بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭنىڭ 20 ەل توبى باسشىلارىنىڭ حاڭجوۋداعى ءماجىلىسىنىڭ اشىلۋ سالتىندا سويلەگەن ءسوزى (تولىق مازمۇنى)

2016.09.05 15:36     كەلۋ قاينارى : حالىق تورابى


  شينحۋا اگەنتتىگى، 4 – قىركۇيەك (حالىق تورابى اۋداردى)

  جاڭالىق جاراتاتىن، ومىرشەڭدىككە تولى، بىرلەسە ارەكەتتەنەتىن، سيعىزىمدى الەم ەكونوميكاسىن قۇرايىق

  ــ 20 ەل توبى باسشىلارىنىڭ حاڭجوۋداعى ءماجىلىسىنىڭ اشىلۋ سالتىندا سويلەگەن ءسوز

  (2016 – جىلى 4 – قىركۇيەك، حاڭجوۋ)

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  ارىپتەستەر:

  مەن 20 ەل توبى باسشىلارىنىڭ حاڭجوۋداعى ءماجىلىسىنىڭ اشىلعانىن جاريالايمىن!

  كوپشىلىكپەن حاڭجوۋدا باس قوسقانىما وتە قۋانىشتىمىن. الدىمەن، ارىپتەستەرىمىنىڭ قادامىن قىزۋ قارسى الامىن!

  بىلتىر 20 ەل توبى باسشىلارىنىڭ انتالياداعى ءماجىلىسى ءساتتى اشىلعان بولاتىن. وسى ورايدا بىلتىرعى ءتوراعا ەل تۇركيانىڭ ناتيجەلى قىزمەتتەرى مەن قول جەتكىزگەن ۇزدىك تابىستارىنا تاعى دا راحىمەت ايتامىن. تۇركيا «بىرلىكتە ارەكەت جاساپ، سيعىزىمدىلىق پەن ورنىقتى ارتۋدى ىسكە اسىرۋدى» باسشىلار ءماجىلىسىنىڭ باستى تاقىرىبى ەتىپ، «سيعىزىمدىلىق، تياناقتاندىرۋ، قارجىلاندىرۋ» سىندى ءۇش ءتۇرلى جاقتان ناتيجەگە قول جەتكىزگەن، جۇڭگو جاق تۇركيانىڭ ءتوراعا ەل مىندەتىن اتقارعان مەزگىلدەگى ءتۇرلى قىزمەتتەرىنە جاقسى باعا بەرەدى.

  بىلتىر قاراشادا مەن انتاليادا كوپشىلىككە جاساعان تانىستىرۋىمدا، «كوكتە ۇجىماق، جەردە سۋجوۋ مەن حاڭجوۋ» دەگەن ءسوزدى ايتىپ ەدىم، حاڭجوۋداعى باسشىلار ءماجىلىسى كوپشىلىككە تاريح پەن اماليات توعىسقان ايىرىقشا اسەمدىك سيلايتىنىنا سەنىمدىمىن. بۇگىن سول كەزدەگى ۇسىنىس ىسكە استى. وسىندا وتىرعان كونە كوز دوستار، جاڭا دوستار، بارلىعىمىز حاڭجۋدا باس قوسىپ، الەم ەكونوميكاسىن دامىتۋ سىندى ۇلى جوسپار تۋرالى كەڭەسپەكپىز.

  الداعى ەكى كۇندە باسشىلار ءماجىلىسىنىڭ باستى تاقىرىبىن توڭىرەكتەي وتىرىپ، ماكرولىق ساياسات جاعىندا سايكەسۋدى كۇشەيتۋ جانە ەكونوميكانى ارتتىرۋ تاسىلىندە جاڭالىق جاراتۋ، دۇنيە ءجۇزى ەكونوميكاسى مەن فينانس سالاسىن اناعۇرلىم ءونىمدى تۇردە رەتكە سالۋ، حالىقارالىق ساۋدا مەن قارجىلاندىرۋدى الدەندىرۋ، ەكونوميكانى سيعىزىمدىلىق پەن بىرلەسە ارەكەتتەنۋ فورماسىندا دامىتۋ، الەم ەكونوميكاسىنا ىقپال جاسايتىن باسقا كورنەكتى ماسەلەر سىندى تاقىرىپتاردا تالقى وتكىزەتىن بولامىز.

