
بۇل ماسەلەلەردىڭ بارلىعى از ۇلت بۇقاراسىنىڭ ءوندىرىسى مەن تۇرمىسىنا بەلگىلى دەڭگەيدە ىقپال ەتىپ، از ۇلتتاردىڭ سالت – سانا ادەتتەرىنە زالالىن تيگىزىپ، از ۇلت بۇقاراسىنىڭ كوڭىلىنە سەلكەۋ تۇسىرۋدە، ءىشىنارا جەرلەردە، ءتىپتى، ۇلتتار ىنتىماعىنا نۇقسان جەتكىزەتىن باستى قاتەرگە اينالىپ، قوعامنىڭ ءار سالاسىنداعىلاردىڭ نازارىن بارىنشا اۋدارۋدا.
سۇراۋ: ەلىمىزدىڭ قازىرگى تاڭداعى مۇسىلمانشا ازىق – تۇلىكتەردى باسقارۋداعى زاڭ – ءتۇزىم قۇرىلىسىنىڭ احۋالى قانداي؟
جاۋاپ: مەملەكەتتىك كەڭەس 1993 – جىلى جاريالاپ اتقارعان «قالاداعى ۇلتتار قىزمەتى ەرەجەسىندە» مۇسىلمانشا ازىق – تۇلىكتەردى باسقارۋ مەن قىزمەت وتەۋ جونىندە ارناۋلى بەلگىلەمەلەر شىعارعان. ءىشىنارا جەرلەر مۇسىلمانشا ازىق – تۇلىكتەردى باسقارۋداعى جەرگىلىكتى سيپات الاتىن زاڭ – تۇزىمدەر مەن ەرەجەلەردى شىعارىپ، مۇسىلمانشا ازىق – تۇلىكتەردى ءبىر ارناعا ءتۇسىرۋ مەن باسقارۋدى كۇشەيتتى.
قازىرگە دەيىن، 20 ولكە (اۆتونوميالى رايون، قالا) مۇسىلمانشا ازىق – تۇلىكتەردى باسقارۋ ءىسىن «از ۇلتتاردىڭ ۇقىق – مۇددەسىنە كەپىلدىك ەتۋ ەرەجەسى» «بىتىراڭقى قونىستانعان از ۇلتتاردىڭ ۇقىق – مۇددەسىنە كەپىلدىك ەتۋ ەرەجەسى» قاتارلىلارعا ەنگىزدى، حىبەي، سانشي، لياۋنيڭ، جيلين، حەيلۇڭجياڭ، شاڭحاي، جياڭسۋ، شانشي، گانسۋ، چيڭحاي، نيڭشيا، شينجياڭ قاتارلى 12 ولكە (اۆتونوميالى رايون، قالا) مۇسىلمانشا ازىق – تۇلىكتەردى باسقارۋداعى جەرگىلىكتى سيپات الاتىن زاڭ – تۇزىمدەردى بەلگىلەدى، بەيجيڭ، تيانجين، حىنان، شاندۇڭ قاتارلى 4 ولكە (قالا) ۇكىمەت ەرەجەسىن بەلگىلەدى، مۇنان سىرت، حوححوت قاتارلى زاڭ شىعارۋ ۇقىعى بار 9 قالا مۇسىلمانشا ازىق – تۇلىكتەردى باسقارۋ ارناۋلى ەرەجەسىن شىعاردى، شينيڭ، گۋاڭجوۋ قاتارلى 2 قالا ۇكىمەتتىك ەرەجەنى شىعاردى. مۇسىلمانشا ازىق – تۇلىكتەردى باسقارۋعا قاتىستى جوعارىدا اتالعان جەرگىلىكتى سيپاتتى زاڭ – ەرەجەلەر ەلىمىزدىڭ ۇلتتىق زاڭ – ءتۇزىم جۇيەسىنىڭ ماڭىزدى مازمۇنىن قۇراپ، از ۇلتتاردىڭ زاڭدى ۇقىق – مۇددەسىنە زاڭ بويىنشا كەپىلدىك ەتۋ، مۇسىلمانشا ازىق – تۇلىكتەردى ءبىر ارناعا ءتۇسىرىپ باسقارۋدا ماڭىزدى رول اتقارۋدا.
