بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

زامان تولقىنىنىڭ الدىڭعى لەگىندە بولايىق

− ءتوراعا شي جينپيڭنىڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋ قيمىلدارىنا قاتىناسۋى تۋرالى

2016.09.07 13:21     كەلۋ قاينارى : شينجياڭ گازەتى

  كۇز باسى، چيانتاڭجياڭ وزەنىنىڭ اقشۋلان اساۋ تولقىندارى كوتەرىلدى. ءدال وسى شاقتا كۇللى الەمنىڭ نازارى «حاڭجوۋداعى G20عا» شوعىرلاندى.

  13 كەزەك ءماجىلىس قيمىلىنا قاتىناسىپ، 11 رەت لەكسيا سويلەپ، لەبىز ءبىلدىرىپ، شەتەلدىك 27 باسشىمەن كەڭەس وتكىزدى... 80 نەشە ساعاتتىق شوعىرلى كۇن ءتارتىپ مينۋتپەن ەسەپتەلىپ، ءتوراعا شي جينپيڭنىڭ باس قوسۋدىڭ ءساتتى وتكىزىلۋىنە قوسقان ۇلەسىن تاراپتار ايرىقشا القادى.

  تاريحتىڭ كوكجيەگىندە «حاڭجوۋ كوورديناتاسى» ناقىستالىپ، زامان ءۇردىسىنىڭ اساۋ تولقىندارىندا «جۇڭگونىڭ كۇش - قۇدىرەتى» جوڭكىدى.

  زامانا اۋقىمىن جالپىلاي مەڭگەرىپ، جوبا - جوسپار جاسادى، جۇڭگونىڭ دارىپتەمەسى كۇللى الەمدە قولداۋ تاۋىپ، ءىرى ەلدەر ديپلوماتياسىندا سۇبەلى جەمىستەرگە قول جەتتى

  ەستەن كەتپەس ەسىل جۇرت − حاڭجوۋ.

  سۇتتەي جارىق اي ساۋلەسىنىڭ ساعىمى ويناعان ءمولدىر تولقىندار شىمىرلاپ ءبىرىن - ءبىرى قۋالايدى. ءتوراعا شي جينپيڭ 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنا شاقىرعان سيلى قوناقتار اشەكەيلى كەمەگە ءمىنىپ، شيحۋ كولىندە سەيىل - سەرۋەن قۇردى. بۇگىنگى دۇنيەدەگى ەڭ ىقپالدى كوشباسشىلار ءبىر كەمەدە باس قوسىپ، بولاشاق جونىندە ارقا - جارقا كەڭەس قۇردى.

  ءبىر جىلدىڭ الدىندا ءتوراعا شي جينپيڭ «كوكتە جاننات بولسا، جەردە سۋجوۋ مەن حاڭجوۋ بار» دەگەن تامسىلمەن 20 ەل توبىنا مۇشە ەلدەر باسشىلارىن شاقىرىپ، «2016 - جىلى قىركۇيەكتە مەن سىزدەردى شيحۋ كولىنىڭ بويىندا قارسى الامىن» دەگەن ەدى.

  ءتوراعا شي جينپيڭنىڭ ۇسىنىسىمەن كوپشىلىك حاڭجوۋعا جينالدى.

  ءار ەلدىڭ ساياسي قايراتكەرلەرىنىڭ حاڭجوۋداعى باس قوسۋعا قاتىناساتىندىعى جونىندەگى حابار تۇس - تۇستان كەلىپ جەتتى، دۇنيە جۇزىندەگى نەگىزگى ەكونوميكالىق تۇلعالاردىڭ بىردە - بىرەۋى قالماي، تەگىس قاتىناستاتىن بولدى.

  G20 نەگە جۇڭگونى تاڭدادى؟

  ءتوراعا شي جينپيڭ: بۇل حالىقارالىق قوعامنىڭ جۇڭگوعا ايرىقشا سەنىم ارتاتىندىعىن ايگىلەۋمەن بىرگە، جۇڭگونىڭ حالىقارالىق قوعام ءۇشىن ۇلەس قوسۋدى قالايتىن شىنايى تىلەگىن اڭعارتتى، - دەيدى.

