- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ دەنساۋلىق ساقتاۋ جانە سالاماتتىق جونىندەگى مەملەكەتتىك ماجىلىستە
حالىقتىڭ سالاماتتىعىن دامۋ ستراتەگياسىندا باسىم ورىنعا قويىپ، حالىقتىڭ سالاماتتىعىن جان - جاقتى، تولىق كەزەڭ بويىنشا قامتاماسىز ەتۋدى باسا دارىپتەدى
لي كىچياڭ ءسوز سويلەدى، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى
2016.08.23 13:40 كەلۋ قاينارى : شينجياڭ گازەتى
شينحۋا اگەنتتىگىنىڭ 20 - تامىزدا بەيجيڭنەن بەرگەن حابارى. دەنساۋلىق ساقتاۋ جانە سالاماتتىق جونىندەگى مەملەكەتتىك ءماجىلىس 19 - ، 20 - كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: جالپى حالىقتىڭ سالاماتتىعى بولماسا، جاپپاي دوڭگەلەك داۋلەتتىلىك تە بولمايدى. حالىقتىڭ سالاماتتىعىن دامۋ ستراتەگياسىندا باسىم ورىنعا قويىپ، سالاماتتى ءومىر سالتىن جالپىلاستىرۋ، دەنساۋلىققا قىزمەت كورسەتۋدى جاقسارتۋ، سالاماتتىقتى قورعاۋدى كەمەلدەندىرۋ، سالاماتتى ورتا ازىرلەۋ، دەنساۋلىق ساقتاۋ سالاسىن دامىتۋدى ءتۇيىن ەتىپ، سالاماتتى جۇڭگو قۇرىلىسىن جەدەل ىلگەرىلەتىپ، حالىقتىڭ سالاماتتىعىن جان - جاقتى، تولىق كەزەڭ بويىنشا قامتاماسىز ەتىپ، «قوس 100 جىل» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا بەرىك دەنساۋلىق نەگىزىن قالاۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جينالىستا ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.
شي جينپيڭ سوزىندە مىنالاردى باسا دارىپتەدى: سالاماتتىق − ادامنىڭ جان - جاقتى جەتىلۋىن ىلگەرىلەتۋدىڭ قاجەتتى تالابى، ەكونوميكالىق، قوعامدىق دامۋدىڭ نەگىزگى شارتى، ۇلتتىڭ كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى، سونداي - اق قالىڭ حالىق جۇرتشىلىعىنىڭ ورتاق ارمانى. پارتيامىز قۇرىلعان ساتتەن باستاپ حالىقتىڭ سالاماتتىعىن قورعاۋدى ۇلتتىڭ تاۋەلسىزدىگى مەن حالىقتىڭ ازاتتىعى ىستەرىمەن تىعىز بايلانىستىرىپ كەلەدى. رەفورما جاساپ، ەسىك اشقاننان بەرى، ەلىمىزدىڭ دەنساۋلىق ساقتاۋ جانە سالاماتتىق ىستەرى جەدەل دامىدى، ەمدەۋ - دەنساۋلىق ساقتاۋ بويىنشا قىزمەت كورسەتۋ جۇيەسى ۇزدىكسىز كەمەلدەندى، نەگىزگى الەۋمەتتىك دەنساۋلىق ساقتاۋعا قىزمەت كورسەتۋدىڭ تەڭگەرىلۋ دەڭگەيى بىرتىندەپ جوعارىلاپ، الەۋمەتتىك دەنساۋلىق ساقتاۋدىڭ جالپىلىق قۋاتى مەن اۋرۋدىڭ الدىن الۋ جانە ونى تىزگىندەۋ قابىلەتى بيىك بەلەسكە كوتەرىلدى. ۇزاق مەرزىم قۇلشىنىس جاساۋ ارقىلى ءبىز حالىقتىڭ سالاماتتىق دەڭگەيىن ايتارلىقتاي جوعارىلاتۋمەن بىرگە، دەنساۋلىق ساقتاۋ مەن سالاماتتىق ىستەرىن دامىتۋدىڭ مەملەكەتىمىزدىڭ جاعدايىنا ۇيلەسەتىن جولىن اشتىق.