  8 جىلدىڭ الدىندا حالىقارالىق فينانس داعدارىسى سىندى قىسىلتاياڭ ساتتە، 20 ەل توبى تىعىرىقتان جول تاۋىپ، قيىن – قىستاۋدان بىرگە ءوتۋ سىندى سەرىكتەستىك رۋحىمەن، قۇلامادان قۇلديلاۋعا تاياعان الەم ەكونوميكاسىن ورنىقتىردى جانە قايتا جاندانۋدىڭ داڭعىلىنا سالدى. بۇل ءبىر تابىستى شارا بولدى، ىنتىماق الا اۋىزدىلىقتى جەڭدى، ورتاق مۇددە باس پايدانى ىعىستىردى. سول رەتكى فينانس داعدارىسىنان سوڭ 20 ەل توبى جۇرت ەسىندە قالدى، 20 ەل توبى دا حالىقارالىق ەكونوميكالىق سەلبەستىكتەگى نەگىزگى فورۋمدىق ورنىن بەكەمدەدى.

  8 جىلدان كەيىنگى بۇگىنگى تاڭدا، الەم ەكونوميكاسى تاعى ءبىر سىناقتى ساتكە ءدۇپ كەلىپ وتىر. عىلىم – تەحنيكانىڭ دامۋى، جان سانىنىڭ ارتۋى، ەكونوميكانىڭ جاھاندانۋى سىندى وتكەن نەشە ون جىلدان بەرى الەم ەكونوميكاسىنىڭ ارتۋىنا تۇرتكى بولىپ كەلگەن نەگىزگى قوزعاۋشى كۇشتەر بىرىنەن سوڭ ءبىرى جىلدامدىق تەبىنىن رەتتەۋ كەزەڭىنە اياق باسىپ، الەم ەكونوميكاسىن العا سۇيرەۋ رولى كورنەكتى تۇردە السىرەدى. عىلىم – تەحنيكانىڭ الدىڭعى كەزەڭدەگى العا باسۋى الا كەلگەن ارتۋ ەنەرگياسى بىرتىندەپ السىرەپ، جاڭا كەزەكتى عىلىم - تەحنيكا مەن ونەركاسىپ توڭكەرىسى ءالى دە پارمەندى تەبىن قالىپتاستىرا الماي وتىر. نەگىزگى ەكونوميكالىق تۇلعالار ىلگەرىندى – كەيىندى قارتتانعان قوعامعا اياق باسىپ، جان سانىنىڭ ارتۋ مولشەرى دە تومەندەدى، بۇل ءار ەل ەكونوميكاسىنا جانە قوعامىنا قىسىم تۇسىرۋدە. ەكونوميكانىڭ جاھاندانۋىندا كەدەرگىلەر تۋىندادى، قورعانىمپازدىق پەن ءوز ىسىمەن عانا اينالىسۋ پيعىلى باس كوتەردى، كوپ جاقتىلى ساۋدا قۇرىلىمدارى سوققىعا ۇشىرادى. فينانستى باقىلاۋ – باسقارۋعا رەفورما جاساۋ جاعىندا كورنەكتى ىلگەرىلەۋشىلىكتەر بولعانىمەن، «تىرەۋىشى بيىكتەۋ، كوبىكتەنۋ» سىندى ەكونوميكالىق حاۋىپ – قاتەرلەر جينالۋدا. قايتكەندە فينانس بازارىندا ورنىقتىلىقتى ساقتاۋمەن قاتار، تۇلعالىق ەكونوميكاعا ءونىمدى قىزمەت وتەۋگە بولادى دەگەن ماسەلە ءار ەل شەشۋگە ءتيىستى ماڭىزدى ماسەلە بولىپ وتىر.