  حالىقارالىق قوعام ءبىر اۋىزدان بىلاي دەپ قارادى: شۇعىل جاعدايعا توتەپ بەرۋ مەحانيزمىنەن ۇزاق ءونىمدى جونگە سالۋ مەحانيزمىنە ويىسۋ 20 ەل توبى دامۋدا ءدوپ كەلىپ وتىرعان ماڭىزدى مىندەت.

  جۇڭگونىڭ شەشۋشى كەزدە شەشۋشى رول اتقارعانى ءشۇباسىز.

  4 - قىركۇيەك تۇستەن كەيىنگى ساعات 3 تە، چيانتاڭجياڭ وزەنىنىڭ بويىنداعى حاڭجوۋ حالىقارالىق كورمە ورتالىعىندا ءتوراعا شي جينپيڭ باس قوسۋعا كەلگەن شەتەلدىك ۋاكىلدەر ۇيىرمەسىنىڭ باستىقتارىن قارسى الدى، ولارمەن ءبىر - بىردەن قول الىسىپ، ىقىلاستى امانداسىپ، توپتىق ەستەلىك سۋرەتكە ءتۇستى.

  جۇڭگو G20عا ءتوراعا ەل بولعاندا باس قوسۋعا شاقىرىلعان سيلى قوناق ەلدەردىڭ ىشىندە دامۋ ۇستىندەگى لاوس، چاد، سەنەگال، تايلاند، قازاقستان، ەگيپەت سىندى 6 مەملەكەت بوي كورسەتتى. حاڭجوۋداعى باس قوسۋ G20 تاريحىنداعى دامۋ ۇستىندەگى ەلدەر ەڭ كوپ قاتىناسقان ءساليقالى، سالتاناتتى باس قوسۋعا اينالدى.

  ب م ۇ - مەن، افريكا وداعىنىڭ باس شتابىمەن، 77 ەل توبىمەن، الەمنىڭ ءار جەرىندەگى دامۋدا ەڭ كەنجە قالعان ەلدەرمەن، ىشكى قۇرلىقتىق ەلدەرمەن، شالقار مۇحيتتاعى ارال ەلدەرمەن قارىم - قاتىناس ورناتقان جۇڭگو ءتوراعا شي جينپيڭنىڭ باسشىلىعىندا اشىق، جاريا، قامتىمدى باس قوسۋ وتكىزۋ يدەياسىن باستان - اياق بەرىك ۇستانىپ، ءارقايسى مۇشە ەلدەرمەن تىعىز اۋىس - كۇيىستى ساقتاپ جانە سايكەسىپ، ءار - قايسى جاقتىڭ مۇددە تالاپتارىنا قۇلاق استى.

  حاڭجوۋداعى باس قوسۋ باستالعان كەزدە حالىقارالىق قوعامنىڭ جاماعات پىكىرى: «G20نىڭ جۇڭگوداعى ءساتى» − الەم ەكونوميكاسىنىڭ بەتالىسىنداعى ماڭىزدى بۇرىلىس، - دەپ باعالادى.

  حاڭجوۋ حالىقارالىق كورمە ورتالىعىنىڭ 4 قاباتتىق ءماجىلىس زالى قاراپايىم ءارى اسەم بەزەلگەن، 4 - قىركۇيەك تۇستەن كەيىننەن تارتىپ 5 - قىركۇيەك كەشكە دەيىن ءتوراعا شي جينپيڭ G20 باس قوسۋىنىڭ اشىلۋ سالتىن، 1 - كەزەڭنەن تارتىپ 5 - كەزەڭگە دەيىنگى ماجىلىستەردى، سونداي - اق باس قوسۋدىڭ جابىلۋ سالتىن ىركەس - تىركەس باسقارىپ، وسى ءبىر ماڭىزدى مىنبەدە جۇڭگونىڭ كوزقاراسىن بايىمداپ، جۇڭگونىڭ جوباسىن ۇسىندى.