شي جينپيڭ مىنالاردى اتاپ كورسەتتى: ۇزاق ۋاقىتتان بەرى، ەلىمىزدىڭ دەنساۋلىق ساقتاۋ جانە سالاماتتىق سالاسىنىڭ قالىڭ قىزمەتكەرلەرى «ءومىردى قۇرمەتتەۋ جانە قورعاۋ، اجالعا اراشاشى، جارالىعا مەدەتكەر بولۋ، قالتقىسىز ۇلەس قوسۋ، رياسىز ماحابباتپەن قاراۋ» رۋحىن ساۋلەلەندىرىپ، حالىققا بار ىنتا - پەيىلمەن قىزمەت ەتتى، اسىرەسە، اۋىر جۇقپالى اۋرۋلار قاتەر توندىرگەن، اۋىر جاراتىلىستىق اپاتتەرمەن كۇرەس جۇرگىزگەن ساتتەردە دەنساۋلىق ساقتاۋ جانە سالاماتتىق سالاسىنداعى قالىڭ قىزمەتكەرلەر حاۋىپ - قاتەردەن تايسالماي، ادىلەت جولىندا ايانباي، ەرلىكپەن العا باسىپ، ەل ءۇشىن جانىن شۇپەرەككە ءتۇيىپ، بۇكىل قوعامنان القاۋ - ماداق الدى. شي جينپيڭ پارتيا ورتالىق كوميتەتى اتىنان دەنساۋلىق ساقتاۋ جانە سالاماتتىق شەبىندە ۇزاقتان بەرى قىزمەت ەتىپ كەلگەن قالىڭ كادرلار مەن جۇمىسشى - قىزمەتشىلەرگە جانە ەمدەۋ قىزمەتكەرلەرىنە وسكەلەڭ قۇرمەت ءبىلدىردى جانە شىن جۇرەكتەن العىس ايتتى.
شي جينپيڭ مىنالاردى باسا دارىپتەدى: قازىر ونەركاسىپتەنۋگە، قالا - قالاشىقتانۋعا، حالىقتىڭ قارتايۋىنا، اۋرۋلار سپەكتەرىنىڭ، ەكولوگيالىق ورتانىڭ، ءومىر سالتىنىڭ تىنباي وزگەرۋىنە بايلانىستى ەلىمىز ءالى دە سان الۋان اۋرۋلاردىڭ قاتەرى قاتار ءومىر سۇرگەن، سالاماتتىققا اسەر ەتەتىن ءتۇرلى فاكتورلار قاباتتاسقان كۇردەلى جاعدايعا تاپ بولىپ وتىر، ءبىز دەنساۋلىق ساقتاۋ جانە سالاماتتىق ىستەرى بويىنشا دامىعان ەلدەر تاپ بولاتىن ماسەلەلەرمەن قاتار، دامۋ ۇستىندەگى ەلدەر تاپ بولاتىن ماسەلەلەرگە دە ءدوپ كەلىپ وتىرمىز، ەگەر وسى ماسەلەلەر ءونىمدى تۇردە شەشىلمەيتىن بولسا، ءسوز جوق، حالىقتىڭ سالاماتتىعىنا ايتارلىقتاي اسەر ەتىپ، ەكونوميكانىڭ دامۋىن تەجەپ، قوعامنىڭ جاراسىمدىلىعى مەن ورنىقتىلىعىنا ىقپال ەتەدى.
