- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاستىق ورالىمىزدى ۇلەس قوسۋ جولىندا شۇعىلا شاشتىرايىق
2016.07.07 15:11 كەلۋ قاينارى : شينجياڭ گازەتى
1 - شىلدەدە وتكەن جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا باس شۋجي شي جينپيڭ: جاستار − وتاننىڭ بولاشاعى، ۇلتتىڭ ءۇمىتى ءارى پارتيامىزدىڭ بولاشاعى جانە ءۇمىتى، - دەپ اتاپ كورسەتتى. رايونىمىزداعى ءار ۇلت جاستارى مۇنان تەرەڭ شابىت الىپ، جۇڭگو كوممۋنيستىك پارتياسىنا بۇلجىماي ىلەسىپ، ءداۋىردىڭ الدىڭعى لەگىندە باتىلدىقپەن جۇرەتىن اتويشىلاردان، ءورىس اشۋشىلاردان، ۇلەسكەرلەردەن بولىپ، جاستىق ورالدارىن وتانعا، حالىققا، ۇلتقا ۇلەس قوسۋ جولىندا شۇعىلا شاشتىراتىندىقتارىن ءبىلدىردى.
شينجياڭ اۋىل شارۋاشىلىق ۋنيۆەرسيتەتى ورمان شارۋاشىلىعى، باۋ - باقشا ينستيتۋتىنىڭ جەتەكشىسى ۋاڭ شۇي بىلاي دەدى: باس شۋجيدىڭ سوزىندە پارتيانىڭ جاستارعا جاساعان قامقورلىعى مەن جاستاردان كۇتكەن ءۇمىتى قامتىلعان. ءار الۋان، كۇردەلى يدەيالىق اعىمدار ەتەك العان بۇگىنگى زاماندا يدەيالىق - ساياسي تاربيە قىزمەتكەرى رەتىندە، ءدىني ۇشقارى يدەيانىڭ مەكتەپتەرگە كەۋلەپ كىرۋىنە مايدانى بەرىك، تۋى ايقىن تۇردە توتەپ بەرىپ جانە ودان ساقتانىپ، جاستاردىڭ پارتياعا ماڭگى ىلەسۋ سەنىمىن بەكەمدەپ، اسقاق مۇرات، مىزعىماس تاباندىلىقپەن قوعام ورنىقتىلىعى مەن باياندى تىنىشتىقتى جۇزەگە اسىرۋ حولىندا جاستىق ورالىم مەن كۇش - قۋاتىمدى ارنايمىن.
«جۇڭحۋا ۇلتى ارمانى، قايتا كوركەيۋ ارمانى جاستاردىڭ ات سالىسۋى مەن قۇلشىنۋىنان ايرىلا المايدى، پارتيا مەن مەملەكەتتىڭ ءبىز جاستاردان كۇتكەن زور ءۇمىتى، ءبارىمىزدىڭ جاستىق ورالىمىز وتانىمىزدىڭ دامۋىمەن تىعىز قاتىستى»، - دەدى باس شۋجيدىڭ ءسوزىن ەستىپ، ايرىقشا شابىت العان شينجياڭ تيانشان كاسىپتىك تەحنيكا ينستيتۋتىنىڭ 2016 - جىلعى تۇلەگى ەرسىن مەيرامقان ۇلى.
«ستۋدەنت ەرىكتىلەرى رەتىندە، باس شۋجيدىڭ ءسوزىن ەستىپ تەرەڭ شابىت الدىم. مەن ەرىكتىلەر رۋحىن بارىنشا جالپىلاستىرىپ، كوپتەگەن ادامداردى يگىلىككە كەنەلدىرىپ، ەرىكتى قىزمەت وتەۋدى ادامداردىڭ تۇرمىسى بارىسىنداعى كەم بولسا بولمايتىن ءبىر بولەگىنە اينالدىرۋعا كۇش سالامىن»، - دەدى ءۇرىمجى كاسىپتىك ۋنيۆەرسيتەتىنىڭ وقۋشىسى، پۋگۇڭيىڭ ەرىكتىلەر اترەتىنىڭ مۇشەسى ءماردان امەت.
ءۇرىمجى ۇلتتىق كادرلار ينستيتۋتىنىڭ وقۋشىسى حى يچي بىلاي دەدى: جاس پارتيا مۇشەسى تۇرعىسىنان، بورىشىمدى ەستە بەرىك ساقتاپ، قۇلشىنا ۇيرەنىپ، قاجىرلىلىقپەن جاتتىعىپ، اسكەري ماماندىعىم مەن كاسىپتىك ساپامدى جوعارىلاتىپ، شەكارا قورعانىسىنا، شەكارا ءوڭىردى قورعاۋعا تەرەڭ تامىر تارتىپ، وتان ەڭ مۇقتاج، حالىق ەڭ الاڭسىز بولاتىن اسكەر بولۋعا، قاجەت كەزدە دەرەۋ تابىلاتىن، شايقاسا الاتىن، شايقاستا، ءسوزسىز، جەڭىسكە جەتەتىن اسكەر بولۋعا قۇلشىنامىن.
