بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

يدەيالىق تىزگىندى مىقتاپ يگەرىپ، مۇرات تۋىن بيىك كوتەرەيىك

2016.07.04 15:57     كەلۋ قاينارى : شينجياڭ گازەتى

  «بولاشاقتى بەتكە الىپ، سىناققا ءدوپ كەلگەندە، بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، ۇدەرە العا تارتۋ كەرەك». جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا، باس شۋجي شي جينپيڭ اۋەلگى ماقساتتى ۇمىتپاي، ۇدەرە العا تارتۋعا تاباندى بولۋ جونىندە 8 ءتۇرلى تالاپتى العا قويدى. بۇل تۇتاس پارتياعا مەيلى قانشا الىسقا ۇزاپ كەتسەك تە باستان وتكەن مەن نە ءۇشىن جولعا شىققانىمىزدى ەستەن شىعارماعاندا، پارتيامىز قۇرىلعان ساتتەگى جۇڭگو كوممۋنيستەرىنىڭ رۋحىن ماڭگى ساقتاعاندا، حالىققا دەگەن ادال كوڭىلدەن ماڭگى اجىراماعاندا عانا، پارتيامىزدىڭ قيىندىقتاردىڭ ءبارىن جەڭىپ، ماڭگى جەڭىلمەيتىن ورىنعا شىعاتىنىن ەسكەرتۋدى ماقسات ەتكەن.

  ماركسيزم سەنىمى، كوممۋنيزم ۇلى مۇراتى جۇڭگو كوممۋنيستەرىنىڭ «اۋەلگى ماقساتى»، بۇل نەشە بۋىن جۇڭگو كوممۋنيستەرىن ءبىرىنىڭ سوڭىنان ءبىرى ۇمتىلىپ، ۇزدىكسىز كۇرەس جۇرگىزۋگە جەتەكتەدى. 95 جىلدان بەرى جۇڭگو كوممۋنيستىك پارتياسىنىڭ تاياۋ زاماننان بەرگى ءتۇرلى ساياسي كۇشتەردىڭ ورىنداۋى مۇمكىن بولماعان جاپالى مىندەتتى ورىنداي الۋىنىڭ سەبەبى − ماركسيزم سىندى عىلمي نازاريانى باستان - اياق ءوزىنىڭ ارەكەت قىبلاناماسى ەتىپ، ماركسيزمدى اماليات بارىسىندا تىنباي بايىتۋعا جانە دامىتۋعا تاباندى بولعاندىعى. مەيلى قولايلى ورتادا بولسىن، الدە مۇشكىل جاعدايدا بولسىن، پارتيامىز ماركسيزمگە دەگەن سەنىمىنە ەشقاشان سەلكەۋ تۇسىرگەن ەمەس. جۇڭگو كوممۋنيستىك پارتياسىنىڭ كوممۋنيستىك پارتيا اتالۋىنداعى سەبەپ پارتيامىز قۇرىلعان كۇننەن باستاپ كوممۋنيزمدى ۇلى مۇرات ەتتى. پارتيامىزدىڭ تالايلاعان ساتسىزدىكتەردەن سۇرىنبەي ءوتىپ، قايسارلىقپەن العا ۇمتىلۋىنىڭ ءوزى، سايىپ كەلگەندە، وسى مۇرات پەن سەنىمنەن اينىماعاندىعىندا جاتىر.