شي جينپيڭ مىنالاردى اتاپ كورسەتتى: سالاماتتى جۇڭگو قۇرىلىسىن ىلگەرىلەتۋ بارىسىندا، ءبىز دەنساۋلىق ساقتاۋ جانە سالاماتتىق ىستەرىنىڭ جۇڭگولىق ەرەكشەلىككە يە دامۋ جولىنا تاباندى بولىپ، ءبىرقاتار ماڭىزدى ماسەلەلەردى ويداعىداي يگەرۋگە ءتيىسپىز. دەنساۋلىق ساقتاۋ جانە سالاماتتىق قىزمەتىنىڭ دۇرىس باعىتىنا تاباندى بولىپ، نەگىزگى ساتىنى ءتۇيىن، رەفورما جاساۋ، ەسىك اشۋدى قوزعاۋشى كۇش، الدىن الۋدى نەگىز ەتىپ، ءداستۇرلى مەديتسينا مەن باتىس مەديتسيناسىنا بىردەي ءمان بەرىپ، سالاماتتىقتى بارلىق ساياساتپەن ساباقتاستىرىپ، حالىقتىڭ بىرگە گۇلدەندىرىپ، بىرگە يگىلىكتەنۋىنە مۇمكىندىك تۋدىرۋ كەرەك. نەگىزگى الەۋمەتتىك دەنساۋلىق ساقتاۋ ىستەرىنىڭ قوعامدىق يگىلىك سيپاتىنا تاباندى بولىپ، جۇيەنى ۇزدىكسىز كەمەلدەندىرىپ، قىزمەت كورسەتۋدى توقتاۋسىز كەڭەيتىپ، ساپانى تولاسسىز كوتەرىپ، قالىڭ حالىق جۇرتشىلىعىن الدىن الۋ، ەمدەۋ، ساۋىقتىرۋ، دەنساۋلىقتى كۇتۋ، ت.ب بويىنشا ادىلەتتى، قول جەتىمدى، جۇيەلى، ءۇزىلىسسىز قىزمەتتەردەن يگىلىكتەندىرۋ كەرەك. ەمدەۋ - دەنساۋلىق ساقتاۋ بويىنشا قىزمەت كورسەتۋدىڭ ساپاسى مەن دەڭگەيىن جوعارىلاتۋعا تاباندى بولىپ، جالپى حالىقتىڭ ادىلەتتى تۇردە قول جەتكىزۋىنە مۇمكىندىك جاساۋ كەرەك. ۇكىمەت پەن بازاردىڭ قارىم - قاتىناسىن دۇرىس شەشۋگە تاباندى بولۋ، نەگىزگى ەمدەۋ - دەنساۋلىق ساقتاۋ بويىنشا قىزمەت كورسەتۋ سالاسىندا ۇكىمەت ناتيجەلى جۇمىس جۇرگىزۋى، نەگىزگى ەمەس ەمدەۋ - دەنساۋلىق ساقتاۋ بويىنشا قىزمەت كورسەتۋ سالاسىندا بازار ومىرشەڭدىك كۇشكە يە بولۋى قاجەت.
شي جينپيڭ مىنالاردى باسا دارىپتەدى: الدىن الۋدى نەگىز ەتۋ باعىتىن تاباندى تۇردە دايەكتىلەندىرىپ، الدىن الۋ مەن ەمدەۋدى ۇشتاستىرۋعا، بىرلەسە الدىن الۋ مەن بىرلەسە تىزگىندەۋگە، جابال الدىن الۋ مەن جۇمىلا تىزگىندەۋگە تاباندى بولىپ، حالىق جۇرتشىلىعىنا دەنساۋلىق ساقتاۋ جانە سالاماتتىق ىستەرى بويىنشا جان - جاقتى، تولىق كەزەڭدىك قىزمەت كورسەتۋ كەرەك. سالماقتى اۋرۋلاردىڭ الدىن الۋعا جانە ونى تىزگىندەۋگە ءمان بەرىپ، الدىن الۋ مەن ەمدەۋ تاكتيكاسىن ساپالىلاندىرىپ، ادامداردىڭ اۋرۋعا شالدىعۋىن مۇمكىندىكتىڭ بارىنشا ازايتۋ كەرەك.جاس وسپىرىمدەر مەن بالالاردىڭ سالاماتتىعىنا ءمان بەرىپ، بالا باقشالاردا، ورتا، باستاۋىش مەكتەپتەردە دەنساۋلىق ساقتاۋ جانە سالاماتتىق قىزمەتىن جاپپاي كۇشەيتىپ، سالاماتتىق بىلىمدەرىن ءناسيحاتتاۋ تەبىنىن ارتتىرىپ، وقۋشىلاردىڭ اۋرۋدان بەلسەندى تۇردە ساقتانۋ ساناسىن جوعارىلاتۋ، كەدەي وڭىرلەردەگى وقۋشىلاردى كەنەۋلى تاماقتارمەن نەمەسە كەنەۋلى پاكەتتەرمەن ازىقتاندىرۋ ارەكەتىن باعىتتامالى تۇردە جۇرگىزىپ، ولاردىڭ ءوسىپ - جەتىلۋىن قامتاماسىز ەتۋ كەرەك. ءتۇيىندى ادامداردىڭ سالاماتتىعىنا ءمان بەرىپ، ايەلدەردىڭ دەنساۋلىعىن قورعاپ، قارتتارعا دەنساۋلىقتى باسقارۋ جانە ەمدەۋ بويىنشا ءۇزىلىسسىز قىزمەت كورسەتىپ، مۇگەدەكتەردىڭ «بارلىعى بىردەي ساۋىقتىرۋ قىزمەتىنەن يگىلىكتەنۋى» نىساناسىن قۇلشىنا ىسكە اسىرىپ، جىلجىمالى تۇرعىنداردىڭ سالاماتتىق ماسەلەسىنە كوڭىل ءبولىپ، سالاماتتىق بويىنشا كەدەيلەردى سۇيەمەلدەۋ ينجەنەرياسىن ىشكەرىلەي اتقارۋ كەرەك. سالاماتتى، وركەنيەتتى ءومىر سالتىن دارىپتەپ، ۇلكەن دەنساۋلىق ساقتاۋ، ۇلكەن سالاماتتىق كوزقاراسىن ورناتىپ، ناۋقاستاردى ەمدەۋدى وزەك ەتۋدەن حالىقتىڭ سالاماتتىعىن قورعاۋدى نەگىز ەتۋگە ويىسىپ، سانيتارلىق ساۋاتتاندىرۋ جۇيەسىن ورناتىپ جانە جەتىلدىرىپ، جالپى حالىقتىڭ دەنساۋلىق ساپاسىن جوعارىلاتىپ، جالپى حالىقتىق دەنە شىنىقتىرۋ مەن جالپى حالىقتىق سالاماتتىقتىڭ ىشكەرىلەي توعىسۋىن ىلگەرىلەتۋ قاجەت. پسيحيكالىق ساۋلىق ماسەلەسى بويىنشا نەگىزدىك زەرتتەۋدى كۇشەيتىپ، پسيحيكالىق ساۋلىق جانە پسيحيكالىق اۋرۋلار جونىندەگى بىلىمدەرمەن ساۋاتتاندىرۋ جۇمىسىن جاقسى ىستەپ، پسيحيكالىق ەمدەۋ، پسيحيكالىق كەڭەس بەرۋ سياقتى پسيحيكالىق ساۋلىق بويىنشا قىزمەت كورسەتۋدى ارناعا سالۋ كەرەك.
شي جينپيڭ بىلاي دەپ اتاپ كورسەتتى: تاماشا ەكولوگيالىق ورتا − ادامزاتتىڭ تىرشىلىگى مەن سالاماتتىعىنىڭ نەگىزى. جاسىل دامۋ كوزقاراسى بويىنشا، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، قورشاعان ورتا مەن سالاماتتىقتى باقىلاۋ جانە تەكسەرۋ، تەكسەرۋ جۇرگىزۋ، حاۋىپ - قاتەردى باعالاۋ ءتۇزىمىن ورناتىپ جانە كەمەلدەندىرىپ، اتموسفەرا، توپىراق، سۋدىڭ لاستانۋىنان ساقتانۋدى ءتۇيىندى مىقتى يگەرىپ، جاسىلداندىرۋدى ىلگەرىلەتۋدى تەزدەتىپ، حالىق جۇرتشىلىعىنىڭ سالاماتتىعىنا ىقپالى كورنەكتى قورشاعان ورتا ماسەلەسىن شىنايى ءبىر جايلى ەتۋ كەرەك. وتانشىلدىق تازالىق قيمىلىنىڭ تاماشا داستۇرىنە مۇراگەرلىك ەتىپ جانە ونى ساۋلەلەندىرىپ، قالا، اۋىلدىڭ قورشاعان ورتاسىن تازالاۋ، رەتتەۋ قيمىلىن باياندى ورىستەتىپ، قىستاقتاعى قونىس ورتاسىن رەتكە سالۋ تەبىنىن زورايتىپ، سالاماتتىققا ساي، قونىستانۋعا قولايلى، كوركەم مەكەن قۇرۋ كەرەك. ازىق - تۇلىك حاۋىپسىزدىگى زاڭىن دايەكتىلەندىرىپ، ازىق - تۇلىك حاۋىپسىزدىگى جۇيەسىن كەمەلدەندىرۋ، ازىق - تۇلىك حاۋىپسىزدىگىن باقىلاۋ - باسقارۋدى كۇشەيتىپ، اتىزدان اس ۇستەلىنە دەيىنگى ءاربىر بۋىندى قاتاڭ مەڭگەرۋ كەرەك. حاۋىپسىز دامۋ كوزقاراسىن بەرىك ورناتىپ، الەۋمەتتىك حاۋىپسىزدىك جۇيەسىن كەمەلدەندىرۋ، الەۋمەتتىك حاۋىپسىزدىك وقيعالارىنىڭ حالىقتىڭ ءومىرى مەن سالاماتتىعىنا قاراتا حاۋپىن قۇلشىنا ازايتۋ كەرەك.