  سەلبەسە وتىرىپ تەڭ يگىلىككە كەنەلۋدى ۇيتقى ەتكەن جاڭاشا حالىقارالىق قاتىناستى ورناتىپ، باۋىرمالدىق، ادالدىق، تيىمدىلىك، پەيىلدىلىك، شىنايىلىق، ناعىزدىق، جاقىندىق ، ادالدىق جانە دۇرىس بورىش - مۇددە كوزقاراسىن العا قويىپ، ادامزاتتىڭ تاعدىرلاس ورتاق تۇلعاسىن قۇرۋدى دارىپتەدى... 3 جىلدان استام ۋاقىتتان بەرى، ءتوراعا شي جينپيڭ كورەگەندىكپەن نۇسقاۋشىلىق ەتىپ، دەربەس، ءوز - وزىنە قوجا بولۋداي بەيبىت ديپلوماتيالىق ساياساتتى تىكەلەي جەبەپ جانە دامىتىپ، جۇڭگو ديپلوماتياسىنا تىڭ ومىرشەڭدىك كۇش قوستى.

  ءىرى ەلدەردەن تارتىپ توڭىرەكتەگى ەلدەرگە دەيىن، مەملەكەتتەردەن تارتىپ حالىقارالىق ۇيىمدارعا دەيىن، سەرىكتەردەن تارتىپ باۋىرلاستارعا دەيىن... 3 جىلدان استام ۋاقىتتان بەرى، ءتوراعا شي جينپيڭ 22 رەت ساپارعا شىقتى، وسى بارىستا باسقان جولى جەر شارىن 10 رەت اينالىپ شىققانعا بارابار بولدى، 100دەن استام مەملەكەتتىڭ باسشىسىمەن، ۇكىمەت باسشىسىمەن ەلىمىز ىشىندە كەزدەسىپ، سەلبەسە وتىرىپ، تەڭ يگىلىككە كەنەلەتىن الەمدىك سەرىكتەستىك قارىم - قاتىناس تورىن تىكە ءوزى تۇلعالاپ، جۇڭگونىڭ «دوستىق شەڭبەرىن» بارىنشا كەڭەيتتى.

  الەمنىڭ نازارى ءتوراعا شي جينپيڭگە ءالسىن - ءالى بۇرىلدى، جۇڭگو ءارقانداي ورايدى مىقتاپ يگەرىپ، سىرتقى دۇنيەگە قول ۇستاسىپ تەڭ ىلگەرىلەپ، ءوزارا پايدا جەتكىزە وتىرىپ تەڭ يگىلىككە كەنەلۋ سىندى باتىل بەكىمىن جەتكىزدى.

  «تەڭ يگىلىككە كەنەلە وتىرىپ دامۋ» سىندى جۇڭگو دارىپتەمەسى كۇننەن - كۇنگە كوپتەگەن ەلدەردىڭ ىشكەرىلەي ءتۇسىنۋى مەن كەڭ كولەمدى قۇپتاۋىنا يە بولدى.

  «قول ۇستاسىپ تەڭ ىلگەرىلەۋ» سىندى جۇڭگو ارەكەتى حالىقارالىق قوعامنىڭ سەنىمى مەن القاۋىنا ۇزدىكسىز قول جەتكىزدى.

  باس قوسۋعا قاتىناسقان ساياسي قايراتكەرلەر جۇڭگونىڭ وسى كەزەكتى باس قوسۋدى ءساتتى وتكىزۋىن تىلەپ، ءتوراعا شي جينپيڭنىڭ ەلدەن ەرەك باسشىلىق قابىلەتىن ايرىقشا القاپ، جۇڭگونىڭ دۇنيە ءجۇزىنىڭ گۇلدەنىپ - كوركەيۋى، دامۋى ءۇشىن قوسقان ۇلەسىنە قۇرمەت ءبىلدىردى.

  جاقسى كۇندەر مەن قيىن - قىستاۋ ساتتەردە باسقالارمەن تىزە قوسىپ، جالپاق الەمگە قول ۇشىن بەرگەن جۇڭگو ىرىقتىلىقپەن ىسكە كىرىسىپ، سەرتتەن تايماي، ۋادەسىن ورىنداپ، ءىرى ەلدىك جاۋاپكەرشىلىگىن ايگىلەدى

  «بۇگىنگى ءبىزدىڭ كەزدەسۋىمىز مەنىڭ وسى رەتكى باس قوسۋ كەزىندەگى ەڭ سوڭعى ديپلوماتيالىق قيمىلىم، مۇنى <سىرگە جيار> دەسەك تە بولادى»، - دەدى 5 - قىركۇيەك كەشكى ساعات 9دان 30 مينۋت وتكەندە، ءتوراعا شي جينپيڭ شيحۋ كولى مەملەكەتتىك قوناق ۇيىندە فرانسيا زۇڭتۇڭى وللاندپەن كەزدەسكەندە.

