- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى كەڭسەسى «دىمكاس كادرلاردى وسىرۋدەن» ساقتانۋ پىكىرىن باسىپ تاراتتى
2016.09.08 11:13 كەلۋ قاينارى : شينجياڭ گازەتى
شينحۋا اگەنتتىگىنىڭ بەيجيڭنەن بەرگەن حابارى. ج ك پ ورتالىق كوميتەتى كەڭسەسى جۋىردا «<دىمكاس كادرلاردى وسىرۋدەن> ساقتانۋ جونىندەگى پىكىردى» (تومەندە قىسقارتىپ «پىكىر» دەلىندى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايعا ۇشتاستىرىپ، مۇقيات دايەكتى اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «پىكىردەگى» پارتيانى قاتاڭ جونگە سالۋدىڭ، كادرلاردى قاتاڭ باسقارۋدىڭ تالابىن دايەكتى تياناقتاندىرىپ، «دىمكاس كادرلاردى وسىرۋدەن» شىنايى ساقتانۋ جونىندە ناقتى بەلگىلەمە جاسالدى. بۇل جاڭا كەزەڭدەگى كادرلاردى تاڭداپ ءوسىرۋ، تاعايىنداۋ قىزمەتىن جاقسى ىستەۋدىڭ ماڭىزدى نەگىزى. «پىكىردىڭ» بەلگىلەنۋى، اتقارىلۋى پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتى تياناقتاندىرۋ، كادرلاردى تاڭداپ ءوسىرۋ، تاعايىنداۋ قىزمەت مەحانيزمىن كەمەلدەندىرۋ، ادام تاڭداۋ، ادام ىستەتۋ وتكەلىن جاقسى باقىلاۋ، ادال، كىرشىكسىز، جاۋاپكەرشىلىكتى باتىلدىقپەن ارقالاي الاتىن، رەفورماعا ۇمتىلىپ، دامۋدى جەبەيتىن، كورنەكتى ناتيجەسى بار كادرلاردى بار كۇشپەن جەتىلدىرۋ، باتىلدىقپەن پايدالانۋ جونىنەن اسا ماڭىزدى مانگە يە.
حابارلاندىرۋدا بىلاي دەپ باسا دارىپتەلدى: ءار دارەجەلى پارتكوم (پارتيا باسشىلىق گرۋپپاسى) «دىمكاس كادرلاردى وسىرۋدەن» ساقتانۋدى پارتيانى قاتاڭ جونگە سالۋدىڭ، كادرلاردى قاتاڭ باسقارۋدىڭ ماڭىزدى مازمۇنى رەتىندە قاراپ، كادرلاردى تاڭداپ ءوسىرۋ، تاعايىنداۋدىڭ بارلىق بارىسىندا ايگىلەۋى، سۋبيەكتتىك جاۋاپكەرلىكتى قاتاڭ اتقارۋى، پرينسيپتەن جازباي، جاۋاپكەرشىلىكتى باتىل ارقالاۋى كەرەك. ءتۇيىندى كورنەكتىلەندىرىپ، «شەشۋشى ازشىلىقتى» مىقتى يگەرۋ، ادام تاڭداۋ ولشەمىنەن جازباي، تارتىپتەردى قاتاڭ اتقارۋ، اۋدان، باسقارما دارەجەلىدەن جوعارى