- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى قوعامدىق ۇيىمداردى باسقارۋ ءتۇزىمىن رەفورمالاپ، قوعامدىق ۇيىمداردىڭ اقاۋسىز، ءتارتىپتى دامۋىن ىلگەرىلەتۋ جونىندەگى پىكىردى باسىپ تاراتتى
2016.08.24 13:52 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - تامىزدا بەيجيڭنەن بەرگەن حابارى. تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قوعامدىق ۇيىمداردى باسقارۋ ءتۇزىمىن رەفورمالاپ، قوعامدىق ۇيىمداردىڭ اقاۋسىز، ءتارتىپتى دامۋىن ىلگەرىلەتۋ جونىندەگى پىكىردى» باسىپ تاراتتى، ءارى حابارلاندىرۋ شىعارىپ، جەر - جەردەن، تاراۋلاردان پىكىردى ناقتى جاعدايعا ساي، مۇقيات دايەكتى اتقارۋدى تالاپ ەتتى.
«پىكىردە» بىلاي دەپ اتاپ كورسەتىلدى: قوعامدىق توپتاردى، قور قوعامىن جانە قوعامدىق قىزمەت كورسەتۋ قۇرىلىمدارىن نەگىز ەتە قۇرىلعان قوعامدىق ۇيىمدار ەلىمىزدىڭ سوتسياليستىك وسىزامانداندىرۋ قۇرىلىسىنىڭ ماڭىزدى كۇشى. پارتيا ورتالىق كوميتەتى، مەملەكەتتىك كەڭەس قوعامدىق ۇيىمدار قىزمەتىنە وسكەلەڭ ءمان بەرىپ كەلەدى، رەفورما جاساپ، ەسىك اشقاننان بەرى، ءار دارەجەلى پارتكوم مەن ۇكىمەتتىڭ ءمان بەرىپ قولداۋىندا ەلىمىزدىڭ قوعامدىق ۇيىمدارى ءۇرتىس دامىپ، ەكونوميكالىق دامۋ، قوعامدىق ىستەردىڭ گۇلدەنۋى، قوعامدى جونگە سالۋدا جاڭالىق اشۋ، سىرتقا قاراتىلعان بارىس - كەلىستى كەڭەيتۋ سياقتى جاقتاردا بەلسەندى رول اتقاردى. سونىمەن بىرگە، كەزەكتە قوعامدىق ۇيىمدار قىزمەتىندە زاڭ - ەرەجە، ءتۇزىم قۇرىلىسىنىڭ مەشەۋلىگى، باسقارۋ ءتۇزىلىسىنىڭ كەمەلسىزدىگى، قولداۋ، جەتەكتەۋ تەبىنىنىڭ السىزدىگى، قوعامدىق ۇيىمدار قۇرىلىسىنىڭ جەتەرسىزدىگى سياقتى ماسەلەلەردىڭ ساقتالىپ وتىرعانىن دا كورىپ وتىرمىز. جالپى العاندا، قوعامدىق ۇيىمداردىڭ ءوز رولىن ساۋلەلەندىرۋى جەتەرسىز، ءىشىنارا قوعامدىق ۇيىمداردىڭ زاڭعا، ەرەجەگە قايشى كەلۋى اۋىق - اۋىق تۋىلىپ وتىر. كەزەكتە ەلىمىز جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە تۇر، قوعامدىق ۇيىمداردى باسقارۋ ءتۇزىمىن رەفورمالاپ، قوعامدىق ۇيىمداردىڭ اقاۋسىز، ءتارتىپتى دامۋىن ىلگەرىلەتۋ ۇكىمەت، بازار، قوعام قاتىناسىن رەتكە سالىپ، سوتسياليستىك بازار شارۋاشىلىعىنىڭ ءتۇزىلىسىن كەمەلدەندىرۋگە؛ الەۋمەتتىك قىزمەت كورسەتۋدىڭ قامداۋ ءتاسىلىن جاقسارتىپ، قوعامدىق رەتكە سالۋدى كۇشەيتۋگە جانە وندا جاڭالىق اشۋعا؛ قوعامدىق ومىرشەڭدىك كۇشتى قوزداتىپ، پارتيانىڭ بيلىك جۇرگىزۋ نەگىزىن بەكەمدەۋگە جانە كەڭەيتۋگە پايدالى. جەر - جەر، تاراۋلار اتالعان قىزمەتتى جاقسى ىستەۋدىڭ ماڭىزدىلىعى مەن كوكەي تەستىلىگىن ستراتەگيالىق جانە جالپى جاعداي تۇرعىسىندا تولىق تانىپ جەتىپ، ونى ماڭىزدى، نەگىزدىك قىزمەت رەتىندە مىقتى يگەرۋى، جاڭا جاعداي، تىڭ مىندەت تالابىنا بەلسەندى ۇيلەسۋى، قاتىستى ساياسات، شارالاردى جاپپاي تياناقتاندىرۋى، ءتۇرلى قىزمەتتەردى تىڭعىلىقتى، ويداعىداي ورىستەتۋى كەرەك.
