- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسى 18 - كەزەكتى ورتالىق كوميتەتى التىنشى جالپى ءماجىلىسىنىڭ مازمۇنداماسى
(جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ماجىلىسىندە 2016 - جىلى 27 - قازاندا ماقۇلداندى)
2016.10.28 10:33 كەلۋ قاينارى : شينجياڭ گازەتى
جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ءماجىلىسى 2016 - جىلى 24 - قازاننان 27 - قازانعا دەيىن بەيجيڭدە وتكىزىلدى.
وسى جولعى جالپى ماجىلىسكە ورتالىق كوميتەتتىڭ 197 مۇشەسى، 151 كانديدات مۇشەسى قاتىناستى. ورتالىق ءتارتىپ تەكسەرۋ كوميتەتىنىڭ مۇشەلەرى جانە قاتىستى جاقتارداعى جاۋاپتى جولداستار ماجىلىسكە سىرتتاي قاتىناستى. پارتيا 18 - قۇرىلتايىنىڭ نەگىزگى ساتىداعى ءبىر ءبولىم ۋاكىلدەرى جانە مامان - وقىمىستىلار دا ماجىلىسكە سىرتتاي قاتىناستى.
جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» مەن «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» قارادى جانە ماقۇلدادى، «پارتيانىڭ مەملەكەتتىك 19 - قۇرىلتايىن اشۋ جونىندەگى قاۋلىنى» قارادى جانە ماقۇلدادى. شي جينپيڭ «ولشەم (تالقى نۇسقاسى)» مەن «ەرەجە (تالقى نۇسقاسى)» جونىندە جالپى ماجىلىسكە تۇسىنىك جاسادى.
جالپى ءماجىلىس ورتالىق كوميتەت ساياسي بيۋروسىنىڭ پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرگى قىزمەتىن تولىق تۇراقتاندىردى. ءماجىلىس بىلاي دەپ ەسەپتەدى: ەل ءىشى - سىرتى جاعدايىنداعى تەرەڭ دە كۇردەلى وزگەرىستەر الدىندا، ورتالىق كوميتەتتىڭ ساياسي بيۋروسى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋگە تاباندى بولىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل بيلەۋ جونىندەگى سونى كوزقاراستارىن، جاڭا يدەيالارىن، تىڭ ستراتەگيالارىن ىشكەرىلەي دايەكتىلەندىرىپ، ءداۋىر اۋقىمىن يگەرىپ، امالياتتىڭ تالابىنا جاۋاپ قايتارىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ءبىر نيەت، ءبىر تىلەكپەن سەلبەسىپ، شوگەلدىلىكپەن ناقتى ىستەر ىستەپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «ەكىنى ۇيرەنۋ، ءبىر بولۋ» ۇيرەنۋ - تاربيەسىن قانات جايدىرىپ، رەفورمانى جاپپاي تەرەڭدەتىپ، قامداۋ جاعىنداعى قۇرىلىمدىق رەفورمادا، مەملەكەت قورعانىسى مەن ارميا رەفورماسىندا كەلەلى قادام تاستاپ، پارتيا مەن مەملەكەتتىڭ ءتۇرلى قىزمەتتەرىندە جاڭا، كەلەلى ىلگەرىلەۋشىلىكتەرگە قول جەتكىزدى.
جالپى ءماجىلىس پارتيانى جاپپاي قاتاڭ باسقارۋدا قول جەتكەن تابىستارعا جوعارى باعا بەرىپ، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قۇلشىنا ىسكە كىرىسىپ، باستاماشىلدىقپەن ۇلگى كورسەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ يدەيالىق قۇرىلىسىن كۇشەيتۋ مەن پارتيانى ءتۇزىم ارقىلى جونگە سالۋدى تىعىز ۇشتاستىرۋعا تاباندى بولىپ، پارتيا ستيلىن شوعىرلى تۇردە وڭاپ، جەمقورلىقتى قاتاڭ جازالاپ، پارتيانىڭ ىشكى ساياسي ەكولوگياسىن كىرشىكسىزدەندىردى، سونىمەن پارتيانىڭ ىشكى ساياسي تۇرمىسىندا جاڭا بەينە قالىپتاسىپ، پارتيانىڭ تىلەگىنەن، حالىقتىڭ قالاۋىنان شىعىپ، پارتيا مەن مەملەكەت ىستەرىندە جاڭا جاعداي اشۋعا ماڭىزدى كەپىلدىك ەتتى دەپ قارادى.
جالپى ءماجىلىس پارتيامىزدىڭ پارتيانىڭ ىشكى ساياسي تۇرمىسىن جەبەۋدەگى تاريحي تاجىريبەلەرىن قورىتىندىلاپ، پارتيانى جاپپاي، قاتاڭ باسقارۋدا ءدوپ كەلگەن جاعداي مەن مىندەتكە تالداۋ جاساپ، جۇڭگونىڭ ىستەرىن ويداعىداي ىستەۋدىڭ تەتىگى پارتيادا، كىلتى پارتيانى پارتيا باسقارۋدا، پارتيانى قاتاڭ باسقارۋدا دەپ قارادى. پارتيانى پارتيا باسقارۋدا، ءسوز جوق، پارتيانىڭ ىشكى ساياسي تۇرمىسىنان باستاپ باسقارۋ، پارتيانى قاتاڭ جونگە سالۋدا، ءسوز جوق، پارتيانىڭ ىشكى ساياسي تۇرمىسىن قاتايتۋ كەرەك. كوپتەگەن تىڭ تاريحي ەرەكشەلىكتەرگە يە ۇلى كۇرەستەردى اناعۇرلىم جاقسى جۇرگىزۋ، پارتيا قۇرىلىسىنىڭ جاڭا، ۇلى ينجەنەرياسىن العا ىلگەرىلەتۋ، جۇڭگوشا سوتسياليزم ۇلى ىستەرىن العا ىلگەرىلەتۋ، «ءتورت ۇلكەن سىننان» سۇرىنبەي ءوتۋ، «ءتورت ءتۇرلى قاتەردى» جەڭۋ ءۇشىن جاڭا جاعدايداعى پارتيانىڭ ىشكى ساياسي تۇرمىسىنىڭ ولشەمدەرىن جاساۋ قاجەتتى بولدى.
