- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ 35 - رەتكى توپتىق ۇيرەنۋىندە
سەلبەستىكتى كۇشەيتىپ، عالامدىق باسقارۋ جۇيەسىنىڭ وزگەرىسىن ىلگەرىلەتىپ، ادامزاتتىڭ بەيبىتشىلىك جانە دامۋ سىندى وسكەلەڭ ىستەرىن بىرگە جەبەۋدى باسا دارىپتەدى
2016.09.29 13:28 كەلۋ قاينارى : شينجياڭ گازەتى
شينحۋا اگەنتتىگىنىڭ 28 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 27 - قىركۇيەك كۇنى تۇستەن كەيىن 20 ەل توبىنا مۇشە ەلدەر باسشىلارىنىڭ باس قوسۋى جانە عالامدىق باسقارۋ جۇيەسىنىڭ وزگەرىسى اياسىندا 35 - رەت توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: حالىقارالىق كۇشتەردىڭ سالىستىرماسىنداعى قۇلدىراۋ مەن ورلەۋدىڭ وزگەرىسىنە جانە عالامدىق سيپات العان سىن - سىناقتاردىڭ بارعان سايىن كوبەيۋىنە بايلانىستى، عالامدىق باسقارۋدى كۇشەيتۋ، عالامدىق باسقارۋ جۇيەسىنىڭ وزگەرىسىن ىلگەرىلەتۋ ۇلكەن اۋقىمعا اينالىپ وتىر. ءبىز ورايدى يگەرىپ، جاعدايعا قاراي ىستەپ، حالىقارالىق ءتارتىپتىڭ اناعۇرلىم ادىلەتتى، ۇيلەسىمدى بەتالىسپەن دامۋىن ىلگەرىلەتىپ، ەلىمىزدىڭ جانە دامۋ ۇستىندەگى ەلدەردىڭ ورتاق مۇددەسىن اناعۇرلىم جاقسى قورعاپ، «قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا اناعۇرلىم ءتيىمدى سىرتقى شارتتار ازىرلەپ، ادامزاتتىڭ بەيبىتشىلىك جانە دامۋ سىىندى وسكەلەڭ ىستەرىن جەبەۋگە اناعۇرلىم زور ۇلەس قوسۋعا ءتيىسپىز.
سىرتقى ىستەر ينستيتۋتىنىڭ پروفەسسورى گاۋ في وسى ماسەلە جونىندە تۇسىنىك جاسادى ءارى ۇسىنىس - پىكىرلەرىن ورتاعا سالدى.
ج ك پ ورتالىق كوميتەتى ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى قاتىستى ماسەلەلەر جونىندە تالقى جۇرگىزدى.
شي جينپيڭ ۇيرەنۋدى باسقارعاندا ءسوز سويلەدى. ول مىنالاردى اتاپ كورسەتتى: پارتيانىڭ 18 - قۇرىلتايىنان بەرى، ءبىز ورايدى يگەرىپ، ىرىقتىلىقپەن جۇمىس جۇرگىزىپ، ب م ۇ ەرەجەسىنىڭ باستى ماقساتى مەن پرينسيپتەرىن وزەك ەتكەن حالىقارالىق ءتارتىپتى جانە جۇڭگو حالقىنىڭ زور ۇلتتىق قۇرباندىعىنىڭ بوداۋىنا كەلگەن دۇنيە جۇزىلىك 2 - سوعىس جەڭىسىنىڭ جەمىستەرىن باتىل قورعاپ، «ءبىر بەلدەۋ، ءبىر جول» دارىپتەمەسىن ورتاعا قويىپ، ازيا نەگىزدىك قۇرىلعىلارعا قارجى سالۋ بانكەسى سياقتى جاڭاشا كوپ جاقتى فينانس قۇرىلىمدارىنىڭ قۇرىلۋىنا باستاماشى بولىپ، حالىقارالىق اقشا قورى ۇيىمىنىڭ ۇلەس نورماسى جانە باسقارۋ مەحانيزمى رەفورماسىنىڭ ورىندالۋىن جەبەپ، تەڭىز - مۇحيت، پوليارلىق ءوڭىر، ينتەرنەت، سىرتقى كەڭىستىك، يادرولىق حاۋىپسىزدىك، جەمقورلىققا قارسى كۇرەس، كليمات وزگەرىسى سياقتى جاڭا سالالارداعى باسقارۋ ەرەجەلەرىن بەلگىلەۋگە بەلسەندى تۇردە ات سالىسىپ، عالامدىق باسقارۋ جۇيەسىندەگى ادىلەتسىز، ۇيلەسىمسىز ورنالاستىرۋلارعا رەفورما جاسالۋىن ىلگەرىلەتتىك.