  وسىنداي فاكتورلاردىڭ جالپىلىق ىقپال ەتۋىمەن، الەم ەكونوميكاسى جالپى تۇلعالىق جاقتان قايتا جاندانۋ اۋقىمىن بايقاتقانىمەن، ەكونوميكانى ارتتىرۋداعى قوزعاۋشى كۇش جەتىسپەۋ، قاجەتسىنۋدىڭ ارتپاۋى، فينانس بازارىنىڭ اۋمالى – توكپەلى بولۋى، حالىقارالىق ساۋدا مەن قارجىلاندىرۋدىڭ ۇزدىكسىز تۇرالاۋى قاتارلى كوپتەگەن حاۋىپتەر مەن سىناقتارعا ءدوپ كەلىپ وتىر.

  20 ەل توبىنا الەمدەگى ماڭىزدى ەكونوميكالىق تۇلعالار توپتاسقان، ىقپالى مەن رولى ماڭىزدى، حاۋىپ – قاتەر مەن سىناقتارعا توتەپ بەرىپ، ارتۋ كەڭىستىگىن كەڭەيتۋدىڭ الدىڭعى شەبىندە ءجۇر. حالىقارالىق قوعام 20 ەل توبىنان بارىنشا ۇمىتتەنىپ، وسى رەتكى باسشىلار ماجىلىسىنە زور ءۇمىت ارتىپ وتىر. ءارقايسى ەل جەكە ارەكەت جاساۋ جانە توپتىق كۇش قوسۋ ارقىلى ماسەلەلەرگە تىكەلەي توتەپ بەرىپ، ماسەلەنى شەشۋدىڭ جاۋابىن بىرلىكتە ىزدەستىرۋى كەرەك. حاڭجوۋداعى باسشىلار ءماجىلىسىنىڭ بۇرىنعى نەگىزدە، الەم ەكونوميكاسىندا تۇپكىلىكتى ماسەلەلەردى وڭالتۋ مەن كورنەۋ ماسەلەلەردى وڭالتۋ بىردەي ويلاستىرىلعان، امبەباپ اتقارىلاتىن ساياساتتىق رەتسەپ دايىنداپ، الەم ەكونوميكاسىن الدەندىرۋ، ءۇرتىس دامىتۋ، تەڭگەرىمدىلىك، سيعىزىمدىلىق سىندى ەكونوميكانى ارتتىرۋ جولىنا سالۋىن ءۇمىت ەتەمىز.

  بىرىنشىدەن، كوز الداعى سىناقتارعا ءدۇپ كەلىپ وتىرعان جاعدايدا، ماكرولىق ەكونوميكالىق ساياساتتاردى سايكەستىرۋدى كۇشەيتۋىمىز، الەم ەكونوميكاسىن ارتتىرۋ مەن فينانس ورنىقتىلىعىن قورعاۋ جاعىندا تىزە قوسۋىمىز كەرەك. 20 ەل توبىنا مۇشە ەلدەر وزدەرىنىڭ ءىس جۇزىندىك جاعدايىمەن ۇشتاستىرا وتىرىپ، اناعۇرلىم جان – جاقتىلى ماكرولىق ەكونوميكالىق ساياسات اتقارۋى، كوپ ءتۇرلى ءونىمدى ساياساتتىق «قۇرالداردان» پايدالانىپ، قازىنالىق، ۆاليۋتالىق، قۇرىلىمدىق رەفورما ساياساتتارىن ءبىرتۇتاس جوسپارلاپ، جاپپاي ءمان بەرۋى، ەكونوميكانى ارتتىرۋدىڭ نەگىزىن بەكەمدەۋى كەرەك. «حاڭجوۋ ارەكەت جوسپارىن» بەلگىلەۋ مەن تياناقتاندىرۋعا بىرلەستىرە وتىرىپ، ساياسات جاعىندا سايكەسۋدى ۇزدىكسىز كۇشەيتىپ، سىرتقا القۋ سىندى ناشار ىقپالدى ازايتىپ، فينانس ورنىقتىلىعىن بىرلىكتە قورعاۋىمىز، نارىققا سەنىمدىلىكتى سەرپىلتۋىمىز كەرەك.