جالپى ءماجىلىس مىنانى باسا دارىپتەدى: جاڭا جاعدايدا، پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ ءۇشىن، ءسوز جوق، پارتيا ۋستاۆىن ءتۇبىرلى نەگىز ەتىپ، پارتيانىڭ ساياسي لۋشيانىنا، يدەيالىق لۋشيانىنا، ۇيىمدىق لۋشيانىنا، بۇقارالىق لۋشيانىنا تاباندى بولۋ، پارتيانىڭ ىشكى ساياسي تۇرمىسىنىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇش سالا نىعايتۋ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كۇش سالا نىعايتۋ، پارتيانىڭ باسشىلىق ورەسى مەن بيلىك جۇرگىزۋ ورەسىن كۇش سالا جوعارىلاتۋ، جەمقورلىقتان اۋلاق بولىپ، وزگەرۋدەن ساقتانۋ جانە حاۋىپ - قاتەرگە توتەپ بەرۋ قابىلەتىن كۇشەيتۋ، پارتيا ورتالىق كوميتەتىنىڭ بەدەلىن كۇش سالا قورعاۋ، پارتيانىڭ ىنتىماعى مەن تۇتاستىعىنا كەپىلدىك ەتۋ، پارتيانىڭ العا باسارلىعى مەن كىرشىكسىزدىگىن ساقتاۋ، بۇكىل پارتيادا ورتالىقتاندىرۋى دا بار، دەموكراتياسى دا بار، ءتارتىبى دە بار، بوستاندىعى دا بار، ەرىك بىرلىگى دە بار، جەكە ادامنىڭ كوڭىل حوشتىعى دا بار، جاندى دا جالىندى ساياسي جاعدايدى قۇلشىنا جارىققا شىعارۋعا قۇلشىنۋ كەرەك.
جالپى ءماجىلىس مىنالاردى باسا دارىپتەدى: جاڭا جاعدايدا، پارتيانىڭ ىشكى ساياسي تۇرمىسىن كۇشەيتۋ مەن ارناعا ءتۇسىرۋدىڭ ءتۇيىنى ءار دارەجەلى باسشىلىق ورگاندار مەن باسشى كادرلاردا، جوعارى دارەجەلى كادرلاردا، وتە - موتە، ورتالىق كوميتەتتىڭ، ورتالىق كوميتەتتىڭ ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ قۇرامىنداعىلاردا. جوعارى دارەجەلى كادرلار، وتە - موتە، ورتالىقتاعى باسشىلىق جىكتىڭ قۇرامىنداعىلار، ءسوز جوق، باستاماشىلدىقپەن ۇلگى كورسەتۋى، پارتيا ۋستاۆىنا، پارتيا ەرەجەسىنە ونەگەلىلىكپەن بويسۇنۋى، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋى، اۋەلگى ماقساتتى ەستەن شىعارماي، ۇدەرە العا تارتۋعا تاباندى بولۋى، باستاماشىلدىقپەن ونەگە كورسەتۋگە، جوعارى ارقىلى تومەنگە ۇلگى بولۋعا تاباندى بولۋى، پارتياعا، بۇكىل قوعامعا ۇلگى كورسەتۋى ءتيىس.
جالپى ءماجىلىس مىنالاردى العا قويدى: كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى جۇڭگو كوممۋنيستەرىنىڭ رۋحاني تىرەگى جانە ساياسي جان جۇيەسى، سونداي - اق پارتيانىڭ ىنتىماعىن، تۇتاستىعىن ساقتاۋدىڭ يدەيالىق نەگىزى. ءسوز جوق، مۇرات - سەنىمدى بەكەمدەۋدى پارتيانىڭ ىشكى ساياسي تۇرمىسىن وتكىزۋدەگى ماڭداي الدى مىندەت ەتۋ كەرەك. بۇكىل پارتياداعى جولداستار، ءسوز جوق، ماركسيزمگە دەگەن سەنىمدى، سوتسياليزم مەن كوممۋنيزمگە دەگەن سەنىمدى ومىرلىك تالپىنىسى ەتىپ، جۇڭگوشا سوتسياليزم جولىنا دەگەن سەنىمدى، نازارياسىنا دەگەن سەنىمدى، تۇزىمىنە دەگەن سەنىمدى، مادەنيەتىنە دەگەن سەنىمدى بەكەمدەۋى كەرەك. باسشى كادرلار، وتە - موتە، جوعارى دارەجەلى كادرلار ءىس جۇزىندىك ارەكەتى ارقىلى پارتيا مۇشەلەرى مەن جۇرتشىلىققا مۇرات - سەنىمنىڭ قۇدىرەتتى كۇشىن شىنايى سەزىندىرۋى ءتيىس. بۇكىل پارتيا، ءسوز جوق، ماركستىك جەتەكشى يدەياعا بۇلجىماي تاباندى بولۋى، پارتيانىڭ ءار دارەجەلى ۇيىمدارى، ءسوز جوق، نازاريامەن قارۋلانۋدى تاباندىلىقپەن مىقتى يگەرۋى، قالىڭ پارتيا مۇشەلەرى، كادرلار، وتە - موتە، جوعارى دارەجەلى كادرلار، ءسوز جوق، ۇيرەنۋدى سانالىلىقپەن مىقتى ۇستاۋى، پارتيالىلىق ساپانى كۇشەيتۋى كەرەك.
