- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ كامبودجادا، بانگلادەشتە مەملەكەتتىك ساپاردا بولادى ءارى ءۇندىستاننىڭ گوا شتاتىندا وتەتىن بريكس ەلدەرى باسشىلارىنىڭ 8 - رەتكى كەڭەسىنە قاتىناسادى
سىرتقى ىستەر مينيسترلىگىمىز جۇڭگو جانە شەتەل اقپارات قۇرالدارىنا جاعدايدان مالىمەت بەرۋ ءماجىلىسىن اشىپ، قاتىستى جاعدايدى تانىستىردى
2016.10.11 11:20 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قازاندا بەيجيڭنەن بەرگەن حابارى. سىرتقى ىستەر مينيسترلىگىمىز 10 - قازاندا جۇڭگو جانە شەتەل اقپارات قۇرالدارىنا جاعدايدان مالىمەت بەرۋ ءماجىلىسىن اشتى. سىرتقى ىستەر مينيسترلىگىمىزدىڭ ورىنباسار مينيسترى لي باۋدۇڭ، مينيستردىڭ كومەكشىسى كۇڭ شۋانيۋ جەكە - جەكە ءتوراعا شي جينپيڭنىڭ تاياۋدا كامبودجادا، بانگلادەشتە مەملەكەتتىك ساپاردا بولاتىندىعىنا ءارى ءۇندىستاننىڭ گوا شتاتىندا وتەتىن بريكس ەلدەرىنىڭ 8 - رەتكى كەڭەسىنە قاتىناساتىندىعىنا قاتىستى جاعدايلاردى تانىستىردى ءارى تىلشىلەردىڭ سۇراۋلارىنا جاۋاپ بەردى.
ءبىرىنشى، كامبودجادا، بانگلادەشتە مەملەكەتتىك ساپاردا بولاتىندىعى جونىندە
كۇڭ شۋانيۋ بىلاي دەدى: ءتوراعا شي جينپيڭ 13 - قازاننان 15 - قازانعا دەيىن كامبودجادا، بانگلادەشتە مەملەكەتتىك ساپاردا بولادى. جۇڭگو مەن كامبودجا دوستىعىنىڭ تاريحى ۇزاق. كامبودجا − جۇڭگونىڭ دوس كورشىسى جانە ماڭىزدى سەلبەستىك سەرىگى. جۇڭگو كامبودجامەن تىعىز سەلبەسىپ، ەكى ەل باسشىلارى اراسىندا قالىپتاسقان ورتاق تانىمدى ويداعىداي تياناقتاندىرىپ، ءار سالاداعى ناقتى سەلبەستىكتەردى تەرەڭدەتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ ءمان - مازمۇنىن ۇزدىكسىز بايىتادى. ءتوراعا شي جينپيڭنىڭ بۇل جولعى ساپارى − پارتيانىڭ 18 - قۇرىلتايىنان بەرى ەلىمىزدىڭ نەگىزگى باسشىسىنىڭ كامبودجادا بولاتىن تۇڭعىش ساپارى، جۇڭگو مەن كامبودجانىڭ ءداستۇرلى دوستىعىن نىعايتۋ، تاراپتاردىڭ جان - جاقتى ستراتەگيالىق سەلبەستىگىن اناعۇرلىم تەرەڭدەتۋدە ماڭىزدى مانگە يە. ساپار كەزىندە ءتوراعا شي جينپيڭ سيحاموني پاتشامەن كەزدەسەدى، پاتشا اناسى مونيلەگە امانداسادى، باس ءۋازىر حۇڭسىنمەن كەڭەس وتكىزەدى ءارى ەكى جاقتى سەلبەستىك حۇجاتتارىنا قول قويۋ سالتىنا قاتىناسىپ، جۇڭگو مەن كامبودجانىڭ دامۋ ستراتەگياسىنىڭ توعىسۋىن، ءار سالاداعى ناقتى سەلبەستىكتەردى تەرەڭدەتۋدە تىڭ جەتىستىككە قول جەتۋىن جەبەيدى.
كۇڭ شۋانيۋ بىلاي دەپ اتاپ كورسەتتى: جۇڭگو مەن بانگلادەش − ءداستۇرلى دوس كورشىلەر. ديپلوماتيالىق قاتىناس ورناتقان 41 جىلدان بەرى، جۇڭگو - بانگلادەش قاتىناسى اقاۋسىز ورنىقتى دامىدى. ەكى ەلدىڭ جوعارى جىكتەگىلەرىنىڭ اراسىنداعى قارىم - قاتىناسىنىڭ تاماشا جاعدايى ساقتالىپ، ەكونوميكا - ساۋدا جانە قارجى قوسۋ سياقتى سالالارداعى ناقتى سەلبەستىگى ۇزدىكسىز تەرەڭدەتىپ، گۋمانيتارلىق بارىس - كەلىس كۇن سايىن كەڭەيە ءتۇستى. جۇڭگو بانگلادەشپەن بىرگە ەكى ەلدىڭ «ءبىر بەلدەۋ، ءبىر جول» قۇرىلىسى سەلبەستىگىن ىلگەرىلەتىپ، جۇڭگو - بانگلادەش قاتىناسىنىڭ ەكى ەل حالىقتارىنا ءتىپتى جاقسى باقىت جەتكىزۋدى قالايدى. ءتوراعا شي جينپيڭنىڭ وسى رەتتە بانگلادەشتە بولاتىن ساپارى جۇڭگو - بانگلادەش قاتىناسى ءۇشىن ايتقاندا بەلەستىك ماڭىزدى مانگە يە. ساپار كەزىندە ءتوراعا شي جينپيڭ بانگلادەشتىڭ زۇڭتۇڭى حاميت، پارلامەنت باستىعى چوۋدۇري قاتارلى باسشىلارىمەن كەزدەسەدى، حاسينا زۇڭليمەن كەڭەس وتكىزەدى ءارى ەكى جاقتى سەلبەستىك حۇجاتتارىنا قول قويۋ سالتىنا قاتىناسادى. تاراپتار ەكى ەل قاتىناسىن ستراتەگيالىق تۇرعىدا جوبالاپ، ەكى ەلدىڭ بولاشاقتاعى ءتۇيىندى سەلبەستىك بەتالىسىن بەلگىلەپ، جۇڭگو - بانگلادەش قاتىناسىن تىڭ ورەگە كوتەرەدى.