جەر – جەر مۇسىلمانشا ازىق – تۇلىكتەردى باسقارۋ تۋرالى زاڭ – ەرەجەلەردى شىعاردى ءارى اتقاردى، نارىققا ەنۋ جاعىندا، كوپتەگەن جەرلەردە مۇسىلمانشا ازىق – تۇلىكتەردى ءوندىرۋ – تيجارات ەتۋگە رۋحسات بەرۋ ءتۇزىمىن اتقاردى، ءوندىرۋ – تيجارات ەتۋ شارت – جاعدايى، وسى كاسىپپەن شۇعىلدانۋشىلاردىڭ تولىمدىلىعى، باسقارۋ ءتۇزىمى قاتارلى جاقتاردا تەكسەرۋ مەن تىزىمگە الۋدى جولعا قويدى؛ كۇندەلىكتى باقىلاۋ جاعىندا، مۇسىلمانشا ازىق – تۇلىككە قاتىستى ماڭدايشالىق، بەلگى، اتاۋ مەن ونى قوراپتاۋدا، سونداي – اق، ءوندىرىس – تيجارات ورنى، تاسىمال، ساقتاۋ قۇرالى قاتارلىلاردا شەكتەۋ قويىلاتىن ىستەرگە تيىم سالۋ تۋرالى انىق بەلگىلەنگەن؛ باقىلاۋ – تەكسەرۋ جاعىندا، ءىشىنارا جەرلەردە ۇلتتىق ىستەر تاراۋلارى مەن ساۋدا – ونەركاسىپ تاراۋلارىىنىڭ باقىلاۋ – تەكسەرۋ ۇقىعى، سونداي – اق زاڭعا قايشى ارەكەتتەرگە وزگەرتۋ تۋرالى بۇيرىق بەرۋ، تيجارات كۋالىگىن قايتارىپ الۋ، شتراپ سالۋ شارالارى زاڭ جۇزىندە انىق بەلگىلەنگەن. مۇنان سىرت، جەر – جەر مۇسىلمانشا ازىق – تۇلىكتەردى باسقارۋ ءتۇزىلىسى مەن مەحانيزمىن قۇرىپ جانە ونى كەمەلدەندىرىپ، مۇسىلمانشا ازىق – تۇلىكتەرگە بايلانىستى تۋىنداعان قايشىلىقتار مەن تالاس – تارتىستاردى ءبىرجاقتىلى ەتۋدەگى ءارقايسى تاراۋلاردىڭ جۇمىس ءبولىنىسى مەن قىزمەت جاۋاپكەرشىلىگىن ايقىنداپ، ۇكىمەتتىڭ مۇسىلمانشا ازىق – تۇلىكتەردى زاڭ بويىنشا باقىلاۋ قىزمەتىنە زاڭدىق نەگىز ازىرلەدى.
بۇل ارادا ارنايى اتاپ وتۋگە ءتيىستى ءىس، كوپ جىلداردان بەرى مەملەكەتتىڭ قاتىستى تاراۋلارى مەن ءار دارەجەلى ۇكىمەت مۇسىلمانشا ازىق – تۇلىكتەردى باسقارۋعا قاتىستى زاڭ – ءتۇزىم قۇرىلىسىن كۇشەيتۋ جاعىندا مىناداي ءۇش ءتۇرلى پرينسيپتى بەرىك ۇستاندى: بىرىنشىدەن، باعىت – باعدار جاعىندا، مۇسىلمانشا ازىق – تۇلىكتىڭ وزىنە ەمەس، نەگىزىنەن مۇسىلمانشا ازىق – تۇلىكتى باسقارۋعا باسا ءمان بەردى؛ ەكىنشىدەن، زاڭ – ءتۇزىم وبيەكتىسى جاعىندا، قاراپايىم تۇتىنۋشىلارعا ەمەس، مۇسىلمانشا ازىق – تۇلىك وندىرۋشىلەر مەن تيجارات ەتۋشىلەردى باسقارىپ، ءبىر ارناعا ءتۇسىرۋ، ەرەجە – ءتۇزىم ورناتۋعا باسا ءمان بەردى، وسىلايشا، ۇكىمەتتىڭ قاتىستى تاراۋلارىنىڭ نەگىزگە الارلىق زاڭ – ءتۇزىمى بولۋىنا قولايلىلىق جاراتتى؛ ۇشىنشىدەن، مۇسىلمانشا ازىق – تۇلىك تانىمى جاعىندا، مۇسىلمانشا ازىق – تۇلىكتەردىڭ شەت – شەكاراسىن بۇقارانىڭ تۇرمىستىق ءىشىپ – جەم ادەتىنە قاراي ايقىنداپ، مۇسىلمانشا ازىق – تۇلىكتەردى ءىسلام ءدىنىنىڭ شاريعاتتارىنا ساي كەلەتىن ازىق – تۇلىكتەر دەپ بەلگىلەگەن جوق، وسى ارقىلى ءدىننىڭ زايىرلى تۇرمىسقا ارالاسۋىنان ساقتانۋ ءۇشىن قامال تۇرعىزدى، ەلىمىزدىڭ مۇسىلمانشا ازىق – تۇلىك بازارىنىڭ ءتارتىپتى، اقاۋسىز دامۋىن پارمەندى زاڭدىق كەپىلدىكپەن قامدادى.