  3 ساعاتتىڭ الدىندا، ءتوراعا شي جينپيڭ باسقارعان حاڭجوۋداعى باس قوسۋ تولىق تابىسپەن اياقتاپ، سۇبەلى ناتيجەلەرگە قول جەتكىزدى.

  باس قوسۋ كەزىندە ءتوراعا شي جينپيڭ مەن ءار تاراپ قوناقتارى ساياساتتاردى سايكەستىرۋدى، ارتۋ تاسىلىنە جاڭالىق ەنگىزۋدى كۇشەيتۋ، الەمدىك ەكونوميكانى، فينانستى جونگە سالۋ، حالىقارالىق ساۋدا جانە قارجى قوسۋ، قامتىمالى جانە ىقپالداس دامۋ سياقتى تالقى تاقىرىپتارى بويىنشا، سونداي - اق الەم ەكونوميكاسىنا ىقپال ەتەتىن باسقا دا كورنەكتى ماسەلەلەر جونىندە ىشكەرىلەي كوزقاراس اۋىستىرىپ، كوپتەگەن ماڭىزدى ورتاق تانىمعا كەلدى.

  جابىلۋ سالتىندا، ءتوراعا شي جينپيڭ قورىتىندى جاساپ، ارناۋ ءسوز سويلەپ، «بەسكە بەل بۋۋ» ارقىلى ءار ەلدىڭ سايىسقا قول ۇستاسا توتەپ بەرەتىن ورتاق ەركىن ايگىلەدى. ەكونوميكالىق ءوسۋ جوباسى، الەمدىك ساۋدانى ارتتىرۋ ستراتەگياسى، الەمدىك قارجى قوسۋعا جەتەكشىلىك ەتۋ پرينسيبى، افريكانى جانە دامۋدا ەڭ كەنجە قالعان ەلدەردى ونەركاسىپتەندىرۋگە قولداۋ كورسەتۋ دارىپتەمەسى، دۇنيە ءجۇزىنىڭ نەگىزدىك قۇرىلعىلاردى ۇلاستىرۋ، تۇتاستىرۋ وداعىن قۇرۋ دارىپتەمەسى... مىنە وسىنداي ناقتى ناتيجەلەردىڭ، ماڭىزدى حۇجاتتاردىڭ بارلىعى جۇڭگو ۇستانىمىن، جۇڭگو دارىپتەمەسىن ۇيتقى ەتتى.

  «بۇل رەتكى باس قوسۋ جاڭا باستاما بولىپ، 20 ەل توبىنىڭ حاڭجوۋدان تىڭ ساپارعا اتتاناتىنىنا كامىل سەنەمىن»، - دەپ ءتوراعا شي جينپيڭ الەمگە ايبىندى تۇردە جاريالادى.

  باس قوسۋعا قاتىسقان شەتەل باسشىلارى تەرەڭ اسەر الدى. «بۇل رەتكى باس قوسۋدىڭ بارلىق بارىستارى اسا تابىستى ءوتتى. 20 ەل توبى ناتيجەسىز قۇر ءسوزدى كوپىرتە بەرمەۋى ءتيىس. بۇل رەت ءبىز ءبىرتالاي ناقتى جەمىستەرگە قول جەتكىزدىك، بۇل ءسىزدىڭ تىكەلەي جەبەۋىڭىزدەن باستاۋ الادى»، - دەدى وللاند ءتوراعا شي جينپيڭگە.

  گەرمانيا 2017 - جىلعى 20 ەل توبىنىڭ باس قوسۋىنا ءتوراعالىق ەتەدى .

  تاريح، ءسوز جوق، ەستەن شىعارمايدى −

  حاڭجوۋ باس قوسۋى دامۋ ماسەلەسىن تۇڭعىش رەت الەمدىك ماكرولىق ساياسات جۇلگەسىندە كورنەكتى ورىنعا قويدى، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن بەلگىلەۋدىڭ ارەكەت جوسپارىن تۇڭعىش رەت تياناقتاندىردى، افريكانى جانە دامۋدا ەڭ كەنجە قالعان ەلدەردى ونەركاسىپتەندىرۋگە تۇڭعىش رەت توپتىق قولداۋ كورسەتتى، «بۇل 3 تۇڭعىش» جاسامپازدىق مانگە يە.

