لي كىچياڭ مەملەكەتتىك ساياسي كەڭەستىڭ ورىنباسار ءتوراعاسى حى حوۋحۋامەن كەزدەستى

2016.10.11 15:50   كەلۋ قاينارى : حالىق تورابى

　　«حالىق گازەتى»، 10 – قازان، اۋمىن (تىلشىلەر سۋ نيڭ، ۋ لىجۇن). مەملەكەتتىك كەڭەستىڭ زۇڭليى لي كىچياڭ 10 – قازان تۇستەن كەيىن اۋمىندا مەملەكەتتىك ساياسي كەڭەستىڭ ورىنباسار ءتوراعاسى حى حوۋحۋامەن كەزدەستى.

　　لي كىچياڭ بىلاي دەدى: اۋمىن وتان قۇشاعىنا ورالعاننان بەرى «ءبىر ەلدە ەكى ءتۇزىمنىڭ» اۋمىنداعى امالياتىندا تابىسقا قول جەتتى، ەكونوميكانىڭ، قوعامنىڭ دامۋ ناتيجەسى كورنەكتى بولدى، اۋمىننىڭ جۇڭگونىڭ پورتۋگال ءتىلدى مەملەكەتتەرمەن اۋىس – كۇيىس، سەلبەستىك جاساۋداعى تەكشەلىك جانە سۇيمەندىك رولى كۇن سايىن كورنەكتىلەندى. بۇلار ءسىزدىڭ اۋمىن ەرەكشە اكىمشىلىك رايونىنىڭ اكىمى مىندەتىن وتەگەن كەزدە قوسقان جول اشۋ جانە نەگىز قالاۋ سيپاتىنداعى قىزمەتىڭىزدەن بولە قارالمايدى. ءسىزدىڭ ەرەكشە رايون اكىمىنىڭ جانە ەرەكشە رايون ۇكىمەتىنىڭ زاڭ بويىنشا بيلىك جۇرگىزۋىن ءۇرتىس قولداپ، اۋمىن ەكونوميكاسىنىڭ ۇيلەسىمدى كوپ ۇيەكتەنىپ دامۋىن ىلگەرىلەتىپ، اۋمىن ەرەكشە رايونىنىڭ ىشكى ولكەلەرمەن اۋىس – كۇيىسىن، سەلبەستىگىن جەبەپ، «ءبىر ەلدە ەكى ءتۇزىمنىڭ» اۋمىندا ءۇرتىس ورنىقتى ىلگەرىلەتىلۋىنە ۇلەس قوسۋىڭىزدى ءۇمىت ەتەمىن.

　　كەلۋ قاينارى: حالىق تورابى