- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭحۋا حالىق رەسپۋبليكاسى ۇكىمەتىنىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسى جونىندەگى مالىمدەمەسى
2016.07.14 15:26 كەلۋ قاينارى : شينجياڭ گازەتى
جۇڭگونىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن قايتالاي دارىپتەۋ، ءار ەلمەن نانحاي تەڭىزىندەگى سەلبەستىكتى كۇشەيتىپ، نانحاي تەڭىزىنىڭ بەيبىتشىلىگى مەن ورنىقتىلىعىن قورعاۋ ماقساتىندا جۇڭحۋا حالىق رەسپۋبليكاسى ۇكىمەتى تومەندەگىدەي مالىمدەمە جاريالادى:
ءبىرىنشى، جۇڭگونىڭ نانحاي تەڭىزىندەگى ارالدارى دۇڭشا توپ ارالىن، شيشا توپ ارالىن، جۇڭشا توپ ارالىن جانە نانشا توپ ارالىن قامتيدى. جۇڭگو حالقىنىڭ نانحاي تەڭىزىندە قيمىل جاساعانىنا 2000 جىلدان استى. جۇڭگو نانحاي تەڭىزىندەگى ارالدار مەن قاتىستى تەڭىز ايدىنىن ەڭ ەرتە بايقاعان، ولارعا ەڭ ەرتە ات قويعان جانە ونى اشىپ، يگىلىككە جاراتقان، نانحاي تەڭىزىندەگى ارالدار مەن قاتىستى تەڭىز ايدىنىنا يەلىك ۇقىقتى ەڭ ەرتە جۇرگىزگەن، سونداي - اق ولاردى باياندى، بەيبىت، ءونىمدى باسقارىپ، نانحاي تەڭىزىندەگى تەرريتوريا يەلىك ۇقىعى مەن قاتىستى ۇقىق - مۇددەسىن تۇراقتاندىرعان.
دۇنيە جۇزىلىك 2 - سوعىس اياقتاعاننان كەيىن، جۇڭگو جاپونيانىڭ جۇڭگوعا شاپقىنشىلىق سوعىس جۇرگىزگەن كەزدە نانحاي تەڭىزىندە زاڭسىز يەمدەنىپ العان ارالدارىن قايتارىپ الدى، سونداي - اق وعان يەلىك ۇقىعىن جۇرگىزۋدى قالپىنا كەلتىردى. جۇڭگو ۇكىمەتى نانحاي تەڭىزىندەگى ارالداردى باسقارۋدى كۇشەيتۋ ءۇشىن، 1947 - جىلى نانحاي تەڭىزىندەگى ارالداردىڭ جاعراپيالىق اتتارىن تەكسەرىپ وزگەرتىپ، «نانحاي تەڭىزىندەگى ارالداردىڭ قىسقاشا جاعراپيالىق شەجىرەسىن» قۇراستىرىپ جازدى جانە نانحاي تەڭىزىن ۇزىك سىزىقپەن كورسەتكەن «نانحاي تەڭىزىندەگى ارالداردىڭ ورىن كارتاسىن» سىزىپ شىقتى، سونداي - اق 1948 - جىلى اقپاندا دۇنيە جۇزىنە رەسمي جاريالادى.
ەكىنشى، جۇڭحۋا حالىق رەسپۋبليكاسى 1949 - جىلى 1 - قازاندا قۇرىلعاننان قازىرگە دەيىن جۇڭگونىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن باتىل قورعاپ كەلەدى، 1958 - جىلعى «جۇڭحۋا حالىق رەسپۋبليكاسى ۇكىمەتىنىڭ تەڭىز تەرريتورياسى جونىندەگى مالىمدەمەسى»، 1992 - جىلعى «جۇڭحۋا حالىق رەسپۋبليكاسىنىڭ تەڭىز تەرريتورياسى جانە ونىڭ ىرگەلەس رايونى زاڭى»، 1998 - جىلعى «جۇڭحۋا حالىق رەسپۋبليكاسىنىڭ مەنشىكتى ەكونوميكالىق رايونى جانە قۇرلىق تۇعىرى زاڭى»، سونداي - اق 1996 - جىلعى «جۇڭحۋا حالىق رەسپۋبليكاسى مەملەكەتتىك حالىق قۇرىلتايى تۇراقتى كوميتەتىنىڭ <ب م ۇ - نىڭ تەڭىز - مۇحيت ۇقىعى شارتىن> بەكىتۋى جونىندەگى قاۋلىسى» سياقتى زاڭدار مەن حۇجاتتار جۇڭگونىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن ونان ارى تۇراقتاندىردى.