  «مەملەكەتتەر مەيلى ءىرى - شاعىن، كۇشتى - ءالسىز، باي - كەدەي بولسىن، بارلىعى دا ءبىر - بىرىنە تەڭ تۇرعىدا مامىلە جاساپ، ءوز ەلىن جاقسى دامىتۋمەن بىرگە، باسقا ەلدەردىڭ ويداعىداي دامۋىنا كومەكتەسۋى قاجەت. بارلىعىمىزدىڭ جاعدايىمىز جاقسى بولسا عانا، الەم ءتىپتى دە جارقىن بولادى».

  3 - قىركۇيەك تۇستەن كەيىن ساعات 5تەن 30 مينۋت وتكەندە، حاڭجوۋداعى شيحۋ كولى مەملەكەتتىك قوناق ءۇيىنىڭ رۋ - ي زالىنداعى ەرەكشە سالت جۇرت نازارىن اۋداردى.

  ءتوراعا شي جينپيڭ ورنىنان تۇرىپ الدىعا كەلىپ، كليمات وزگەرىسىنىڭ «پاريج كەلىسىمىن» ماقۇلداۋ حاتىن رەسمي تۇردە ب م ۇ - نىڭ باس حاتشىسى پان كيمۇنگە تابىس ەتتى.

  20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىنىڭ الدىندا كەلىسىمگە قاتىناسۋدىڭ ەل ىشىندەگى زاڭدىق تارتىپتەرىن ورىنداۋ جۇڭگونىڭ ۋادەسى بولاتىن. سول كۇنى تۇستەن بۇرىن، مەملەكەتتىك حالىق قۇرىلتايى تۇراقتى كوميتەتى «پاريج كەلىسىمىنە» كىرۋ جونىندەگى قاراردى ماقۇلدادى.

  كليمات وزگەرىسىنەن ب م ۇ اياسىندا بەيبىتشىلىكتى قورعاۋعا دەيىنگى، افريكانىڭ 10 ءىرى سەلبەستىك جوسپارىنان «ءبىر بەلدەۋ، ءبىر جول» قۇرىلىسىنا دەيىنگى حالىقتىڭ باقىتى مەن ادامزاتتىڭ بولاشاعىنا ساياتىن ماسەلەلەردە، ءتوراعا شي جينپيڭ ورتاعا قويعان جەلىلەس دارىپتەمەلەر مەن ارەكەتتەر الەمنىڭ بەيبىت دامۋىنا جۇڭگو اقىل - پاراساتىنىڭ ۇلەسىن قوستى.

  3 - قىركۇيەك تۇستەن كەيىن ساعات 3تە، حاڭجوۋ حالىقارالىق ءماجىلىس ورتالىعىندا، ءتوراعا شي جينپيڭ 20 ەل توبىنىڭ ونەركاسىپ - ساۋدا باس قوسۋىنا قاتىستى ءارى ارقاۋ ءسوز سويلەدى. وڭتۇستىك افريكانىڭ زۇڭتۇڭى زۋما، كانادانىڭ زۇڭليى تريۋدو جانە ونەركاسىپ - ساۋدا سالاسىنان 1100دەن استام ادام ارقاۋ سوزگە مۇقيات قۇلاق ءتۇردى، 50 مينۋتتىق ارقاۋ ءسوز بارىسىندا شاپالاق ءۇنى تولاستامادى.

  ءداۋىر دالەلدەيدى −

  4 - قىركۇيەك تۇستەن بۇرىن، ءتوراعا شي جينپيڭ ءۇندىستاننىڭ زۇڭليى موديمەن، وڭتۇستىك افريكانىڭ زۇڭتۇڭى زۋمامەن، برازيليانىڭ زۇڭتۇڭى تەمەرمەن، رەسەي زۇڭتۇڭى پۋتينمەن بىرگە فوتواپپارات الدىندا ءبىر قاتارعا تۇردى.