شي جينپيڭ بىلاي دەپ باسا دارىپتەدى: كەزەكتە ەمدەۋ، ءدارى - دارمەك، دەنساۋلىق ساقتاۋدىڭ ءتۇزىلىس رەفورماسى تەرەڭدەي ءتۇسىپ، قامال الۋ كەزەڭىنە ءوتتى. پارتيانىڭ 18 - كەزەكتى ورتالىق كوميتەتى ايقىنداعان ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىنىڭ مىندەتىن شىنايى تياناقتاندىرۋدى تەزدەتۋ كەرەك. نەگىزدىك ەمدەۋ - دەنساۋلىق ساقتاۋ، دەنساۋلىق ساقتاۋ ءتۇزىمى قۇرىلىسىن كۇش سالا ىلگەرىلەتىپ، دارەجەگە ءبولىپ ەمدەۋ، دياگنوز قويۋ ءتۇزىمى، وسى زامانعى شيپاحانانى باسقارۋ ءتۇزىمى، جالپى حالىقتىڭ ەمدەۋ قامسىزداندىرۋىنا قاتىناسۋ ءتۇزىمى، ءدارى - دارمەكپەن قامداۋدى قامتاماسىزداندىرۋ ءتۇزىمى، امبەباپ باقىلاۋ - باسقارۋ ءتۇزىمى سياقتى 5 ءتۇرلى نەگىزدىك ەمدەۋ - دەنساۋلىق ساقتاۋ ءتۇزىمى قۇرىلىسىندا قوماقتى تابىستارعا قول جەتكىزۋگە قۇلشىنۋ كەرەك. جۇڭگوشا شيپاگەرلىك، ءدارى - دارمەكتى كوركەيتۋ، دامىتۋدى بار كۇشپەن ىلگەرىلەتىپ، جۇڭگوشا شيپاگەرلىك پەن باتىسشا شيپاگەرلىككە تەڭ قاراۋدان جازباي، جۇڭگوشا شيپاگەرلىك، ءدارى - دارمەگى مەن باتىسشا شيپاگەرلىك، ءدارى - دارمەگىنىڭ ءوزارا ءبىر - ءبىرىن تولىقتاپ، سايكەستى دامۋىن ىلگەرىلەتۋ، جۇڭگوشا شيپاگەرلىك، ءدارى - دارمەگى بويىنشا ساۋلىقتى ساقتاۋ (كۇتىنۋ) مادەنيەتىنىڭ جاسامپازدىققا ۇمتىلىپ، جاڭالىق اشا دامۋىن قۇلشىنا ىسكە اسىرۋ كەرەك. جالپى ەمدەۋ قىزمەتكەرلەرىنىڭ بەلسەندىلىگىن كۇش سالا ساۋلەلەندىرىپ، ەڭبەكاقىسىن، مامىلەسىن، دامۋ ورايىن، كاسىپ ىستەۋ ورتاسىن، قوعامدىق ورنىن جوعارىلاتۋ سياقتىلاردان باستاپ ىسكە كىرىسىپ، ەمدەۋ قىزمەتكەرلەرىنىڭ سالاماتتىعىنا كوڭىل ءبولىپ جانە ونى قورعاپ، ءتۇرلى فورمالار ارقىلى ەمدەۋ قىزمەتكەرلەرىنىڭ كاسىپتىك قۇرمەت سەزىمىن كۇشەيتىپ، تۇتاس قوعامدا شيپاگەرلەردى قۇرمەتتەپ، دەنساۋلىققا كوڭىل بولەتىن تاماشا جاعداي قالىپتاستىرۋ كەرەك. ەلىمىزدىڭ ەمدەۋ جانە سالاماتتىق سالاسىنداعى قىزمەتكەرلەرى سوتسياليستىك وزەكتى قۇن كوزقاراسىن ساۋلەلەندىرىپ جانە ونى امالياتتا ايگىلەپ، شيپاگەرلەر ءمورالى، شيپاگەرلەر ستيلى قۇرىلىسىن جانە كاسىپ سالاسىنىڭ وزىندىك تەجەمىن كۇشەيتىپ، حالىقتى ەڭ تاماشا دەنساۋلىق ساقتاۋمەن جانە سالاماتتىق بويىنشا قىزمەت كورسەتۋمەن قامداۋ كەرەك.