جالپى ءماجىلىس مىنالاردى العا قويدى: پارتيامىزدىڭ سوتسياليزمنىڭ العاشقى ساتىسىنداعى نەگىزگى لۋشيانى − پارتيا مەن مەملەكەتتىڭ جان تامىرى، حالىقتىڭ باقىت ارقاۋى، سونداي - اق پارتيانىڭ ىشكى ساياسي تۇرمىسىن قالىپتى ورىستەتۋدىڭ ءتۇبىرلى كەپىلى. ءسوز جوق، پارتيانىڭ نەگىزگى لۋشيانىن جاپپاي دايەكتى اتقارۋ، ەكونوميكالىق قۇرىلىستى وزەك ەتۋدى ءتورت نەگىزگى پرينسيپكە تاباندى بولۋ، رەفورما جاساۋ، ەسىك اشۋعا تاباندى بولۋ سىندى وسى ەكى نەگىزدىك تۇيىنمەن بىرگە جۇڭگوشا سوتسياليزمنىڭ ۇلى امالياتىندا بىرلىككە كەلتىرۋ، ءارقانداي كەزدە تيتتەي دە اۋىتقىماۋ، تۇرلاۋسىزدىق ىستەمەۋ كەرەك. بۇكىل پارتيا، ءسوز جوق، پارتيامىزدىڭ بيلىك جۇرگىزىپ، ەل بيلەۋدەگى دامۋ سىندى ماڭداي الدى مىندەتىن زەيىن - زەردەنى شوعىرلاندىرا وتىرىپ مىقتى يگەرۋى كەرەك. ءتورت نەگىزگى پرينسيپكە تاباندى بولۋدا، ەڭ ءتۇبىرلىسى، پارتيانىڭ باسشىلىعىنا، جۇڭگوشا سوتسياليزم جولىنا، جۇڭگوشا سوتسياليزم نازاريا جۇيەسىنە، جۇڭگوشا سوتسياليزم تۇزىمىنە، جۇڭگوشا سوتسياليزم مادەنيەتىنە تاباندى بولۋ كەرەك. ءسوز جوق، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق وزگە دە جاقتاردا جاڭالىق اشۋدى باتىلدىقپەن العا ىلگەرىلەتۋ، مەملەكەتتىڭ سىرتقا ەسىك اشۋ سىندى نەگىزگى ساياساتىن بۇلجىتپاي تاباندىلىقپەن اتقارۋ كەرەك. ءسوز جوق، پارتيانىڭ يدەيالىق لۋشيانىنا تاباندى بولۋدى پارتيانىڭ نەگىزگى لۋشيانىن اتقارۋدىڭ بۇكىل بارىسىنا ءسىڭىرۋ، اماليات بارىسىندا اقيقاتتى سىننان وتكىزۋ جانە اقيقاتتى دامىتۋ، ماركسيزمنىڭ جۇڭگوشالانۋىن تىنباي العا ىلگەرىلەتۋ كەرەك. كادرلاردى، وتە - موتە، جوعارى دارەجەلى كادرلاردى تەكسەرگەندە، سارالاعاندا، ءسوز جوق، ەڭ الدىمەن، پارتيانىڭ نەگىزگى لۋشيانىن تاباندىلىقپەن بۇلجىتپاي اتقارعان - اتقارماعاندىعىنا قاراۋ كەرەك. پارتيا مۇشەلەرى، كادرلار، وتە - موتە، جوعارى دارەجەلى كادرلار ۇلكەن دۇرىس پەن ۇلكەن بۇرىس الدىندا كۇڭگىرت پوزيتسيادا بولماۋى، نەگىزگى ساياسي مايداندا تۇرلاۋسىزدىق ەتپەۋى، قاتە سوزدەردىڭ شىرماۋىنا تۇسپەۋى كەرەك.
جالپى ءماجىلىس مىنالاردى العا قويدى: پارتيا ورتالىق كوميتەتىنىڭ بەدەلىن باتىل قورعاۋ، بۇكىل پارتيانىڭ بۇيرىقتى بۇلجىتپاي اتقارۋىنا، تيىم سالىنعان ىستەردەن تيىلۋىنا كەپىلدىك ەتۋ − پارتيا مەن مەملەكەتتىڭ بولاشاعىنا، تاعدىرىنا قاتىستى، بۇكىل ەلىمىزدەگى ءار ۇلت حالقىنىڭ ءتۇبىرلى مۇددەسىنە قاتىستى ءىس، سونداي - اق بۇل پارتيانىڭ ىشكى ساياسي تۇرمىسىن كۇشەيتۋدىڭ، ارناعا ءتۇسىرۋدىڭ ماڭىزدى ماقساتى. پارتيانىڭ باسشىلىعىنا تاباندى بولۋدا، ەڭ اۋەلى، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا تاباندى بولۋ كەرەك. ءبىر مەملەكەت، ءبىر ساياسي پارتيا جونىنەن العاندا، باسشىلىق ۇيتقى توتەنشە ماڭىزدى. بۇكىل پارتيا، ءسوز جوق، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋى كەرەك. پارتيانىڭ ءار دارەجەلى ۇيىمدارى، بارلىق پارتيا مۇشەلەرى، وتە - موتە، جوعارى دارەجەلى كادرلار تۇگەلدەي پارتيا ورتالىق كوميتەتىنە قاراپ ساپ تۇزەۋى، پارتيانىڭ نازارياسى مەن لۋشيانىنا، باعىت - ساياساتتارىنا قاراپ ساپ تۇزەۋى، پارتيا ورتالىق كوميتەتىنىڭ شەشىمىنە، ورنالاستىرۋىنا قاراپ ساپ تۇزەۋى، پارتيا ورتالىق كوميتەتىنىڭ دارىپتەمەسىنە باتىل ءۇن قوسۋى، پارتيا ورتالىق كوميتەتىنىڭ قارارىن باتىل اتقارۋى، پارتيا ورتالىق كوميتەتى تيىم سالعان ىستەردى مۇلدە ىستەمەۋى كەرەك.