  بريكس ەلدەرى بازارى جاڭا گۇلدەنگەن مەملەكەتتەر مەن دامۋ ۇستىندەگى ەلدەردىڭ سەركەسى، دەسەدە الەمدىك ەكونوميكانىڭ ىقپالىنا ۇشىراعان بريكس ەلدەرىنىڭ ءوز ەكونوميكالىق دامۋى جاپپاي جاڭا سايىسقا ءدوپ كەلدى. وسى ساتتە، ءتوراعا شي جينپيڭ «بريكس رۋحىن» ساۋلەلەندىرىپ، ناقتى كۇشتەردى جۇمىلدىرىپ، ناقتى شارالار اتقارۋدى قايتالاي ورتاعا قويدى.

  «بوران - شاشىنداردا مىزعىماي، بوگدە سىبىستارعا سەلت ەتپەي، قيىنشىلىقتارعا داعدارماي، سەرىكتەستىك قاتىناستى تىنباي كۇشەيتەتىن بولساق، بريكس ەلدەرى اناعۇرلىم زور دامۋدى، ءسوز جوق، جۇزەگە اسىرادى دەپ سەنەمىز».

  بولاشاق قول بۇلعاۋدا −

  حاڭجوۋ باس قوسۋىنا قاتىسۋدان بۇرىن، كانادانىڭ زۇڭليى تريۋدو جۇڭگوعا ساپارلاي كەلىپ، ءبىر ماڭىزدى ۇيعارىمدى − ازيا نەگىزدىك قۇرىلعىلارعا قارجى قوسۋ بانكەسىنە قاتىساتىنىن − جاريالادى. وسىلايشا كانادا ازيا نەگىزدىك قۇرىلعىلارعا قارجى قوسۋ بانكەسىنە قاتىسۋعا تۇڭعىش ءوتىنىش بەرگەن سولتۇستىك امەريكا مەملەكەتىنە اينالدى.

  ازيا نەگىزدىك قۇرىلعىلارعا قارجى قوسۋ بانكەسىن قۇرۋدى ورتاعا قويدى، «ءبىر بەلدەۋ، ءبىر جولدى» قۇرۋدى دارىپتەپ، قارجى ءبولىپ جىبەك جولى قورىن قۇردى، بريكس ەلدەرىنىڭ جاڭا وركەندەتۋ بانكەسىن قۇردى... جۇڭگو ەرەكشەلىگىندەگى ءبىر قاتار الەۋمەتتىك ونىمدەر سەلبەسىپ تەڭ ۇتاتىن، بىرگە كوركەيەتىن شىعىس پاراساتىن كورنەكتىلەندىرىپ، شەكسىز كەرەمەت پەن باۋراۋ قۋاتىن كورسەتە باستادى.

  2 - قىركۇيەكتە ءتوراعا شي جينپيڭ كونە دوسى، قازاقستاننىڭ زۇڭتۇڭى نازاربايەۆپەن كەڭەس وتكىزدى. نازاربايەۆ «جىبەك جولى ەكونوميكالىق بەلدەۋى» قۇرىلىسىن «نۇرلى جول» جاڭا ەكونوميكالىق ساياساتىمەن تۇيىندەستىرۋدى قولدايتىنىن ورتاعا قويدى.

  ءتوراعا شي جينپيڭنىڭ ءجيى وتكەن ەكى جاقتى قيمىلدارىندا «ءبىر بەلدەۋ، ءبىر جول» ءجيى كورىنىس بەردى. رەسەي، اۆستراليا، يتاليا، تۇركيا، سينگاپۋر، لاوس، ساۋد ارابياسى سياقتى ەلدەردىڭ ساياسي قايراتكەرلەرى تۇيىندەسۋ، سەلبەسۋ جونىندەگى كۇشتى تىلەكتەرىن ىركەس - تىركەس ءبىلدىردى.

  5 - قىركۇيەك تۇستەن كەيىن، حاڭجوۋ حالىقارالىق كورمە ورتالىعىنىڭ 2 - قاباتىنداعى اقپار جاريالاۋ زالىنا جۇڭگولىق، شەتەلدىك تىلشىلەر ەرتە جيىلىپ، ماڭىزدى ساتكە كۋا بولدى.

