بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

لي كىچياڭ ا ق ش - تىڭ زۇڭتۇڭى وبامامەن كەزدەستى

2016.09.23 11:09     كەلۋ قاينارى : شينجياڭ گازەتى

  شينحۋا اگەنتتىگىنىڭ 19 - قىركۇيەكتە نيۋ - يوركتەن بەرگەن حابارى. مەملەكەتتىك كەڭەستىڭ زۇڭليى لي كىچياڭ جەرگىلىكتى ۋاقىت 19 - قىركۇيەك تۇستەن كەيىن نيۋ - يوركتە ا ق ش - تىڭ زۇڭتۇڭى وبامامەن كەزدەستى. ەكى جاق جۇڭگو - ا ق ش قاتىناسى جانە ورتاق كوڭىل ءبولىپ وتىرعان حالىقارالىق، وڭىرلىك كەلەلى ماسەلەلەر جونىندە كەڭ كولەمدە، ىشكەرىلەي پىكىر اۋىستىردى.

  لي كىچياڭ الدىمەن ءتوراعا شي جينپيڭنىڭ وباما زۇڭتۇڭعا دەگەن ىقىلاستى سالەمىن جەتكىزدى، لي كىچياڭ بىلاي دەدى: جۇڭگو مەن ا ق ش - تىڭ سەلبەستىكتى كۇشەيتۋى ەكى ەل حالقىنىڭ ءتۇبىرلى مۇددەسىنە ءارى حالىقارالىق قوعامنىڭ ورتاق تىلەگىنە ۇيلەسەدى. جۇڭگو ا ق ش - پەن ەكى ەلدىڭ ەكى جاقتى، وڭىرلىك جانە الەمدىك دەڭگەيدەگى ءار سالاداعى سەلبەستىگىن ونان ارى تەرەڭدەتىپ، ەكونوميكا - ساۋدا، ارميا، زاڭ اتقارۋ، ءادىليا، لاڭكەستىككە قارسى تۇرۋ، توراپ حاۋىپسىزدىگى، گۋمانيتار جانە جەرگىلىكتى ورىن سىندى ناقتى ىستەر سەلبەستىگىن كەڭەيتىپ، چاۋشيان تۇبەگى، كليمات وزگەرىسى سىندى كەلەلى حالىقارالىق ماسەلەلەردەگى سايكەستىكتى كۇشەيتىپ، 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋىندا قول جەتكىزگەن ءتۇرلى جەتىستىكتەرىنىڭ تياناقتانۋىن ىلگەرىلەتىپ، جۇڭگو - ا ق ش سەلبەستىگىنىڭ كەڭەستىك ءتارتىبىن، ەكى ەل قاتىناسىنىڭ باياندى، اقاۋسىز، ورنىقتى دامۋىن جەبەۋ جولىندا تىڭ قوزعاۋشى كۇش قوسۋدى قالايدى.

  لي كىچياڭ مىنالاردى اتاپ كورسەتتى: ەكونوميكا - ساۋدا سەلبەستىگى − ەكى ەل قاتىناسىنىڭ «بالاستى» جانە «دەمەۋشىسى». ەكى جاق جۇڭگو - ا ق ش ەلدەرىنىڭ قارجى قوسۋ كەلىسىمى تۋرالى كەلىسسوزىنىڭ ەرتەرەك جۇرگىزىلۋىن بىرگە ىلگەرىلەتىپ، ءبىر - ءبىرىنىڭ بازارىنا كىرۋىنە رۇقسات ەتۋ اياسىن كەڭەيتىپ، ءبىر - ءبىرىنىڭ كاسىپورىندارىن اناعۇرلىم جاقسى تيجارات ورتاسىمەن جانە سەلبەستىك جوباسىمەن قامداۋ كەرەك. ەكى جاق ەكونوميكا - ساۋداداعى كىربەڭدىكتى ۇتىمدى ءبىر جاقتى ەتىپ، ەكى ەلدىڭ ەكونوميكا - ساۋدا قاتىناسىنىڭ قاجەتسىز كەدەرگىلەرگە ۇشىراۋىنان ساقتانۋ كەرەك. ا ق ش - تىڭ جوعارى تەحنيكا ونىمدەرىن جۇڭگوعا ەكسپورت ەتۋ شەكتەمەسىن ازايتۋىن ءۇمىت ەتەمىز.

