- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق اسكەري ىستەر كوميتەتىنىڭ بىرىككەن قامداۋ اسكەري قوسىندارى قۇرىلدى
2016.09.18 14:02 كەلۋ قاينارى : شينجياڭ گازەتى
شينحۋا اگەنتتىگىنىڭ 13 - قىركۇيەكتە بەيجيڭنەن بەرگەن حابارى. ورتالىق اسكەري ىستەر كوميتەتىنىڭ بىرىككەن قامداۋ اسكەري قوسىندارىنىڭ قۇرىلۋ جينالىسى 13 - قىركۇيەكتە بەيجيڭدەگى 1 - تامىز عيماراتىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋحان بىرىككەن قامداۋ بازاسىنا جانە ۋشي، گۇيلين، شينيڭ، شىنياڭ، جىڭجوۋ بىرىككەن قامداۋ ورتالىقتارىنا اسكەري تۋ تاپسىرىپ جانە نۇسقاۋ بەرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بىرىككەن قامداۋ اسكەري قوسىنىنداعى بارلىق كوماندير - جاۋىنگەردى قىزۋ مەرەيمەن قۇتتىقتادى. ول مىنالاردى باسا دارىپتەدى: تاپسىرمانى ەسكە بەرىك ساقتاپ، اۋىر مىندەتتى تايسالماي ارقالاپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، جاڭا جاعدايداعى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ارميانىڭ ساياسي قۇرىلىسىن كۇشەيتۋدى، ارميانى رەفورما ارقىلى قۇدىرەتتەندىرۋدى جانە ارميانى زاڭمەن جونگە سالۋدى ىلگەرىلەتىپ، بىرلەسكەن شايقاس، بىرلەسكەن وقۋ - جاتتىعۋ، بىرلەسكەن قامداۋ تالابى بويىنشا اسكەري بولىمدەر قۇرىلىسىن جەدەلدەتىپ، قۇدىرەتتى، وسىزاماندانعان بىرىككەن قامداۋ كۇشتەرىن قۇرۋعا قۇلشىنۋ كەرەك.
جينالىس تۇستەن بۇرىن ساعات 10 دا باستالدى، كوماندير - جاۋىنگەرلەر رەتتى ساپقا تۇرىپ، بۇكىل زالداعىلار مەملەكەت گيمىنىن اسقاقتاتا شىرقادى. قۇرمەت قاراۋىلدارى اسكەري تۋلاردى كوتەرىپ، قۇرمەت قاداممەن ءتوراعالار مىنبەسىنىڭ قارسى الدىنا كەلىپ تۇردى. شي جينپيڭ اسكەري تۋلاردى ۋحان بىرىككەن قامداۋ بازاسىنىڭ قولباسشىسى لي شىشىڭ مەن ساياسي كوميسسارى يىن جىحۇڭعا جانە ۋشي، گۇيلين، شينيڭ، شىنياڭ، جىڭجوۋ بىرىككەن قامداۋ ورتالىقتارىنىڭ مەڭگەرۋشىلەرى مەن ساياسي كوميسسارلارىنا ءبىر - بىردەن تابىس ەتتى. ۋحان بىرىككەن قامداۋ بازاسى مەن بىرىككەن قامداۋ ورتالىقتارىنىڭ نەگىزگى باسشىلارى شي جينپيڭگە اسكەري سالەم بەرىپ، ونىڭ قولىنان اسكەري تۋدى تاپسىرىپ الدى جانە تۋدى ۇستاپ، قاسقايىپ تۇردى. بارلىق كوماندير - جاۋىنگەر اسكەري تۋعا سالتاناتپەن قۇرمەت ءبىلدىردى.
تۋ تاپسىرۋ سالتى اياقتاعاننان كەيىن، شي جينپيڭ نۇسقاۋ بەردى. ول مىنانى اتاپ كورسەتتى: بىرىككەن قامداۋ بازاسى مەن بىرىككەن قامداۋ ورتالىقتارىن قۇرۋ −− پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قورعانىس پەن ارميا رەفورماسىن جاپپاي تەرەڭدەتۋ جونىندە شىعارعان ماڭىزدى شەشىمى، ارميانىڭ باسشىلىق جانە جەتەكشىلىك ءتۇزىلىسى رەفورماسىن تەرەڭدەتىپ، ارميامىزدىڭ ەرەكشەلىگىنە ساي كەلەتىن وسى زامانعى بىرىككەن قامداۋ ءتۇزىلىسىن ورناتۋداعى ستراتەگيالىق شارا، بۇل ارميامىزدى دۇنيە جۇزىندەگى ماڭداي الدى ارميا رەتىندە قالىپتاستىرىپ، وسىزاماندانعان ءىشىنارالىق سوعىستاردا جەڭىسكە جەتۋدە ماڭىزدى ءارى تەرەڭ ءمان الادى.
