- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«حۋ جينتاۋ ماقالالارىنان تاڭدامالىلاردى» ۇيرەنۋ جونىندەگى بايانداما ماجىلىسىندە سويلەنگەن ءسوز
(2016 - جىلى 29 - قىركۇيەك)
شي جينپيڭ
2016.10.09 14:58 كەلۋ قاينارى : شينجياڭ گازەتى
جولداستار:
پارتيا 18 – قۇرىلتايىنان كەيىن، پارتيا ورتالىق كوميتەتى «حۋ جينتاۋ ماقالالارىنان تاڭدامالىلاردى» رەداكسيالاپ باسپادان شىعارۋدى ۇيعاردى. قازىر وسى ماڭىزدى ەڭبەك ورتالىق حۇجات رەداكسيا القاسىنىڭ رەداكسيالاۋىنان ءوتىپ، باسپادان شىعارىلىپ، بۇكىل ەلدە تاراتىلدى. بۇل پارتيا مەن مەملەكەتتىڭ ساياسي ومىرىندەگى ءىرى ءىس. پارتيا ورتالىق كوميتەتى «<حۋ جينتاۋ ماقالالارىنان تاڭدامالىلاردى> ۇيرەنۋ جونىندەگى قاراردى» شىعاردى، جەر – جەر، تاراۋلار پارتيا ورتالىق كوميتەتىنىڭ تالابى بويىنشا، تياناقتاندىرۋدى شىنايى جاقسى يگەرۋ كەرەك.
حۋ جينتاۋ جولداس 1992 – جىلدان باستاپ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى مىندەتىن اتقارعان، پارتيا 16 – قۇرىلتايىنان 18 – قۇرىلتايىنا دەيىنگى 10 جىلدا پارتيا ورتالىق كوميتەتىنىڭ باس شۋجيى بولعان. «حۋ جينتاۋ ماقالالارىنان تاڭدامالىلار» حۋ جينتاۋ جولداس باس شۋجي بولعان پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، تىڭ باستامادا جۇڭگوشا سوتسياليزمنىڭ تاريحي بارىسىنا تاباندى بولىپ جانە ونى دامىتىپ، پارتيامىزدىڭ حالىققا سۇيەنىپ ءبىرسىپىرا كەلەلى سىن – سايىستاردى جەڭىپ، رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىن العا ىلگەرىلەتۋدە تىڭ دا كەسەك تابىستارعا قول جەتكىزۋدەگى قىمباتتى تاجىريبەلەرىن عىلمي قورىتىندىلاپ، پارتيامىزدىڭ ماركسيزم – لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋدەن جازباي، ماركسيزمنىڭ نەگىزگى قاعيداسىنا تاباندى بولۋدى زامانىمىزداعى جۇڭگونىڭ ءىس جۇزىندىگىمەن جانە داۋىرلىك ەرەكشەلىگىمەن ءوزارا ۇشتاستىرۋ ارقىلى جاسامپازدىقپەن العا قويعان كەلەلى نازاريالىق تابىسىن شوعىرلى تۇردە بەينەلەگەن.
جاڭا عاسىردىڭ جاڭا كەزەڭىنە كەلگەندە، حالىقارالىق جاعدايدا الماعايىپ وزگەرىستەر تۋىلىپ، جالپىلىق مەملەكەت قۋاتى باسەكەسى بۇرىن بولماعان دەڭگەيدە شيەلەنىستى. دۇنيە ءجۇزى اۋقىمىنىڭ، مەملەكەت جاعدايىنىڭ، پارتيا جاعدايىنىڭ تەرەڭ وزگەرىسى الدىندا، پارتيا 16 – قۇرىلتايى «وسى عاسىردىڭ العاشقى 20 جىلى ەلىمىز ءۇشىن، ءسوز جوق، مىقتى يگەرۋگە ءتيىستى جانە ۇلكەن ىستەر تىندىرۋعا بولاتىن ماڭىزدى ستراتەگيالىق وراي مەزگىلى» دەيتىن ماڭىزدى تۇجىرىم جاسادى. پارتيانىڭ 16 – قۇرىلتايىنان پارتيانىڭ 18 – قۇرىلتايىنا دەيىنگى 10 جىلدا حۋ جينتاۋ جولداس باس شۋجي بولعان پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، جۇڭگوشا سوتسياليزم ۇلى تۋىن بيىك ۇستاپ، پارتيانىڭ نەگىزگى لۋشيانىنا بۇلجىماي تاباندى بولىپ، كۇردەلى دە قۇبىلمالى حالىقارالىق جاعدايدى جىعا تانىپ، ەلىمىز دامۋىنىڭ كەزەڭدىك ەرەكشەلىگىن ءداپ باسىپ ءدال يگەرىپ، ەلىمىز دامۋىنىڭ ماڭىزدى ستراتەگيالىق وراي مەزگىلىن مىقتاپ يگەرىپ جانە ودان ويداعىداي پايدالانىپ، رەفورما جاساۋدى، ەسىك اشۋدى تىنباي تەرەڭدەتىپ، دامۋ اياق الىسىن جەدەلدەتىپ، العا باسۋ جولىندا ءبىرسىپىرا كەلەلى سىن – سايىستاردى جەڭىپ، ءبىرسىپىرا تىڭ دا تاريحي تابىستارعا قول جەتكىزىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالاپ، جۇڭگوشا سوتسياليزمدى تىڭ دامۋ ساتىسىنا كوتەردى.
وسى 10 جىلدا پارتيامىز حالىققا باسشىلىق ەتىپ، توسىن تۋىلعان سارس ىندەتىن جەڭىپ، ۋىنچۋان ەرەكشە اۋىر ءزىلزالاسى سياقتى اۋىر تابيعي اپاتتارعا توتەپ بەرۋدىڭ جانە اپاتتان كەيىنگى قالپىنا كەلتىرۋ، قايتا قۇرۋدىڭ زور جەڭىسىنە قول جەتكىزدى، كەڭىنەن شارپىعان حالىقارالىق فينانس داعدارىسىنىڭ سوققىسىنا ءونىمدى توتەپ بەرىپ، ەكونوميكانىڭ ورنىعىپ، قايتا ورلەۋىن دۇنيە ءجۇزى بويىنشا الدىمەن ىسكە اسىرىپ، ءبىرقاتار ماڭىزدى توسىن وقيعالاردى ۇيلەسىمدى ءبىر جاقتى ەتىپ، مەملەكەتتىڭ حاۋىپسىزدىگى مەن قوعامنىڭ جاراسىمدىلىعىن، ورنىقتىلىعىن قورعادى.
وسى 10 جىلدا ءبىز بەيجيڭ وليمپياداسىن، مۇگەدەكتەر وليمپياداسىن جانە شاڭحاي الەمدىك كورمەسىن ءساتتى وتكىزىپ، بۇكىل دۇنيە جۇزىنە جۇڭحۋا ۇلتىنىڭ نەشە مىڭ جىلدىق شۇعىلالى وركەنيەتىن، جاڭا جۇڭگو قۇرىلعان نەشە ون جىلداعى ۇلى تابىستاردى، ەلىمىز حالقىنىڭ ورشەلەنە ورگە ۇمتىلعان رۋحاني بەينەسىن ايگىلەدىك.
وسى 10 جىلدا ەلىمىز ەكونوميكاسىنىڭ جالپى مولشەرى دۇنيە ءجۇزى بويىنشا 2 – ورىنعا كوتەرىلىپ، قوعامدىق وندىرگىش كۇش، ەكونوميكالىق قۋات، عىلىم – تەحنيكالىق قۋات تاعى ءبىر بيىك ساتىعا كوتەرىلىپ، حالىقتىڭ تۇرمىس دەڭگەيى، تۇرعىنداردىڭ كىرىس دەڭگەيى، قوعامدىق قامتاماسىز ەتۋ دەڭگەيى تاعى ءبىر بيىك ساتىعا كوتەرىلىپ، جالپىلىق مەملەكەت قۋاتى، حالىقارالىق باسەكەلىك قۋات، حالىقارالىق ىقپالى تاعى ءبىر بيىك ساتىعا كوتەرىلىپ، مەملەكەتتىڭ بەت – بەينەسىندە جاڭا، تاريحي وزگەرىس جارىققا شىقتى.