باسشى كادرلاردى تاڭداپ ءوسىرۋ، تاعايىنداۋ قىزمەتىن شىنىمەن جاقسى ىستەۋ كەرەك. كاسىپتى باستى ورىنعا قويىپ، ءادىل، تۋراشىل، ستيلى قاتاڭ، جۇمىستى باتىل ىستەيتىن، قايسارلىقپەن العا باساتىن كادرلاردى قورعاۋ كەرەك. قۋزاستىرۋ، تەكسەرۋ قىزمەتىن كۇشەيتىپ، «پىكىردى» دايەكتىلەندىرۋدە دارمەنسىزدىك ىستەگەندەردىڭ جاۋاپكەرشىلىگىن قاتاڭ قۋزاستىرۋ كەرەك. ءار دارەجەلى ۇيىمداستىرۋ، كادرلار تاراۋلارى جانە ءتارتىپ تەكسەرۋ، باقىلاۋ - تەكسەرۋ ورگاندارى پارتكومنىڭ (پارتيا باسشىلىق گرۋپپاسى) باسشىلىعىندا، «پىكىردىڭ» رۋحاني ءمانىن ءدال ءتۇسىنىپ، ساياساتتىق شەت - شەكارانى دۇرىس يگەرىپ، مىندەت، جاۋاپكەرلىگىن شىنايى اتقارىپ، قارىم - قاتىناس پەن بايلانىستى كۇشەيتىپ، قىزمەتتە بىرىككەن كۇش قالىپتاستىرىپ، ءتۇزىم، بەلگىلەمەنى ناقتى تياناقتاندىرۋ كەرەك. جەرگىلىكتى باسشىلىق القانىڭ كەزەك اۋىستىرۋ قىزمەتى بارىسىندا «پىكىردەگى» بەلگىلەمەنى مۇقيات دايەكتى تياناقتاندىرىپ، «دىمكاس كادرلاردى وسىرۋدەن» باتىل ساقتانۋ كەرەك.
حابارلاندىرۋدا جەر - جەردەن، تاراۋلاردان پىكىردى دايەكتى اتقارۋ بارىسىنداعى ماڭىزدى احۋالداردى جانە ۇسىنىستارىن پارتيا ورتالىق كوميتەتىنە دەر كەزىندە مالىمدەۋ تالاپ ەتىلدى.
«<دىمكاس كادرلاردى وسىرۋدەن> ساقتانۋ جونىندەگى پىكىردىڭ» تولىق مازمۇنى تومەندەگىدەي:
پارتيانى قاتاڭ جونگە سالۋدىڭ، كادرلاردى قاتاڭ باسقارۋدىڭ تالابىن دايەكتى تياناقتاندىرۋ، كادرلاردى تاڭداپ ءوسىرۋ، تاعايىنداۋ قىزمەتىن اناعۇرلىم كۇشەيتۋ جانە ىلگەرىلەتۋ، ادام تاڭداۋ، ادام ىستەتۋ ساپاسىن ءۇرتىس جوعارىلاتۋ، «دىمكاس كادرلاردى وسىرۋدەن» شىنايى ساقتانۋ ءۇشىن، «پارتيا، ۇكىمەت باسشى كادرلارىن تاڭداپ ءوسىرۋ، تاعايىنداۋ قىزمەت ەرەجەسى»، «جۇڭگو كوممۋنيستىك پارتياسى ءتارتىپ جازاسى ەرەجەسى»، «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» سياقتى پارتيا ىشىندەگى زاڭ - ەرەجە جانە قاتىستى بەلگىلەمەلەرگە ساي، تومەندەگىدەي پىكىر العا قويىلدى.
