- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەت مەنشىگىندەگى كاسىپورىندار رەفورماسى جونىندە ماڭىزدى نۇسقاۋ بەرىپ مەملەكەت مەنشىگىندەگى كاسىپورىنداردى كۇشەيتۋ، ساپالىلاندىرۋ، كولەمدەندىرۋ جولىندا تالىقپاي قۇلشىنۋدى،
مەملەكەت مەنشىگىندەگى كاسىپورىندار رەفورماسىنىڭ ماڭىزدى سالالارى مەن شەشۋشى بۋىندارىندا تەزىرەك تىڭ ناتيجە جاراتۋدى باسا دارىپتەدى
2016.07.07 15:10 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - شىلدەدە بەيجيڭنەن بەرگەن حابارى. بۇكىل ەلدەگى مەملەكەت مەنشىگىندەگى كاسىپورىندار رەفورماسى جونىندەگى اڭگىمە ءماجىلىس 4 - شىلدەدە بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، مىنالاردى باسا دارىپتەدى: مەملەكەت مەنشىگىندەگى كاسىپورىندار مەملەكەتتىڭ جالپىلىق قۋاتىن كۇشەيتۋدەگى، حالىقتىڭ ورتاق مۇددەسىن قامتاماسىز ەتۋدەگى ماڭىزدى كۇش، سوندىقتان مەملەكەت مەنشىگىندەگى كاسىپورىنداردى كۇشەيتۋ، ساپالىلاندىرۋ، كولەمدەندىرۋ جولىندا، ءسوز جوق، تالىقپاي قۇلشىنىپ، مەملەكەت مەنشىگىندەگى كاسىپورىنداردىڭ ومىرشەڭدىك كۇشىن، ىقپال كۇشىن، حاۋىپ - قاتەرگە توتەپ بەرۋ قابىلەتىن ۇزبەي كۇشەيتىپ، مەملەكەت مەنشىگىندەگى مال - مۇلىكتىڭ قۇنىن ساقتاۋ، ارتتىرۋ كەرەك. مەملەكەت مەنشىگىندەگى كاسىپورىندار رەفورماسىن ىشكەرىلەي ورىستەتىپ، ءتۇزىلىس، مەحانيزمدى جاڭالاۋعا كۇش سالىپ، وسى زامانعى كاسىپورىن ءتۇزىلىسىن جەدەل ورناتىپ، مەملەكەت مەنشىگىندەگى كاسىپورىنداردا قىزمەت ىستەيتىن ءار سالا، ءار كاسىپتەن كەلگەن دارىندىلاردىڭ بەلسەندىلىگىن، سانالىلىعىن، جاسامپازدىق قۋاتىن تولىق ساۋلەلەندىرىپ، ءتۇرلى قۇرامداردىڭ ومىرشەڭدىك قۋاتىن جالىنداتۋ كەرەك. قۇرىلىمدى رەتتەۋ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ سىندى 5 ۇلكەن دامۋ كوزقاراسىنىڭ تالابى بويىنشا ىلگەرىلەتىپ، مەملەكەت مەنشىگىندەگى كاسىپورىنداردىڭ قامداۋ جاعىنداعى قۇرىلىمدىق رەفورمانى ىلگەرىلەتۋ بارىسىندا جەتەكشى رول اتقارۋىنا مۇمكىندىك جاراتۋ كەرەك. باقىلاۋ - باسقارۋدى كۇشەيتىپ، مەملەكەت مەنشىگىندەگى مال - مۇلىكتىڭ سارىپ بولۋىنان قاتاڭ ساقتانۋ كەرەك. پارتيانى پارتيا باسقارۋ، پارتيانى قاتاڭ باسقارۋدان جازباي، پارتيانىڭ مەملەكەت مەنشىگىندەگى كاسىپورىندارعا باسشىلىق ەتۋ رولىن كۇشەيتىپ جانە كەمەلدەندىرىپ، پارتيا ۇيىمىنىڭ ساياسي ۇيتقىلىق رولىن تولىق ساۋلەلەندىرۋ كەرەك. ءار دارەجەلى پارتكومدار مەن ۇكىمەتتەر مەملەكەت مەنشىگىندەگى كاسىپورىنداردى ويداعىداي باسقارۋدا، مەملەكەت مەنشىگىندەگى شارۋاشىلىقتى وركەندەتۋدە ارقالايتىن ماڭىزدى جاۋاپكەرشىلىگىن ەستەرىندە بەرىك ساقتاپ، مەملەكەت مەنشىگىندەگى كاسىپورىندار رەفورماسىن ۇيىمداستىرۋدى، وعان جەتەكشىلىك ەتۋدى كۇشەيتۋى، مەملەكەت مەنشىگىندەگى كاسىپورىندار رەفورماسىنىڭ ماڭىزدى سالالارى مەن شەشۋشى بۋىنداردا تەزىرەك تىڭ ناتيجە جاراتۋعا قۇلشىنۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى اتاپ كورسەتتى: ۇزاق ۋاقىتتان بەرى، مەملەكەت مەنشىگىندەگى كاسىپورىندار ەلىمىزدىڭ ەكونوميكالىق، قوعامدىق دامۋدى ىلگەرىلەتۋدە، مەملەكەتتىڭ جالپىلىق قۋاتىن ارتتىرۋدا زور ۇلەس قوستى. قازىرگى جاڭا قالىپ، جاڭا جاعداي استىندا، ءبىز پارتيا ورتالىق كوميتەتى مەن مەملەكەتتىك كەڭەستىڭ شەشىم، ورنالاستىرۋلارىن