وسى 10 جىلدا قول جەتكىزگەن تابىستار پارتيانىڭ پارمەندى باسشىلىعىنىڭ ارقاسى، پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى باعدارلاماسىنىڭ، نەگىزگى تاجىريبەسىنىڭ دۇرىس جەتەكشىلىگىنىڭ ارقاسى، جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقاننان كەيىن قالانعان مىعىم نەگىزدىڭ ارقاسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ارقاسى. حۋ جينتاۋ جولداس باس شۋجي بولعان پارتيا ورتالىق كوميتەتى زامانا اۋقىمىن باعامداپ، ەل ءىشى جانە حالىقارالىق سىندى 2 ۇلكەن جاعدايدى يگەرىپ، پارتيا مەن مەملەكەتتىڭ ءار جاقتاعى، ءار شەپتەگى قىزمەتتەرىن ءبىر تۇتاس جوسپارلاپ، سايكەستىرىپ، پارتيانىڭ نازارياسى مەن لۋشيان، باعىت، ساياساتتارىن باتىل تياناقتاندىرىپ، كورنەكتى باسشىلىق رول اتقاردى.
حۋ جينتاۋ جولداس ماركستىك ساياساتكەر رەتىندەگى كورەگەندىكپەن، بىلىكتىلىكپەن، پارتيا ورتالىعى باسشىلىق كوللەكتيۆى مەن بۇكىل پارتياداعى جولداستارعا بەرىك سۇيەنىپ، جالپى جاعدايدى يگەرىپ، زامانا اۋقىمىن باعامداپ، جۇرەك قانىن سارقىپ، بار پەيىلىن سالىپ، جۇڭگوشا سوتسياليزمگە تاباندى بولۋ جانە ونى دامىتۋ ءۇشىن ەرەن ۇلەس قوستى. حۋ جينتاۋ جولداس يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ىستەر ىستەۋگە تاباندى بولىپ، امالياتتى باتىلدىقپەن ىلگەرىلەتۋ نەگىزىندە نازارياعا جاڭالىق ەنگىزىپ، بۇكىل پارتيانىڭ اقىل – پاراساتىن شوعىرلاندىرىپ، دىڭ شياۋپيڭ نازارياسىندا، «ۇشكە ۋاكىلدىك ەتۋ» ماڭىزدى يدەياسىندا تاباندى بولىپ جانە ونى بايىتىپ، عىلمي دامۋ كوزقاراسىن قالىپتاستىرىپ جانە ونى دايەكتىلەندىرىپ، سوتسياليزم دەگەن نە، سوتسياليزمدى قالاي قۇرامىز جانە قانداي پارتيا قۇرامىز، پارتيانى قالاي قۇرامىز دەگەن ماسەلەلەرگە ىشكەرىلەي جاۋاپ بەرىپ، جاڭا جاعدايدا قانداي دامۋدى جۇزەگە اسىرۋ، قالاي دامۋ سياقتى ماڭىزدى ماسەلەلەرگە جاسامپازدىقپەن جاۋاپ بەرىپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋ جاقتارىن قامتىعان جۇيەلى عىلمي نازاريا قالىپتاستىرىپ، پارتيامىزدىڭ جەتەكشى يدەيادا تاعى ءبىر رەت داۋىرمەن بىرگە العا باسۋىن جۇزەگە اسىرىپ، قازىرگى زامانعى جۇڭگو ماركسيزمى دامۋىنىڭ جاڭا ءورىسىن اشتى.
پارتيا مەن حالىق ىستەرىنىڭ دامۋى بۇرىنعىعا مۇراگەرلىك ەتىپ، جاڭالىق اشاتىن، بۇرىنعىلاردىڭ ىزىمەن بولاشاققا جول تارتاتىن تاريحي بارىس. «ماۋ زىدۇڭ تاڭدامالى شىعارمالارى»، «دىڭ شياۋپيڭ ماقالالارىنان تاڭدامالىلار»، «جياڭ زىمين ماقالالارىنان تاڭدامالىلار» سياقتى «حۋ جينتاۋ ماقالالارىنان تاڭدامالىلار» دا پارتيامىزدىڭ حالىققا باسشىلىق ەتۋ بارىسىنداعى ۇلى امالياتى مەن وسى اماليات بارىسىندا جارىققا شىعارعان تابىستى تاجىريبەلەرىن قورىتىندىلاپ، جۇيەلى، ماڭىزدى وقۋلىقپەن قامداپ بەرىپ وتىر، ول بۇكىل پارتيامىزدىڭ، بۇكىل ەلىمىزدەگى ءار ۇلت حالقىنىڭ بەرىك سەنىممەن جۇڭگوشا سوتسياليزم جولىمەن ۇدەرە العا تارتۋىندا اسا ماڭىزدى مانگە يە. جولداستار!
پارتيامىز نازاريالىق جەتەكشىلىككە ايرىقشا ءمان بەرەتىن جانە اماليات بارىسىندا نازارياعا جاڭالىق ەنگىزۋدى ۇزدىكسىز ىلگەرىلەتەتىن ماركستىك ساياسي پارتيا. قۇرىلعان 95 جىلدان بەرى، پارتيامىز ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، ماۋ زىدۇڭ يدەياسىن قالىپتاستىردى جانە دىڭ شياۋپىڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى سياقتىلاردى قامتىعان جۇڭگوشا سوتسياليستىك نازاريا جۇيەسىن قالىپتاستىردى.
عىلمي دامۋ كوزقاراسى ماركسيزمنىڭ قازىرگى زامانعى جۇڭگونىڭ ءىس جۇزىندىگىمەن جانە داۋىرلىك ەرەكشەلىگىمەن ءوزارا ۇشتاسۋىنىڭ تۋىندىسى، ماركسيزمنىڭ دامۋ جونىندەگى دۇنيەگە كوزقاراسى مەن مەتودولوگياسىنىڭ شوعىرلى بەينەسى، ول پارتيامىزدىڭ جۇڭگوشا سوتسياليزمنىڭ زاڭدىلىعى جونىندەگى تانىمىن تىڭ دەڭگەيگە كوتەردى. عىلمي دامۋ كوزقاراسىندا، دامۋ ءبىرىنشى ماڭىزدى ءمان، ادامدى نەگىز ەتۋ ۇيتقىلىق مايدان، جان – جاقتى، سايكەستى، باياندى بولۋ نەگىزگى تالاپ، ءبىر تۇتاس جوسپارلاپ، ءار جاقتى قامتۋ ءتۇبىرلى ءادىس. پارتيامىز عىلمي دامۋ كوزقاراسىنىڭ تالابى بويىنشا، جۇڭگوشا سوتسياليزم قۇرىلىسىن العا ىلگەرىلەتۋ بارىسىندا ءبىرسىپىرا نازاريالىق تابىستارعا قول جەتكىزدى، اسىرەسە، رەفورما جاساۋ، ەسىك اشۋدى ىلگەرىلەتۋ، سوتسياليستىك بازار شارۋاشىلىعى ءتۇزىلىسىن كەمەلدەندىرۋ، سوتسياليستىك مادەنيەتتىڭ قارىشتاپ دامۋىن، قاۋىرت كوركەيۋىن ىلگەرىلەتۋ، سوتسياليستىك جاراسىمدى قوعام قۇرۋ، ەكولوگيالىق وركەنيەت قۇرىلىسىن جەدەلدەتۋ، جاراسىمدى الەم قۇرۋدى ىلگەرىلەتۋ، دارىندى ارقىلى مەملەكەتتى قۇدىرەتتەندىرۋ ستراتەگياسىن اتقارۋ، پارتيانىڭ بيلىك جۇرگىزۋ قابىلەتى قۇرىلىسىن جانە العاباسارلىق قۇرىلىسىن كۇشەيتۋ سياقتى جاقتاردا ءبىرسىپىرا كەلەلى ستراتەگيالىق يدەيالار ورتاعا قويدى. ماۋ زىدۇڭ يدەياسى، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى سياقتى عىلمي دامۋ كوزقاراسى دا پارتيامىزدىڭ جەتەكشى يدەياسىنىڭ ماڭىزدى قۇرامداس بولەگى، وعان، ءسوز جوق، ۇزاق ۋاقىت تاباندى بولۋ، ونى مۇقيات دايەكتىلەندىرۋ كەرەك.