ءبىرىنشى، قىزمەت جاۋاپكەرلىگىن تياناقتاندىرۋ. ءار دارەجەلى پارتكوم (پارتيا باسشىلىق گرۋپپاسى) ادام تاڭداۋ، ادام ىستەتۋدە سۋبيەكتتىك جاۋاپكەرلىك ارقالاپ، پارتكوم (پارتيا باسشىلىق گرۋپپاسى) شۋجيى 1 - جاۋاپكەرلىكتى ۇستىنە الادى، ءار دارەجەلى ۇيىمداستىرۋ، كادرلار تاراۋلارى جانە ءتارتىپ تەكسەرۋ، باقىلاۋ - تەكسەرۋ ورگاندارى جەكە - جەكە تىكەلەي جاۋاپكەرشىلىك جانە باقىلاۋ جاۋاپكەرشىلىگىن ۇستىنە الادى. پارتيانىڭ ۇيىمدىق باسشىلىعىن جانە باقىلاۋ رولىن كۇشەيتۋ، پارتيانىڭ كادرلاردى باسقارۋ پرينسيبى مەن جاقسى كادر ولشەمىنەن جازباۋ، «ۇشتە قاتاڭ، ۇشتە شىنايى بولۋ» تالابىن تياناقتاندىرىپ، ادال، كىرشىكسىز، جاۋاپكەرشىلىكتى باتىلدىقپەن ارقالاي الاتىن، رەفورماعا ۇمتىلىپ، دامۋدى جەبەيتىن، كورنەكتى ناتيجەسى بار كادرلاردى بار كۇشپەن جەتىلدىرۋ، باتىلدىقپەن پايدالانۋ. پارتكوم (پارتيا باسشىلىق گرۋپپاسى) جوعارى دارەجەلى پارتيا ۇيىمىنا وسىرىلەتىن نەمەسە ارى قاراي پايدالانىلاتىن كانديداتتاردى كورسەتۋگە جولداعان كەزدە كانديداتتاردىڭ كىرشىكسىز، تارتىپشەڭدىك احۋالىنا قاراتا مۇقيات، جاۋاپتى تۇردە قورىتىندى پىكىرىن العا قويۋ، پارتكوم (پارتيا باسشىلىق گرۋپپاسى) شۋجيى، ءتارتىپ تەكسەرۋ كوميتەتىنىڭ شۋجيى (ءتارتىپ تەكسەرۋ گرۋپپاسىنىڭ باستىعى) پىكىرگە قول قويۋ ءتۇزىمىن اتقارۋ. پارتكومداردى (پارتيا باسشىلىق گرۋپپاسى) جانە ۇيىمداستىرۋ، كادرلار تاراۋلارىن، ءتارتىپ تەكسەرۋ، باقىلاۋ - تەكسەرۋ ورگاندارىن، سونداي - اق قاتىستى باسشى كادرلاردى تەكسەرىپ، باعالاعاندا ادام تاڭداۋ، ادام ىستەتۋدەگى قىزمەت جاۋاپكەرشىلىگىنىڭ اتقارىلۋ احۋالىن ماڭىزدى مازمۇن ەتۋ كەرەك.
ەكىنشى، ۇنەمى ءتۇسىنىسۋدى تەرەڭدەتۋ. كادرلارمەن ۇنەمى جاقىننان، پرينسيپتىك تۇرعىدا كەڭ كولەمدى جولىعىپ تۇرۋ، كادرلاردىڭ داعدىلى مىنەز - قۇلقى مەن بەينەسىن ىشكەرىلەي ۇعىسىپ، كادرلاردى ءتۇرلى جولدارمەن، ۇقساماعان دەڭگەيدە، وزگەشە تۇرعىدا تانۋ. تەكسەرىپ - زەرتتەۋ، جايشىلىقتاعى باعالاۋ، جىلدىق باعالاۋ، مىندەت كەزىندەگى باعالاۋ، دەموكراتيالىق تۇرمىس جيىنى، قىزمەتىنەن ەسەپ بەرۋ سياقتى جولدارمەن كادرلاردىڭ ءمورالىن، قابىلەتىن، ماڭىزدى جاعدايلارى مەن جۇرتشىلىقتىڭ باعاسىن دەر كەزىندە يگەرۋ، كادرلاردىڭ ءىرى ۋاقيعا، ماڭىزدى ءسات، كىلتەڭ كەزدەگى بەينەسىنە ەرەكشە كوڭىل ءبولۋ. كادرلارمەن كوبىرەك سىرلاسۋ، پىكىرلەسۋ، سىرلاسۋ ءتاسىلىن جاقسارتۋ، سىرلاسۋ ساپاسىن ءوسىرۋ، كادرلاردىڭ وي ءورىسىن، مىنەز − قۇلقىن، نيەتىن، ءمورالدىق قاسيەتى مەن امبەباپ ساپاسىن باقىلاپ وتىرۋ. كۇندەلىكتى بايلانىس ورناتۋ، حابارلاندىرۋ مەحانيزمىن كەمەلدەندىرۋ، جاقسارتۋ، ۇيىمداستىرۋ، كادرلار تاراۋلارى ءتارتىپ تەكسەرۋ، باقىلاۋ - تەكسەرۋ، قازىنالىق باقىلاۋ، ارىز - ارمان، ارالاپ تەكسەرۋ، قۋزاۋشىلىق ەتۋ سياقتى ورىنداردىڭ ءتارتىپ تەكسەرۋ، باقىلاۋ قىزمەتىن اتقارۋ جاعىنداعى ينفورماتسيالارى مەن ينتەرنەتتەگى قوعامدىق پىكىر اڭىسىنداعى كادرلاردىڭ قاتىستى احۋالدارىن دەر كەزىندە رەتتەپ، جيناپ، كادرلاردى باقىلاۋدىڭ ينفورماتسيا ارحيۆىن ورناتۋ.