  لي كىچياڭ جۇڭگونىڭ تايۋان، شيزاڭ سياقتى ماسەلەلەردەگى پرينسيپتىك ۇستانىمىن قايتالاي دارىپتەپ، ا ق ش - تىڭ قاتىستى ماسەلەلەردى ۇيلەسىمدى ءبىر جاقتى ەتۋىن ءۇمىت ەتتى.

  وباما بىلاي دەدى: ا ق ش - جۇڭگو قاتىناسىنىڭ ورنىقتى بولۋى ەكى ەل جانە دۇنيە ءجۇزى جونىنەن ەرەكشە ماڭىزدى. ا ق ش ا ق ش - جۇڭگو قاتىناسىنىڭ پارمەندى، باياندى دامۋىن ءۇمىت ەتەدى، ەكى ەلدىڭ حالىقارالىق، وڭىرلىك ماسەلەلەردە ورىستەتكەن سەلبەستىكتەرىن القايدى.

  وباما مىنالاردى اتاپ كورسەتتى: ەكونوميكا قاتىناسى − ا ق ش - جۇڭگو قاتىناسىنىڭ ورنىقتىلىق فاكتورى. ا ق ش جۇڭگونىڭ رەفورما اياق الىسىن قولدايدى، ەكى جاقتى قارجى قوسۋ كەلىسىمى تۋرالى كەلىسسوزدەردىڭ بەلسەندى ىلگەرىلەۋشىلىكتەرگە قول جەتكىزۋىن ءۇمىت ەتەدى.

  وباما ا ق ش ۇكىمەتىنىڭ ءبىر جۇڭگو ساياساتىن اتقارۋدان جازبايتىندىعىن قايتالاي دارىپتەدى.

  چاۋشيان تۇبەگى ماسەلەسىنە ايالداعاندا، لي كىچياڭ جۇڭگونىڭ تۇبەكتى يادروسىزداندىرۋعا، تۇبەكتىڭ بەيبىتشىلىگىن، ورنىقتىلىعىن قورعاۋعا، تىلدەسۋ، كەڭەسۋ ارقىلى ماسەلەنى شەشۋگە باستان - اياق تاباندى بولاتىندىعىن ءبىلدىردى، حاۋىپسىزدىك القالار كەڭەسىنىڭ سولتۇستىك كورەيانىڭ تاياۋداعى يادرو سىناعىنا ونان ارى اڭىس بىلدىرگەندىگىن القادى، سونىمەن بىرگە، تاراپتاردىڭ جاعدايدى شيەلەنىستىرەتىن ارەكەتتەرگە بارۋىنان ساقتانۋىن ءۇمىت ەتىپ، ا ق ش - تىڭ وڭتۇستىك كورەياعا «ساد» جۇيەسىن ورنالاستىرۋىنا قارسى تۇراتىندىعىمىزدى ايتتى.

  حالىق اقشاسىنىڭ سىندىرىلىمى ماسەلەسىنە ايالداعاندا، لي كىچياڭ مىنانى باسا دارىپتەدى: جۇڭگونىڭ ەكونوميكالىق دامۋىنىڭ قۇلاشىن كەڭگە جايۋ مۇمكىندىگى بار، بۇل جاعىندا ورنىقتى جاقسارۋ جاعدايى كورىلە باستادى. حالىق اقشاسىندا ۇزدىكسىز قۇنسىزدانۋ نەگىزى ءومىر سۇرمەيدى، حالىق اقشاسىنىڭ سىندىرىلىمى الداعى جەردە ۇيلەسىمدى تەپە - تەڭدىك دەڭگەيدە نەگىزگى تۇراقتىلىقتى ساقتايدى.

  ەكى جاق تاعى باياندى دامۋ، بوسقىندار، بەيبىتشىلىكتى قورعاۋ سىندى الەمدىك ماسەلەلەر جونىندە پىكىر اۋىستىردى، ءجيى بارىس - كەلىستى ونان ارى ساقتاپ، ۇتىمدى سەلبەستىك ورىستەتىپ، حالىقارالىق قوعامدى ءتىپتى دە كوپ الەۋمەتتىك ونىمدەرمەن قامداۋعا قوسىلدى.

  كەلۋ قاينارى: شينجياڭ گازەتى

  
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.