بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

پارتيا ورتالىق كوميتەتىنىڭ ۇلت قىزمەتىن جاڭالىق جاراتا دامىتۋدى جەبەگەنى جونىندە

2016.10.10 15:51     كەلۋ قاينارى : حالىق تورابى

  مۇقيات نازار اۋدارعان كىسىلەر مىنانى بايقاي الادى، 2016 – جىلعى جاڭا جىل كۇنىن قارسى الۋ ءسوزىن جاريالاۋ كورىنىسىندە باس شۋجي شي جينپيڭنىڭ كەڭسەسىندە جاڭا وزگەرىس بولدى: جاڭادان قوسىلعان 7 پارشا سۋرەتتىڭ ىشىندە 3 پارشا سۋرەت باس شۋجيدىڭ ۇلتتىق رايوندارداعى ءار ۇلت كادر، بۇقاراسىمەن بىرگە دامۋدى كەڭەسىپ، دوڭگەلەك داۋلەتتىلىكتى اڭگىمەلەپ وتىرعان ساتىندەگى ۇمىتىلماس ءساتتى بەينەلەگەن.

  ۇلت قىزمەتى جالپى جاعدايعا سايادى. پارتيانىڭ 18 – قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى ۇلت قىزمەتىنە ايرىقشا ءمان بەردى، ۇلتتىق رايونداردا تالاي رەت ىشكەرىلەي تەكسەرىپ – زەرتتەۋ جۇرگىزىپ، از ۇلت بۇقاراسىنىڭ جاعدايىن ۇعىستى. ورتالىقتىڭ 2 – رەتكى شينجياڭ قىزمەتى اڭگىمە ءماجىلىسى، ورتالىقتىڭ ۇلت قىزمەتى ءماجىلىسى، ورتالىقتىڭ 6 – رەتكى شينجياڭ قىزمەتى اڭگىمە ءماجىلىسى سياقتى ماجىلىستەردى اشىپ، ۇلت قىزمەتىنە جاپپاي ورنالاستىرۋ جاسادى، قىزمەت سەرپىنىنىڭ كۇشتىلىگى، جيىلىگىنىڭ جوعارىلىعى، شارپۋ اۋماعىنىڭ كەڭدىگى، پايىمداۋىنىڭ تەرەڭدىگى بۇرىن – سوڭدى مۇنشالىق بولعان ەمەس، وسىلايشا جۇڭحۋانىڭ بايتاق الابىندا ۇلت قىزمەتىنىڭ جاڭا ۇندەۋى كوتەرىلۋدە.

  ستراتەگيالىق قۋاتتى ساقتاۋ: ۇلت ماسەلەسىن شەشۋدەگى جۇڭگوشا دۇرىس جولمەن بۇلجىماستان جۇردىك

  2014 – جىلى قىركۇيەكتە ورتالىقتىڭ ۇلت قىزمەتى ءماجىلىسى بەيجيڭدە اشىلدى. ماجىلىستە باس شۋجي شي جينپيڭ پارتيانىڭ ۇلت نازارياسى، ساياساتى نەگىزگى پرينسيپتەرىندە تاباندى بولۋ نەگىزىندە ءبىرقىدىرۋ جاڭا يدەيا، جاڭا كوزقاراس، جاڭا شارالاردى ورتاعا قويىپ، جاڭا جاعدايداعى ۇلت قىزمەتىن ارەكەت قىبلاناماسىمەن جانە نەگىزدىك قاعيدامەن قامدادى. 2 جىلدان بەرى ورتالىقتىڭ ۇلت قىزمەتى ءماجىلىسىنىڭ رۋحى جەر – جەردە تامىر تارتىپ، جەمىس بەردى.

  ۋادە ورىندالدى: ۇلتتىق رايونداردا جاپپاي دوڭگەلەك داۋلەتتى قوعام قۇرۋ اياق الىسى كورنەكتى تەزدەدى

  ۇلتتىق رايونداردىڭ دامۋى باس شۋجيدىڭ كوكەيىنەن كوتەرىلگەن ەمەس. «مەن ءارقايسى از ۇلتتى ويلاپ وتىرامىن»، «جاپپاي دوڭگەلەك داۋلەتتى قوعام قۇرۋدا از ۇلتتاردىڭ ەشقايسىسىنىڭ قاعىس قالۋىنا بولمايدى، كوپشىلىك تۇگەلدەي دوڭگەلەك داۋلەتتى تۇرمىستىڭ يگىلىگىن كورۋى كەرەك» ... وتانىمىزدىڭ قايسى وڭىرىندە بولسىن، باس شۋجي شي جينپيڭنىڭ نىق سەنىممەن ايتىلعان وسى سوزدەرى ۇلتتىق وڭىرلەردەگى ءار ۇلت كادرلارىنىڭ، بۇقاراسىنىڭ بۇكىل ەلدەگى ءار ۇلت حالقىمەن بىرگە جاپپاي دوڭگەلەك داۋلەتتى قوعام قۇرۋ نىساناسىن ىسكە اسىرۋداعى سەنىمى مەن بەكىمىن ۇيىستىرىپ وتىر.