ەمدەۋ ىستەرىنە قاتىستى زاڭعا قايشى قىلىمستىق ارەكەتتەرگە زاڭ بويىنشا قاتاڭ سوققى بەرۋ، وتە - موتە، ەمدەۋ قىزمەتكەرلەرىنە زيانكەستىك جاسايتىن زورلىقتى كۇش، قىلمىستىق ۋاقيعالارىنا زاڭ بويىنشا قاتاڭ سوققى بەرىپ، ەمدەۋ قىزمەتكەرلەرىنىڭ حاۋىپسىزدىگىن قورعاۋ كەرەك.
شي جينپيڭ مىنالاردى اتاپ كورسەتتى: سالاماتتى جۇڭگو قۇرىلىسىن ىلگەرىلەتۋ − پارتيامىزدىڭ حالىققا بەرگەن ۋادەسى. ءار دارەجەلى پارتكومدار مەن ۇكىمەتتەر وسى كەلەلى حالىق تىلەگى ينجەنەرياسىن ماڭىزدى كۇن تارتىپكە قويىپ، جاۋاپكەرشىلىكتى باتىلدىقپەن ارقالاپ، تياناقتاندىرۋدى مىقتى يگەرۋى كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن رەفورمانى جاپپاي تەرەڭدەتۋ بارىسىنا ەنگىزىپ، بىردەي ورنالاستىرىپ، بىردەي تالاپ قويىپ، بىردەي باعالاپ، جەرگىلىكتى ورىننىڭ ءوز جەرىنىڭ ءىس جۇزىندىك جاعدايىنا قاراي جۇمىس ىستەۋىنە قولداۋ كورسەتىپ، پارىقتى ىزدەنىس جاساۋى قاجەت.
سالاماتتىققا ىقپال جاسايتىن فاكتورلاردى باعالاۋ ءتۇزىمىن جاپپاي ورناتىپ، ەكونوميكالىق، قوعامدىق دامۋ جوبالارى مەن ساياساتتاردىڭ ماڭىزدى قۇرىلىس نىساندارىنىڭ سالاماتتىققا جاسايتىن ىقپالىن جۇيەلى باعالاۋى ءتيىس. حالىقتىڭ سالاماتتىق ينفورماتسياسى بويىنشا قىزمەت وتەۋ جۇيەسى قۇرىلىسىن كەمەلدەندىرىپ، سالاماتتىققا، ەمدەۋگە قاتىستى مول ينفورماتسيادان پايدالانۋدى ىلگەرىلەتۋى كەرەك.
شي جينپيڭ مىنالاردى باسا دارىپتەدى: ۇزاق ۋاقىتتان بەرى ەلىمىز حالىقارالىق بورىشتى وتەۋ، دۇنيە ءجۇزىنىڭ سالاماتتىقتى وڭاۋ جاعىندا ماڭىزدى ىلگەرىلەۋشىلىككە قول جەتكىزىپ، ەلىمىزدىڭ حالىقارالىق ىزگىلىك جانە جاۋاپكەرشىلىكتى ارقالاي بىلەتىن ءىرى ەلدىك وبرازىن جان - جاقتى ايگىلەدى. حالىقارالىق قوعام دا بۇعان جاقسى باعا بەردى. سالاماتتىققا قاتىستى سالالاردىڭ حالىقارالىق ولشەم، جۇيە، ت. ب جونىندەگى زەرتتەۋى مەن كەلىسسوزىنە بەلسەنە ات سالىسىپ، ەلىمىزدىڭ حالىقاراداعى الەۋمەتتىك دەنساۋلىق ساقتاۋعا ساياتىن ەلەۋلى، توسىن وقيعالارعا توتەپ بەرۋ ىسىنە ات سالىسۋى سىندى سىرتقا شۇعىل كومەك بەرۋ قىزمەت مەحانيزمىن كەمەلدەندىرىپ، «ءبىر بەلدەۋ، ءبىر جول» قۇرىلىسىنىڭ جەلى بويىنداعى ەلدەردىڭ سالاماتتىق سالاسىنداعى سەلبەستىگىن كۇشەيتۋىمىز كەرەك.