ەكىنشى، ءۇندىستاننىڭ گوا شتاتىندا وتەتىن بريكس ەلدەرى باسشىلارىنىڭ 8 - رەتكى كەڭەسىنە قاتىناساتىندىعى جونىندە
لي باۋدۇڭ بىلاي دەدى: ءتوراعا شي جينپيڭ 15 - ، 16 - قازان كۇنى ءۇندىستاننىڭ گوا شتاتىندا وتەتىن بريكس ەلدەرى باسشىلارىنىڭ 8 - رەتكى كەڭەسىنە قاتىناسادى. كەڭەستىڭ تاقىرىبى − «ءونىمدى، قامتىمدى، ورتاق شەشۋ جوباسىن جاساۋ». وسى رەت گوادا وتەتىن كەڭەس − بريكس ەلدەرى باسشىلارىنىڭ بيىل قىركۇيەكتە حاڭجوۋدا وتكەن بەيرەسمي باس قوسۋىنان كەيىنگى 5 ەل باسشىلارىنىڭ تاعى ءبىر رەتكى باس قوسۋى، ماڭىزدى ءمان الادى. بريكس ەلدەرى باسشىلارى شاعىن ءماجىلىس، شاعىن قىزمەتتىك تۇسكى اس، كولەمدى ءماجىلىس وتكىزىپ، بريكس ەلدەرىنىڭ سەلبەستىگى، سونداي - اق بىرگە كوڭىل اۋدارىپ وتىرعان باسقا دا رايوندىق جانە حالىقارالىق ماسەلەلەر جونىندە ىشكەرىلەي پىكىر اۋىستىرادى، قاتىستى ورتاق تانىمدار وسى جولعى كەڭەستىڭ جەتىستىكتەر حۇجاتى «گوا جارناماسىندا» كورسەتىلەتىن بولادى. بريكس ەلدەرىنىڭ باسشىلارى تاعى بانگلادەش شىعاناعى كوپ سالالى ەكونوميكالىق تەحنيكالىق سەلبەستىك دارىپتەمەسىنە مۇشە ەلدەر باسشىلارىمەن كەڭەس وتكىزەدى ءارى بريكس ەلدەرىنىڭ ونەركاسىپ - ساۋدا القالار كەڭەسىنىڭ ۋاكىلدەرىمەن كەڭەس وتكىزەدى. ءتوراعا شي جينپيڭ، سونداي - اق قاتىستى مەملەكەتتەردىڭ باسشىلارىمەن كەزدەسەدى.
لي باۋدۇڭ بىلاي دەپ اتاپ كورسەتتى: بيىل بريكس ەلدەرى سەلبەستىك مەحانيزمى قۇرىلعاندىعىنىڭ 10 جىلدىعى. 10 جىلدان بەرگى شاپشاڭ دامۋدىڭ ناتيجەسىندە، بريكس ەلدەرىنىڭ سەلبەستىك اياسى ۇزدىكسىز كەڭەيىپ، سەلبەستىك مەحانيزمى ۇزدىكسىز كەمەلدەندى. جۇڭگو − بريكس ەلدەرى سەلبەستىگىنىڭ تاباندى قولداۋشىسى جانە بەلسەندى قاتىسۋشىسى رەتىندە، گوا كەڭەسىنىڭ مىناداي جاقتاردا بەلسەندى جەتىستىكتەرگە قول جەتكىزۋىن ءتورت كوزبەن كۇتەدى: ءبىرىنشى، سىرتقا سەنىم، ىنتىماق، سەلبەستىكتىڭ بەلسەندى ينفورماتسياسىن جەتكىزۋ. ەكىنشى، ناقتى سەلبەستىكتى تەرەڭدەتىپ، سەلبەستىك ورەسىن جوعارىلاتۋ. ءۇشىنشى، كەلەلى حالىقارالىق ماسەلەلەردەگى قارىم - قاتىناس پەن سايكەستىكتى كۇشەيتىپ، ورتاق مۇددەنى قورعاۋ. ءتورتىنشى، رايونداعى مەملەكەتتەرمەن كەڭەسۋدى جانە سەلبەستىكتى كۇشەيتۋ. جۇڭگو تاراپتاردىڭ بىرگە قۇلشىنۋىندا گوا كەڭەسىنىڭ تولىق تابىسقا جەتەتىندىگىنە، سەلبەستىك قۇرىلىمى ۇزدىكسىز كەمەلدەنگەن، سەلبەستىك جەتىستىكتەرى ءتىپتى مول بريكس ەلدەرى سەلبەستىك مەحانيزمىنىڭ دۇنيە ءجۇزىنىڭ بەيبىتشىلىگى مەن ورنىقتىلىعىنا، دامۋى مەن گۇلدەنۋىنە ءتىپتى زور ۇلەس قوساتىندىعىنا سەنەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