  ماركسيزم − پارتيامىزدىڭ جەتەكشى يدەياسى، كوممۋنيستەردىڭ رۋحاني تۋى. زامان مەيلى قالاي وزگەرسە دە، عىلىم قالاي دامىسا دا ماركسيزم باياعىسىنداي عىلمي يدەيا قۇدىرەتىن ايگىلەيدى، اقيقات پەن ادامگەرشىلىكتىڭ بيىگىن يەلەيدى. ماركسيزمگە قايشى كەلسە نەمەسە ماركسيزمنەن باز كەشسە، پارتيامىز جان جۇيەسىنەن ايرىلىپ، باعدارىنان اداسادى. ماركسيزمنىڭ جەتەكشى ورنىنا تاباندى بولۋ سىندى ءتۇبىرلى ماسەلەدە ءبىز، ءسوز جوق، بۇلجىماي تاباندى بولۋىمىز، ءارقانداي كەزدە، ءارقانداي جاعدايدا تيتتەي دە سولقىلداقتىق ىستەمەۋىمىز كەرەك. سونىمەن بىرگە ماركسيزم اقيقاتتىڭ تۇبىنە جەتكەن جوق، قايتا اقيقاتقا باستاپ اپاراتىن جولدى اشتى. ماركسيزمگە تاباندى بولۋ مەن ماركسيزمدى دامىتۋدى بىرلىككە كەلتىرۋ، جاڭا امالياتقا ۇشتاستىرىپ، ۇزدىكسىز جاڭا نازاريا دايىنداۋ ماركسيزمنىڭ ومىرشەڭدىگىن ساقتاۋىنداعى سىر. بۇگىن ءداۋىردىڭ وزگەرۋى مەن ەلىمىز دامۋىنىڭ كەڭدىگى جانە تەرەڭدىگى ماركسيزم كلاسسيكتەرىنىڭ سول كەزدەگى وي دۇنيەسىنەن الدەقايدا اسىپ ءتۇستى، ءبىزدىڭ اماليات بارىسىندا باتىلدىقپەن ىزدەنىس جاساۋىمىزعا، نازاريادا تىنباي تىڭ ىلگەرىلەۋشىلىكتەرگە قول جەتكىزۋىمىزگە ەرەكشە ءزارۋ. يدەيانىڭ تىزگىنىن مىقتاپ يگەرۋدە ماركسيزمدى زامانىمىزداعى جۇڭگونىڭ دامۋىنىڭ ناقتى جاعدايىمەن ءوزارا ۇشتاستىرۋدى ونان ارى ىشكەرىلەي ىلگەرىلەتىپ، نازاريادا، امالياتتا جاڭالىق اشۋدى العا ىلگەرىلەتىپ، ماركسيزمنىڭ جۇڭگولانۋىن تىنباي العا جەبەۋ كەرەك.

  «ەرىك - جىگەر بولماسا، ەشقانداي ءىس ىستەۋگە بولمايدى». كوممۋنيزم − پارتيامىزدىڭ وسكەلەڭ مۇراتى، كوممۋنيستەردىڭ سەنىمىنىڭ قاينارى. پارتيامىزدىڭ قۇدىرەتتى كۇشكە يە بولۋ - بولماعاندىعىنا بۇكىل پارتيانىڭ مۇرات - سەنىمىنىڭ بەرىك - بەرىك ەمەستىگىنە، ونان دا ماڭىزدىسى، ءاربىر پارتيا مۇشەسىنىڭ مۇرات - سەنىمىنىڭ بەرىك - بەرىك ەمەستىگىنە قاراي تۇجىرىم جاساۋ كەرەك. «باس كەتۋدەن قورىقپايمىز، مۇراتىمىز شىن بولسا بولعانى»، «جاۋلار باسىمىزدى كەسكەنىمەن، سەنىمىمىزدى استە مىزعىتا المايدى»، نەشە بۋىن كوممۋنيستەر قايسارلىقپەن كۇرەس جۇرگىزىپ، سان مىڭداعان قۇربان وسى مۇرات جولىندا قىمباتتى ومىرلەرىن قيدى. جاڭا ءداۋىر شارت - جاعدايىندا، قيىن دا كۇردەلى مىندەتتەرگە ءدوپ كەلگەندە، حاۋىپ - قاتەر، سايىستارعا ۇشىراعاندا، پارتيا مۇشەلەرى مۇرات - سەنىمدى، ءسوز جوق، بەكەمدەپ، ساياسي تۇراقتىلىعىن ساقتاۋ كەرەك. مۇرات تۋىن بيىك ۇستاۋ دەگەنىمىز جەڭىسكە جەتكەندە جانە جاقسى جاعدايدا داندايسىماۋ، اپتىقپالىق ىستەمەۋ، قيىنشىلىققا كەز بولعاندا جانە مۇشكىل جاعدايعا تۇسكەندە جابىرقاماۋ، بۇلعالاقتاماۋ، كوممۋنيزمدىك ۇلى مۇرات پەن جۇڭگوشا سوتسياليزم جونىندەگى ورتاق مۇراتتىڭ سانالى، كامىل سەنۋشىسى، ادال ىسكە اسىرۋشىسى بولىپ، ءوز قىزمەت ورنىندا العاباسار ۇلگىلىك رول اتقارۋ.

  ماركسيزم سەنىمى، كوممۋنيزم ۇلى مۇراتى جانە جۇڭگوشا سوتسياليزم ورتاق مۇراتى − كوممۋنيستەردىڭ «ءتاڭىرى»، «اۋەلگى ماقساتىنىڭ» قاينارى، ادام بولۋىنىڭ نەگىزى. يدەيا جەلكەنىن مىقتاپ ۇستاپ، مۇرات تۋىن بيىك كوتەرسەك بولعانى، ءارقاشان سەرگەكتىكپەن باعداردى ايقىن تانىپ، قايراتتانا العا ۇمتىلا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.