- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى وتكىزىلدى
باس قوسۋدى شي جينپيڭ باسقاردى ءارى باستالۋ ءسوزىن سويلەدى 20 ەل توبى داۋىرمەن بىرگە العا باسۋى، اقىل - پاراسات پەن ءىس - ارەكەتتى ۇشتاستىرۋى، بىرگە قۇرىپ، ورتاق يگىلىكتەنۋى، جاپا - ماشاقاتتا بىرگە بولۋى، الەم ەكونوميكاسىنىڭ پارمەندى، باياندى، تەڭ، قامتىمدى ارتۋ جولىنا ءتۇسۋىن العا ىلگەرىلەتۋى كەرەك دەپ باسا دارىپتەدى
2016.09.07 13:24 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - قىركۇيەكتە حاڭجوۋدان بەرگەن حابارى. 20 ەل توبىنا مۇشە ەلدەر باسشىلارىنىڭ 11 - رەتكى باس قوسۋى 4 - قىركۇيەكتە حاڭجوۋداعى حالىقارالىق كورمە ورتالىعىندا وتكىزىلدى. باس قوسۋدى مەملەكەت ءتوراعاسى شي جينپيڭ باسقاردى ءارى باستالۋ ءسوزىن سويلەدى. شي جينپيڭ بىلاي دەپ باسا دارىپتەدى: كەزەكتەگى سىناقتارعا سايكەس، 20 ەل توبى داۋىرمەن بىرگە العا باسۋى، اقىل - پاراسات پەن ءىس - ارەكەتتى ۇشتاستىرۋى، بىرگە قۇرىپ، ورتاق يگىلىكتەنۋى، جاپا - ماشاقاتتا بىرگە بولۋى، دۇنيە ءجۇزى ەكونوميكاسىنىڭ گۇلدەنۋى مەن ورنىقتىلىعى ءۇشىن ۇلى بەتالىستى جاقسى مەڭگەرىپ، الەم ەكونوميكاسىنىڭ پارمەندى، باياندى، تەڭ، قامتىمدى ارتۋ جولىنا ءتۇسۋىن العا ىلگەرىلەتۋى كەرەك.
تۇستەن كەيىنگى ساعات 3تە 20 ەل توبىنا مۇشە ەلدەر مەن سيلى قوناق ەلدەردىڭ باسشىلارى، قاتىستى حالىقارالىق ۇيىمداردىڭ جاۋاپتىلارى ءماجىلىس زالىنا ىركەس - تىركەس كەلدى، قوناق يەسى شي جينپيڭ ولارمەن ءبىر - بىردەن قول الىسىپ امان - ساۋلىق سۇراستى، سودان كەيىن كوپشىلىك توپتىق ەستەلىك سۋرەتكە ءتۇستى.
ساعات 3تەن 30 مينۋت وتكەندە، شي جينپيڭ اعاش بالعانى تىق ەتكىزىپ، باس قوسۋدىڭ باستالعانىن جاريالادى.
شي جينپيڭ باستالۋ سوزىندە بىلاي دەپ اتاپ كورسەتتى: قازىر الەم ەكونوميكاسى جالپى جاقتان ءالى دە قالپىنا كەلۋ كۇيىن ساقتاعانمەن، ارتۋعا قاجەتتى قوزعاۋشى كۇشتىڭ جەتكىلىكسىز بولۋى، سۇرانىستىڭ سەرپىلمەۋى، فينانس بازارىنىڭ اۋمالى - توكپەلى بولۋى، حالىقارالىق ساۋدا مەن قارجى قوسۋدىڭ ۇزدىكسىز تۇردە توقىراۋى سياقتى كوپ ءتۇرلى قاتەر مەن سىناققا تاپ بولىپ وتىر. حالىقارالىق قوعام 20 ەل توبىنا ۇمىتپەن قاراپ، وسى رەتكى باس قوسۋعا ۇلكەن تىلەك ارتىپ وتىر.
حاڭجوۋداعى باس قوسۋدىڭ الەم ەكونوميكاسىنا ۇستىنەن وڭاۋ مەن تۇبىرىنەن وڭاۋعا بىردەي ءمان بەرىلگەن جانە كەشەندى شارالارعا نەگىزدەلگەن ادىستەر ۇسىنىپ، الەم ەكونوميكاسىنىڭ پارمەندى، باياندى، تەڭ، قامتىمدى ارتۋ جولىنا تۇسۋىنە مۇمكىندىك تۋدىرۋىن ءۇمىت ەتەمىز.