لي كىچياڭ مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزدەرى ستراتەگيالىق جانە جالپى جاعداي تۇرعىسىنان سالاماتتى جۇڭگو قۇرۋ سياقتى كەلەلى مىندەتتەر جونىندە تەرەڭ بايىمداۋ جاسادى. بۇل ماڭىزدى جەتەكشى مانگە يە. جەر - جەر، تاراۋلار دەن قويا دايەكتى تياناقتاندىرۋى كەرەك.
لي كىچياڭ مىنالاردى باسا دارىپتەدى: ءادىل بولۋدى، تەگىس قامتۋدى، بۇقارانى يگىلىككە كەنەلتۋدى ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىن تەرەڭدەتۋ كەرەك. جالپى حالىقتىڭ نەگىزگى ەمدەۋ قامسىزداندىرۋ ءتۇزىمىن كەمەلدەندىرىپ، ەمدەۋ قامسىزداندىرۋىن ولكە بويىنشا ءبىر تۇتاس جوسپارلاۋدى بىرتىندەپ جۇزەگە اسىرۋ قاجەت. ەمدەۋ قامسىزداندىرۋىنداعى ءوزى الدىن الا تولەي تۇرۋ تاسىلىنە رەفورما جاساپ، شەكتەن تىس رەتسەپ جازۋ، شەكتەن تىس تەكسەرۋ سياقتى قۇبىلىستاردى ازايتۋ ءتيىس. 2 جىلدىڭ ىشىندە وزگە جەردە ەمدەلۋدى توتە ەسەپتەن كوتەرۋ، بۇقارانى اۋرەشىلىككە سالۋدى، الدىن الا تولەي تۇرۋدى ازايتۋ كەرەك. ۇكىمەت قۇرعان شيپاحانالار رەفورماسىن جەدەل ىلگەرىلەتىپ، «شيپاحانانى ءدارى - دارمەكتەن باعۋ» مەحانيزمىن تالقانداپ، نەگىزگى ەمدەۋ - دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنا تاباندى بولۋ قاجەت. دارەجە بويىنشا دياگنوز قويۋ - ەمدەۋ ءتۇزىمى قۇرىلىسىن ىلگەرىلەتىپ، نەگىزگى ساتىنىڭ ەمدەۋدەن قىزمەت وتەۋ دەڭگەيىن ءوسىرۋ ءتيىس. ەڭبەكاقى ءبولىسى مەحانيزمىنە رەفورما جۇرگىزىپ، ەمدەۋ قىزمەتكەرلەرىنىڭ بەلسەندىلىگىن جۇمىلدىرۋ كەرەك. قوعامدىق كۇشتەردى ەمدەۋ - دەنساۋلىق ساقتاۋ بايلىعىمەن قامداۋدى ارتتىرۋعا جەتەلەپ، بازارعا كىرۋگە رۇقسات ەتۋگە، دارىندىلاردىڭ جىلجۋىنا جانە ءىرى اسپاپ - جابدىقتاردى ساتىپ الۋعا قاتىستى شەكتەمەلەردى ازايتىپ، ەمدەۋدەن قىزمەت وتەۋدى باقىلاۋ - باسقارۋدى كۇشەيتۋ قاجەت. ءدارى - دارمەكپەن قامداۋدى قامتاماسىز ەتۋ جۇيەسى رەفورماسىن تەرەڭدەتىپ، ءدارى - دارمەك ءوندىرىس ساپاسىن ءوسىرىپ، ءدارى - دارمەك ينفورماتسياسىنا تۇتاس بارىس بويىنشا تەگىن تەكتەۋ جۇيەسىن ورناتۋ قاجەت. اينالىم بۋىنىن ازايتىپ، اقىنى تومەندەتۋ ءتيىس. جۇڭگوشا شيپاگەرلىكتى جالعاستىرۋ جانە ودان جاڭالىق اشۋ جاعىنداعى تىڭ ينجەنەريانى اتقارىپ، جۇڭگوشا ءدارى - دارمەكتى ءوندىرۋدى وسىزامانداندىرۋدى ىلگەرىلەتىپ، جۇڭگونىڭ ولشەمى مەن جۇڭگونىڭ ماركاسىن جاراتۋ كەرەك.