  تۇستەن كەيىن ساعات 6دان 40 مينۋت وتكەندە، ءتوراعا شي جينپيڭ باس قوسۋعا قاتىسقان شەتەل باسشىلارىمەن قوشتاسقان سوڭ، وسى زالعا كەلىپ ارناۋ ءسوز سويلەدى. «باس قوسۋدان كەيىن، ءبىز ءار جاقپەن بىرگە حاڭجوۋ باس قوسۋىنىڭ ءتۇرلى ناتيجەلەرىن تياناقتاندىرۋ جانە ىلگەرىلەتۋ ءۇشىن ۇزدىكسىز بەلسەنە قۇلشىنامىز».

  سالماقتى دا پاراساتتى، ىقىلاستى دا باۋىرمال جۇڭگو باسشىسى ءىرى ەلدىڭ كەلبەتىن ايگىلەپ، دۇنيە ءجۇزىنىڭ قۇرمەتىنە بولەندى

  «اسقارلارى شانشىپ ءوتىپ ۇلپا بۇلتتىڭ قۇرساۋىن،

  ەتەگىندە كول تولقيدى، جەلمەن ويناپ نۇر ساعىم.

  سۋ ەركەلەپ جەتكىزسە دە ىنتىعىن دا ىڭكارىن،

  سەلت ەتپەستەن، مىزعىماستان، ماڭعازدانىپ تۇر تاۋىڭ».

  4 - قىركۇيەك كۇنى كەشتە حاڭجوۋداعى شيزى قوناق سارايىنىڭ ييۋان قوناعاسى زالىندا ءتوراعا شي جينپيڭ ءسوز سويلەگەندە، تاگوردىڭ شيحۋ كولىن تاماشالاعانداعى وسى ولەڭىن مىسالعا الدى.

  قاراپايىمدىلىق، ىقىلاستىلىق، جۇڭگو مەن شەتەلدى توعىستىرۋ، ادامگەرشىلىككە تولى قاسيەت ءتوراعا شي جينپيڭنىڭ سوزىنەن، سونداي - اق ونىڭ ءىس - ارەكەتىنەن مەن مۇندالاپ تۇردى.

  4 - قىركۇيەك تۇستەن كەيىن ساعات 3تە، چيانتاڭجياڭ وزەنىنىڭ وڭتۇستىك جاعاسىندا، حاڭجوۋ حالىقارالىق كورمە ورتالىعىنىڭ 2 - قاباتىنداعى قوناق قابىلداۋ زالىندا، باران ءوڭدى كاستوم برۋلكا كيگەن، قىزىل گالىستۋك تاققان ءتوراعا شي جينپيڭ شار تاراپتان كەلگەن سيلى قوناقتاردى قارسى الدى.

  قوناق يەسى، داياشى بولۋ، باسقارۋ، جەتەكشىلىك ەتۋ، دارىپتەۋ... ءتوراعا شي جينپيڭنىڭ اعاش بالعانى تىق ەتكىزۋىمەن، باسشىلار باس قوسۋى رەسمي باستالدى. ءار كەزەڭدەگى جينالىس باستالعان ساتتە، ءتوراعا شي جينپيڭ الدىمەن ناقتى كۇن تارتىپتەر مەن جۇڭگونىڭ ويىن تانىستىردى، ودان كەيىن تاراپتاردىڭ ۋاكىلدەرىن رەتىمەن سوزگە ۇسىنىس ەتتى، ءبارى دە جيناقى دا ءتارتىپتى بولدى. ەڭ سوڭىندا ءتوراعا شي جينپيڭ تاراپتاردىڭ كوزقاراسىن قورىتىندىلاپ، تالقىنى اياقتاتتى.

  جۇڭگو مەن ا ق ش باسشىلارىنىڭ ءبىر رەتكى قول الىسۋى، ءبىر رەتكى سالەمدەسۋى ەجەلدەن كۇللى الەمنىڭ نازارىن اۋدارادى.

  44 جىلدىڭ الدىندا، شيحۋ كولى مەملەكەتتىك قوناق ءۇيى «شاڭحاي مازمۇنداماسىنىڭ» كەلىسسوزىنە كۋا بولدى.