  پارتيا ورتالىق كوميتەتى ۇلتتق وڭىرلەردىڭ دامۋىن ەستەن شىعارمايدى. ۇقساس قادام ۇقساس دەڭگەي ەمەس، الايدا جاپپاي قۇرۋ ــ نەگىزگى تالاپ. ىشكى ءوندىرىس جالپى قۇنى مەن قالا – اۋىل تۇرعىندارىنىڭ كىسى باسىنا تۋرا كەلەتىن كىرىسىن 2010 - جىلداعىدان ءبىر ەسەلەۋ جانە نەگىزدىك الەۋمەتتىك قىزمەت وتەۋىن بىركەلكىلەندىرۋ نىساناسىن ىسكە اسىرۋدا ۇلتتىق وڭىرلەر قارقىندى تەزدەتۋى، قارىشتاپ دامۋدى ىسكە اسىرۋى كەرەك.

  ايتقانىندا تۇرۋ: پارتيا ورتالىق كوميتەتى از ۇلتتارمەن تىنىستاس، تاعدىرلاس، تىلەكتەس

  ناردىڭ كۇشى وركەشىندە، ادامنىڭ كۇشى نيەتىندە. پارتيا ورتالىق كوميتەتى از ۇلت كادر، بۇقاراسىمەن تىلەۋلەس، باس شۋجي دە از ۇلت كادر، بۇقاراسىمەن تىلەۋلەس. 2016 – جىلعى مەملەكەتتىك ەكى ماجىلىستە حەيلۇڭجياڭ ۋاكىلدەر ۇيىرمەسىندەگى حىجى ۇلتىنىڭ ۋاكىلى ليۋ لي ءسوز سويلەگەندە باس شۋجيدى مەكەندەرىنە بارىپ كورۋگە شاقىرادى. باس شۋجي «ءسوزسىز بارامىن» دەپ ۋادە بەرەدى.

  24 – مامىر ليۋ لي جونىنەن ءومىر بويى ەستەن كەتپەيتىن كۇن بولدى. مەملەكەتتىك ەكى ءماجىلىستىڭ اياقتالعانىنا 3 ايعا جەتپەي، باس شۋجي ۋادەسى بويىنشا حەيلۇڭجياڭعا كەلگەنىندە تۇڭجياڭ قالاسىنىڭ باشا اۋىلىنا بارىپ، حىجى اۋىلداستىڭ ۇيىنە باس سۇقتى. سالت – سانا كورمەسىن ەكسكۋرسيالاپ، ۇلتتىق ءان – ءبي كونسەرتىن تاماشالاپ، «ساقا ۇزدىكتەردەن» حال سۇرادى... باس شۋجي تۇرعىنداردىڭ جاعدايىن ۇعىسۋ بارىسىندا: «ءار ۇلت حالقى انار دانىندەي تىعىز ۇيىسىپ، جۇڭحۋا ۇلتتارىنىڭ ۇلى گۇلدەنۋىن ىسكە اسىرۋ جورىعىندا ءبىر نيەتپەن ىنتىماقتاسىپ، بىرگە دامىپ، العا باسۋى كەرەك»، «اۋىلداستاردىڭ تۇرمىس دەڭگەيىنىڭ كوتەرىلگەن كۇندەي جوعارىلاي بەرۋىن تىلەيمىن» دەدى. باس شۋجيدىڭ لەبىزى از ۇلت كادرلارىنىڭ، بۇقاراسىنىڭ جۇرەگىن جىلىتتى.

  ۇلتتار ىنتىماعى ــ ەلىمىزدەگى ءار ۇلت حالقىنىڭ جان تامىرى. جاپپاي دوڭگەلەك داۋلەتتى قوعام قرۇۋ ءار ۇلت حالقىنىڭ ىنتىماقتاسا كۇرەس جۇرگىزۋىنەن ايىرىلا المايدى.

  2016 – جىلى تامىزدا باس شۋجي چيڭحاي ولكەسى حايشي موڭعۇل - زاڭزۋ اۆتوميالى وبلىسىنىڭ گولمۋد قالاسى مەن حايدۇڭ قالاسى حۋجۋ تۋزۋ اۆتونوميالى اۋدانىنا ارنايى بارىپ، از ۇلت وتباسىلارىن ارالاپ، ولاردىڭ باسپانا جانە تۇرمىس جاعدايىن ۇعىستى. سول كەزدە باس شۋجي: ءار ۇلت حالقى ءبىر ءۇيلى جانداي، كوپشىلىك تاتۋ – ءتاتتى ءوتۋى، ىنتىماقتاسا العا باسۋى كەرەك، ــ دەپ دارىپتەدى.

  ۇلتتار ىنتىماعىنىڭ ماڭىزدى ءتۇيىنى كوڭىل توعىستىرۋدا، كوڭىل توعىستىرۋ نەگىزىندە بەرەكە – بىرلىكتى نىعايتا بەرۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.