  ەكىنشىدەن، قازىرگى سىناقتارعا ءدۇپ كەلگەن ساتتە، ءبىز دامۋ تاسىلىندە جاڭالىق جاراتۋىمىز، ەكونوميكانى ارتتىرۋ قوزعاۋشى كۇشتەرىن اشۋىمىز كەرەك. 20 ەل توبى ساياساتتىق وي جەلىسىن رەتكە سالىپ، قىسقا مەرزىمدىك ساياسات پەن ورتاشا جانە ۇزاق مەرزىمدىك ساياساتتاردى تەڭ اتقارىپ، قاجەتسىنۋ جاعىن باسقارۋ مەن قامداۋ جاعىندا رەفورما جاساۋدى بىردەي يگەرۋىمىز كەرەك. بيىل «20 ەل توبىنىڭ ەكونوميكانى ارتتىرۋدا جاڭالىق جاراتۋ جوباسى» تۋرالى ورتاق تانىمعا كەلدىك، جاڭالىق جاراتۋ، قۇرىلىمدىق رەفورما جاساۋ، جاڭا ونەركاسىپ توڭكەرىسى، ساندىق ەكونوميكا قاتارلى جاڭا تاسىلدەر ارقىلى الەم ەكونوميكاسىنا جاڭا جول اشۋ، ءورىسىن كەڭەيتۋ قاتارلىلاردى ءبىر اۋىزدان ماقۇلدادىق. وسى باعىتتان جازباي العا بەتتەسەك، الەم ەكونوميكاسىنىڭ قايتا جاندانۋىنىڭ دارمەنسىزدىگى مەن ەكونوميكانىڭ ارتۋى ءالسىز بولۋ سىندى جاعدايدان ءبىر جولاتا ارىلۋىنا كومەكتەسە الامىز، الەم ەكونوميكاسىنىڭ جاڭا كەزەكتى ارتۋى مەن وركەندەۋىنە بەرىك نەگىز قالاي الامىز.

  ۇشىنشىدەن، قازىرگى سىناقتارعا ءدۇپ كەلگەن ساتتە، دۇنيە جۇزىلىك ەكونوميكانى وڭالتۋ ءتاسىلىن كەمەلدەندىرۋىمىز، مەحانيزمدىق قامتاماسىزداندىرۋدى نىعايتۋىمىز كەرەك. 20 ەل توبى حالىقارالىق ۆاليۋتالىق فينانس جۇيەسىن ۇزدىكسىز كەمەلدەندىرىپ، حالىقارالىق فينانس ورگاندارىنىڭ جونگە سالۋ قۇرىلىمىن جاقسارتۋىمىز، حالىقارالىق ۆاليۋتا قورى ۇيىمىنىڭ SDR رولىن تولىق ساۋلەلەندىرۋىمىز كەرەك. دۇنيە جۇزىلىك فينانس حاۋىپسىزدىك تورىن كەمەلدەندىرۋىمىز، فينانستى باقىلاپ – باسقارۋ، حالىقارالىق باجى، شىرىكتەسۋگە قارسى تۇرۋ جاقتارىندا سەلبەستىكتى كۇشەيتىپ، الەم ەكونوميكاسىنىڭ حاۋىپ – قاتەرگە توتەپ بەرۋ قۋاتىن جوعارىلاتۋىمىز كەرەك. بيىل 20 ەل توبى حالىقارالىق فينانس قۇرىلىمى قىزمەت گرۋپپاسىن قايتادان ىسكە قوستىق، ونىڭ ونىمدىلىگىن ۇزدىكسىز ىلگەرىلەتىپ، ۇزدىكسىز جوعارىلاتىپ وتىرۋدى ءۇمىت ەتەمىز.