ءۇشىنشى، تالداۋ جاساۋعا، تۇجىرىمداۋعا ءمان بەرۋ. كۇندەلىكتى بىلگەن، يەلەگەن احۋالدان تولىق پايدالانا وتىرىپ، كادرلاردىڭ داعدىلى بەينەسىنە ساي، ساياسي ساپاسىن، ءمورالدىق قاسيەتىن، ستيل بەينەسىن كورنەكتىلەندىرىپ، ادام تاڭداۋ، ادام ىستەتۋ قىزمەت جاۋاپكەرشىلىگىن اتقارۋ، پاك، كىرشىكسىز بولۋ سياقتى احۋالدار جونىنەن امبەباپ تالداۋ جۇرگىزىپ، دەرەكتەردى بايقاپ، ماسەلەلەردى تابۋ. ماسەلە دەرەكتەرىنە ساي، كادرلارمەن دەر كەزىندە سويلەسۋ نەمەسە حات ارقىلى سۇراۋ، جاعدايدى مۇقيات تەكسەرۋ، انىقتاۋ. كادرلاردىڭ قاتىستى ماسەلەلەرىن جانە ونىڭ سيپاتى، دەڭگەيى سياقتى جاعدايلارىن اشالاۋ، پارىقتاۋ، سارالاۋ، تۇجىرىمداۋ. پارتيا مەن ۇكىمەتتىڭ ءبىرىنشى باسشىلىق مىندەتىندەگى، پارتيا مەن ۇكىمەتتىڭ ءبىرىنشى باسشىلىق مىندەتىنە تاعايىندالماق بولعان، تاياۋدا كورسەتىلەتىن نەمەسە ارى قاراي پايدالانىلاتىن كانديداتتاردى، ماسەلەسى جونىندە اڭىس ەداۋىر كوپ بولعان كادرلار ماسەلەسىن ءتۇيىندى تۇجىرىمداۋ كەرەك. ۇنەمىلىك تالداۋ جۇرگىزۋ، تۇجىرىمداۋ قىزمەتىن ورىستەتۋ، پارتكوم (پارتيا باسشىلىق گرۋپپاسى) شۋجيى تۇجىرىمداۋ احۋالى مالىمەتىنە كوڭىل ءبولۋى ءارى ارناۋلى تاقىرىپتاعى تۇجىرىمداۋعا باعىتتامالى قاتىناسىپ، كادرلاردىڭ جاعدايىن جالپى بەتتىك، ىشكەرىلەي يگەرۋى ءتيىس.