جالپى ءماجىلىس مىنالاردى العا قويدى: ءتارتىپتىڭ قاتاڭدىعى بۇكىل پارتيانىڭ ءبىر تۇتاس ەرىك - جىگەرىنىڭ، ءبىر تۇتاس ارەكەتىنىڭ، بىركەلكى قاداممەن العا باسۋىنىڭ ماڭىزدى كەپىلى، پارتيانىڭ ىشكى ساياسي تۇرمىسىنىڭ ماڭىزدى مازمۇنى. ءسوز جوق، پارتيانىڭ ءتارتىبىن قاتايتۋ، ءتارتىپتى الدىعا تارتىپ، بولاتتاي بەرىك تارتىپپەن پارتيانى قاتاڭ جونگە سالۋ كەرەك. ءتارتىپ الدىندا تەرەزەسى تەڭ بولۋدان، تارتىپكە بويسۇنۋدا ەرەكشە ۇقىق بولماۋدان، ءتارتىپتى اتقارۋدا ەشكىم دە قاعىس قالماۋدان جازباۋ، پارتيا ىشىندە ءتارتىپتىڭ تەجەۋىنە ۇشىرامايتىن ەرەكشە ۇيىم مەن ەرەكشە پارتيا مۇشەسىنىڭ بولۋىنا استە جول بەرمەۋ كەرەك. پارتيانىڭ ءار دارەجەلى ۇيىمدارى مەن بارلىق پارتيا مۇشەلەرى، ءسوز جوق، پارتياعا ادال، شىنشىل، اشىق - جارقىن بولۋى، شىن سويلەپ، ناقتى ىستەپ، ادال ادام بولۋى، پارتياعا جاعدايدى قاز - قالپىندا اڭىس ەتۋى جانە مالىمدەۋى، ەكىبەتكەيلىككە، تۇرلاۋسىزدىققا قارسى تۇرۋى، الدامكوستىك ىستەۋگە، وتىرىك ايتىپ، لەپىرۋگە قارسى تۇرۋى، ناقتى جاعدايدى بۇركەمەلەۋگە، جاقسىسىن ايتىپ، جامانىن جاسىرۋعا قارسى تۇرۋى كەرەك. باسشىلىق ورگان مەن باسشى كادرلاردىڭ ءارقانداي سىلتاۋمەن تومەندەگىلەردىڭ جالعان سويلەۋىنە ىرىق بەرۋىنە، جالعان سويلەۋگە قولقالاۋىنا، جالعان سويلەۋدى اڭداتۋىنا نەمەسە جالعان سويلەۋگە ماجبۇرلەۋىنە بولمايدى. پارتيا ىشىندە ءتىل بىرىكتىرىپ امپەي - جامپەي بولۋعا، قولپاشتاپ جارامساقتانۋعا بولمايدى. باسشىلار جونىندەگى ۇگىتتە شىندىقتى ءىس جۇزىنەن ىزدەۋ، كوپىرتە ماقتاۋعا تيىم سالۋ كەرەك. پارتيانىڭ ءار دارەجەلى ۇيىمدارى، ءسوز جوق، ساياسي ءتارتىپ پەن ساياسي قاعيدانى اتقارۋ جانە قورعاۋ جاۋاپكەرشىلىگىن ۇستىنە الۋى، ءتارتىپتى اتقارۋداعى كەڭ قولدىلىق، بوستىق، جۇمساقتىق ماسەلەسىنەن باتىل ساقتانۋى جانە ونى تۇزەتۋى ءتيىس.
جالپى ءماجىلىس مىنالاردى العا قويدى: پارتيامىز حالىقتان كەلگەن، حالىقتىڭ قولداۋى مەن قۋاتتاۋىنان ايرىلسا، پارتيامىز ىرگە تاسىنان ايرىلادى. ءسوز جوق، بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى ماقساتقا تاباندى بولۋدى، پارتيانىڭ حالىق جۇرتشىلىعىمەن ەتەنە بايلانىسىن ساقتاۋدى پارتيانىڭ ىشكى ساياسي تۇرمىسىن كۇشەيتۋ مەن ارناعا ءتۇسىرۋدىڭ ءتۇبىرلى تالابى ەتۋ كەرەك. بۇكىل پارتيا، ءسوز جوق، پارتيانىڭ بۇقارالىق لۋشيانىن دايەكتىلەندىرۋى، بۇقارا ءۇشىن ناقتى ىستەر ىستەپ، قيىنشىلىعىن شەشىپ بەرۋى، حالىقتىڭ قالاۋلى قىزمەتكەرى بولۋى كەرەك. حالىقتان اقىل - كەڭەس الۋعا، حالىقتىڭ قاجەتىن بىلۋگە، حالىق ءۇشىن جوسپار جاساۋعا تاباندى بولۋ كەرەك، بۇقارانىڭ الدىندا وزىنىكىن عانا ءجون ساناۋعا، بۇقارانى باسىنۋعا استە جول قويىلمايدى، بيلىك تىزگىنىن ۇستاعاندا باي - ماناپ بولىپ الۋعا، بۇقارانىڭ مۇڭ - مۇقتاجىن ەلەپ - ەسكەرمەۋگە استە جول قويىلمايدى، بۇقارانى باسىنۋعا، بۇقارانىڭ مۇددەسىنە زيان جەتكىزۋگە جانە ونى تارتىپ الۋعا ءتىپتى دە بولمايدى. ءسوز جوق، فورماشىلدىققا، تورەشىلدىككە، راقاتقۇمارلىققا جانە ىسىراپشىلدىققا باتىل قارسى تۇرۋ كەرەك. ءار دارەجەلى باسشى كادرلار، ءسوز جوق، امالياتقا، نەگىزگى ساتىعا، بۇقاراعا ىشكەرىلەي ارالاسۋى، شارت - جاعدايى جاپالى، جاعدايى كۇردەلى، قايشىلىعى كورنەكتى ورىندارعا كوبىرەك بارىپ ماسەلەلەردى ءبىر جايلى ەتۋى، مۇمكىندىكتىڭ بارىنشا بۇقارانى مۇڭ - مۇقتاجدان ارىلتۋى كەرەك. حالىقتى قان قاقساتىپ، اقشانى بەيبەرەكەت شاشاتىن ءارقانداي «وبراز ينجەنەرياسى» مەن «ساياسي ناتيجە ينجەنەرياسىن» اتقارۋ جايتتەرىن قاتاڭ جاۋاپقا تارتۋ، جاۋاپكەرشىلىگىن قاتاڭ قۋزاستىرۋ، تارتىپكە، زاڭعا ساي ءبىر جايلى ەتۋ كەرەك.