جۇڭگوشا سوتسياليزم تاجىريبەلەردى ۇزدىكسىز قورىتىندىلاۋ، زاڭدىلىقتار جونىندە ىزدەنىس جاساۋ بارىسىندا ءورىس اشادى جانە ىلگەرىلەيدى. ماۋ زىدۇڭ جولداستى ۇيتقى ەتكەن پارتيانىڭ 1 – بۋىن باسشىلىق كوللەكتيۆىنىڭ ىزدەنىسى مەن امالياتى زامانىمىزداعى جۇڭگونىڭ بارلىق دامۋى مەن العا باسۋى ءۇشىن ءتۇبىرلى ساياسي شارت جانە تۇزىمدىك نەگىز ازىرلەپ، جۇڭگوشا سوتسياليزمدى جاراتۋعا قىمباتتى تاجىريبە، نازاريالىق دايىندىق، ماتەريالدىق نەگىز ۇسىندى. دىڭ شياۋپيڭ جولداستى ۇيتقى ەتكەن پارتيانىڭ 2 – بۋىن باسشىلىق كوللەكتيۆىنىڭ ىزدەنىسى مەن امالياتى پارتيا مەن مەملەكەت قىزمەت وزەگىنىڭ اۋىسۋىن جۇزەگە اسىرىپ، رەفورما جاساۋ، ەسىك اشۋدىڭ تىڭ جورىعىن اشىپ، سوتسياليزمنىڭ العاشقى ساتىسىنداعى نەگىزگى لۋشياندى ايقىنداپ، جۇڭگوشا سوتسياليزمدى ءساتتى جاراتتى. جياڭ زىمين جولداستى ۇيتقى ەتكەن پارتيانىڭ 3 – بۋىن باسشىلىق كوللەكتيۆىنىڭ ىزدەنىسى مەن امالياتى جۇڭگوشا سوتسياليزمدى باتىل قورعاپ، سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن ايقىنداپ، پارتيا قۇرىلىسىنىڭ جاڭا، ۇلى ينجەنەرياسىن جاپپاي ىلگەرىلەتىپ، جۇڭگوشا سوتسياليزمدى ءساتتى تۇردە 21 – عاسىرعا جەتكىزدى.
حۋ جينتاۋ جولداس باس شۋجي بولعان پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ تاقىرىبىن تىعىز ارقاۋ ەتىپ، ەل ءىشى – سىرتى جاعدايىنا عىلمي تۇجىرىم جاساپ، جاڭا جاعدايدى ۇزدىكسىز زەرتتەپ، جاڭا ماسەلەلەردى شەشىپ، سوتسياليستىك ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ىلگەرىلەتۋ، مەملەكەت قورعانىسى مەن ارميا قۇرىلىسىن كۇشەيتۋ، «ءبىر ەل، ەكى ءتۇزىم» امالياتى مەن وتاننىڭ بەيبىت بىرلىككە كەلۋ ۇلى ءىسىن ىلگەرىلەتۋ، دۇنيە ءجۇزىنىڭ بەيبىت دامۋىن جەبەۋ، پارتيا قۇرىلىسىن ىلگەرىلەتۋ سياقتى ءار جاقتا تىڭ ىزدەنىس جاساپ، مول تاجىريبە توپتادى. وسىنىڭ الدىندا پارتيامىز قورىتىندىلاعان، ايقىنداعان نەگىزگى نازاريا، نەگىزگى لۋشيان، نەگىزگى باعدارلاما نەگىزىندە، پارتيا 17 – قۇرىلتايى رەفورما جاساۋ، ەسىك اشۋدى ىلگەرىلەتۋدە «ون ۇشتاستىرۋدىڭ» نەگىزگى تاجىريبەسىن شوعىرلى تۇردە جيناقتادى، پارتيانىڭ 18 – قۇرىلتايى 8 جاقتاعى نەگىزگى تالاپتى ايقىن ورتاعا قويدى، سونداي – اق جۇڭگوشا سوتسياليزم جولى، جۇڭگوشا سوتسياليزمنىڭ نازاريالىق جۇيەسى، جۇڭگوشا سوتسياليستىك ءتۇزىم پارتيا مەن حالىقتىڭ كۇرەس جۇرگىزگەن، قالىپتاستىرعان، جيناعان ءتۇبىرلى تابىسى ەكەنىن، ونى، ءسوز جوق، ەسەلەپ قاستەرلەپ، وعان قاشاندا تاباندى بولىپ، ونى ۇزدىكسىز دامىتۋ كەرەكتىگىن كورنەكتى تۇردە باسا دارىپتەدى. اماليات مىنانى دالەلدەدى: پارتيامىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمى ۇزدىكسىز تەرەڭدەپ، جۇڭگوشا سوتسياليزمگە تاباندى بولۋعا جانە ونى دامىتۋعا ۇزدىكسىز عىلمي نازاريالىق جەتەكشىلىك ازىرلەدى.
جۇڭگوشا سوتسياليستىك جولعا، نازارياعا، تۇزىمگە، مادەنيەتكە سەنىمدى بەكەمدەپ، جۇڭگوشا سوتسياليزمنىڭ جاڭا جەڭىستەرىنە تىنباي قول جەتكىزۋ زامانىمىزداعى جۇڭگو كوممۋنيستەرىنىڭ ەڭ وزەكتى بورىشى. «حۋ جينتاۋ ماقالالارىنان تاڭدامالىلاردىڭ» جاڭا عاسىرداعى، جاڭا ساتىداعى پارتيا مەن مەملەكەت ىستەرىنىڭ دامۋ تاجىريبەسىن قورىتىندىلاۋى بۇكىل پارتيانىڭ كوپتەگەن جاڭا تاريحي ەرەكشەلىككە يە ۇلى كۇرەستەردى ءتىپتى دە جاقسى جۇرگىزىپ، جۇڭگوشا سوتسياليزم ۇلى ءىسىنىڭ جاڭا جاعدايىن ۇزدىكسىز اشۋ جونىنەن ايرىقشا كەلەلى مانگە يە. جولداستار!
«حۋ جينتاۋ ماقالالارىنان تاڭدامالىلاردى» ۇيرەنۋ قازىر جانە بۇدان بىلايعى ءبىر مەزگىلدە پارتيامىزدىڭ يدەيا، ساياسي قۇرىلىسى مەن پارتيا مۇشەلەرىنىڭ، كادرلاردىڭ نازاريالىق ۇيرەنۋ تاربيەسىنىڭ ماڭىزدى مىندەتى. ءار دارەجەلى پارتكومدار )پارتيا باسشىلىق گرۋپپاسى( ۇيرەنۋگە ۇيىمدىق باسشىلىقتى شىن مانىندە كۇشەيتىپ، ۇيرەنۋدى، ۇگىتتەۋدى، زەرتتەۋدى ءوزارا ۇشتاستىرۋدان جازباي، مۇقيات، ەگجەي – تەگجەيلى ورنالاستىرىپ، تياناقتاندىرۋدى كۇشەيتىپ، ۇيرەنۋدە ناقتى ونىمدىلىككە قول جەتكىزۋگە شىنايى كەپىلدىك ەتىپ، ۇيرەنۋ ارقىلى پارتيا مەن مەملەكەتتىڭ ءتۇرلى قىزمەتىن ونان ارى جاقسى ىستەۋى كەرەك.