ءتورتىنشى، ۇسىنىستى قاراۋدى كۇشەيتۋ. ۇسىنىستىڭ سۋبيەكتتىك ۇقىق شەگى مەن ءتارتىبىن ارناعا ءتۇسىرۋ، دەموكراتيالىق ورتالىقتاندىرۋ ءتۇزىمى پرينسيبىنە ساي، لايىقتى جوبا دايىنداۋ، جاقسى كادر ولشەمىنە ساي كەلەتىن كانديداتتاردى كورسەتۋ. الدىمەن قاعيدا بەلگىلەپ، سوڭىنان كانديداتتى تالقىلاۋدان جازباۋ، ادامدى ىسكە قاراي، قىزمەت ورنىنا قاراي تاڭداۋ تالابىنا ساي، باسشىلىق القاسىن ساپالىلاندىرۋ باعىتى بويىنشا تاڭداپ وسىرىلەتىن قىزمەت تولىمدىلىعى، شارتى جانە كانديداتقا كورسەتىلەتىن كولەمى سياقتىلار جونىندە تولىق دايىندىق جاساۋ. وسى نەگىزدە جارامدىسىن تاڭداپ، ويدا بولاتىن كانديدات ەتۋگە اقىلداسۋ. كانديداتتاردى ويلاستىرىلاتىن كولەمگە قامتۋدا ولاردىڭ ساياسي بەينەسى مەن كىرشىكسىزدىگى، تارتىپشەڭدىگى سياقتى جاعدايلاردى الدىن الا تەكسەرۋ، قاتىستى جاقتاردىڭ پىكىرىن تولىق تىڭداۋ، ۇقساماعان پىكىر جونىنەن اقىلداسۋعا ءمان بەرىپ، مۇقيات تالداۋ جۇرگىزۋ، ماسەلەسى جونىنەن كۇمان تۋىلىپ، تەكسەرىلگەن، پايدالانۋعا اسەر ەتپەيتىن كانديداتتاردى ويدا بولاتىن كانديداتتار قاتارىنا الۋ. باسشىلىق القاسىنداعى مۇشەلەر ۇسىنىس بەرۋ كەزىندە كادرلاردى شىن اتى - جونىمەن كورسەتۋ ءادىسى جانە پارتيا مەن ۇكىمەتتىڭ ءبىرىنشى باسشىلىق مىندەتىندەگى كانديداتتارىن پارىقتى دايىنداۋ ءادىسى جونىندە بەلسەندى ىزدەنىس جاساۋ.
بەسىنشى، مىندەتكە تاعايىندالار الدىنداعى وتكەلدى مىقتى ۇستاۋ. قىزمەتتەردى تەكسەرۋدە باعىتتامالىلىقتى كۇشەيتۋ، يكەمدىلىكتى ارتتىرۋ، ونىمدىلىكتى جوعارىلاتۋ، ۇقساماعان تەكسەرۋ وبيەكتىلەرىنىڭ ناقتى احۋالىنا باعىتتاي وتىرىپ، تەكسەرۋ مازمۇنىن اشالاۋ، تەكسەرۋ ءتاسىلىن جاقسارتۋ، تەكسەرۋ ناتيجەسىنىڭ جالپى بەتتىك، وبيەكتيۆ، ءدال بولۋىنا كۇش سالۋ. ىسكە شەبەر تەكسەرۋشى قىزمەتكەرلەردى سايكەستى تاعايىنداپ، تەكسەرۋ، اڭگىمەلەسۋ قۇپيالىعى مەن سەرت الۋ جاۋاپكەرلىگىن ايقىنداپ، شىن ءسوزدى ايتاتىن راي قالىپتاستىرۋ، تەكسەرۋ ساپاسىن جوعارىلاتۋ. تەكسەرۋ وبيەكتىلەرىنىڭ تاريحى، وتباسىلىق قارىم - قاتىناسى، قوعامدىق ارتقى كورىنىسى سياقتى احۋالدارعا ساي، ماڭىزدى ارەكەت ەرەكشەلىكتەرىن