جالپى ءماجىلىس مىنالاردى العا قويدى: دەموكراتيالىق ورتالىقتاندىرۋ ءتۇزىمى − پارتيانىڭ ءتۇبىرلى ۇيىمدىق پرينسيبى، پارتيانىڭ ىشكى ساياسي تۇرمىسىن قالىپتى قانات جايدىرۋدىڭ ماڭىزدى تۇزىمدىك كەپىلى. كوللەكتيۆ باسشىلىق ەتۋ تۇزىمىنە تاباندى بولۋ، كوللەكتيۆ باسشىلىق ەتۋ مەن جەكە ادام جۇمىس بولىسىنە ساي جاۋاپتى بولۋدى ءوزارا ۇشتاستىرۋ − دەموكراتيالىق ورتالىقتاندىرۋ ءتۇزىمىنىڭ ماڭىزدى قۇرامداس بولەگى، ءسوز جوق، وعان باستان - اياق تاباندى بولۋ كەرەك. ءارقانداي ۇيىمنىڭ جانە جەكەنىڭ ءارقانداي جاعدايدا ءارقانداي سەبەپتى كولدەنەڭ تارتىپ بۇل تۇزىمگە قايشىلىق جاساۋىنا جول قويىلمايدى. ءار دارەجەلى پارتكومدار (پارتيا باسشىلىق گرۋپپاسى)، ءسوز جوق، كوللەكتيۆ باسشىلىق ەتۋ تۇزىمىنە تاباندى بولۋى، باسشىلىق القا مۇشەلەرى، ءسوز جوق، جالپى جاعداي كوزقاراسى مەن جاۋاپكەرشىلىك تانىمىن كۇشەيتۋى كەرەك، پارتكومداعى (پارتيا باسشىلىق گرۋپپاسى) نەگىزگى جاۋاپتى جولداس، ءسوز جوق، دەموكراتيانى ساۋلەلەندىرۋى، ورتالىقتاندىرۋعا شەبەر بولۋى، جاۋاپكەرشىلىكتى باتىلدىقپەن ارقالاۋى كەرەك، باسشىلىق القا مۇشەلەرى، ءسوز جوق، پارتيا ۇيىمىنىڭ قارارىن باتىل اتقارۋى كەرەك.
جالپى ءماجىلىس مىنالاردى العا قويدى: پارتيا ىشىندەگى دەموكراتيا − پارتيانىڭ جانى، پارتيانىڭ ىشكى ساياسي تۇرمىسىنىڭ بەلسەندى، اقاۋسىز بولۋىنىڭ ماڭىزدى نەگىزى. پارتيا ىشىندە شەشىم جاساۋ، اتقارۋ، باقىلاۋ سياقتى قىزمەتتەردە، ءسوز جوق، پارتيا ۋستاۆىندا، پارتيا ەرەجەسىندە بەلگىلەنگەن دەموكراتيالىق پرينسيپتەر مەن تارتىپتەردى اتقارۋ كەرەك، ءارقانداي پارتيا ۇيىمىنىڭ جانە جەكەنىڭ پارتيا ىشىندەگى دەموكراتيانى تۇنشىقتىرۋىنا، پارتيا ىشىندەگى دەموكراتيانى بۇلدىرۋىنە بولمايدى. ورتالىق كوميتەت، ورتالىق كوميتەتتىڭ ساياسي بيۋروسى، ورتالىق كوميتەت ساياسي بيۋروسىنىڭ تۇراقتى كوميتەتى مەن پارتيانىڭ ءار دارەجەلى كوميتەتى كەلەلى شەشىم شىعارعاندا، ورنالاستىرۋ جاساعاندا، ءسوز جوق، ىشكەرىلەي تەكسەرۋ - زەرتتەۋ جۇرگىزۋى، ءارقايسى جاقتاردىڭ پىكىرى مەن ۇسىنىسىنا كەڭ كولەمدى قۇلاق اسۋى كەرەك. ءسوز جوق، پارتيا مۇشەلەرىنىڭ تۇلعالىق ورنىنا قۇرمەت ەتۋ، پارتيا مۇشەلەرىنىڭ دەموكراتيالىق ۇقىعىن قامتاماسىزداندىرۋ، پارتيا مۇشەلەرىنىڭ جاعدايدان حابارلى بولۋ ۇقىعىن، ات سالىسۋ ۇقىعىن، سايلاۋ ۇقىعىن، باقىلاۋ ۇقىعىن تياناقتاندىرۋ، بارلىق پارتيا مۇشەلەرىنىڭ پارتيا ۋستاۆىندا بەلگىلەنگەن پارتيا مۇشەلەرىنىڭ ۇقىعىنان تەڭ تۇرعىدا يگىلىكتەنۋىن، پارتيا ۋستاۆىندا بەلگىلەنگەن پارتيا مۇشەلەرىنىڭ بورىشىن ادا ەتۋىن قامتاماسىزداندىرۋ، پارتيا ىشىندەگى دەموكراتيالى، تەرەزەسى تەڭ جولداستىق قاتىناسقا تاباندى بولۋ كەرەك، ءارقانداي پارتيا ۇيىمى مەن پارتيا مۇشەسىنىڭ پارتيا مۇشەلەرىنىڭ دەموكراتيالىق ۇقىعىنا قول سۇعۋىنا بولمايدى. پارتيا مۇشەلەرىنىڭ پارتيا ىشىندەگى ىستەرگە ات سالىسۋ جانە تالقىلاۋ جولدارىن ىركىلىسسىزدەندىرۋ، پارتيا مۇشەلەرىنىڭ پىكىر ءبىلدىرۋ ارنالارىن كەڭەيتۋ، پارتيا ىشىندە دەموكراتيالىق تالقى جۇرگىزۋ سىندى ساياسي اۋقىم قالىپتاستىرۋ كەرەك. پارتيا مۇشەسىنىڭ پارتياعا جاۋاپتى بولۋ تۇرعىسىنان ءارقانداي ۇيىم مەن ءارقانداي جەكە تارتىپكە، زاڭعا قايشى ىستەرىن اشكەرەلەۋگە، مالىمدەۋگە ۇقىقتى، ناقتى اتى - جونىمەن اشكەرەلەۋ دارىپتەلەدى.