دامۋ جۇڭگوشا سوتسياليزمگە تاباندى بولۋدا جانە ونى دامىتۋدا شەشۋشى ماڭىز الادى. دىڭ شياۋپيڭ جولداس «ءبىزدىڭ توڭكەرىسىمىزدىڭ ماقساتى وندىرگىش كۇشتەردى ازات ەتۋ، وندىرگىش كۇشتەردى دامىتۋ. وندىرگىش كۇشتەردىڭ دامۋىنان، مەملەكەتتىڭ قۇدىرەتتەنۋىنەن، حالىق تۇرمىسىنىڭ جاقسارۋىنان قول ۇزسە، توڭكەرىس بوس سوزگە اينالادى» دەپ باسا دارىپتەدى. جياڭ زىمين جولداس «پارتيامىز جۇڭگو سىندى ەكونوميكاسى مەن مادەنيەتى مەشەۋ دامۋ ۇستىندەگى ءىرى ەلدە حالىققا باسشىلىق ەتىپ، وسىزامانداندىرۋ قۇرىلىسىن جۇرگىزگەندە، دامۋ ماسەلەسىن ويداعىداي شەشە الا ما، جوق پا، بۇل حالىقتىڭ قولداۋ – قولداماۋىنا، ىستەرىمىزدىڭ وركەندەۋ – قۇلدىراۋىنا تىكە قاتىستى» دەپ اتاپ كورسەتتى. حۋ جينتاۋ جولداس «عىلمي دامۋ كوزقاراسى دامۋعا جەتەكشىلىك ەتەتىن عىلمي يدەيا. تەك شىندىققا جۇگىنىپ، ناقتى ىستەر ىستەپ، زاڭدىلىقتاردى تانىپ، قاعيدالاردى پايىمداعاندا عانا، ونىڭ وزەكتى ءمانىن يگەرۋگە بولادى. ءار دارەجەلى باسشى كادرلار عىلمي دامۋ كوزقاراسىنىڭ نازاريالىق نەگىزى، تەرەڭ مازمۇنى، نەگىزگى تالاپتارى، جەتەكشى ءمانى جونىندەگى تانىمدى ۇزبەي تەرەڭدەتىپ، عىلمي دامۋ كوزقاراسىنىڭ تياناقتانۋىنا كەدەرگى بولاتىن كوزقاراس اتاۋلىنى باتىل تالقانداپ، عىلمي دامۋ كوزقاراسىنىڭ ارناسىنان اۋىتقىعان ارەكەت اتاۋلىنى باتىل تۇزەتىپ، يدەيالىق ءادىستى عىلمي دامۋ كوزقاراسىنىڭ تالاپتارىنا اۋدارۋ كەرەك» دەدى. ءبىز عىلمي دامۋ كوزقاراسىنىڭ عىلمي ءمانىن، رۋحي مايەگىن، ءتۇبىرلى تالابىن جەتە يگەرىپ، جاڭا جاعدايمەن ۇشتاستىرىپ، دامۋداعى قيىن تۇيىندەردە قامال الىپ، دامۋداعى باسىمدىلىقتاردى جەتىلدىرىپ، ەلىمىز دامۋىنىڭ تىڭ ءورىسىن تىنباي اشۋىمىز كەرەك.
پارتيا 18 – كەزەكتى ورتالىق كوميتەتىنىڭ بەسىنشى جالپى ماجىلىسىندە، حالىقارادا جانە ەل ىشىندە جارىققا شىققان جاڭا جاعدايلار تۇرعىسىنان، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسى ورتاعا قويىلدى، بۇل عىلمي دامۋ كوزقاراسىمەن تامىرلاس، پارتيامىزدىڭ دامۋ زاڭدىلىعى جونىندەگى جاڭا تانىمىنىڭ ايگىسى. ءبىز ەلىمىزدىڭ ءالى دە سوتسياليزمنىڭ العاشقى ساتىسىندا تۇرعانى جانە ۇزاق ۋاقىت تۇراتىنى سىندى نەگىزگى مەملەكەت جاعدايىن جەتە تانىپ، دامۋدىڭ داۋ جۇرمەس قاعيدا ەكەنىن، دامۋدىڭ، ءسوز جوق، عىلمي دامۋ بولۋعا ءتيىس ەكەنىن قاشاندا ەسكە بەرىك ساقتاپ، جۇڭگوشا سوتسياليزم ىستەرىنىڭ جالپىلىق ورنالاستىرۋىن مىقتاپ يگەرىپ، دامۋ بارىسىنداعى كەلەلى قاتىناستاردى دۇرىس شەشىپ، ەكونوميكالىق قۇرىلىستى وزەك ەتۋدەن جازباي، ەكونوميكانىڭ دامۋ تاسىلىنە جەدەل بۇرىلىس جاساپ، قامداۋ جاعىنداعى قۇرىلىمدىق رەفورمانى جەدەل ىلگەرىلەتىپ، ءوندىرىس دامىعان، تۇرمىس شالقىعان، ەكولوگيا جاقسارعان وركەنيەتتى دامۋ جولىنا تاباندى بولىپ، ءتىپتى ساپالى، ءتىپتى ءتيىمدى، ءتىپتى ادىلەتتى، ءتىپتى باياندى دامۋدى ىسكە اسىرۋعا قۇلشىنۋىمىز كەرەك.
«حۋ جينتاۋ ماقالالارىنان تاڭدامالىلاردى» ۇيرەنگەندە، جاڭا دامۋ يدەياسىن ويداعىداي دايەكتىلەندىرۋ، تياناقتاندىرۋمەن تىعىز ۇشتاستىرىپ، دامۋعا عىلمي تانىمدى دامۋدى ىلگەرىلەتۋدىڭ دۇرىس وي جۇلگەسىنە، ءتۇرلى قىزمەتتى جەبەۋدىڭ ناقتىلى قابىلەتىنە، ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ شىن يگەرىپ، شىنايى ىستەۋدەگى سانالى ارەكەتىنە اينالدىرۋ كەرەك.
جاپپاي دوڭگەلەك داۋلەتتى قوعام قۇرۋ، سوتسياليستىك وسىزامانداندىرۋدى جەدەل العا ىلگەرىلەتۋ نەشە ۇرپاق جۇڭگو كوممۋنيستەرى تىنباي كۇرەس جۇرگىزىپ كەلگەن ماڭىزدى نىسانا. سوناۋ 1956 – جىلى ماۋ زىدۇڭ جولداس «1911 – جىلعى توڭكەرىستەن، اتاپ ايتقاندا، شينحاي توڭكەرىسىنەن قازىرگە دەيىن نە ءبارى 45 جىل ءوتتى، جۇڭگونىڭ بەت – بەينەسى بۇكىلدەي وزگەردى. تاعى دا 45 جىل وتكەندە، ياعني 2001 – جىلى اتاپ ايتقاندا، 21 – عاسىرعا قادام باسقان ۋاقىتتا، جۇڭگونىڭ بەت – بەينەسىندە ءتىپتى زور وزگەرىس بولادى.
جۇڭگو قۇدىرەتتى سوتسياليستىك ونەركاسىپ ەلىنە اينالادى» دەپ اتاپ كورسەتكەن بولاتىن. رەفورما جاساپ، ەسىك اشقاننان كەيىن، دىڭ شياۋپيڭ جولداس ەلىمىزدىڭ وسىزامانداندىرۋ قۇرىلىسىنىڭ «ءۇش قاداممەن ءجۇرۋ» دەگەن دامۋ ستراتەگياسىن ايقىن العا قويدى، ونىڭ 2 – قادامى وتكەن عاسىردىڭ سوڭىندا ەلىمىزدى دوڭگەلەك داۋلەتتى قوعامعا جەتكىزۋ بولاتىن، بۇل قادام كوزەۋلى ۋاقىتتا ورىندالدى. پارتيانىڭ 15 – قۇرىلتايىندا ەلىمىزدىڭ جاڭا عاسىرداعى دامۋىنا كوز جىبەرىلىپ، 2010 – جىلعا دەيىنگى، پارتيامىز قۇرىلعاندىعىنىڭ 100 جىلدىعىنا دەيىنگى جانە جاڭا جۇڭگو قۇرىلعاندىعىنىڭ 100 جىلدىعىنا دەيىنگى دامۋ نىساناسى العا قويىلىپ، سونىڭ ىشىندە جاڭا عاسىردىڭ العاشقى 10 جىلىندا حالىقتىڭ دوڭگەلەك داۋلەتتى تۇرمىسىن ونان سايىن مولىقتىرۋ تالاپ ەتىلدى. پارتيانىڭ 16 – قۇرىلتايىندا وسى عاسىردىڭ العاشقى 20 جىلىندا ميللياردتان استام حالىقتى يگىلىككە بولەيتىن ءتىپتى جوعارى دەڭگەيلى دوڭگەلەك داۋلەتتى قوعامدى جاپپاي قۇرۋ العا قويىلدى. پارتيانىڭ 18 – قۇرىلتايىندا 2020 – جىلعا دەيىن جاپپاي دوڭگەلەك داۋلەتتى قوعام قۇرۋ كۇرەس نىساناسى ايقىن ورتاعا قويىلدى ءارى پارتيانىڭ 16 –، 17 – قۇرىلتايلارىندا تۇراقتاندىرىلعان جاپپاي دوڭگەلەك داۋلەتتى قوعام قۇرۋ نىساناسىنىڭ نەگىزىندە ءبىر قاتار جاڭا تالاپتار العا قويىلدى.