  تورتىنشىدەن، قازىرگى سىناقتارعا ءدۇپ كەلگەن ساتتە، الەمدىك اشىق ەكونوميكانى قۇرۋىمىز، ساۋدا مەن قارجىلاندىرۋدىڭ ەركىن جانە قولايلى بولۋىن ۇزدىكسىز ىلگەرىلەتۋىمىز كەرەك. قورعانىمپازدىق ساياساتى زاردابىن ويلاماي جازا باسقاندىق، قىسقا مەرزىم ىشىندە ءبىر مەملەكەتتىڭ ىشكى جاقتاعى قىسىمىن باسەڭسىتكەندەي كورىنگەنىمەن، ۇزاق مەرزىمنەن قاراعاندا، سول ەلدىڭ ءوزى مەن الەم ەكونوميكاسىنا ورنى تولماس زارداپ تۋدىرادى. 20 ەل توبى كورشىگە زالال تيگىزۋدەن ءسوزسىز اۋلاق بولىپ، الەمدىك اشىق ەكونوميكانىڭ دارىپتەۋشىسى مەن ىلگەرىلەتۋشىسى بولۋى كەرەك، جاڭا قورعانىمپازدىق ساياساتىن اتقارماۋ سىندى ۋادەدە بەرىك تۇرىپ، قارجىلاندىرۋ ساياساتىن سايكەستىرۋدە سەلبەستىكتى كۇشەيتىپ، ناقتى ارەكەتتەر ارقىلى ساۋدانىڭ ارتۋىن ىلگەرىلەتۋى كەرەك. نەگىزدىك قۇرىلعىلاردىڭ ءوزارا جالعاسۋىنىڭ رادياتسيالىق اسەرى مەن جەتەلەۋ رولىن ساۋلەلەندىرىپ، دامۋ ۇستىندەگى ەلدەر مەن ورتاشا، شاعىن كاسىپورىنداردىڭ دۇنيە جۇزىلىك نارىقتىق تىزبەككە ىشىكەرىلەي ارالاسۋىنا كومەكتەسۋىمىز، دۇنيە ءجۇزى ەكونوميكاسىنىڭ اناعۇرلىم اشىقتىققا، اۋىس – كۇيىسكە، توعىسۋعا بەتالۋىن ىلگەرىلەتۋىمىز كەرەك.

  بەسىنشىدەن، قازىرگى سىناقتارعا ءدۇپ كەلگەن ساتتە، 2030 – جىلعا دەيىنگى ءۇرتىس دامۋ كۇنتارتىبىن تياناقتاندىرۋىمىز، سيعىزىمدىلىقپەن دامۋدى ىلگەرىلەتۋىمىز كەرەك. ورتاق دامۋدى ىسكە اسىرۋ ــ ءار ەل حالقىنىڭ، وتە – موتە، دامۋ ۇستىندەگى ەلدەر حالقىنىڭ ورتاق ارمانى. قاتىستى ساناققا قاراعاندا، قازىر الەمدە گيني كوەففيسەنتى 0.7 اينالاسىنا جەتىپ، جالپىعا ايان 0.6 سىندى «حاۋىپتى سىزىقتان» اسىپ كەتكەن، بۇل ءبىزدىڭ ەرەكشە نازار اۋدارىمىزدى قاجەت ەتەدى. بيىل ءبىز دامۋ تاقىرىبىن 20 ەل توبىنىڭ كۇنتارتىبىنىڭ كورنەكتى ورنىنا قويدىق، 2030 – جىلعا دەيىنگى ءۇرتىس دامۋ كۇنتارتىبىن بەلسەندى تياناقتاندىرۋعا ورتاق ۋادە بەردىك ءارى ارەكەت جوسپارىن بەكىتتىك. سونىمەن بىرگە، افريكا مەن ەڭ دامىماعان مەملەكەتتەردىڭ ونەركاسىپتەنۋىنە قولداۋ كورسەتۋ، ەنەرگياعا قول جەتكىزۋ مۇمكىندىكتەرىن جوعارىلاتۋ، ەنەرگيا ونىمدىلىگىن جوعارىلاتۋ، تازا ەنەرگيا مەن قايتا تۋىندايتىن ەنەرگيادان پايدالانۋىن كۇشەيتۋ، ينكلۋزيۆتى قارجى جۇيەسىن دامىتۋ، جاستاردى كاسىپ كوزىن اشۋعا شابىتتاندىرۋ قاتارلى تاسىلدەر ارقىلى الەم ەكونوميكاسىنىڭ دامۋىنداعى تەڭسىزدىك پەن تەڭگەرىمسىزدىكتى ازايتىپ، ءار ەل حالقىن الەم ەكونوميكاسى دامۋىنىڭ جەمىسىنەن ورتاق يگىلىكتەندىرۋىمىز كەرەك.