شي جينپيڭ الەم ەكونوميكاسى قازىر ءدوپ كەلىپ وتىرعان سىن - سايىستارعا توتەپ بەرۋ جونىندە 5 ءتۇرلى قۋاتتاماسىن العا قويدى.
ءبىرىنشى، ءبىز ماكرو ەكونوميكالىق ساياساتتاردى سايكەستىرۋدى كۇشەيتىپ، عالامدىق ەكونوميكانىڭ ارتۋىن جۇمىلا جەبەپ، فينانس ورنىقتىلىعىن قورعاۋعا ءتيىسپىز.
ەكىنشى، ءبىز دامۋ ءتاسىلىن جاڭالاپ، ارتۋدىڭ كينەتيكالىق قۋاتىن جاڭعىرتۋعا ءتيىسپىز. ساياسات جونىندەگى وي جۇلگەسىن رەتتەپ، قىسقا مەرزىمدى ساياسات پەن ورتا، ۇزاق مەرزىمدى ساياساتتارعا بىردەي ءمان بەرۋدى، قاجەتسىنۋ جاعىنداعى باسقارۋ مەن قامداۋ جاعىنداعى رەفورماعا قاتار نازار اۋدارۋدى ىسكە اسىرۋىمىز كەرەك.
ءۇشىنشى، ءبىز عالامدىق ەكونوميكالىق جونگە سالۋدى كەمەلدەندىرىپ، تۇزىلىستىك قامتاماسىزداندىرۋدى بەكەمدەۋگە ءتيىسپىز. حالىقارالىق اقشا - فينانس جۇيەسىن ۇزدىكسىز كەمەلدەندىرىپ، حالىقارالىق فينانس قۇرىلىمدارىنىڭ جونگە سالۋ قۇرىلىمىن ساپالىلاندىرىپ، عالامدىق فينانستىڭ حاۋىپسىزدىك تورىن كەمەلدەندىرىپ، الەم ەكونوميكاسىنىڭ حاۋىپ - قاتەرگە قارسىلىق قابىلەتىن جوعارىلاتۋىمىز كەرەك.
ءتورتىنشى، ءبىز اشىق الەمدىك ەكونوميكانى گۇلدەندىرىپ، ساۋدا مەن قارجى قوسۋدىڭ ىرىقتانۋى مەن جەڭىلدەنۋىن ۇزدىكسىز تۇردە ىلگەرىلەتۋگە ءتيىسپىز. جاڭا قورعانىمپازدىق شارالار اتقارماۋ تۋرالى ۋادەنى بەرىك ساقتاپ، قارجى قوسۋ ساياساتتارىن ۇيلەستىرۋ ماقساتىنداعى سەلبەستىكتى نىعايتىپ، ناقتى ارەكەتتەر قولدانۋ ارقىلى ساۋدانىڭ ارتۋىن ىلگەرىلەتۋىمىز كەرەك.
بەسىنشى، ءبىز 2030 - جىلعا دەيىنگى باياندى دامۋ كۇن تارتىپتەرىن تياناقتاندىرىپ، قامتىمدى دامۋدى جەبەۋگە ءتيىسپىز. بيىل ءبىز دامۋدى 20 ەل توبىنىڭ كەڭەستىك تارتىبىندە كورنەكتى ورىنعا قويىپ، 2030 - جىلعا دەيىنگى باياندى دامۋ كۇن تارتىپتەرىن بەلسەندىلىكپەن تياناقتاندىرۋعا ءبىر اۋىزدان ۋاعدالاستىق ءارى ارەكەت جوسپارىن جاسادىق. سونىمەن بىرگە ءبىز افريكا مەن ەڭ دامىماعان ەلدەردىڭ ونەركاسىپتەنۋىنە قولداۋ كورسەتۋ سياقتى تاسىلدەر ارقىلى عالامدىق دامۋداعى ادىلەتسىزدىك پەن تەڭسىزدىكتى ازايتىپ، ءار ەلدەگى حالىقتىڭ الەم ەكونوميكاسىنىڭ ارتۋ جەتىستىكتەرىنەن بىرگە يگىلىكتەنۋىنە مۇمكىندىك تۋدىرامىز.