جاپپاي دوڭگەلەك داۋلەتتى قوعام قۇرۋ پارتيامىزدىڭ حالىققا، تاريحقا بەرگەن ايبىندى سەرتى، ءبىر ميلليارد 300 ميلليوننان اسا جۇڭگو حالقىنىڭ ورتاق ارمانى. قازىر ەلىمىز جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىس كەزەڭىنە قادام قويدى. ءبىز «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ءبىر تۇتاس ىلگەرىلەتىپ، ەكونوميكالىق، قوعامدىق دامۋدىڭ تاماشا بەتالىسىن ساقتاپ، پارتيا باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، سوتسياليستىك مادەنيەتتە قۋاتتى ەل قۇرىلىسىن ىلگەرىلەتىپ، حالىق تۇرمىسىن قامتاماسىز ەتۋ مەن جاقسارتۋدى ءتۇيىن ەتىپ، ءتۇرلى قوعامدىق ىستەردى جەدەل دامىتىپ، بايلىقتى ۇنەمدەپ، قورشاعان ورتانى قورعايتىن كەڭىستىك ورنالاستىرۋىن، كاسىپ قۇرىلىمىن، ءوندىرىس ءتاسىلىن، ءومىر سالتىن جەدەل قالىپتاستىرۋ كەرەك.
حالىقتىڭ تۇرمىس ساپاسى مەن تۇرمىس دەڭگەيىن ۇزبەي كوتەرۋ ءبىزدىڭ بارلىق قىزمەتىمىزدىڭ شىعار ءتۇيىنى جانە تابان تىرەر تياناعى، سونداي – اق جاپپاي دوڭگەلەك داۋلەتتى قوعام قۇرۋدىڭ ءتۇبىرلى نىساناسى. حۋ جينتاۋ جولداس «دامۋدا حالىقتى كوزدەۋگە جانە حالىققا سۇيەنۋگە، دامۋ جەتىستىگىن حالىقپەن ورتاقتاسۋعا تاباندى بولىپ، حالىق تۇرمىسىن قامتاماسىز ەتۋ مەن جاقسارتۋدىڭ تۇزىمدىك ورنالاستىرۋىن كەمەلدەندىرۋ كەرەك» دەپ اتاپ كورسەتكەن بولاتىن. ءبىز حالىقتى وزەك ەتكەن دامۋ يدەياسىنا تاباندى بولىپ، حالىق ەڭ كوڭىل بولەتىن، ەڭ تىكە، ەڭ شىنايى مۇددە ماسەلەسىن مىقتاپ يگەرىپ، ەڭ قالىڭ حالىقتىڭ ءتۇبىرلى مۇددەسىن ۇزدىكسىز تۇردە ويداعىداي ىسكە اسىرىپ، قورعاپ جانە دامىتىپ، جالپى حالىقتىڭ ءبىلىم الۋىن، ەڭبەكتەن تابىس تابۋىن، اۋىرسا ەمدەلۋىن، قارتايسا زەينەت كورۋىن، باسىندا پاناسى بولۋىن قۇلشىنا ىسكە اسىرۋىمىز كەرەك. جاپپاي دوڭگەلەك داۋلەتتى قوعام قۇرۋدى كوزەۋلى ۋاقىتتا ىسكە اسىرۋمەن قاتار، ەشقانداي ءوڭىردى، ەشقانداي ادامداردى قاعىس قالدىرۋعا بولمايدى. كەدەيلىكتەن قۇتىلدىرۋدان قامال الۋ ەڭ جاپالى مىندەت، ءار جاقتا قيىنشىلىققا ۇشىراعان بۇقارانىڭ تۇرمىسىن قامتاماسىز ەتۋ ەڭ اۋىر قىزمەت. ءبىز سەنىمدى بەكەمدەپ، تىڭعىلىقتى قىزمەت ىستەپ، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتىپ، قيىنشىلىققا ۇشىراعان ءتۇرلى بۇقاراعا شىنايى كوڭىل ءبولىپ جانە قامقورلىق جاساپ، حالىق جۇرتشىلىعى رازى بولاتىن، جوعارى ساپالى دوڭگەلەك داۋلەتتى قوعام قۇرۋعا قۇلشىنۋىمىز كەرەك. «حۋ جينتاۋ ماقالالارىنان تاڭدامالىلاردى» ۇيرەنۋدە، جاپپاي دوڭگەلەك داۋلەتتى قوعام قۇرۋدىڭ زاڭدىلىعىنا بولعان تانىمدى جوعارىلاتىپ، جاڭا جاعدايلاردى، تىڭ ماسەلەلەردى شەشۋدى ۇزدىكسىز تالقىلاپ، ءارقايسى جاقتاردىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا جۇمىلدىرىپ، جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە قول جەتكىزۋگە شىنايى كەپىلدىك ەتىپ، جاڭا جۇڭگو قۇرىلعاندىعىنا 100 جىل تولعاندا باي دا قۇدىرەتتى، دەموكرتيالى، وركەنيەتتى، جاراسىمدى سوتسياليستىك وسىزاماندانعان ەل قۇرىپ شىعۋعا بەرىك نەگىز قالاۋ كەرەك.