شي جينپيڭ مىنالاردى باسا دارىپتەدى: جۋىقتا عانا اياقتاعان 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى − سوڭعى جىلدارى ەلىمىز باس بولىپ وتكىزگەن دارەجەسى ەڭ جوعارى، كولەمى ەڭ زور، ىقپالى ەڭ تەرەڭ حالىقارالىق باس قوسۋ. ءبىز كەڭەستىك تاقىرىپ پەن كەڭەستىك تارتىپتەر بەلگىلەۋدەگى ىرىقتىلىقتان پايدالانىپ، جارقىن تۇيىندەر ازىرلەپ، ەرەكشەلىكتى كورنەكتىلەندىرىپ، ايبىنىمىزدى ايگىلەپ، سالتاناتىمىزدى اسىرىپ، باس قوسۋدىڭ جاسامپازدىق، جەتەكشىلىك، مەحانيزمدىك سيپات العان جەتىستىكتەرگە جەتۋىنە باستاماشى بولىپ، الەمدىك ەكونوميكاعا ايقىن بەتالىس كورسەتۋ، عالامدىق دامۋعا قوزعاۋشى كۇش بەرۋ، حالىقارالىق سەلبەستىككە بەرىك نەگىز قالاۋ دەگەن تۇلعالىق نىسانامىزدى ىسكە اسىردىق. وسى رەتكى باس قوسۋدا، ءبىز ەلىمىزدىڭ عالامدىق ەكونوميكانى باسقارۋ تۋرالى ۇستانىمىن العاش رەت جان - جاقتى بايىمداپ، جاڭالىق اشۋدى العاش رەت وزەكتى ناتيجە رەتىندە كورسەتىپ، عالامدىق ماكرولىق ساياساتتاردى سايكەستىرۋدە دامۋ تاقىرىبىن العاش رەت كورنەكتى ورىنعا شىعارىپ، عالامدىق كوپ جاقتى قارجى قوسۋ ەرەجەسىنىڭ نەگىزگى جۇلگەسىن العاش رەت قالىپتاستىرىپ، كليمات وزگەرىسى جونىندە العاش رەت ءتوراعا مالىمدەمەسىن جاريالاپ، جاسىل فينانستى 20 ەل توبىنىڭ كەڭەستىك تاقىرىبىنا تۇڭعىش رەت ەنگىزىپ، 20 ەل توبىنىڭ دامۋ تاريحىنا جۇڭگونىڭ ايشىقتى ءىزىن قالدىردىق.
شي جينپيڭ مىنالاردى باسا دارىپتەدى: عالامدىق باسقارۋ ارناسى حالىقارالىق كۇشتەردىڭ سالىستىرماسىنا بايلانىستى، عالامدىق باسقارۋ جۇيەسىندەگى وزگەرىس حالىقارالىق كۇشتەر سالىستىرماسىنداعى وزگەرىستەردەن باستاۋ الادى. ءبىز ەكونوميكالىق دامۋدى وزەك ەتۋدەن جازباي، ءوز ءىسىمىزدى جاقسى ىستەۋگە كۇش شوعىرلاندىرىپ، حالىقارادا ءسوز بيلىگىن الۋ جانە ءىس تىندىرۋ قابىلەتىمىزدى ۇزدىكسىز نىعايتۋىمىز قاجەت. عالامدىق باسقارۋعا بەلسەندى تۇردە ات سالىسىپ، حالىقارالىق جاۋاپكەرشىلىگىمىزدى ىرىقتىلىقپەن ارقالاۋىمىز، دەگەنمەن، شاماعا قاراي شارىقتاپ، كورپەگە قاراي كوسىلۋىمىز كەرەك.