سۇراۋ: مۇسىلمانشا ازىق – تۇلىكتەردى باسقارۋ قىزمەتىن قالاي ىلگەرىلەتەمىز؟
جاۋاپ: مۇسىلمانشا ازىق – تۇلىكتەردى ءوندىرۋ – تيجارات ەتۋ ارەكەتتەرىن اناعۇرلىم ءبىر ارناعا ءتۇسىرىپ، مۇسىلمانشا ازىق – تۇلىكتەردى باسقارۋ قىزمەتىن ىلگەرىلەتۋ ءۇشىن، 2016 – جىلدىڭ باسىنان بەرى قاتىسى تاراۋلار مۇسىلمانشا ازىق – تۇلىكتەردى باسقارۋ قىزمەتىنىڭ تەبىنىن كۇشەيتىپ، جەر – جەردەن « پان - مۇسىلمانشا ازىق – تۇلىك» ماسەلەسىن لايىقتى ءبىرجاقتىلى ەتۋدى تالاپ ەتتى. جۋىردا مەملەكەتتىك سپاتتاۋ – رۋحسات بەرۋ، باقىلاۋ – باسقارۋ مەكەمەسى مەن جاڭا زەللانديانىڭ نەگىزدىك ءوندىرىس مينيسترلىگى «جاڭا زەللانديانىڭ جۇڭگوعا ەكسپورت ەتىلەتىن ەت ونىمدەرىنىڭ مۇسىلمانشا ەكەنىن سپاتتاۋ ورنالاستىرۋىنا» قول قويىپ، يمپورت ەتىلەتىن مۇسىلمانشا ازىق – تۇلىكتەردى سپاتتاۋ – رۋحسات بەرۋ، باقىلاۋ – باسقارۋ پارمەنىن ارتتىردى.
ۇعىسۋعا قاراعاندا، مەملەكەتتىڭ قاتىستى تاراۋلارى باسقارۋ پارمەنىن ءتىپتى دە ارتتىرىپ، جەر – جەردىڭ وزدەرىنىڭ ءىس جۇزىندىك جاعدايلارىنا جانە وزدەرىنىڭ مىندەتى مەن جاۋاپكەرشىلىگىنە قاراي وتىرىپ، قاتىستى قىزمەتتەردى ءونىمدى ورىستەتۋىنە ۇزدىكسىز جەتەكشىلىك ەتەتىن بولادى. ءبىر جاعىنان، وزدەرىنىڭ باسقارۋىنداعى رايوندا مۇسىلمانشا ازىق – تۇلىكتەردى باسقارۋ قىزمەتىندە جولىققان «پان – مۇسىلمانشا ازىق – تۇلىك»، «مۇسىلمانشا ازىق – تۇلىكتىڭ اۋا جايىلۋى»، مۇسىلمانشا ازىق – تۇلىكتەردى سپاتتاۋ ارەكەتىن زاڭسىز ورىستەتۋ قاتارلى ماسەلەلەر مەن قۇبىلىستاردى تۇبەگەيلى تەكسەرىپ، دەر كەزىندە ءوز – وزىنە تەكسەرۋ – تۇزەتۋ جۇرگىزۋى كەرەك؛ ەندى ءبىر جاعىنان، مۇسىلمانشا ازىق – تۇلىكتەردى باسقارۋدىڭ ءتۇزىلىس مەحانيزمىن اناعۇرلىم جاقسارتىپ جانە كەمەلدەندىرىپ، ءتۇرلى زاڭدى تاسىلدەر مەن ساياساتتىق شارالاردان امبەباپ پايدالانۋعا باسا نازار اۋدارۋ، مۇسىلمانشا ازىق – تۇلىكتەردى زاڭعا قايشى ءوندىرۋ مەن تيجارات ەتۋ، جالعان مۇسىلمانشا ازىق – تۇلىكتەردى ءوندىرۋ مەن تيجارات ەتۋ قاتارلى از ۇلت بۇقاراسىنىڭ زاڭدى ۇقىق – مۇددەسىنە اۋىر زالال جەتكىزەتىن تيپتىك دەلولاردى تەكسەرىپ انىقتاۋ مەن جاۋاپكەرشىلىگىن قۋزاستىرۋ پارمەنىن ارتتىرۋ، مۇسىلمانشا ازىق – تۇلىكتەردى باسقارۋ قىزمەتىن شىنايى، ويداعىداي ىستەپ، ءار ۇلت بۇقاراسىنىڭ عۇرىپ – ادەتى مەن زاڭدى ۇقىق – مۇددەسىنە تولىق قۇرمەت ەتۋ جانە وعان كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
