- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ۆيەتنامنىڭ زۇڭليى رۋان چۇنفۋمەن كەزدەستى
2016.09.22 10:48 كەلۋ قاينارى : شينجياڭ گازەتى
شينحۋا اگەنتتىگىنىڭ 13 - قىركۇيەكتە بەيجيڭنەن بەرگەن حابارى. مەملەكەت ءتوراعاسى شي جينپيڭ 13 - قىركۇيەكتە حالىق سارايىندا ۆيەتنامنىڭ زۇڭليى رۋان چۇنفۋمەن كەزدەستى.
شي جينپيڭ رۋان چۇنفۋ زۇڭليدىڭ ەلىمىزگە ساپارلاي كەلگەنىن قارسى الاتىنىن بىلدىرە كەلىپ، ۆيەتنام كوممۋنيستىك پارتياسىنىڭ 12 - قۇرىلتايىن جانە ۆيەتنام پارلامەنتىنىڭ جاڭا كەزەكتى پارتيا، ۇكىمەت باسشىلىق القاسىنىڭ سايلانعانىن قۇتتىقتادى. شي جينپيڭ مىنالاردى اتاپ كورسەتتى: جۇڭگو دا، ۆيەتنام دا كوممۋنيستىك پارتيانىڭ باسشىلىعىنا جانە سوتسياليستىك تۇزىمگە تاباندى بولىپ كەلەدى. مىنە، بۇل ءبىزدىڭ ەڭ ۇلكەن ورتاق ستراتەگيالىق مۇددەمىز. قازىر جۇڭگو - ۆيەتنام قاتىناسى جاقسى بەتالىسپەن دامۋ جاعدايىن ساقتاۋدا. ەكى جاقتىڭ تىعىز سايكەسىپ، جوعارى جىكتەگىلەردىڭ بارىس - كەلىسىن ۇزبەي ساقتاپ، ستراتەگيالىق توعىسۋدى ىلگەرىلەتىپ، ءبىر - بىرىنە تيىمدىلىك جاساۋ سەلبەستىگىن تەرەڭدەتىپ، گۋمانيتارلىق اۋىس - كۇيىستى كۇشەيتىپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قاتىناسىن ۇزدىكسىز تىڭ ساتىعا كوتەرۋدى جەبەپ، ەكى ەل حالقىن ءتىپتى دە كوپ يگىلىككە كەنەلتۋىن ءۇمىت ەتەمىن.
شي جينپيڭ مىنالاردى باسا دارىپتەدى: جۇڭگو مەن ۆيەتنام تىزە قوسا قۇلشىنىپ، ەكى پارتيانىڭ، ەكى ەلدىڭ جوعارى جىكتەگىلەرىنىڭ ورتاق تانىمىن ويداعىداي تياناقتاندىرۋى، جوعارى جىكتەگىلەردىڭ ستراتەگيالىق كەڭەسى ارقىلى ەكى جاقتى قاتىناستىڭ دامۋ بەتالىسىنا جەتەكشىلىك ەتۋى كەرەك. ەكى جاق ءبىر - بىرىنە تيىمدىلىك جاساپ، بىردەي يگىلىككە كەنەلۋ رۋحىمەن ءتۇرلى سالاداعى سەلبەستىكتى ىلگەرىلەتۋگە تاباندى بولۋى كەرەك. جۇڭگو مەن ۆيەتنامنىڭ ەكى جاقتى سەلبەستىگىنە جەتەكشىلىك ەتۋ كوميتەتىنىڭ ءبىر تۇتاس جوسپارلاۋ، سايكەستىرۋ رولىن تولىق ساۋلەلەندىرىپ، «ءبىر بەلدەۋ، ءبىر جول» مەن «ەكى داليز، ءبىر شەڭبەر» دامۋ ستراتەگيالارىنىڭ ۇشتاسۋىن جەدەلدەتىپ، وندىرىستىك قۋات سەلبەستىگىنىڭ تىڭ تۇعىرىن ورناتىپ، نەگىزدىك قۇرىلعىلارداعى ءتۇيىندى سەلبەستىك نىساندارى مەن شەكارا اتتاعان ەكونوميكالىق سەلبەستىك رايونى قۇرىلىسىن جەدەل ىلگەرىلەتۋى قاجەت. ەكى جاق حالىقتى يگىلىككە كەنەلتۋگە تاباندى بولىپ، كوپتەپ ناقتى ىستەر ىستەپ، جۇڭگو - ۆيەتنام قاتىناسىن مىعىم حالىقتىق قولداۋعا يە ەتۋ، ەكى جاقتى قاتىناستىڭ قوعامدىق نەگىزىن بەكەمدەۋى ءتيىس. ەكى جاق نانحاي تەڭىزى ماسەلەسىن ەكى جاقتى كەڭەس ارقىلى لايىقتى شەشۋدەن جازباۋى كەرەك. ەكى جاق ۇكىمەتتەردىڭ شەكارا كەلىسسوزى سياقتى كەڭەس مەحانيزمدەرىنەن ويداعىداي پايدالانىپ، بەكبو شىعاناعىنىڭ سىرتىنداعى تەڭىز ايدىنىن بىرگە تەكسەرۋدىڭ سوڭعى قىزمەتىن بەلسەنە ىلگەرىلەتىپ، نانحاي تەڭىزىنىڭ ءتىپتى دە كوپ ايدىنىن بىرگە اشۋدا تەز ارادا ماندىك ىلگەرىلەۋشىلىككە قول جەتكىزۋدى جەبەپ، تەڭىز ماسەلەسىنەن تۋىنداعان سايىستاردى سەلبەستىك ورايىنا اينالدىرۋى قاجەت.
رۋان چۇنفۋ بىلاي دەدى: ۆيەتنام مەن جۇڭگو تاۋ - وزەنى ءبىر - بىرىنە تۇتاسقان تاتۋ كورشى ەلدەر. ۆيەتنام جۇڭگو كوممۋنيستىك پارتياسى مەن ۇكىمەتىنىڭ ۆيەتنامنىڭ ۇلت ازاتتىعى مەن سوتسياليستىك قۇرىلىس ىستەرىنە كورسەتكەن قولداۋى مەن كومەگىن ماڭگى ۇمىتپايدى جانە بۇعان العىس ايتادى. ۆيەتنام - جۇڭگو قاتىناسىن قاشاندا سىرتقى قاتىناستا ماڭداي الدى ورىنعا قويادى. جۇڭگومەن ساياسي جاقتاعى ءوزارا سەنىمدى ۇزبەي نىعايتىپ، ناقتى سەلبەستىكتەردى ىلگەرىلەتىپ، الاۋىزدىقتاردى ءونىمدى تۇردە مەڭگەرىپ، ۆيەتنام مەن جۇڭگونىڭ ءداستۇرلى دوستىعى مەن جان - جاقتى ستراتەگيالىق سەلبەستىك سەرىكتەستىك قاتىناسىنىڭ ورنىقتى، اقاۋسىز دامۋىن جەبەۋدى ءۇمىت ەتەمىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