ءۇرىمجى قالاسى تيانشان رايونى قالا باقشاسى الەۋمەتتىك اۋماعىندا تۇراتىن كانديدات پارتيا مۇشەسى پان يانلي بىلاي دەدى: جاستىق داۋىرىمىزدە ورايدى قولدان بەرمەي، ءداۋىر جۇكتەگەن بورىشىمىز پەن جاۋاپكەرشىلىگىمىزدى ارقالاي ءبىلۋىمىز كەرەك.
قوبىقسارى موڭعۇل اۆتونوميالى اۋدانى تەبىكىنۇسان اۋىلىنىڭ پارتكوم شۋجيى ساۋ زىچيان بىلاي دەدى: نەگىزگى ساتىداعى جاس پارتيا مۇشەسى رەتىندە، وزىمە قاشاندا قاتاڭ تالاپ قويىپ، يدەيالىق تانىمىمدى كۇشەيتىپ، نەگىزگى ساتىدا جانە جاپا - ماشاقاتقا جولىققاندا كوبىرەك ۇلەس قوسىپ، ناقتىلى قىزمەت بارىسىندا بۇقارا ءۇشىن كوپتەپ ناقتى، يگى ىستەر ىستەپ، جاس پارتيا مۇشەلەرىنىڭ وبرازىن سومداپ، اناعۇرلىم كوپ جاس پارتيالى كادرلاردى نەگىزگى ساتى قىزمەتىندە كاسىبىن قادىرلەپ، ۇلەس قوسۋعا باستايمىن.
ياركەن اۋدانى باشكەنت قالاشىعى «قوس ءتىل» مەكتەبىنىڭ وقىتۋشىسى، جاس پارتيا مۇشەسى پاتيگۇل مامۇت بىلاي دەدى: ءبىر جاس پارتيا مۇشەسى تۇرعىسىنان، مۇرات - سەنىمدە تاباندى بولۋ مەن قاجىرلىلىقپەن كۇرەس جاساۋدى اۋىز جۇزىندە عانا ەمەس، شىنايى ارەكەتىم ارقىلى ايگىلەيمىن، وسكەلەڭ سەنىمدى كوكەيدە بەرىك ساقتاپ، يدەيادا اۋىتقىماۋعا، سەنىمنەن جازباۋعا كەپىلدىك ەتەمىن، ناقتىلى ءىس - ارەكەتىم ارقىلى مۇرات - سەنىمدى ايگىلەپ، وڭتۇستىك شينجياڭنىڭ وقۋ - اعارتۋ ىستەرى ءۇشىن جاستىق كوكتەمىمدى ارناپ، تەر توگۋگە ريزامىن.
جۇڭتاي توبىنا قاراستى فۋكاڭ ەنەرگيا سەرىكتەستىگىنىڭ قىزمەتكەرى جوۋ يۋان بىلاي دەدى: جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىن كورىپ، جۇڭگو كوممۋنيستىك پارتياسىنىڭ بۇكىل ەل حالقىن باستاپ قاجىرلىلىقپەن كۇرەس جاساعان شۇعىلالى تاريحى جونىندە تاعى دا تەرەڭ تۇسىنىككە يە بولدىم. مەن، ءسوز جوق، پارتيانىڭ تاربيەسىن ەستە بەرىك ساقتاپ، ەسەيۋ بارىسىندا ۇلەس قوسىپ، ۇلەس قوسۋ بارىسىندا تولىسىپ، تولىمدى پارتيا مۇشەسى بولۋعا قۇلشىنامىن.
قۇتىبي اۋدانى ۋگۇڭتاي قالاشىعىنا قىزمەت ىستەۋگە تاڭداپ جىبەرىلگەن ستۋدەنت حۋاڭ مو بىلاي دەدى: باس شۋجي شي جينپيڭ سوزىندە جاستارعا ەرەكشە كوڭىل ءبولدى، بۇدان زور شابىت الدىم، سونىمەن بىرگە نەگىزگى ساتىعا تامىر تارتۋدىڭ جالعىزدىق سانالمايتىندىعىن ۇعىندىم، ءبىز، ءسوز جوق، سەنىمىمىزدى بەكەمدەپ، ورشەلەنە العا ۇمتىلىپ، پارتيا مەن حالىقتىڭ ءۇمىتىن اقتاۋىمىز كەرەك.
بۇراتالا قالاسى بىلىنحارمودون اۋىلى جوكىن قىستاعىنداعى پارتيا مۇشەسى وسمانجان بىلاي دەدى: باس شۋجي شي جينپيڭنىڭ ءسوزى جاس پارتيا مۇشەلەرىنە شابىت بەرىپ، العا ۇمتىلۋعا جىگەرلەندىردى، مەن كومپارتيا مۇشەلەرىنىڭ بار ىنتا - پەيىلمەن حالىق ءۇشىن قىزمەت ەتەتىن تۇپكى ماقساتىن ەستە بەرىك ساقتاپ، ۇلتتار ىنتماعى، العاباسارلىعى جىلى ورايىن مىقتى ۇستاپ، ۇلتتار ىنتىماعىن ويداعىداي قورعاپ، ناقتى ارەكەتىم ارقىلى اۋىلداستاردى اۋقاتتانۋعا باستاپ، تاڭداۋلى پارتيا مۇشەسى بولۋعا قۇلشىنامىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
