- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2016.06.30 15:43 كەلۋ قاينارى : حالىق تورابى
شينحۋا اگەنتتىگى، 29 – ماۋسىم، بەيجيڭ. مەملەكەتتىك كەڭەستىڭ زۇڭليى لي كىچياڭ 29 - ماۋسىمدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، سىچۋان - شانشي بايىرعى توڭكەرىستىك رايوندارىنىڭ گۇلدەنىپ – دامۋىن جەبەۋدى، بايىرعى رايونداردىڭ حالىقتى اۋقاتتاندىرىپ، جاپپاي دوڭگەلەك داۋلەتتى قوعام قۇرۋىن ىلگەرىلەتۋدى ورنالاستىردى؛ «ورتا، ۇزاق مەزگىلدىك تەمىر جول تورابى جوباسىن» پرينسيپتىك جاقتان ماقۇلدادى.
ماجىلىستە بىلاي دەلىندى: سىچۋان - شانشي بايىرعى توڭكەرىستىك رايوندارى جۇڭگونىڭ توڭكەرىسى مەن قۇرىلىسىندا وراسان زور ۇلەس قوسقان، باتىس بولەكتە توتەنشە ماڭىزدى ورنى بار، الايدا كوپ ساندى جەرى اۋماقتى كەدەيلەر ءوڭىرى، نەگىزدىك قۇرىلعى سياقتى قۇرىلىستارى ارتتا قالعان. ەرەكشە سۇيەمەلدەۋ ساياساتىن قولدانىپ سىچۋان - شانشي بايىرعى توڭكەرىستىك رايوندارىنىڭ گۇلدەنىپ – دامۋىن جەبەۋ باتىس بولەكتى قاۋىرت اشۋعا، وڭىرلىك پارىقتى ازايتۋعا، ىشكى سۇرانىمدى كەڭەيتىپ، قۇرىلىمدى رەتتەۋگە پايدالى. بىرىنشىدەن، دامۋ سىندى ماڭداي الدى مىندەتتە تاباندى بولىپ، رەفورمانى تەرەڭدەتۋگە جانە قاقپا اشۋدى كەڭەيتۋگە كوبىرەك سۇيەنىپ، وڭىرلىك سايكەسۋدى جەبەپ، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ جانە اكىمشىلىك ءبولۋدى بۇزۋ، ورتاق بازار قۇرۋ، ءادىل باسەكە ورتاسىن قالىپتاستىرۋ جاقتارىندا باتىلدىقپەن ىزدەنىس جاساپ، توڭكەرىستىك بايىرعى رايونداردىڭ ىشكى دامۋ قۋاتىن نىعايتۋ كەرەك. ەكىنشىدەن، بايىرعى رايونداردىڭ نەگىزدىك قۇرىلعىسىنداعى شەكتەمەلەردى بۇزۋ كەرەك. ءبىر توپ ءتۇيىندى سۋ قۇرىلىسىن جۇرگىزىپ، ەلەكتر، گاز سياقتى ەنەرگيا قامتاماسىزداندىرۋىن كۇشەيتىپ، قاتىناس – تاسىمال سياقتى نەگىزدىك قۇرىلعىلاردى كەمەلدەندىرىپ، 2020 – جىلعا بارعاندا بايىرعى رايوندارداعى اكىمشىلىك قىستاقتاردا كەڭ ايالى توراپتى نەگىزىنەن تۇتاستىرۋ كەرەك. ۇشىنشىدەن، ەرەكشەلىككە يە اۋىل شارۋاشىلىعىن جانە جاڭا ماتەريالدار، وزىق جابدىقتاردى جاساۋ، ساۋدا – زات اينالىمى، ساياحات سياقتى كاسىپتەردى بەلسەنە دامىتۋ كەرەك. تورتىنشىدەن، كەدەيلىكتەن ارىلتۋدان قامال الۋدى تەزدەتىپ، كوشىرىپ سۇيەمەلدەۋ، شاعىن سومالى قارىز بەرۋ شارالارىن قولدانىپ، مال - مۇلىك پايداسىمەن سۇيەمەلدەۋ ءتۇزىمىن اتقارۋ جاعىندا ىزدەنىس جاساپ، قازىنالىق قارجىدان قالىپتاسقان شارۋاشىلىق سيپاتىندىق مال - مۇلىكتى جارناعا سىندىرىپ كەدەي وتباسىلارعا ءبولىپ بەرۋ كەرەك. بەسىنشىدەن، شىعىستاعى ولكەلەر مەن ولكە ىشىندەگى دامىعان قالا، اۋدانداردىڭ سالالار بويىنشا سۇيەمەلدەۋ سەرپىنىن نىعايتۋ، وقۋ – اعارتۋ، ەمدەۋ، مادەنيەت سياقتى نەگىزدىك الەۋمەتتىك قىزمەت وتەۋ دەڭگەيىن جوعارىلاتۋ، كاسىپتەندىرۋدى جانە قوعامدىق قامتاماسىزداندىرۋدى كۇشەيتۋ كەرەك. التىنشىدان، سىچۋان - شانشي بايىرعى توڭكەرىستىك رايوندارىنىڭ دامىپ، اۋقاتتانۋ جولىنا ءتۇسۋ قۋاتىن نىعايتۋ كەرەك. ورتالىق قازىناسىنىڭ اۋدارىپ تولەۋ قارجىسى كولەمىن بىرتىندەپ ارتتىرىپ، فينانس قۇرىلىمدارىن قارىز بەرىپ قولداۋعا شابىتتاندىرۋ، ءتۇيىندى نىسانداردى ورنالاستىرۋ، تەكسەرىپ بەكىتۋ جاعىندا بەيىمدىلىك تانىتۋ، زەرتتەۋ جۇرگىزىپ، بايىرعى رايونداردىڭ كەن، مۇناي، گاز بايلىعىن اشۋدان الاتىن پايدا ۇلەسىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