شي جينپيڭ مىنانى باسا دارىپتەدى: بىرىككەن قامداۋ اسكەري بولىمدەرى − بىرىككەن قامداۋ مەن ستراتەگيالىق شايقاستاردا كومەك كورسەتىپ، قامتاماسىز ەتۋدىڭ نەگىزگى كۇشى، جۇڭگولىق ەرەكشەلىككە يە وسى زامانعى اسكەري كۇش جۇيەسىنىڭ ماڭىزدى قۇرامداس بولىگى. پارتيانىڭ مىزعىماس قولباسشىلىعىنا شارتسىز باعىنىپ، پارتيانىڭ ارمياعا مىزعىماس باسشىلىعىنا تاباندى بولىپ، مۇرات - سەنىمدى بەكەمدەپ، ساياسي تانىمدى، جالپى جاعداي تانىمىن، ۇيتقى تانىمىن جانە ساپ تۇزەۋ تانىمىن كۇشەيتىپ، تاڭداۋلى ءداستۇرلى اسقاقتاتىپ، ستيل قۇرىلىسىن نىعايتىپ، اسكەري بولىمدەردىڭ ستيلىن جاقسارتىپ، اسكەري ءبولىم قۇرىلىسىندا قاشاندا دۇرىس ساياسي بەتالىستان جازباۋ كەرەك. جەڭىستى سوعىس جۇرگىزۋگە نازار اۋدارىپ، جاۋىنگەر قوسىن يدەياسىن بەرىك ورناتىپ، جاۋىنگەرلىك ولشەمگە تاباندى بولىپ، اسكەري شايقاسقا ارتقى شەپ دايىندىعىن جاساۋدى تەرەڭدەتىپ، بىرلەسكەن شايقاس جۇيەسىنە جەدەل توعىسىپ، سوعىستىق وقۋ - جاتتىعۋدى بەلسەندى تۇردە قانات جايدىرىپ، ءبىر تۇلعالانعان بىرلەسكەن قامداۋ قابىلەتىن جوعارىلاتىپ، كەز كەلگەن ۋاقىتتا اتتانىسقا كەلۋگە، مايدانعا شىعۋعا، ويداعىداي قامداۋعا كەپىلدىك ەتۋ كەرەك. باتىلدىقپەن رەفورما جاساپ جانە جاڭالىق اشىپ، رەفورمانى بار كۇشپەن ىلگەرىلەتىپ، ءتۇزىلىس پەن مەحانيزمدى ساپالىلاندىرىپ، باسقارۋدىڭ عىلمي دەڭگەيىن كوتەرىپ، جوعارى ساپالى جاڭاشىل دارىندىلار دايىنداپ، اسكەري - حالىقتىق ىستەردىڭ تەرەڭ دەڭگەيدە توعىسا دامۋىن العا ىلگەرىلەتۋ كەرەك. ساپالى، ءونىمدى تۇردە قامتاماسىز ەتىپ، قىزمەت وتەۋ تانىمىن كۇشەيتىپ، قامداۋ ءتاسىلىن جاڭالاپ، ساياسات - تۇزىمدەردى قاتايتىپ، جابدىقتاۋ - قامداۋ جۇمىستارىن ويداعىداي جۇرگىزىپ، كوماندير - جاۋىنگەرلەرگە، جاۋىنگەرلىك قابىلەتكە جانە ارميا قۇرىلىسىنا قىزمەت ەتىپ، ارميانى قۇدىرەتتەندىرۋ مەن كوركەيتۋگە تىڭ، اناعۇرلىم زور ۇلەستەر قوسۋ كەرەك.
يىن جىحۇڭ بىرىككەن قامداۋ اسكەري قوسىندارى اتىنان ءسوز سويلەپ، ءتوراعا شي جينپيڭنىڭ نۇسقاۋىن باتىل دايەكتىلەندىرىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل بويسۇنىپ، قامداۋ مەن جەڭىسكە جەتۋدى مىقتاپ قامتاماسىز ەتىپ، مىندەت پەن جاۋاپكەرشىلىكتى ادالدىقپەن اتقارىپ، اسكەري قوسىندى باستاپ، پارتيا مەن حالىق جۇكتەگەن ءتۇرلى تاپسىرمانى ءساتتى ورىندايتىندىقتارىن ءبىلدىردى.
جينالىس ايبىندى ارميا انىمەن اياقتادى. ودان سوڭ، شي جينپيڭ ۋحان بىرىككەن قامداۋ بازاسى باسشىلىق القاسىنىڭ مۇشەلەرىن جانە بىرىككەن قامداۋ ورتالىقتارىنىڭ نەگىزگى باسشىلارىن قابىلدادى ءارى ولارمەن ەستەلىك سۋرەتكە ءتۇستى.
جينالىستا ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى فان چاڭلۇڭ شي جينپيڭ قول قويعان ورتالىق اسكەري ىستەر كوميتەتىنىڭ ۋحان بىرىككەن قامداۋ بازاسى مەن 5 بىرىككەن قامداۋ ورتالىعىن قۇرۋ جونىندەگى بۇيرىقتى، ۋحان بىرىككەن قامداۋ بازاسىنىڭ باسشىلىق القاسىنىڭ مۇشەلەرىن جانە بىرىككەن قامداۋ ورتالىقتارىنىڭ نەگىزگى باسشىلارىن قىزمەتكە تاعايىنداۋ جونىندەگى بۇيرىقتى وقىدى، جينالىستى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ باسقاردى.
ورتالىق اسكەري ىستەر كوميتەتىنىڭ مۇشەلەرى چاڭ ۋانچۋان، فاڭ فىڭحۇي، جاڭ ياڭ، جاۋ كىشى، جاڭ يۋشيا، ۋ شىڭلي، ما شياۋتيان، ۋي فىڭحى جينالىسقا قاتىناستى. ءىرى اسكەري ورىنداردىڭ نەگىزگى باسشىلارى، اسكەري ىستەر كوميتەتى ورگانى مەن تاراۋلارىنىڭ باسشىلارى جانە ارميا، اسكەر تۇرلەرى كوماندير - جاۋىنگەرلەرىنىڭ ۋاكىلدەرى جينالىسقا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