شي جينپيڭ بىلاي دەپ باسا دارىپتەدى: 20 ەل توبى دۇنيە جۇزىندەگى ءار ەلدىڭ ارمان - تىلەگىن ارقالاپ وتىر، بورىشى اۋىر. ءبىز 20 ەل توبىن قۇلشىنا ويداعىداي قۇرىپ، دۇنيە ءجۇزى ەكونوميكاسىنىڭ گۇلدەنۋى مەن ورنىقتىلىعى ءۇشىن ۇلى بەتالىستى جاقسى مەڭگەرۋىمىز كەرەك. ءبىرىنشى، داۋىرمەن بىرگە العا باسىپ، جەتەكشىلىك رولدى ساۋلەلەندىرۋ كەرەك. دۇنيە ءجۇزى ەكونوميكاسىنىڭ قاجەتىنە ساي، وزىندىك دامۋ باعىتىن رەتتەپ، داعدارىسقا توتەپ بەرۋدەن باياندى وڭاۋ مەحانيزمىنە قاراي اناعۇرلىم بۇرىلىس جاساۋ كەرەك. ەكىنشى، اقىل - پاراسات پەن ءىس - ارەكەتتى ۇشتاستىرىپ، ناقتى قيمىلدارعا كىرىسۋ كەرەك. بيىل باياندى دامۋ، جاسىل فينانس، ءونىمدى ارتتىرۋ، جەمقورلىققا قارسى تۇرۋ سياقتى جاقتاردا بەلگىلەنگەن ارەكەت جوسپارىن شىنايى تياناقتاندىرۋ كەرەك. ءۇشىنشى، بىرگە قۇرىپ، ورتاق يگىلىكتەنىپ، سەلبەستىك تۇعىرىن قالىپتاستىرۋ كەرەك. دۇنيە جۇزىندەگى ءار ەلدىڭ، وتە - موتە، دامۋ ۇستىندەگى ەلدەردىڭ ۇنىنە قۇلاق اسىپ، 20 ەل توبى قىزمەتىنىڭ قامتىمالىلىعىن اناعۇرلىم كورنەكتىلەندىرىپ، ءار ەل حالقىنىڭ تالابىنا نەعۇرلىم ويداعىداي جاۋاپ بەرۋ كەرەك. ءتورتىنشى، جاپا - ماشاقاتتا بىرگە بولۋ، سەرىكتەس رۋحتى ساۋلەلەندىرۋ، دۇنيە ءجۇزى ەكونوميكاسىنىڭ اساۋ تولقىندارىن بويسۇندىرىپ، بولاشاقتاعى ارتۋدىڭ تىڭ جورىعىن اشۋ كەرەك. مەن حاڭجوۋداعى باس قوسۋدىڭ دۇنيە ءجۇزى ەكونوميكاسىنىڭ ارتۋىن جەبەۋ، حالىقارالىق ەكونوميكالىق سەلبەستىكتى كۇشەيتۋ، 20 ەل توبىنىڭ دامۋىن ىلگەرىلەتۋ نىساناسىن ىسكە اسىرۋىنا مۇمكىندىك جاساۋدى ءۇمىت ەتەمىن.
وسىدان كەيىن 1 - كەزەڭدىك ءماجىلىس وتكىزىلدى. ماجىلىسكە قاتىناسقان باسشىلار «ساياساتتاردى ۇيلەستىرۋدى كۇشەيتىپ، ارتۋ ءتاسىلىن جاڭالاۋ» كەڭەستىك تاقىرىبىن ارقاۋ ەتىپ ىشكەرىلەي پىكىر اۋىستىرىپ، ماڭىزدى ورتاق تانىمدارعا كەلدى. ماجىلىسكە قاتىناسقان باسشىلار ءبىر اۋىزدان ماكرو ەكونوميكالىق ساياساتتى ۇيلەستىرۋدى كۇشەيتۋ اسا ماڭىزدى، ارتۋ ءتاسىلىن جاڭالاۋ كەزەك كۇتتىرمەيدى، ارتۋ ءتاسىلىن جاڭالاۋدا ەلەۋلى ىستەر ىستەۋگە بولادى دەپ قارادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