رەفورما جاساۋ، ەسىك اشۋ زامانىمىزداعى جۇڭگونىڭ ەڭ ايقىن ەرەكشەلىگى، پارتيامىزدىڭ جاڭا تاريحي كەزەڭدەگى ەڭ ايقىن تۋى. حۋ جينتاۋ جولداس بىلاي دەگەن بولاتىن: «بولاشاقتى بەتكە الۋدا بۇكىل پارتياداعى جولداستار ەلىمىزدىڭ وتكەن 30 نەشە جىلداعى قارىشتاپ دامۋدا رەفورما جاساپ، ەسىك اشۋعا سۇيەنگەنىن، ەلىمىزدىڭ بولاشاقتاعى دامۋدا دا، ءسوزسىز، رەفورما جاساپ، ەسىك اشۋعا مىزعىماي سۇيەنەتىندىگىن استە ەستەرىنەن شىعارماۋ كەرەك. جاڭا كەزەڭنىڭ ەڭ ايقىن ەرەكشەلىگى رەفورما جاساۋ، ەسىك اشۋ. رەفورما جاساۋ، ەسىك اشۋ پارتيانىڭ جاڭا تاريحي جاعدايدا حالىققا باسشىلىق ەتىپ جۇرگىزگەن جاڭا ۇلى توڭكەرىسى، زامانىمىزداعى جۇڭگو تاعدىرىن بەلگىلەيتىن شەشۋشى تالعام، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، ءسوزسىز، باسىپ وتەتىن جولى. رەفورما جاساپ، ەسىك اشقاندا عانا، جۇڭگونى دامىتۋعا، سوتسياليزمدى دامىتۋعا، ماركسيزمدى دامىتۋعا بولادى». رەفورما جاساعان، ەسىك اشقان 40 جىلعا تاياۋ ۋاقىتتاعى اماليات جۇڭگو كوممۋنيستەرىنىڭ تىنباي ىزدەنىس جاساۋىنىڭ ۇلى امالياتى. ماركسيزمنىڭ نەگىزگى قاعيداسى بىلاي دەپ قارايدى: مەيلى قانداي وندىرىستىك قاتىناس پەن قوندىرما بولسىن، بارلىعى دا وندىرگىش كۇشتىڭ دامۋىنا ساي دامۋى كەرەك. ەگەر دە بۇلار وندىرگىش كۇشتەردىڭ دامۋ تالابىنا ۇيلەسپەي، وندىرگىش كۇشتەردىڭ دامۋىنىڭ جانە قوعامنىڭ العا باسۋىنىڭ كەدەرگىسىنە اينالاتىن بولسا، وندا، ءسوزسىز، رەتتەۋ جانە وزگەرىس جاساۋ كەرەك. جاڭا جاعداي، جاڭا مىندەتتەردى كوزدە ۇستاي وتىرىپ، پارتيا 18 – قۇرىلتايى جانە پارتيا 18 – كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرى رەفورمانى جاپپاي تەرەڭدەتۋ جونىندە ستراتەگيالىق شەشىمدەر مەن جۇيەلى ورنالاستىرۋلار جاسادى. ەلىمىز رەفورما جاساۋدىڭ جاڭا كەزەكتەگى ورلەۋىن كوتەردى. جاڭا كەزەكتەگى رەفورمانىڭ كورنەكتى ەرەكشەلىگى رەفورمانىڭ قيىن كەزەڭگە، قامال الۋ شەشۋشى كەزەڭىنە وتكەندىگى. رەفورمانى جاپپاي، جۇيەلى، تۇتاستاي ىلگەرىلەتۋمەن بىرگە، ماڭىزدى سالالار مەن شەشۋشى بۋىنداردا قامال الۋدى جەدەلدەتۋ كەرەك. جۇڭگوشا سوتسيالستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى العا ىلگەرىلەتۋ سىندى باس نىسانانى مىقتاپ ارقاۋ ەتىپ، سوتسياليستىك بازار شارۋاشىلىعى رەفورماسىنىڭ بەتالىسىنان جازباي، اناعۇرلىم زور ساياسي باتىلدىقپەن جانە اقىل – پاراساتپەن ءارقايسى جاقتارداعى، ءارقايسى سالالارداعى رەفورمانى العا ىلگەرىلەتۋىمىز كەرەك. يدەيانى ازات ەتۋدى، قوعامدىق وندىرگىش كۇشتەردى ازات ەتۋدى جانە دامىتۋدى، قوعامنىڭ ومىرشەڭ كۇشتەرىن ازات ەتۋدى جانە كۇشەيتۋدى نەگىزگى بەتالىس ەتىپ، تالاي جىلداردان بەرى شور بولىپ قالعان دەرتتەرگە باتىلدىقپەن وپەراتسيا جاساۋ، تەرەڭ قاتپارداعى مۇددە قاتىناسى مەن قايشىلىقتاردى جۇرەكتىلىكپەن شەشۋ، ءداۋىردىڭ العا باسۋ تالابىنا ۇيلەسپەيتىن يدەيالىق، كوزقاراستىق بۇعاۋلاردى باتىلدىقپەن بۇزۋ، مۇددەلىك قاساڭدىقتاردى باتىلدىقپەن تالقانداۋ، ءتۇرلى جاقتارداعى تۇزىلىستىك، مەحانيزمدىك كەدەرگىلەردى باتىلدىقپەن الاستاۋ كەرەك.
ءبىزدىڭ رەفورما جاساپ، ەسىك اشۋدى ىلگەرىلەتۋدەگى ماقساتىمىز الدەقانداي ءبىر يزممەن شۇعىلدانۋ ەمەس، قايتا جۇڭگوشا سوتسياليزمگە تاباندى بولۋ جانە ونى دامىتۋ. حۋ جينتاۋ جولداس بىلاي دەپ اتاپ كورسەتكەن: «ءبىر وزەك، ەكى نەگىزگى ءتۇيىن ءوزارا توعىسقان، ءبىرىن – ءبىرى ارقاۋ ەتكەن، ايىرۋعا كەلمەيتىن تۇتاس تۇلعا، ودان ءبىر ەلى اۋىتقۋعا، بىرىنە اۋىپ، ءبىرىن تاستاۋعا استە بولمايدى، وندا، ءسوز جوق، جاپپاي تاباندى بولىپ، تەگىس تياناقتاندىرۋ كەرەك. ەكونوميكالىق قۇرىلىس سىندى وسى وزەكتەن ايرىلساق، سوتسياليزمنىڭ بارلىق ىستەرىن دامىتۋ مەن ىلگەرىلەتۋدەگى زاتتىق نەگىزدەن ايرىلامىز؛ «ءتورت نەگىزگى پرينسيپتەن» ايرىلساق، رەفورما جاساپ، ەسىك اشۋدان قول ۇزسەك، ەكونوميكالىق قۇرىلىستىڭ باعدارىنان جازامىز جانە قوزعاۋشى كۇشىنەن ايرىلامىز». جۇڭگوشا سوتسياليزم جۇڭگونىڭ كەڭ – بايتاق ولكەسىنە تامىر تارتقان، جۇڭگو حالقىنىڭ تىلەگىن بەينەلەگەن، جۇڭگو مەن ءداۋىردىڭ دامۋ، العا باسۋ تالابىنا ۇيلەسەتىن عىلمي سوتسياليزم، بۇل جول داڭعىل، باياندى جول. ءبىز رەفورمانى جاپپاي ىلگەرىلەتۋدە وسى جولدا ءتىپتى دە تاباندى، ءتىپتى دە جاقسى ءجۇرۋىمىز كەرەك.
«حۋ جينتاۋ ماقالالارىنان تاڭدامالىلاردى» ۇيرەنۋدە رەفورما جاساپ، ەسىك اشۋدىڭ زامانىمىزداعى جۇڭگونىڭ تاعدىرىن بەلگىلەيتىن شەشۋشى تالعام ەكەندىگىن جەتە تانۋىمىز، رەفورما جاساپ، ەسىك اشۋ ۇلى تۋىن بيىك ۇستاپ، رەفورما جاساۋدىڭ دۇرىس باعىتىندا تاباندى بولىپ، رەفورمانى باتىلدىقپەن جاپپاي تەرەڭدەتۋىمىز، رەفورما جاساپ، ەسىك اشۋدى تىنباي ىلگەرىلەتۋىمىز كەرەك.