مىقتى يگەرە وتىرىپ، جاعدايعا قانىق ادامدارمەن باعىتتامالى تۇردە اڭگىمەلەسۋ. تەكسەرۋ جانە جيىن تالقىسىنا سالۋ ۋاقىت پارقىن ۇيلەسىمدى رەتكە سالۋ، جۇرت رايىن تەكسەرۋ، ارناۋلى تەكسەرۋ، تەكسەرۋدى سوزۋ، ناقتى ورىندى ارالاۋ، وتباسىن ارالاۋ سياقتى ادىستەردەن پايدالانىپ، كادرلاردى جان - جاقتى، ىشكەرىلەي ۇعىسۋ. تەكسەرۋ وبيەكتىسىن اشىق جاريالاۋ جانە مىندەتكە تاعايىندالۋدان بۇرىنعى اشىق جاريالاۋ ءتاسىلىن جاقسارتىپ، اشىق جاريالاۋدىڭ مازمۇنىن، كولەمىن كەڭەيتۋ جانە اشىق جاريالاۋ ۋاقىتىن ۇزارتۋ جونىندە ىزدەنىس جاساپ، كادر، جۇرتشىلىقتىڭ باقىلاۋىن تولىق قابىلداۋ. تەكسەرۋ شارالارىن كۇشەيتۋ، كادرلار ارحيۆىن «ءسوزسىز، تەكسەرۋ»، جەكەنىڭ قاتىستى مالىمەتتەرىن «ءسوزسىز، سالىستىرۋ»، ءتارتىپ تەكسەرۋ، باقىلاۋ - تەكسەرۋ ورگانىنىڭ پىكىرىن «ءسوزسىز، تىڭداۋ»، ەرەجەگە، تارتىپكە قايشى ماسەلە دەرەكتەرى ناقتى بولعان، تەكسەرۋگە بولاتىن ارىز - ارمان مالىمدەۋلەرىن «ءسوزسىز، تەكسەرۋ». تەكسەرۋ وتكەلىن الدىن الا يگەرۋ، ۇسىنىستى دەرەۋ قاراۋ، سالىستىرۋعا تيىستىلەردى ەرتەرەك سالىستىرۋ. بايقالعان ماسەلەسى كادر ىستەتۋگە اسەر ەتسە تاڭداپ ءوسىرۋ، تاعايىنداۋ تارتىپتەرىن دەر كەزىندە توقتاتۋ؛ كۇدىكتى تۇيىندەرى ءالى تۇزەلمەگەن، ماسەلەسى انىقتالماعانداردى جيىن تالقىسىنا سالۋعا نەمەسە تاعايىنداۋعا بولمايدى. ماسەلەسى جونىندە كۇدىك - كۇمان بار، ءالى مىندەتكە تاعايىندالماعان كادرلار جونىنەن ەرەكشە جاۋاپكەر بولۋ تۇرعىسىندا، ماسەلەنى دەر كەزىندە ايقىنداۋ، قورىتىندى شىعارۋ، جالا جابىلعان، قارالانعان، قاستىق ىستەلگەن كادرلار جونىنەن اق − قارانى ايقىنداۋ، ابىرويىن قالپىنا كەلتىرۋ، ءوش الۋ، پالە جابۋ، زيانكەستىك ىستەۋ ارەكەتىنە قاتاڭ سوققى بەرۋ، قاتاڭ ءبىر جايلى ەتۋ. كاسىپتى باستى ورىنعا قويىپ، ءادىل دە تۋراشىل بولىپ، ستيلى قاتاڭ، جۇمىستى باتىل ىستەيتىن، قايسارلىقپەن العا باساتىن كادرلاردى قورعاپ، ءىس تىندىرۋدى ويلايتىن، قولىنان ءىس كەلەتىن، جاۋاپكەرشىلىكتى باتىلدىقپەن ارقالايتىن، ىسكە شوگەل كادرلاردى تۋى ايقىن تۇردە قولداپ شابىتتاندىرىپ، ولاردى باتىلدىقپەن ىستەتۋ.