دەن قويا دايەكتىلەندىرىپ، جاڭا دامۋ كوزقاراسىن بەرىك ورناتىپ، مەملەكەت مەنشىگىندەگى كاسىپورىندار رەفورماسىن بۇلجىتپاي ىلگەرىلەتىپ، وسى زامانعى كاسىپورىن ءتۇزىلىسى مەن زاڭدىق يە ارقىلى باسقارىلاتىن كەمەلدەنگەن قۇرىلىمدى بەلسەندى تۇردە شاپشاڭ ورناتىپ، بازار زاڭدىلىعىنا قۇرمەت ەتۋ، قۇرىلىمدى ىقشامداۋ، قۋاتتى كۇشەيتۋ، ساپانى كوتەرۋ، ونىمدىلىكتى جوعارىلاتۋ، قاجەتتەن اسىپ قالعان ءوندىرىس قۋاتىن قاتاردان قالدىرۋ ارقىلى قامداۋ جاعىنداعى قۇرىلىمدىق رەفورمانى جەبەۋ كەرەك. الەمدىك جاڭا عىلىم - تەحنيكا توڭكەرىسى مەن كاسىپ سالاسى وزگەرىسىنىڭ ورايىن مىقتى يگەرىپ، جاڭالىق اشۋ ارقىلى دامۋدى ىلگەرىلەتۋ ستراتەگياسىن تياناقتاندىرۋ، جاڭا شارۋاشىلىقتى بەلسەندى دامىتۋ، «ينتەرنەت +» ۇلگىسىن جانە كوپ بولىپ جاڭالىق اشۋ، جالپى قاۋىم شارۋاشىلىق قۇرۋدى ارقاۋ ەتە وتىرىپ، كاسىپورىنشى رۋحى مەن ۇستالىق رۋحتى ساۋلەلەندىرۋ، تەحنيكا، ءونىم جانە قىزمەت وتەۋدى تىنباي جاڭالاپ، نەگىزگى كاسىپتىڭ وزەكتى باسەكەلىك قۋاتىن جوعارىلاتىپ، ءداستۇرلى كاسىپ سالاسىنىڭ دامۋ تاسىلىنە بۇرىلىس جاساپ، دەڭگەيىن جوعارىلاتۋ كەرەك. ءتۇيىندى كورنەكتىلەندىرۋ، ارناعا ءتۇسىرۋ، تارتىپپەن جۇرگىزۋ، شاما - شارىققا قاراي قيمىلداۋ، حاۋىپ - قاتەردەن ساقتانۋ تالابىنا ساي، «ەنگىزۋ» مەن «سىرتقا شىعارۋدى» تىڭعىلىقتى، ءونىمدى ىلگەرىلەتۋ كەرەك. جەر - جەر، تاراۋلار تۇزىلىستەگى توسالعىلاردى الاستاپ، باقىلاۋ - باسقارۋ ءتۇزىمىن كەمەلدەندىرىپ، مەملەكەت مەنشىگىندەگى كاسىپورىندار رەفورماسىن ىلگەرىلەتۋگە بەلسەندىلىكپەن تاماشا ورتا جاراتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسىنا باسشىلىق ەتۋ گرۋپپاسىنىڭ باستىعى ما كاي ماجىلىسكە قاتىناستى ءارى ءسوز سويلەدى. مەملەكەتتىك كەڭەستىڭ مۇشەسى، مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسىنا باسشىلىق ەتۋ گرۋپپاسىنىڭ ورىنباسار باستىعى ۋاڭ يۇڭ باس شۋجي شي جينپيڭنىڭ ماڭىزدى نۇسقاۋى مەن لي كىچياڭ زۇڭليدىڭ ماڭىزدى بەكىتۋىن وقىدى ءارى ءماجىلىستى باسقاردى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن دەن قويا ۇيرەنىپ جانە يگەرىپ، پارتيا ورتالىق كوميتەتى مەن مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسى جونىندەگى شەشىم، ورنالاستىرۋلارىن جاپپاي تياناقتاندىرۋ، بازار بەتالىسىنا تاباندى بولىپ، ماسەلەنى نىشان ەتۋدى كورنەكتىلەندىرىپ، دامۋدىڭ جالپى جاعدايىنا قىزمەت ەتۋ، مەملەكەت مەنشىگىندەگى كاسىپورىنداردىڭ ومىرشەڭدىك قۋاتىن جانداندىرۋدى تىعىز توڭىرەكتەي وتىرىپ، مەملەكەت مەنشىگىندەگى شارۋاشىلىقتى ساپالى ورنالاستىرۋ، مەملەكەت مەنشىگىندەگى كاپيتالدىڭ ونىمدىلىگىن جوعارىلاتۋ، مەملەكەت مەنشىگىندەگى مال - مۇلىكتىڭ سارىپ بولۋىنان ساقتانۋ، پارتيانىڭ مەملەكەت مەنشىگىندەگى كاسىپورىندارعا باسشىلىق ەتۋ رولىن كۇشەيتىپ، يدەيانى ونان ارى ازات ەتىپ، قىزمەتتى بەلسەندىلىكپەن ىستەپ، ناتيجە جاراتىپ، كاسىپورىننىڭ جاعدايىنا قاراي شارا قولدانۋ، قيىنداردان تىنباي قامال الۋ، مەملەكەت مەنشىگىندەگى كاسىپورىندار رەفورماسى مەن مەملەكەت مەنشىگىندەگى مال - مۇلىك رەفورماسىن ۇزدىكسىز تەرەڭدەتىپ، ەكونوميكالىق، قوعامدىق دامۋعا تىڭ ءارى بۇدان دا زور ۇلەس قوسۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
