بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

جۇڭگو كوممۋنيستىك پارتياسى مەملەكەتتىك 6 - قۇرىلتايىنىڭ اشىلعان ورنى تۇراقتى كورمە سارايى بولىپ قۇرىلدى

2016.07.07 15:11     كەلۋ قاينارى : شينجياڭ گازەتى

  شينحۋا اگەنتتىگىنىڭ 4 - شىلدەدە ماسكەۋدەن بەرگەن حابارى. جۇڭگو كوممۋنيستىك پارتياسى مەملەكەتتىك 6 - قۇرىلتايىنىڭ اشىلعان ورنىن تۇراقتى كورمە سارايى ەتىپ قۇرۋ سالتى 4 - شىلدەدە رەسەيدىڭ استاناسى ماسكەۋدە ءوتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتاي اشىلعان ورىننىڭ تۇراقتى كورمە سارايى بولىپ قۇرىلعاندىعىن قۇتتىقتادى، رەسەيدىڭ زۇڭتۇڭى پۋتين دا ارناۋلى قۇتتىقتادى.

  شي جينپيڭ قۇتتىقتاۋ سوزىندە مىنانى اتاپ كورسەتتى: 88 جىلدىڭ الدىندا جۇڭگو توڭكەرىسىنىڭ ەڭ ماشاقاتتى كەزىندە، مەملەكەت پەن ۇلتتىڭ بولاشاق تاعدىرى ءۇشىن، جۇڭگو كوممۋنيستىك پارتياسىنىڭ 140تان استام ۋاكىلى الىسسىنباي ماسكەۋگە جەتىپ، قالا ماڭىنداعى 1 - مامىر قىستاعىندا ج ك پ 6 - قۇرىلتايىن اشتى. مىنە، بۇل جۇڭگو كوممۋنيستىك پارتياسىنىڭ شەتەلدە اشقان بىردەن - ءبىر مەملەكەتتىك قۇرىلتايى. بيىل «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويعاندىعىنا 15 جىل ءارى جۇڭگو مەن رەسەيدىڭ ستراتەگيالىق سەلبەستىك، سەرىكتەستىك قاتىناس ورناتقاندىعىنا 20 جىل تولدى. ج ك پ 6 - قۇرىلتايى اشىلعان ورىننىڭ تۇراقتى كورمە سارايى بولىپ قۇرىلۋى جۇڭگو مەن رەسەيدىڭ جان - جاقتى ستراتەگيالىق سەلبەستىك، سەرىكتەستىك قاتىناسىن دامىتۋدا قول جەتكىزگەن تاعى ءبىر ماڭىزدى جەمىسى ءارى جۇڭگو مەن رەسەيدىڭ دوستىق سەلبەستىك قاتىناسىنىڭ ىشكەرىلەي دامىعاندىعىنىڭ تاعى ءبىر سيمۆولى.

  شي جينپيڭ مىنانى باسا دارىپتەدى: جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى جۇڭگو كوممۋنيستىك پارتياسى 6 - قۇرىلتايىنىڭ اشىلۋى سىندى تاريحي ءىستى ەرەكشە قادىرلەيدى ءارى جۇڭگو مەن رەسەي حالقىنىڭ ءبىرىن - ءبىرى قولداپ - قۋاتتاعان قۇندى تاريحىن دا ايرىقشا قادىرلەيدى. ج ك پ 6 - قۇرىلتايى اشىلعان ورىندى جاڭالاپ، ونى تۇراقتى كورمە سارايى ەتىپ قۇرىپ شىعۋداعى ماقسات − تاريحتى ەستە بەرىك ساقتاپ، جۇڭگو مەن رەسەيدىڭ ءداستۇرلى دوستىعىنا مۇراگەرلىك ەتىپ جانە ونى ساۋلەلەندىرىپ، ەكى ەل حالقىنىڭ ۇرپاقتان - ۇرپاققا جالعاسقان دوستىعىنان جازباۋ بولىپ تابىلادى.

  شي جينپيڭ مىنانى باسا دارىپتەدى: ج ك پ 6 - قۇرىلتايى اشىلعان ورىننىڭ تۇراقتى كورمە سارايى بولىپ قۇرىلۋى جانە اشىلۋى جۇڭگو مەن رەسەي حالقىنىڭ تۇسىنىستىكتى، دوستىقتى تەرەڭدەتۋىنە تىڭ دانەكەر ازىرلەدى. ونىڭ، ءسوز جوق، ەكى ەل حالقىن جۇڭگو مەن رەسەيدىڭ دوستىق سەلبەستىگىنىڭ تىڭ داستانىن جازۋعا جەبەيتىندىگىنە كامىل سەنەمىن.

  پۋتين قۇتتىقتاۋ سوزىندە بىلاي دەدى: رەسەي مەن جۇڭگونىڭ ورتاق تاريحىنداعى ماڭىزدى وقيعالاردى اتاپ ءوتۋ ءۇشىن، ج ك پ 6 - قۇرىلتايى اشىلعان ورىندى تۇراقتى كورمە سارايى ەتىپ قۇرىپ شىقتىق. بۇل − رەسەي - جۇڭگو ماماندارىنىڭ ۇزاق جىلدان بەرگى ورتاق قۇلشىنىسىنىڭ جەمىسى. تاريحي مۇراعاتتاردى قورعاۋ رەسەي مەن جۇڭگو حالقىنىڭ ءداستۇرلى دوستىعىن بەكەمدەۋ، ءوزارا قۇرمەت ەتۋ، ءوزارا سەلبەسۋ جونىنەن كەلەلى ءمان الادى ءارى جۇڭگو مەن رەسەيدىڭ گۋمانيتارلىق سەلبەستىكتى ءوز ىشىنە العان جان - جاقتى ستراتەگيالىق سەلبەستىك، سەرىكتەستىك قاتىناسىنىڭ قارىشتاپ دامۋىن، ءسوز جوق، جەبەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.