  ارىپتەستەر!

  20 ەل توبى الەمدەگى ءار ەلدىڭ ءۇمىتىن ارقالاپ وتىر، مىندەتى اۋىر. 20 ەل توبىن ويداعىداي قۇرىپ، الەم ەكونوميكاسىنىڭ ورنىقتى وركەندەۋىنە قاجەتتى جالپى باعداردى ويداعىداي مەڭگەرۋىمىز كەرەك.

  بىرىنشىدەن، زامانامەن بىرگە ىلگەرىلەپ، جەتەكشىلىك رولىن ساۋلەلەندىرۋىمىز كەرەك. 20 ەل توبى الەم ەكونوميكاسىنىڭ قاجەتىنە قاراي وتىرىپ، ءوزىنىڭ ەكونوميكانى دامىتۋ باعدارىن رەتكە سالىپ، حاۋىپكە توتەپ بەرۋدەن ۇزاق مەرزىمدىك جونگە سالۋ مەحانيزمىنا بۇرىلىس جاساۋى كەرەك. ءىرى، كورنەكتى ماسەلەلەرگە تۋرا كەلگەندە، 20 ەل توبىنىڭ باسشىلىق رولىن ساۋلەلەندىرۋ، ستراتەگيالىق وي ورىسىن ايگىلەۋ، الەم ەكونوميكاسىنا باعدار سىلتەۋ، جول اشۋ جاۋاپكەرشىلىگى بار.

  ەكىنشىدەن، ويى مەن ءىس – ارەكەتى ءبىر جەردەن شىعىپ، ناقتى ىستەر ىستەۋى كەرەك. مىڭ رەت سەرت بەرگەننەن، بىرەۋىن ىسكە اسىرعان جاقسى. 20 ەل توبىن ارەكەت كومانداسى ەتۋىمىز، سىلدىر ءسوزدىڭ سارايى ەتپەۋىمىز كەرەك. بيىل ءبىز ءۇرتىس دامۋ، جاسىل فينانس، ەنەرگيا ونىمدىلىگىن جوعارىلاتۋ، شىرىكتەسۋگە قارسى تۇرۋ قاتارلى كوپتەگەن سالالاردا ارەكەت جوسپارىن بەكىتتىك، بارلىق ارەكەت جوسپارلارىن ناقتى تياناقتاندىرۋىمىز كەرەك.

  ۇشىنشىدەن، ورتاق كوركەيتۋىمىز، ورتاق يگىلىككە كەنەلۋىمىز، سەلبەستىك تۇعىرىن ورناتۋىمىز كەرەك. ءبىز 20 ەل توبىنىڭ مەحانيزم قۇرىلىسىن ۇزدىكسىز كۇشەيتىپ، سەلبەستىكتىڭ جالعاسۋى مەن ىشكەرىلەي ورىستەۋىنە كەپىلدىك ەتۋىمىز كەرەك. جاقسى كەڭەستەردى قابىلداپ، الەمدەگى ءارقايسى مەملەكەتتەردىڭ، وتە – موتە، دامۋ ۇستىندەگى مەملەكەتتەردىڭ ءۇنىن تولىق تىڭداپ، 20 ەل توبىنىڭ قىزمەتىنىڭ اناعۇرلىم سيعىزى بولۋىنا مۇمكىندىك جاراتۋىمىز، ءار ەل حالقىنىڭ تىلەك – تالاپتارىنا اناعۇرلىم ويداعىداي جاۋاپ قاتۋىمىز كەرەك.