جالپى ءماجىلىس مىنالاردى العا قويدى: ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولۋ − پارتيا ىشىندەگى ساياسي تۇرمىستى قاتايتۋدىڭ ۇيىمدىق كەپىلى. كادرلاردى تاڭداپ ءوسىرۋ، مىندەتكە قويۋدا، ءسوز جوق، ءمورالدى دا قابىلەتتى بولۋعا، ءمورالدى باستى ورىنعا قويۋعا تاباندى بولىپ، توڭىرەكتىڭ ءتورت بۇرىشىنان بولۋعا، تەك جارامدىلاردى عانا قىزمەتكە قويۋعا تاباندى بولىپ، سەنىمى بەكەم، حالىق ءۇشىن قىزمەت ەتەتىن، ىسكەر، جاۋاپكەرشىلىك ارقالاۋعا باتىل، پاك، كىرشىكسىز جاقسى كادر ولشەمىنە تاباندى بولۋ كەرەك. پارتيانىڭ ءار دارەجەلى ۇيىمدارى، ءسوز جوق، كادر ىستەتۋدەگى بۇرىس ستيلدەر مەن ءتۇرلى اۋىتقۋشىلىقتاردان سانالى تۇردە ساقتانۋ جانە ونى تۇزەتۋ كەرەك. پارتيانىڭ ءار دارەجەلى ۇيىمدارى تۋى ايقىن تۇردە مىندەت ارقالاۋعا باتىل كادرلار ءۇشىن جاۋاپتى بولۋ، جاۋاپكەرشىلىك ارقالاۋعا باتىل كادرلار ءۇشىن جاۋاپتى بولۋ كەرەك. ءمانساپ ءۇشىن الاشاپقىن بولۋ، ءمانساپ تىلەۋ، ءمانساپ ساتۋ، ءمانساپ ساتىپ الۋ، پارا بەرىپ، داۋىس جيناۋ سياقتى ارەكەتتەرگە باتىل تيىم سالۋ، پارتيادان لاۋازىم، اتاق، مامىلە سۇراۋ ارەكەتتەرىنە باتىل تيىم سالۋ، پارتيا ۇيىمىنا شارت قوياتىن، پارتيا ۇيىمىنىڭ شەشىمىنە بويسۇنبايتىن ارەكەتتەرگە باتىل تيىم سالۋ كەرەك. ەشكىمنىڭ دە پارتيانىڭ كادرىن جەكەلىك مۇلكى ەتۋىنە، پارتيا ىشىندە شىلاۋلاستىق قاتىناس قالىپتاستىرۋىنا بولمايدى. پارتيا ىشىندەگى جولداستاردىڭ بارىس - كەلىسىن جۇيەگە ءتۇسىرۋ جانە كىرشىكسىزدەندىرۋ كەرەك، باسشى كادرلار پارتيا مۇشەلەرىن ەمەۋرىنمەن جۇمساۋىنا، پارتيا مۇشەلەرى باسشى كادرلارعا جارامساقتانىپ، قۇرشا جورعالاۋىنا بولمايدى. قاتەلىككە كەڭشىلىكپەن قاراۋ، قاتەلىكتى تۇزەتۋ مەحانيزمىن ورناتىپ، كادرلاردىڭ قىزمەتتە، اسىرەسە، رەفورما جاساۋدا، جاڭالىق اشۋدا جىبەرگەن اعاتتىقتارىنا كەڭشىلىكپەن قاراۋ كەرەك.
جالپى ءماجىلىس مىنالاردى العا قويدى: پارتيانىڭ ۇيىمدىق تۇرمىسى − پارتيا ىشىندەگى ساياسي تۇرمىستىڭ ماڭىزدى مازمۇنى جانە دانەكەرى، پارتيا ۇيىمىنىڭ پارتيا مۇشەلەرىن تاربيەلەۋىنىڭ، باسقارۋىنىڭ، باقىلاۋىنىڭ ماڭىزدى فورماسى. ءسوز جوق، پارتيانىڭ ۇيىمدىق تۇرمىسىنىڭ ءتۇرلى تۇزىمدەرىنە تاباندى بولىپ، ءادىس - تاسىلگە جاڭالىق ەنگىزىپ، پارتيانىڭ ۇيىمدىق تۇرمىسىنىڭ ومىرشەڭدىگىن كۇشەيتۋ كەرەك. بارلىق پارتيا مۇشەلەرى، كادرلار، اسىرەسە، جوعارى دارەجەلى كادرلار، ءسوز جوق، پارتيا جونىندەگى تانىمدى كۇشەيتىپ، ءوزىنىڭ الدىمەن پارتيا مۇشەسى ەكەنىن ءارقاشان ەستەن شىعارماۋ كەرەك. «3 جيىن، ءبىر ساباق» تۇزىمىنە، دەموكراتيالىق تۇرمىس جيىنى مەن ۇيىمدىق تۇرمىس جيىنى تۇزىمىنە، سىرلاسۋ، اڭگىمەلەسۋ تۇزىمىنە تاباندى بولۋ، پارتيا مۇشەلەرىن دەموكراتيالىق باعالاۋعا تاباندى بولۋ كەرەك. باسشى كادرلار ۇيىمدىق كوزقاراستى كۇشەيتىپ، قىزمەتتەگى ماڭىزدى ماسەلەلەر مەن جەكە باسىنا قاتىستى ىستەر جونىندە، ءسوز جوق، بەلگىلەمەدەگى ءتارتىپ بويىنشا ۇيىمنان نۇسقاۋ سۇراۋ جانە ونى ۇيىمعا مالىمدەۋ كەرەك.