لي كىچياڭ مىنالاردى تالاپ ەتتى: سالاماتتىق كاسىبىن دامىتۋدىڭ اياق الىسىن جەدەلدەتۋگە جەتەكشىلىك ەتۋ جانە وعان قولداۋ كورسەتۋ، وتە - موتە، قارتتاردى كۇتىمگە الۋ، ساياحات، ينتەرنەت، دەنە شىنىقتىرۋ، دەمالىس، ازىق - تۇلىك سىندى بەس سالانى توعىستىرىپ، نەگىزگى ساتىعا، شەت - شالعاي وڭىرلەر مەن دامۋى كەنجە رايوندارعا باعىتتالعان الىس ارالىقتى ەمدەۋ قىزمەت وتەۋ جۇيەسى قۇرىلىسىن پارمەندى ىلگەرىلەتۋ، الەۋمەتتىك دەنە تاربيە قۇرىلعىلارىن قوعامعا مۇمكىندىكتىڭ بارىنشا اشىق ۇستاۋ. ەمدەۋ - دەنساۋلىق ساقتاۋ سالاسى بويىنشا وزىق ورىنداعى زەرتتەۋ ىستەرىنە قولداۋ كورسەتۋ تەبىنىن ارتتىرۋ، تۇزىلىستىك - مەحانيزمدىك كەدەرگىلەردى الاستاپ، سالاماتتىققا قاتىستى جاڭا كاسىپ، جاڭا جاعداي، جاڭا ۇلگىلەردى بارىنشا كوپ شىعارۋ كەرەك. سالاماتتىق كاسىبىنىڭ ەسىك اشۋ ءورىسىن كەڭەيتۋى، سالاماتتىق كاسىبىن دامىتۋعا پايدالى جەر جانە باجى جاعىنداعى ءتيىمدى ساياساتتاردى زەرتتەپ شىعارۋ، ورتالىق پەن جەرگىلىكتى ورىنداردىڭ قازىنا تاراۋلارى دەنساۋلىق ساقتاۋ مەن سالاماتتىق كاسىبىنە ورنىقتى، باياندى قارجى قوساتىن مەحانيزمدى كەمەلدەندىرۋى، فينانس قۇرىلىمدارىن سەنىمدى قارىز اقشا، اكتسيا سياقتىلاردىڭ كولەمىن ارتتىرۋ ارقىلى قارجى توپتاۋعا قولداۋ كورسەتۋگە جەتەكتەۋ، سالاماتتىق كاسىبىن حالىق شارۋاشىلىعىندا ماڭىزدى تىرەكتىلىك رول اتقاراتىن كاسىپكە اينالدىرۋعا كۇش سالۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ ياندۇڭ قورىتىندى ءسوز سويلەدى.
شاڭحاي قالاسى، جياڭسۋ ولكەسى، جىجياڭ ولكەسى، انحۇي ولكەسى، شاندۇڭ ولكەسى، فۋجيان ولكەسىنىڭ سانميڭ قالاسى، چۇڭچيڭ قالاسىنىڭ ۋانشىڭ ەكونوميكالىق تەحنيكالىق اشۋ رايونى، چيڭحاي ولكەسىنىڭ حۋجۋ اۋداندىق حالىق شيپاحاناسىنىڭ جاۋاپتى جولداستارى ماجىلىستە ءسوز سويلەدى.
دەنساۋلىق ساقتاۋ جانە سالاماتتىق جونىندەگى مەملەكەتتىك ءماجىلىس 19 - تامىزدان 20 - تامىزعا دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
(شينحۋا اگەنتتىگىنەن)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