«پىكىردىڭ» جەتەكشى يدەياسى: دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «ءتورتتى جاپپاي ورىنداۋ» ستراتەگيالىق ورنالاستىرۋ تالابىنا ساي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ كوزقاراسىن دايەكتى تياناقتاندىرىپ، دامۋدى بەلسەندى جەتەكتەۋ مەن زاڭ بويىنشا قاتاڭ باسقارۋدى تەڭ يگەرىپ، قوعامدىق ۇيىمداردىڭ مەملەكەتكە قىزمەت كورسەتۋ، قوعامعا قىزمەت كورسەتۋ، بۇقاراعا قىزمەت كورسەتۋ، كاسىپكە قىزمەت كورسەتۋ رولىن تولىق ساۋلەلەندىرىپ، قوعامدىق ۇيىمداردىڭ جۇڭگوشا دامۋ جولىمەن جۇرۋگە قۇلشىنۋ كەرەك.
«پىكىردىڭ» نەگىزگى پرينسيبى: پارتيانىڭ باسشىلىعىنا تاباندى بولۋ. رەفورما جاساۋعا، جاڭالىق اشۋعا تاباندى بولۋ. ۇقىقتى تومەنگە بەرۋ مەن باسقارۋعا تەڭ ءمان بەرۋگە تاباندى بولۋ. بەلسەندى، لايىقتى ىلگەرىلەتۋدە تاباندى بولۋ.
«پىكىردىڭ» جالپى نىساناسى: 2020 - جىلعا دەيىن ءبىر تۇتاس ەستەلىككە الىناتىن، اركىم ءوز مىندەتىن وتەيتىن، سايكەسۋ رەتتەلەتىن، دارەجەگە قاراي جاۋاپتاندىرىلاتىن، زاڭ بويىنشا باقىلاۋ - باسقارۋعا قۇرىلعان جۇڭگوشا قوعامدىق ۇيىمداردى باسقارۋ ءتۇزىلىسىن ورناتۋ، كەمەلدەندىرۋ، قوعامدىق ۇيىمداردىڭ زاڭ - ەرەجەلەرى، ساياساتتارى اناعۇرلىم كەمەلدەنگەن، امبەباپ باقىلاۋ - باسقارۋ اناعۇرلىم ءونىمدى، پارتيانىڭ ۇيىمدىق رولى اناعۇرلىم كورنەكتىلەنگەن، دامۋ ورتاسى اناعۇرلىم ساپالىلانعان؛ ۇكىمەت پەن قوعام ايىرىلعان، بيلىك پەن جاۋاپكەرلىك ايقىندالعان، زاڭ بويىنشا ءوزىن - ءوزى باسقاراتىن قوعامدىق ۇيىمدار ءتۇزىمىن نەگىزىنەن قالىپتاستىرۋ، قۇرىلىمى لايىقتى، قابىلەتى كەمەلدەنگەن، باسەكەسى ءتارتىپتى، ادال دا ۇستامدى، ومىرشەڭدىك كۇشكە يە قوعامدىق ۇيىمداردىڭ دامۋ جولىن نەگىزىنەن قالىپتاستىرۋ.
«پىكىردە» الەۋمەتتىك اۋماقتىڭ قوعامدىق ۇيىمدارىن بار كۇشپەن جەتىلدىرۋ، قوعامدىق ۇيىمداردى دامىتۋ ساياسات، شارالارىن كەمەلدەندىرۋ، قولداۋ، قوعامدىق ۇيىمداردى تىركەۋگە الۋ ءىسىن تەكسەرۋدى زاڭ بويىنشا جاقسى ىستەپ، قاتاڭ باقىلاپ - باسقارىپ، قوعامدىق ۇيىمداردىڭ شەتەلگە قاتىستى قيمىلدارىن ارناعا ءتۇسىرۋ، قوعامدىق ۇيىمداردىڭ ءوز قۇرىلىسىن بەكەمدەۋ، پارتيانىڭ قوعامدىق ۇيىمدارعا باسشىلىعىن كۇشەيتۋ، ۇيىمداستىرىپ اتقارۋدى مىقتى يگەرۋ جونىنەن ناقتىلى ورنالاستىرۋلار جاسالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