  تورتىنشىدەن، تار جول تايعاق كەشۋدەن بىرگە ءوتىپ، سەرىكتەستىك رۋحىن ساۋلەلەندىرۋىمىز كەرەك. سەرىكتەستىك رۋحى ــ 20 ەل توبىنىڭ ەڭ قىمباتتى بايلىعى. ءارقايسى ەلدىڭ مەملەكەت جاعدايى، دامۋ كەزەڭى، ءدۇپ كەلگەن ءىس جۇزىندىك سىناقتارى ۇقساماعانىمەن، ەكونوميكانىڭ ارتۋىن ىلگەرىلەتۋ سىندى ارماندارى ۇقساس، داعدارىس سىناعىنا توتەپ بەرۋ مۇددەلەرى ۇقساس، بىرلىكتە دامۋدى ىسكە اسىرۋ سىندى تالپىنىستارى ۇقساس. تەك تار جول تايعاق كەشۋدەن بىرگە ءوتۋ سىندى سەرىكتەستىك رۋحىندا تاباندى بولساق، الەم ەكونوميكاسىنىڭ دۇلەي تولقىندارىن جەڭىپ، بولاشاقتا ەكونوميكانى ارتتىرۋدىڭ شىت جاڭا ساپار جولىن اشا الامىز.

  ارىپتەستەر!

  حاڭجوۋداعى باسشىلار ماجىلىسىنە دايىندىق بارىسىندا، جۇڭگو باستان – اياق اشىق، جاريا، سيعىزىمدى بولۋ سىندى ءماجىلىس وتكىزۋ تانىمىندا تاباندى بولىپ، ءارقايسى مۇشە ەلدەرمەن تىعىز قارىم قاتىناس ورناتتى ءارى قىزمەتتەردى سايكەستىردى. ءبىز ءتۇرلى فورمادا توڭىرەكتىك كەڭەستەردى ۇيىمداستىرىپ، بىرىككەن مەملەكەتتەر ۇيىمىنا، افريكا وداعىنىڭ باس شتابىنا، 77 ەل توبىنا، ەڭ دامىماعان ەلدەرگە، ىشكى قۇرلىقتىق ەلدەرگە، شاعىن ارال ەلدەرىنە، الەمدەگى ءارقايسى ەلگە، سونداي – اق، 20 ەل توبىنا كوڭىل بولەتىن بارلىق ادامدارعا حاڭجوۋداعى باسشىلار ءماجىلىسىنىڭ دايىندىق احۋالىن تانىستىردىق، ءارقايسى جاقتاردىڭ مۇددەلىك تالاپتارىن تىڭدادىق. ءارقايسى جاقتار ورتاعا قويعان ۇسىنىستار مەن پىكىرلەر بۇل رەتكى باسشىلار ماجىلىسىنە دايىندالۋدا ماڭىزدى رول اتقاردى.

  مەن الداعى ەكى كۇندىك تالقى بارىسىندا، كوپشىلىك اقىل - پاراساتىن توعىستىرىپ، كۇش – قۋاتتى بىرىكتىرىپ، حاڭجوۋداعى باسشىلار ءماجىلىسىنىڭ الەم ەكونوميكاسىن ارتتىرۋعا، حالىقارالىق ەكونوميكالىق سەلبەستىكتى كۇشەيتۋگە، 20 ەل توبىنىڭ دامۋ نىساناسىن ىسكە اسىرۋعا قوزعاۋشى كۇش بولۋ جولىندا كۇش سالادى دەگەن ۇمىتتەمىن.

  حاڭجوۋدى جاڭا باستالۋ ءتۇيىنى ەتىپ، الەم ەكونوميكاسىنىڭ كەمەسىن العا جەتەلەپ، چيانتاڭجياڭ جاعالاۋىنان تاعى دا جەلكەن جايىپ ساپارعا شىعىپ، اناعۇرلىم كەڭ ايدىندى تەڭىزگە بەتالدىرايىق!

  كوپشىلىككە راحىمەت.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.