شي جينپيڭ مىنالاردى اتاپ كورسەتتى: ءداۋىردىڭ دامۋىنا ىلەسە، قازىرگى عالامدىق باسقارۋ جۇيەسىنىڭ ۇيلەسىمسىز تۇستارى بارعان سايىن كوبەيىپ، حالىقارالىق قوعامنىڭ عالامدىق باسقارۋ جۇيەسىن رەفورمالاۋ جونىندەگى تىلەگى بارعان سايىن كۇشەيىپ كەلەدى. عالامدىق باسقارۋ جۇيەسىنىڭ وزگەرىسىن ىلگەرىلەتۋ − حالىقارالىق قوعامعا ورتاق ءىس. ورتاق اقىلداسۋ، بىرگە قۇرۋ، تەڭ يگىلىكتەنۋ پرينسيبىنە تاباندى بولىپ، عالامدىق باسقارۋ جۇيەسىن وزگەرتۋ تۋرالى قۋاتتامالاردى تاراپتاردىڭ ورتاق تانىمىنا اينالدىرىپ، ءبىرىڭعاي ارەكەتكە كوشۋ كەرەك. دامۋ ۇستىندەگى ەلدەر اتىنان ءۇن قاتۋعا تاباندى بولىپ، دامۋ ۇستىندەگى ەلدەردىڭ ىنتىماعى مەن سەلبەستىگىن نىعايتۋ قاجەت.
شي جينپيڭ مىنالاردى باسا دارىپتەدى: ىستەۋگە بولاتىن ىستەردى، كەڭ كولەمدى ورتاق تانىمعا كەلگەن ىستەردى الدىمەن ىستەۋ كەرەك. كەزەكتە، حاڭجوۋداعى باس قوسۋدىڭ جەتىستىكتەرىن ۇلعايتىپ، 20 ەل توبىنىڭ عالامدىق ەكونوميكانى باسقارۋدىڭ باستى تۇعىرى رەتىندەگى رولىن بەكەمدەپ جانە ويداعىداي ساۋلەلەندىرىپ، 20 ەل توبىنىڭ باياندى باسقارۋ مەحانيزمىنە قاراي بۇرىلىس جاساۋىن ىلگەرىلەتۋ كەرەك. «ءبىر بەلدەۋ، ءبىر جول» قۇرىلىسىن ىشكەرىلەي جەبەپ، تاراپتاردىڭ جوبالارى مەن ستراتەگيالارىنىڭ ۇشتاسۋىن ىلگەرىلەتۋ كەرەك. شاڭحاي سەلبەستىك ۇيىمى اياسىنداعى سەلبەستىكتى تەرەڭدەتىپ، ازياداعى ءوزارا ىقپالداستىق جانە سەنىم شارالارى جونىندەگى كەڭەس، شىعىس ازيا باسشىلار باس قوسۋى، شىعىس وڭتۇستىك ازيا وداعىنىڭ وڭىرلىك تالقى مىنبەسى سياقتى مەحانيزمدەردىڭ قۇرىلىسىن نىعايتىپ، وڭىرلىك ەركىن ساۋدا جونىندەگى كەلىسسوزدەر قۇرىلىمىن بىرىكتىرۋ كەرەك. ينتەرنەت، پوليارلىق ءوڭىر، شىڭىراۋ تەڭىز، سىرتقى كەڭىستىك سياقتى جاڭا سالالارداعى ەرەجەلەردىڭ بەلگىلەنۋىنە ات سالىسۋدى جەدەلدەتىپ، وقۋ - اعارتۋ سالاسىنداعى بارىس - كەلىس، وركەنيەت جاعىنداعى تىلدەسۋ، ەكولوگيالىق قۇرىلىس سياقتى سالالارداعى سەلبەستىك مەحانيزمى مەن نىساندارعا قولداۋ تەبىنىن ارتتىرۋ كەرەك.
شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، ءبىز دۇرىس مۇددە كوزقاراسىن امالياتتا ايگىلەپ، سەلبەستىك پەن ءوزارا تيىمدىلىكتى وزەك ەتكەن جاڭاشا حالىقارالىق قاتىناستىڭ ورناۋىن جانە ادامزاتتىڭ تاعدىرلاس ورتاق تۇلعاسىنىڭ قالىپتاسۋىن ىلگەرىلەتىپ، كۇللى دۇنيەگە قانات جازعان سەرىكتەستىك قاتىناس جەلىسىن قۇرىپ، ورتاق، كەشەندى، سەلبەسىمدى، باياندى حاۋىپسىزدىك كوزقاراسىن دارىپتەدىك، ت.ب. وسى يدەيالاردى حالىقارالىق قوعام جاپپاي قارسى الدى. عالامدىق باسقارۋ جۇيەسىنىڭ وزگەرىسىن ىلگەرىلەتۋ جونىندەگى يدەيامىزدى حالىقارالىق قوعامعا ۇزدىكسىز ءتۇسىندىرىپ، قارسىلاسۋعا ەمەس، سەلبەسۋگە، ءبىر جاقتى تيىمدىلىككە ەمەس، ەكى جاقتى، كوپ جاقتى، ورتاق تيىمدىلىككە تاباندى بولىپ، ەڭ ۇلكەن ورتاق بولگىش ۇستىندە ۇزدىكسىز ىزدەنىپ، سەلبەستىك اياسىن كەڭەيتىپ، تاراپتاردى ورتاق تانىمعا كەلۋگە جەتەكتەپ، سايكەسۋ مەن سەلبەسۋدى كۇشەيتىپ، عالامدىق باسقارۋ جۇيەسىنىڭ وزگەرىسىن تىزە قوسا ىلگەرىلەتۋىمىز قاجەت.
شي جينپيڭ مىنالاردى باسا دارىپتەدى: ەلىمىزدىڭ عالامدىق باسقارۋعا ات سالىسۋ قابىلەتىن جوعارىلاتىپ، ەرەجە بەلگىلەۋ قابىلەتىن، كەڭەستىك تاقىرىپ دايىنداۋ قابىلەتىن، قوعامدىق پىكىر جانە ۇگىت - ءناسيحات قابىلەتىن، ءبىر تۇتاس سايكەستىرۋ قابىلەتىن كۇش سالا نىعايتۋ كەرەك. عالامدىق باسقارۋعا ات سالىسۋ پارتيا مەن مەملەكەتتىڭ باعىت - ساياساتتارىنا قانىق، مەملەكەتىمىزدىڭ جاعدايىن تۇسىنەتىن، الەمدىك كوز اياسى بار، شەتەل تىلدەرىنە جەتىك، حالىقارالىق ەرەجەلەردى جاقسى مەڭگەرگەن، حالىقارالىق كەلىسسوزدەرگە جۇيرىك مامان دارىندىلاردى قاجەت ەتەدى. عالامدىق باسقارۋ سالاسىنداعى دارىندىلار قوسىنىنىڭ قۇرىلىسىن كۇشەيتىپ، دارىندىلار تاپشىلىعىن شەشىپ، دارىندىلاردى ويداعىداي دايىنداپ، ەلىمىزدىڭ عالامدىق باسقارۋعا ات سالىسۋىن دارىندىلارمەن پارمەندى قامتاماسىز ەتۋ قاجەت.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