جۇڭگونىڭ ىستەرىن تىڭعىلىقتى تىندىرۋدىڭ تەتىگى جۇڭگو كوممۋنيستىك پارتياسىندا. حۋ جينتاۋ جولداس بىلاي دەگەن: «پارتيا قۇرىلىسىن مىقتى ۇستاۋ بۇكىل پارتياداعى جولداستاردىڭ ورتاق مىندەتى عانا ەمەس، ودان دا ماڭىزدىسى، ول ءار دارەجەلى پارتكومداردىڭ بۇلجىماس مىندەتى». حۋ جينتاۋ جولداس باس شۋجي بولعان پارتيا ورتالىق كوميتەتى رەفورما جاساۋ، جاڭالىق اشۋ رۋحىمەن پارتيا قۇرىلىسىن ۇزدىكسىز كۇشەيتۋ جانە جاقسارتۋ جونىندە ءبىرسىپىرا ماڭىزدى بايىمداۋلار مەن تالاپتاردى العا قويدى. مىسالى، ۇيرەنۋگە، قىزمەت وتەۋگە قۇلىقتى، جاڭالىق جاساۋعا شەبەر ماركستىك بيلىك باسىنداعى پارتيا قۇرۋ، پارتيا قۇرىلىسىنىڭ عىلمي دەڭگەيىن جوعارىلاتۋ جونىندەگى بايىمداۋلار مەن تالاپتار؛ پارتيا ۋستاۆىن ۇيرەنۋ جانە دايەكتىلەندىرۋ، مۇرات سەنىم تاربيەسىن كۇشەيتۋ، بۇكىل پارتيانىڭ يدەيالىق ساياسي دەڭگەيىن جوعارىلاتۋ جونىندەگى بايىمداۋلار مەن تالاپتار؛ بيلىكتى عىلمي، دەموكراتيالى، زاڭ بويىنشا جۇرگىزۋدە تاباندى بولۋ، ءار دارەجەلى باسشىلىق القانىڭ قۇرىلىسىن مىقتى ۇستاۋ، كادرلار ءتۇزىمى رەفورماسىن تەرەڭدەتۋ، جوعارى ساپالى كادرلار قوسىنىن قۇرۋ، دارىندى ارقىلى مەملەكەتتى قۇدىرەتتەندىرۋ ستراتەگياسىن اتقارۋعا قاتىستى بايىمداۋلار مەن تالاپتار؛ نەگىزگى ساتىنىڭ نەگىزىن بەكەمدەۋ، نەگىزگى ساتى پارتيا باسشىلىق گرۋپپاسىنىڭ فۋنكتسياسىن كۇشەيتۋ، پارتيانىڭ بيلىك جۇرگىزۋدەگى ۇيىمدىق نەگىزىن بەكەمدەۋ جونىندەگى بايىمداۋلار مەن تالاپتار؛ حالىق ءۇشىن قىزمەت ەتۋدە، ناقتى ىستەر ىستەۋدە، پاك – كىرشىكسىز بولۋدا، ساياسي ناتيجە جونىندە دۇرىس كوزقاراس ورناتۋدا تاباندى بولىپ، جاڭا جاعدايدا باسشى كادرلاردىڭ ستيل قۇرىلىسىن جاپپاي كۇشەيتۋ جونىندەگى بايىمداۋلار مەن تالاپتار؛ جەمقورلىققا قارسى تۇرۋ ءتۇزىمى قۇرىلىسىن مىقتى ۇستاۋ، جەمقورلاردى جازالاۋ جانە ونىڭ الدىن الۋ جۇيەسى قۇرىلىسىن ىلگەرىلەتۋ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ىشكەرىلەي ىلگەرىلەتۋ جونىندەگى بايىمداۋلار مەن تالاپتار، ت.ب.
پارتيا 18 – قۇرىلتايىنان بەرى پارتيامىز جوعارى ارقىلى تومەنگە باسشىلىق ەتۋگە تاباندى بولىپ، پارتيانى جاپپاي قاتاڭ جونگە سالۋدى بۇلجىماي ىلگەرىلەتىپ، پارتيا قۇرىلىسىنا يدەيالىق جاقتان جەتە ءمان بەرۋ مەن پارتيانى ءتۇزىم ارقىلى جونگە سالۋدى تىعىز ۇشتاستىرىپ، «8 ءتۇرلى بەلگىلەمەنى» شىعارۋدان جانە ونى تياناقتاندىرۋدان كىرىسىپ، پارتيانىڭ بۇقارالىق لۋشيان تاربيەسى جانە امالياتتىق قيمىلىن، «ۇشتە قاتاڭ، ۇشتە شىنايى بولۋ» ارناۋلى تاربيەسىن، «ەكىنى ۇيرەنۋ، ءبىر بولۋ» ۇيرەنۋ – تاربيە قيمىلىن ىلگەرىندى – كەيىندى ورىستەتىپ، پارتيا ستيلىن شوعىرلى جاقسارتىپ، جەمقورلىقتى قاتاڭ جازالاپ، پارتيانىڭ ىشكى ساياسي ەكولوگياسىن كۇش سالا كىرشىكسىزدەندىرىپ، پارتيانى باسقارۋدا، پارتيانى جونگە سالۋدا جاڭا، كورنەكتى ناتيجەگە قول جەتكىزدى، جاڭا تاجىريبەلەر جاراتتى جانە توپتادى. پارتيا قۇرىلىسىن، ءسوز جوق، ۇزاق ۋاقىت بويى تالىقپاي يگەرۋ، پارتيانى جاپپاي قاتاڭ جونگە سالۋدا، ءسوز جوق، شىن باسقارۋ، شىن قاتايتۋ، باتىل باسقارىپ، باتىل قاتايتۋ، ۇزاق ۋاقىت باسقارۋ، ۇزاق ۋاقىت قاتايتۋ كەرەك. ءبىز پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن كۇشەيتۋ سىندى وسى جەلىنى بۇلجىتپاي مىقتى يگەرىپ، پارتيانىڭ يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، جەمقورلىققا قارسى تۇرىپ، پاكتىكتى دارىپتەۋ قۇرىلىسىن، ءتۇزىم قۇرىلىسىن قاتاڭ، شىنايى كۇشەيتىپ، ماسەلەنى نىشان ەتۋگە تاباندى بولىپ، ءوز – وزىنە توڭكەرىس جۇرگىزۋ سىندى ساياسي باتىلدىقپەن پارتيانىڭ ىشكى جاعىندا ورىن تەپكەن ماسەلەلەردى كۇش سالا شەشۋىمىز قاجەت. پارتيانىڭ ىشكى ساياسي تۇرمىسىن كۇشەيتىپ جانە ونى جۇيەگە ءتۇسىرىپ، پارتيانىڭ ىشكى ساياسي تۇرمىسىنىڭ ساياسي، داۋىرلىك، پرينسيپتىك، جاۋىنگەرلىك سيپاتىن كۇشەيتىپ، پارتيانىڭ ىشكى ساياسي ەكولوگياسىن جاپپاي كىرشىكسىزدەندىرۋىمىز ءتيىس. پارتيا مۇشەلەرىنىڭ، كادرلاردىڭ پارتيا قۇرىلىسىنداعى سۋبيەكت رولىن تولىق ساۋلەلەندىرىپ، ءبىر جاعىنان، جۇيەگە ءتۇسىرۋدى، تەجەۋدى يگەرىپ، ەندى ءبىر جاعىنان، جەتەلەۋدى، ىنتالاندىرۋدى يگەرىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جوعارىدان تومەنگە دەيىن اناعۇرلىم ءونىمدى جۇمىلدىرىپ، ءار دارەجەلى پارتيا ۇيىمىن جانە بۇكىل پارتياداعى جولداستاردى پارتياعا ادال بولاتىن، پارتيانىڭ قامىن جەيتىن، پارتيا ءۇشىن جاۋاپكەرشىلىك ارقالايتىن، پارتيا ءۇشىن جاۋاپكەرشىلىگىن تولىق اتقاراتىن ەتۋىمىز كەرەك.
«حۋ جينتاۋ ماقالالارىنان تاڭدامالىلاردى» ۇيرەنۋدە پارتيانىڭ تاريحي بورىشىن ورىنداۋدى كوزدە ۇستاپ، پارتيامىز ءدوپ كەلگەن ىشكى – سىرتقى ورتادا تەرەڭ وزگەرىستەر ۇزدىكسىز جارىققا شىعۋ سىندى ءىس جۇزىندىك جاعدايدى تياناق ەتىپ، پارتيانىڭ ءوزىن – ءوزى كىرشىكسىزدەندىرۋ، كەمەلدەندىرۋ، جاڭالاۋ، جوعارىلاتۋ قابىلەتىن ۇزبەي كۇشەيتۋدى ارقاۋ ەتىپ، پارتيا قۇرىلىسى قىزمەتى مەن وزەكتى قىزمەتتى بىرگە جوبالاۋعا، بىرگە ورنالاستىرۋعا، بىرگە باعالاۋعا تاباندى بولىپ، پارتيانى جاپپاي، قاتاڭ جونگە سالۋ تالابىن اناعۇرلىم ناقتى تياناقتاندىرىپ، پارتيانىڭ باستان – اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا كەپىلدىك ەتۋ كەرەك. جولداستار!