جالپى ءماجىلىس مىنالاردى العا قويدى: سىن جانە ءوز - وزىنە سىن ايتۋ − پارتيامىزدىڭ وزىندەگى كىناراتتاردى جويىپ، اقاۋسىزدىعىن ساقتاۋداعى وتكىر قارۋى، ول پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ دە ماڭىزدى ءتاسىلى، ءسوز جوق، سىن جانە ءوز - وزىنە سىن ايتۋ قارۋىنان تاباندىلىقپەن جاقسى پايدالانۋ كەرەك. سىن جانە ءوز - وزىنە سىن ايتۋدا، ءسوز جوق، شىندىقتى ءىس جۇزىنەن ىزدەۋدەن، جەكە مۇددەنى ەمەس، پارتيالىلىقتى دارىپتەۋدەن، بەت - بەدەلدى ەمەس، اقيقاتتى دارىپتەۋدەن جازباۋ كەرەك. پارتيا مۇشەلەرى، كادرلار، ءسوز جوق، ءوزىن - ءوزى بورشالاۋعا قاتاڭ بولۋى، بايقالعان ماسەلەلەردىڭ سەبەبىنە تەرەڭدەي تالداۋ جاساۋى، مۇقيات وڭاۋى، وزگەرتۋى كەرەك. پارتيانىڭ باسشىلىق ورگانى مەن باسشى كادرلار ءتۇرلى پىكىرلەردى، ءسوز جوق، تىڭداۋى، باسشى كادرلار، اسىرەسە، جوعارى دارەجەلى كادرلار، ءسوز جوق، باستاماشىلدىقپەن ۇسىنىستار مەن پىكىرلەردى ريزاشىلدىقپەن قابىلداۋ، بەتىنە ايتۋعا باتىل بولۋ كەرەك.
جالپى ءماجىلىس مىنالاردى العا قويدى: باقىلاۋ − بيلىكتىڭ دۇرىس جۇرگىزىلۋىنىڭ ءتۇبىرلى كەپىلى، پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ ماڭىزدى شاراسى. ءسوز جوق، باسشى كادرلاردى باقىلاۋدى كۇشەيتىپ، پارتيا ىشىندە تەجەلمەيتىن بيلىك بولۋىنا جول بەرمەۋ، باقىلانبايتىن ەرەكشە پارتيا مۇشەسى بولۋعا جول قويماۋ كەرەك. بيلىكتىڭ جۇرگىزىلۋىن مەڭگەرۋ جانە باقىلاۋ مەحانيزمىن كەمەلدەندىرىپ، بيلىكپەن قوسا، ءسوز جوق، جاۋاپكەرشىلىك بولاتىن، بيلىك اتقارۋمەن قوسا، ءسوز جوق، جاۋاپكەرشىلىك جۇكتەلەتىن، بيلىك بەتالدى جۇمسالسا، ءسوز جوق، جاۋاپكەرشىلىگى قۋزالاتىن ءتۇزىم قالىپتاستىرۋ كەرەك. پارتيانىڭ ءار دارەجەلى ۇيىمدارى مەن باسشى كادرلار، ءسوز جوق، نەگىزگى زاڭ مەن زاڭدار كولەمىندە قيمىل جۇرگىزۋى كەرەك، ءسوزىن زاڭنىڭ ورنىنا قويۋىنا، بيلىگىمەن زاڭدى اياققا باسۋىنا، جەكە مۇددەسى ءۇشىن زاڭدى بۇزۋىنا استە بولمايدى. ءتارتىپتى، زاڭدى بۇزۋعا ساياتىن ارەكەتتەر جونىندەگى اشكەرەلەۋلەردى، پارتيا مۇشەلەرى اڭىس ەتكەن ماسەلەلەردى ءارقانداي پارتيا ۇيىمى جانە باسشى كادر مالىمدەمەي جاسىرىپ قالۋىنا، سوزباقتاتىپ، ءبىر جاقتى ەتپەي قويۋىنا بولمايدى. اڭىس ەتىلگەن ماسەلەگە شاتىلعان باسشى كادر تەكسەرۋدە تايساپ تۇرۋى كەرەك، ونىڭ ۇيىمدىق تەكسەرۋگە ارالاسۋىنا نەمەسە كيلىگۋىنە بولمايدى.