ءۇشىنشى، جۇڭگو حالقى مەن جۇڭگو ۇكىمەتىنىڭ ۇزاق ۋاقىتتىق تاريحي امالياتى مەن ءار كەزەكتى جۇڭگو ۇكىمەتىنىڭ دايەكتى مايدانىنا مەڭزەس، جۇڭگونىڭ ەل ءىشى زاڭىنا، سونداي - اق «ب م ۇ - نىڭ تەڭىز - مۇحيت ۇقىعى شارتىن» قامتىعان حالىقارالىق زاڭدارعا نەگىزدەلگەندە، جۇڭگونىڭ نانحاي تەڭىزىندەگى تەرريتوريا يەلىك ۇقىعى مەن تەڭىز - مۇحيت ۇقىق - مۇددەسى مىنالاردى قامتيدى:
(1) جۇڭگونىڭ نانحاي تەڭىزىندەگى دۇڭشا توپ ارالىن، شيشا توپ ارالىن، جۇڭشا توپ ارالىن جانە نانشا توپ ارالىن قامتىعان ارالدارعا يەلىك ۇقىعى بار؛
(2) جۇڭگونىڭ نانحاي تەڭىزىندەگى ارالداردا ىشكى سۋ ايدىنى، تەڭىز تەرريتورياسى جانە ىرگەلەس رايونى بار؛
(3) جۇڭگونىڭ نانحاي تەڭىزىندەگى ارالداردا مەنشىكتى ەكونوميكالىق رايونى مەن قۇرلىق تۇعىرى بار؛
(4) جۇڭگونىڭ نانحاي تەڭىزىندە تاريحي ۇقىعى بار.
جۇڭگونىڭ جوعارىداعى مايدانى قاتىستى حالىقارالىق زاڭدار مەن حالىقارالىق امالياتقا ۇيلەسەدى.
ءتورتىنشى، جۇڭگو ءىشىنارا ەلدەردىڭ جۇڭگونىڭ نانشا توپ ارالىنداعى ءبىر ءبولىم مارجان قۇزداردى زاڭسىز يەمدەنۋ جانە جۇڭگونىڭ باسقارۋىنداعى قاتىستى تەڭىز اۋماعىنىڭ يەلىك ۇقىعىنا قول سۇعۋ ارەكەتىنە ەجەلدەن باتىل قارسى تۇرىپ كەلەدى. جۇڭگو نانحاي تەڭىزى جونىندەگى تالاس - تارتىستى ىسكە تىكە قاتىستى ەلدەرمەن تاريحي شىندىققا قۇرمەت ەتۋ نەگىزىندە، حالىقارالىق زاڭدارعا نەگىزدەلە وتىرىپ، ءۇرتىس كەلىسسوز وتكىزۋ ارقىلى بەيبىت جولمەن شەشۋدى قالايدى. جۇڭگو ىسكە تىكە قاتىستى ەلدەرمەن ناقتىلى ۋاقىتتىق ورنالاستىرۋ جاساۋعا مۇمكىندىكتىڭ بارىنشا قۇلشىنادى، بۇل قاتىستى تەڭىز ايدىنىن بىرگە اشىپ، ءوزارا تيىمدىلىك جاساپ، ورتاق يگىلىككە كەنەلۋ، نانحاي تەڭىزىنىڭ بەيبىتشىلىگى مەن ورنىقتىلىعىن بىرگە قورعاۋدى قامتيدى.
بەسىنشى، جۇڭگو ءار ەلدىڭ حالىقارالىق زاڭدارعا ساي، نانحاي تەڭىزى ايدىنىندا قاتىناۋ جانە اۋە كەڭىستىگىنەن ۇشىپ ءوتۋ ەركىندىگىنە قۇرمەت ەتەدى ءارى ونى قولدايدى، توڭىرەكتەگى باسقا ەلدەرمەن جانە حالىقارالىق قوعاممەن سەلبەسە وتىرىپ، نانحاي حالىقارالىق سۋ تاسىمال جولىنىڭ حاۋىپسىزدىگى مەن ىركىلىسسىزدىگىن قورعاۋدى قالايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
