- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ومىرشەڭدىك قۋاتىنىڭ سارقىلماس قاينارى
2016.07.01 15:09 كەلۋ قاينارى : حالىق تورابى
جۇڭگونىڭ مەملەكەت جاعدايىنا ساي ۇزدىكسىز رەتتەۋ جۇرگىزىلدى، جۇڭگو كوممۋنيستىك پارتياسى باياندى ومىرشەڭدىك قۋاتىن ساقتاپ، جۇڭگوشا جول اشتى
بيىلعى جىل ــ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعى. 88 ميلليوننان استام مۇشەسى جانە كوپتەگەن نەگىزگى ساتى ۇيىمى بار پارتيا رەتىندە جۇڭگو كوممۋنيستىك پارتياسى حالىققا سۇيەنىپ، رەفورما جۇرگىزىپ، قاقپا اشۋدان جازباي، نىق قادام باسا وتىرىپ بۇگىنگە جەتتى. مەنىڭ بايقاۋىمشا، ونىڭ ومىرشەڭدىك قۋاتىنىڭ سارقىلماس قاينارى ۇلكەن جاقتان مىناداي بىرنەشە تۇيىننەن اڭعارىلادى.
ءبىرىنشى، ۇزدىك كادرلاردى تاڭداپ ءوسىرىپ، تاربيەلەدى. جۇڭگو كوممۋنيستىك پارتياسى جاقسى كادرلاردا قىزۋ ىنتا، قۇلشىنىس بولاتىنىن جانە ولاردى پارتيا ۇيىمىنىڭ تاربيەلەۋى قاجەت بولاتىنىن ايقىن اڭعاردى. كوممۋنيستىك پارتيانىڭ كادرلارى ەكىنىڭ بىرىندە نەگىزگى ساتىعا ءمان بەرۋ جاۋاپكەرلىگى، تاماشا بايلانىس جاساۋ، سايكەستىرۋ قۋاتى، ىشكى – سىرتقى وزگەرىستى قانىق ءبىلۋ سىندى تۇجىرىم جاساۋ قۋاتى سياقتى ساپالاردى ازىرلەپ وتىرادى. مىسالى، ساياسي بيۋرونىڭ تۇراقتى مۇشەسى دارەجەسىندەگى كادر كەمىندە 20 جىلدان جوعارى تاربيەلەنەدى. وسى بارىستا ءبىر كادر بىرنەشە ولكەدە قىزمەت ىستەپ ىسىلۋى مۇمكىن. جۇڭگونىڭ ءبىر ولكەسىنىڭ حالىق سانى ونداعان ميلليونعا جەتەدى، ونى باسقارۋدىڭ قيىندىعى ورتا دارەجەلى ءبىر مەملەكەتتى باسقارۋمەن قارايلاس. سونىمەن بىرگە، كادرلار ــ نەگىزگى ساتىداعى پارتيا مۇشەلەرىنىڭ پىكىرىن جيناۋداعى ءارى ولارعا مەملەكەتتىڭ بولاشاق دامۋ جوسپارىن جەتكىزۋدەگى ماڭىزدى ارنا، كادرلار پارتيا ىشىندەگى دەموكراتيا مەن كەڭەستىك دەموكراتيانى ىسكە اسىرۋدا.
ەكىنشى، قاي – قاشان دا حاۋىپ – قاتەر تانىمى بولۋ. جۇڭگو كوممۋنيستىك پارتياسى جۇرتشىلىقتان ايىرىلۋدىڭ كۇش – قۋاتتان ايىرىلۋ ەكەنىن بىلەدى. پارتيا ىشىندە بيۋروكرات ماسەلەسى شىعا قالسا، پارتيا ۇيىمى رەفورما جۇرگىزىپ، جەمقورلىققا قارسى تۇرۋ قوزعالىسىن نىعايتادى، مىسالى، «پارتيانى جاپپاي قاتاڭ وڭاۋ» ــ قازىرگى باستى ساياسي نىسانالاردىڭ ءبىرى.