  44 جىلدان كەيىن، تاعى دا شيحۋ كولى مەملەكەتتىك قوناق ءۇيى. 3 - قىركۇيەك كەشتە، ءتوراعا شي جينپيڭ مەن وباما زۇڭتۇڭ 3 ساعاتتان ارتىق ۋاقىتقا جالعاسقان كەڭەستەن كەيىن، ايلى تۇندە بىرگە سەيىلدەدى.

  جىجياڭ جاڭا قالا رايونىنىڭ تاۋ - سۋلارى جۇڭگو مەن رەسەي باسشىلارىنىڭ ۇزاق تاريحقا يە دوستىعىنا كۋا بولدى.

  4 - قىركۇيەك تۇستەن بۇرىن، سوناۋ شالعايداعى ۆلاديۆوستوكتان كەلگەن رەسەيدىڭ زۇڭتۇڭى پۋتين ءتوراعا شي جينپيڭگە سالەمدەمە رەتىندە رەسەيدەن ءبىر ساندىق ماروجين الا كەلدى.

  بۇل سالەمدەمە جۇڭگو مەن رەسەي باسشىلارىنىڭ 3 جىلداعى 18 رەتكى كەڭەسىنىڭ، سەنىمدى ۇزدىكسىز بەكەمدەگەنىنىڭ، دوستىقتى تەرەڭدەتكەنىنىڭ كۋاسى. وسىلاي بولعاندىقتان دا جۇڭگو مەن رەسەي باسشىلارى ءبىر رەتكى ساپاردان پايدالانىپ، 3 ماڭىزدى بىرلەسكەن مالىمدەمەنى جاريالاپ، 30عا تارتا ناقتى سەلبەستىك كەلىسىمىنە قول قويدى.

  2 - قىركۇيەك تۇستەن كەيىننەن 5 - قىركۇيەك كەشكە دەيىن، ءتوراعا شي جينپيڭ ەرەكشە قاربالاس بولا تۇرسا دا وركەندەپ كەلە جاتقان ەلدەر باسشىلارى ءۇشىن دە ەرەكشە ورنالاستىرۋ جاسادى: قازاقستاننىڭ زۇڭتۇڭى نازاربايەۆپەن كەڭەس وتكىزدى، ەگيپەتتىڭ زۇڭتۇڭى سەسيمەن تاڭەرتەڭگى استا بىرگە بولدى...

  شىنايى ىقىلاسپەن مامىلە جاساۋ − ءتوراعا شي جينپيڭنىڭ حالىقارالىق قوعامنىڭ سەنىمىنە جانە قۇرمەتىنە يە بولۋىنداعى ءبىر ماڭىزدى سەبەپ.

  كۇللى الەم نازار اۋدارىپ وتىرعان جاعدايدا، جۇڭگو دۇنيە ساحناسىنىڭ تورىنەن ورىن الدى. شەتەلدىڭ اقپارات قۇرالدارى مىناداي شولۋ جاسادى: ءتوراعا شي جينپيڭ كەرەمەت باسشىلىق قابىلەتىن، سالماقتى ديپلوماتيالىق كەلبەتىن، ىستەردى ءبىر جايلى ەتۋدەگى بۇكپەسىز ءتاسىلىن كورسەتتى، بۇل جۇڭگونىڭ كۇننەن - كۇنگە وسكەن ءىرى ەل ورنىنا سايكەس كەلەدى.

  ءبىر جىلدىڭ الدىنداعى قىركۇيەك ايىندا، جۇڭگو سالتاناتتى اسكەري پارات وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە فاشيزمگە قارسى دۇنيە جۇزىلىك سوعىستىڭ جەڭىسكە جەتكەندىگىنىڭ 70 جىلدىعىن سالتاناتپەن ەسكە الىپ، بەيبىت دامۋدىڭ داۋىرلىك اسقاق ءۇنىن شىرقاعان بولاتىن.

  دۇنيە اعىمى چيانتاڭجياڭ وزەنى سياقتى بۋىرقانا، جوڭكىلە ۇدەرە العا تارتىپ بارادى.

  «زامان تولقىنىنىڭ الدىڭعى لەگىندە بولايىق». جۇڭگو جاڭا باستامادا تۇر...

  (شينحۋا اگەنتتىگىنىڭ 6 - قىركۇيەكتە حاڭجوۋدان بەرگەن حابارى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.