«حۋ جينتاۋ ماقالالارىنان تاڭدامالىلار» پارتيامىزدىڭ نازاريالىق جاسامپازدىعىنىڭ ماڭىزدى تابىسى، ول، سونىمەن بىرگە، پارتيامىزدىڭ نازاريالىق جاسامپازدىعىنىڭ جاندى امالياتىن بەينەلەيدى. ماركسيزمنىڭ دامۋ بارىسى، ماركسيزمنىڭ جۇڭگولانۋىنىڭ دامۋ بارىسى بىزگە مىنانى ۇعىندىردى: قوعامدىق اماليات تىنباي دامىپ وتىرادى، ءبىزدىڭ يدەيالىق تانىمىمىز دا، ءسوز جوق، تىنباي العا باسىپ، امالياتتىڭ تالابىنا ساي تىنباي جاڭارىپ وتىرادى. دۇنيە وزگەرۋدە، ءداۋىر العا باسۋدا، امالياتتىڭ دامۋى شەكسىز بولادى، ءبىزدىڭ اقيقاتتى تانۋ، نازاريالىق جانە امالياتتىق جاسامپازدىقتى تىنباي جاراتۋ، ىستەردىڭ تىڭ جاعدايىن تىنباي اشۋ ساپارىمىز دا شەكسىز بولادى.
1937 – جىلى شىلدەدە ماۋ زىدۇڭ جولداس «اماليات جونىندە» اتتى شىعارماسىندا بىلاي دەپ اتاپ كورسەتكەن: «اماليات ارقىلى اقيقات اشىلادى، سونداي – اق اماليات ارقىلى اقيقات دالەلدەنەدى جانە داميدى. سەزىمدىك تانىمنان دامىپ بەلسەندىلىكپەن اقىلدىق تانىمعا ءوتۋ، ودان سوڭ اقىلدىق تانىمنان بەلسەندىلىكپەن توڭكەرىستىك تانىمعا جەتەكشىلىك ەتە وتىرىپ، سۋبيەكتيۆ دۇنيەنى جانە وبيەكتيۆ دۇنيەنى وزگەرتۋگە ءوتۋ بولادى. اماليات، تانىم، تاعى دا اماليات، تاعى دا تانىم بۇل فورمانىڭ اينالمالى تۇردە قايتالانۋى ءتىپتى شەكسىز بولادى، ال اماليات پەن تانىمنىڭ ءاربىر اينالىمىنىڭ مازمۇنى بىردەن – بىرگە ىلگەرىلەپ، جوعارى دارەجەگە كوتەرىلە بەرەدى. مۇنىڭ ءوزى ديالەكتيكالىق ماتەرياليزمنىڭ تۇتاس تانىم نازارياسى، مۇنىڭ ءوزى ديالەكتيكالىق ماتەرياليزمنىڭ ءبىلۋ مەن ىستەۋدىڭ بىرلىگى جونىندەگى كوزقاراسى». ماركسيزمگە تاباندى بولۋدا، ەڭ ماڭىزدىسى، ماركسيزمنىڭ عىلمي قاعيداسى مەن عىلمي رۋحىنا، جاڭالىق اشۋ رۋحىنا تاباندى بولۋ، وبيەكتيۆ جاعدايدىڭ وزگەرىسىنەن، حالىق جۇرتشىلىعىنىڭ امالياتىنان شەبەرلىكپەن ءنار الىپ، نازاريانى تىنباي بايىتىپ جانە دامىتىپ، نازاريانىڭ قىزمەتتەرىمىزگە اناعۇرلىم جاقسى جەتەكشىلىك ەتۋىنە مۇمكىندىك جاساۋىمىز كەرەك.
العا باسۋ جولىندا تىڭ امالياتقا سايكەس تىنباي تىڭ ىزدەنىستەر جاساپ، پارتيامىزدىڭ نازارياسىن ۇدەرە العا دامىتىپ، امالياتقا تىڭ نازاريامەن تىنباي جەتەكشىلىك ەتىپ، پارتيامىزدىڭ باستان – اياق ءداۋىردىڭ الدىڭعى لەگىندە جۇرۋىنە كەپىلدىك ەتۋىمىز كەرەك.
جولداستار!
2002 – جىلى 6 – جەلتوقساندا پارتيانىڭ 16 – قۇرىلتايى جابىلعاننان كەيىن كوپ وتپەي، حۋ جينتاۋ جولداس ورتالىق كوميتەتتىڭ شۋجيچۋىنداعى جولداستاردى باستاپ شيبايپوعا بارىپ، ماۋ زىدۇڭ جولداستىڭ پارتيانىڭ 7 – كەزەكتى ورتالىق كوميتەتىنىڭ ەكىنشى جالپى ماجىلىسىندە سويلەگەن «ەكى بولسىن» اتتى ماڭىزدى ءسوزىن ەسكە ءتۇسىردى. سول كەزدە حۋ جينتاۋ جولداس: بۇگىن، جاڭا عاسىردا، تىڭ ساتىدا پارتيامىز حالىققا باسشىلىق ەتىپ، جاپپاي دوڭگەلەك داۋلەتتى قوعام قۇرۋ سىندى كۇرەس نىساناسىن جۇزەگە اسىرىپ، جۇڭگوشا سوتسياليزم ىستەرىندە تىنباي تىڭ جاعداي اشۋى كەرەك، بۇل وسى سىناۋدىڭ جالعاسى، – دەگەن ەدى.
بيىل 1 – شىلدەدە جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا مەن: بۇل سىناۋ ءالى اياقتاعان جوق، بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، ۇدەرە العا تارتۋى، كىشى پەيىل، بايسالدى بولۋ، داندايسۋدان، ۇشقالاقتىقتان ساقتانۋ ستيلىن، قاجىرلىلىقپەن كۇرەس جاساۋ ستيلىن ماڭگى ساقتاپ، باتىلدىقپەن وزگەرىس جاساپ، جاڭالىق اشىپ، قاتىپ – سەمۋدەن، توقىراۋدان ماڭگى اۋلاق بولىپ، وسى تاريحي سىناۋدىڭ سۇزگىسىنە ۇزدىكسىز توتەپ بەرىپ، تاريحقا، حالىققا تىڭ دا اسا ۇزدىك ناتيجەمەن جاۋاپ بەرۋگە قۇلشىنۋلارى كەرەك! – دەپ تاعى دا باسا دارىپتەگەن ەدىم.
جولداستار! «حۋ جينتاۋ ماقالالارىنان تاڭدامالىلاردىڭ» مازمۇنى باي، يدەياسى تەرەڭ، كەزەكتە «حۋ جينتاۋ ماقالالارىنان تاڭدامالىلاردى» ۇيرەنۋدى پارتيانىڭ يدەيا، ساياسي قۇرىلىسى مەن پارتيا مۇشەلەرىنىڭ، كادرلاردىڭ نازاريالىق ۇيرەنۋ تاربيەسىنىڭ ماڭىزدى ورنىنا قويۋ كەرەك. ءار دارەجەلى پارتيا ۇيىمدارى قالىڭ پارتيا مۇشەلەرىن، كادرلاردى مۇقيات، قاز – قالپىندا، ەگجەي – تەگجەيلى، تولىق ۇيرەنۋگە ۇيىمداستىرىپ، نازاريانى امالياتپەن بايلانىستىرۋ سىندى ماركستىك ۇيرەنۋ ستيلىن ساۋلەلەندىرىپ، ۇيرەنۋ ارقىلى پارتيانىڭ 18 – قۇرىلتايىنان بەرگى العا قويىلعان ەل بيلەۋ جونىندەگى تىڭ تانىم، جاڭا يدەيا، سونى ستراتەگيا تۋرالى تۇسىنىكتى تەرەڭدەتىپ، يدەيا مەن ارەكەتتى پارتيا ورتالىق كوميتەتىنىڭ ماڭىزدى باعىت – ساياساتتارىمەن جانە شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، زەيىن – زەردە مەن كۇش – قۋاتتى پارتيا مەن مەملەكەتتىڭ ءتۇرلى قىزمەتتەرىن تىڭعىلىقتى جاقسى ىستەۋگە شوعىرلاندىرىپ، ۇزدىكسىز ءورىس اشا جاڭالىق جاراتىپ، ۇدەرە العا تارتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي – تالماي كۇرەس جۇرگىزۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