التىنشى، جاۋاپكەرشىلىكتى قاتاڭ قۋزاستىرۋ. ۇيىمنىڭ باقىلاۋى مەن بۇقارانىڭ باقىلاۋ رولىن تولىق ساۋلەلەندىرىپ، كادرلاردى تاڭداپ ءوسىرۋ، تاعايىنداۋ قىزمەتىنىڭ ناقتى احۋالى سياقتى ءتۇرلى باقىلاۋ تۇزىمدەرىن مۇقيات تياناقتاندىرىپ، كادرلاردى تاڭداپ ءوسىرۋ، تاعايىنداۋ قىزمەتىن داعدىلى باقىلاۋدى، تەكسەرۋدى كۇشەيتۋ. «دىمكاس كادرلاردى ءوسىرۋدىڭ» قۋزاستىرۋ مەحانيزمىن ورناتىپ، كەمەلدەندىرىپ، پارتكومنىڭ (پارتيا باسشىلىق گرۋپپاسى) جانە ۇيىمداستىرۋ، كادرلار تاراۋلارىنىڭ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ قىزمەت جاۋاپكەرلىگى ۇقىعى شەگىنە قاراي، جاۋاپكەرشىلىكتى قۋزاستىرۋدى اتقارۋ. ۇسىنىس بەرۋ، دەموكراتيالىق جولمەن كورسەتۋ، تەكسەرۋ، تالقىعا سالىپ بەلگىلەۋ، مىندەتكە قويۋ سياقتى ءتۇرلى قىزمەت بۋىندارىنىڭ باستى قىزمەتتەرى مەن ماڭىزدى احۋالدارىن بىرتىندەپ تەكسەرۋ، قاتىستى جاۋاپكەرلىگى بارلاردىڭ جاۋاپكەرلىگىن ايقىنداۋ. كادرلار ساياسي ساپاسى، ءمورالدىق قاسيەتى، كىرشىكسىز، تارتىپشەڭ بولۋ سياقتى جاقتاردا ەرەجەگە، تارتىپكە قايشى كەلۋى سالدارىنان پايدالانۋعا اسەر ەتكەن جاعدايدا، باسشىلىق پارمەنسىز بولىپ، وتكەلدى قاتاڭ يگەرمەسە، باعالاۋ - تەكسەرۋ ءدال، انىقتاۋ مۇقيات بولماسا، ءتىپتى، قاساقانا شىندىقتى بۇركەمەلەسە، ادەيى وسىرسە، سول ارقىلى «دىمكاس كادرلاردى ءوسىرۋ» ماسەلەسىن تۋىنداتسا، قاتىستى بەلگىلەمەلەرگە ساي، ۇقساماعان جاعدايلاردى پارىقتاۋ نەگىزىندە پارتكومنىڭ (پارتيا باسشىلىق گرۋپپاسى)، ۇيىمداستىرۋ − كادرلار تاراۋلارىنىڭ، ءتارتىپ تەكسەرۋ، باقىلاۋ - تەكسەرۋ تاراۋلارىنىڭ، كادرلاردى تەكسەرۋ گرۋپپاسىنىڭ نەگىزگى جاۋاپتىلارى مەن قاتىستى باسشى كادرلارىنىڭ، سونداي - اق قاتىستى جاۋاپكەرشىلىگى بار ادامداردىڭ جاۋاپكەرشىلىگى قاتاڭ قۋزاستىرىلادى. «دىمكاس كادرلاردى ءوسىرۋ» جاعدايىمەن ناشار ىقپال تۋدىرسا، ارت - ارتىنان بايقاسا نەمەسە «دىمكاس كادرلاردى تاڭداپ ءوسىرۋ» جاعدايى كولەمدى بولسا، پارتكومنىڭ (پارتيا باسشىلىق گرۋپپاسىنىڭ) نەگىزگى جاۋاپتىلارىنىڭ جاۋاپكەرشىلىگىن قۋزاستىرۋ كەرەك. «دىمكاس كادرلاردى وسىرۋدەگى» تيپتىك مىسالداردى دەر كەزىندە حابارلاندىرۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