ءۇشىنشى، جۇڭگونىڭ ناقتى جاعدايىنا قاراي تەرەڭ تامىر تارتقان. جۇڭگودا «اماليات ــ اقيقاتتى سىننان وتكىزۋدىڭ بىردەن – ءبىر ولشەمى»، «اقىرىن ءجۇرىپ، انىق باس» دەگەن ايتىلىمدار بار، جۇڭگو كوممۋنيستىك پارتياسى باستان – اياق امالياتقا جاناساتىن نىسانا بەلگىلەۋگە كۇش سالىپ كەلدى ءارى ونى ىسكە اسىرۋعا قۇلشىندى. دۇنيە جۇزىندەگى ەكىنشى ۇلكەن ەكونوميكالىق تۇلعا بولسا دا، جۇڭگو كىسى باسىنا تۋرا كەلەتىن ىشكى ءوندىرىس جالپى ءونىم قۇنى جاعىندا دۇنيە جۇزىندە 80 – رەتتىڭ الدى – ارتىندا تۇرامىز دەگەندى دارىپتەپ كەلدى. اماليات جونىندەگى مۇنداي سەرگەك تانىم ساياسي كوپىرشىكتى جوعالتۋدا توتەنشە ءونىمدى رول اتقارادى.
ءتورتىنشى، جۇڭگو كوممۋنيستىك پارتياسى ــ ۇيرەنگىش پارتيا. جۇڭگو كوممۋنيستىك پارتياسىنىڭ بارلىق كادرى، مىندەت ورنى جوعارى ءيا تومەن بولسىن، تۇگەلدەي ءارقانداي ورتادا ءومىر بويى ۇيرەنەدى. پارتيالى كادرلار مەرزىم سايىن ءار دارەجەلى پارتيا مەكتەبىندە جانە كادرلار مەكتەبىندە تاربيەلەنەدى، ەل باسقارۋ تانىمى، دۇنيەنىڭ جاعدايى سياقتىلاردى شوعىرلى ۇيرەنىپ، جاڭا ءداۋىر، جاڭا ورتا جونىندەگى تانىمدارىن جوعارىلاتىپ وتىرادى.
بەسىنشى، يكەمدىلىگى كۇشتى. جۇڭگو كوممۋنيستىك پارتياسى جاڭالىقتى يكەمدى قابىلدايدى، بۇل جۇڭگودا ءار ءتۇرلى رەفورما جۇرگىزۋگە كەڭ ايا جاراتىپ بەرەدى.
التىنشى، نەگىزگى ساتىنى تەكسەرۋگە ءمان بەرەدى. نەگىزگى ساتىدان ايىرىلسا، بيۋروكراتيزم جارىققا شىعىپ، دوگماتيزمنىڭ اسقىناتىنىن جاقسى بىلەدى، جۇڭگو كوممۋنيستىك پارتياسىنىڭ ءار كەزەكتى باسشىلارى دەرلىكتەي نەگىزگى ساتىنى تەكسەرۋدىڭ ماڭىزدىلىعىن دارىپتەپ وتىردى. باس شۋجي شي جينپيڭ ورتاعا قويعان قامداۋ تۇرىندەگى قۇرىلىمدىق رەفورما، كەدەيلەردى ءدال سۇيەمەلدەۋ سياقتى ماڭىزدى ساياساتتىڭ بارلىعى نەگىزگى ساتىنى ىشكەرىلەي ۇعىسۋ نەگىزىندە ورتاعا قويىلعان.
جەتىنشى، ۇلاسپالىلىققا ءمان بەرەدى. جۇڭگودا كادرلار وزگەرىسى ساياساتتىڭ ۇلاسپالىعىلىن بۇلدىرمەيدى، بۇل بۇرىنعى ناتيجەنى جوعالتپايدى، وزىندىك قۇندى ۇنەمدەپ قالادى.جۇڭگونىڭ مەملەكەت جاعدايىنا ساي ۇزدىكسىز رەتتەۋ جۇرگىزىلدى، جۇڭگو كوممۋنيستىك پارتياسى باياندى ومىرشەڭدىك قۋاتىن ساقتاپ، جۇڭگوشا جول اشتى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