جالپى ءماجىلىس مىنالاردى العا قويدى: پاك ساياسيدى ورناتىپ، جەمقورلىققا باتىل قارسى تۇرۋ − پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ ماڭىزدى مىندەتى. جەمقورلىقتان اۋلاق بولىپ، وزگەرۋدەن ساقتاناتىن يدەيالىق قورعانىس شەبى مەن تۇزىمدىك قورعانىس شەبىن بەكەمدەپ، جەمقورلىققا جىبەرمەيتىن، جەمقورلىق ىستەتكىزبەيتىن، جەمقورلىقتى ويعا الدىرتپايتىن ءتۇزىلىس، مەحانيزم قالىپتاستىرۋ كەرەك، باسشى كادرلار، اسىرەسە، جوعارى دارەجەلى كادرلار، ءسوز جوق، باستاماشىلدىقپەن سوتسياليستىك وزەكتى قۇن كوزقاراسىن امالياتتا كورسەتۋ، ساپانى، ءمورالدى، سەنىمدىلىكتى، ار - نامىستى دارىپتەۋ كەرەك. ءار دارەجەلى باسشى كادرلار حالىقتىڭ قىزمەتكەرى، ولاردا ەرەكشەلەنەتىن ۇقىق بولمايدى، ولار پاك، تارتىپشەڭ بولۋ ولشەمىن باستاماشىلدىقپەن اتقارۋ، ەرەكشە بيلىك يدەياسىمەن جانە ەرەكشە بيلىك قۇبىلىسىمەن سانالىلىقپەن كۇرەسىپ، وتباسىنا، وتباسى تاربيەسىنە، وتباسى ستيلىنە ءمان بەرىپ، تۋىس - تۋعاندارى مەن جانىنداعى قىزمەتكەرلەردى جاقسى تاربيەلەۋ، باسقارۋ كەرەك. قىزمەت بيلىگىنەن نەمەسە ىقپالىنان پايدالانىپ تۋىس - تۋعاندارىنا، دوس - جاراندارىنا ەرەكشە قامقورلىق جاساۋىنا تيىم سالىنادى، باسشى كادرلاردىڭ تۋىس - تۋعاندارىنىڭ، دوس - جاراندارىنىڭ باسشى كادردىڭ قىزمەت بيلىگى كولەمىندەگى قىزمەتتەرگە كيلىگۋىنە، كادر ورنالاستىرۋعا كيلىگۋىنە تيىم سالىنادى. جەمقورلىق اتاۋلىنىڭ بارلىعىنا قارسى تۇرۋدان، جەمقورلىق اتاۋلىنىڭ بارلىعىن قاتاڭ جازالاۋدان جازباي، جەمقورلىقتى جازالاۋدا شەكتەلگەن رايون بولماۋعا، جاپپاي قامتۋعا، نولدىك توزىمدىلىككە تاباندى بولۋ، پارتيا ىشىندە جەمقورلارعا استە جاسىرىناتىن مۇمكىندىك قالدىرماۋ كەرەك.
جالپى ءماجىلىس مىنالاردى باسا دارىپتەدى: پارتيا ىشىندەگى باقىلاۋدا ماركسيزم - لەنينيزم، ماۋ زىدۇڭ يدەياسىن، دىڭ شياۋپىڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشىلىككە الىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستىرە ىلگەرىلەتۋدى ارقاۋ ەتە وتىرىپ، پارتيا ۋستاۆىن قاستەرلەۋ، پارتيانى بەلگىلەمە بويىنشا باسقارۋ، پارتيا ىشىندەگى باقىلاۋ مەن حالىق بۇقاراسىنىڭ باقىلاۋىن ءوزارا بىرلەستىرۋگە تاباندى بولۋ، پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كۇشەيتۋ كەرەك.
جالپى ءماجىلىس مىنالاردى اتاپ كورسەتتى: پارتيا ىشىندەگى باقىلاۋدا شەكتەلگەن رايون، قاعىس قالاتىن ادام بولمايدى. ءار دارەجەلى پارتيا ۇيىمدارى سەنىم ارتىپ، ىنتالاندىرۋدى قاتاڭ باقىلاۋمەن بىرلەستىرىپ، پارتيانىڭ باسشى كادرلارىنىڭ بيلىكپەن قوسا، ءسوز جوق، جاۋاپكەرشىلىگى بولۋىن، جۇكتەلگەن جاۋاپكەرشىلىكتى ارقالاۋىن، بيلىگى باقىلاۋدا بولۋىن، جاۋاپكەرلىگىن وتەمەسە، ءسوز جوق، قۋزالۋىن ىسكە اسىرۋ كەرەك. پارتيا ىشىندەگى باقىلاۋدا دەموكراتيالىق ورتالىقتاندىرۋ ءتۇزىمىن دايەكتىلەندىرىپ، باقىلاۋدى ەرەجە، ءتارتىپ بويىنشا جۇرگىزۋ، جوعارىدان تومەنگە قاراي ۇيىمدىق باقىلاۋدى كۇشەيتۋ، تومەننەن جوعارىعا قاراي دەموكراتيالىق باقىلاۋدى جاقسارتۋ، دارەجەلەس ورىنداردىڭ ءوزارا باقىلاۋ رولىن ساۋلەلەندىرۋ كەرەك.
جالپى ءماجىلىس مىنالاردى باسا دارىپتەدى: پارتيا ىشىندەگى باقىلاۋدىڭ مىندەتى − پارتيا ۋستاۆى مەن پارتيا ەرەجە - تارتىپتەرىنىڭ بۇكىل پارتيادا ءونىمدى اتقارىلۋىنا كەپىلدىك ەتىپ، پارتيانىڭ ىنتىماعى مەن بىرلىگىن قورعاۋ، پارتيا ىشىندەگى باسشىلىقتىڭ السىرەۋى، پارتيا قۇرىلىسىنىڭ اقساۋى، پارتيانى جاپپاي قاتاڭ جونگە سالۋدىڭ دارمەنسىز بولۋى، پارتيا جونىندەگى كوزقاراستىڭ سولعىنداۋى، ۇيىمنىڭ بىتىراڭقى بولۋى، ءتارتىپتىڭ بوساۋى، پارتيانى باسقارۋ، پارتيانى جونگە سالۋدىڭ كەڭ، بوس، جۇمساق بولۋى ماسەلەلەرىن ءتۇيىندى تۇردە شەشىپ، پارتيا ۇيىمىنىڭ قىزمەت فۋنكتسياسىن تولىق اتقارۋىنا، ۇيتقىلىق رولىن ساۋلەلەندىرۋىنە، بارشا پارتيا مۇشەلەرىنىڭ ۇزدىك ونەگەلى رولدارىن ساۋلەلەندىرۋىنە، پارتيانىڭ باسشى كادرلارىنىڭ ادالدىعىنا، كىرشىكسىزدىگىنە، جاۋاپكەرشىلىك ارقالاۋىنا كەپىلدىك ەتۋ بولىپ تابىلادى. پارتيا ىشىندەگى باقىلاۋدىڭ باستى مازمۇنى: پارتيا ۋستاۆىنا، پارتيا ەرەجەسىنە جانە مەملەكەتتىڭ نەگىزگى زاڭى مەن زاڭدارىنا بويسۇنۋ، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىن قورعاۋ، دەموكراتيالىق ورتالىقتاندىرۋ تۇزىمىنە تاباندى بولۋ، پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرۋ، ورتالىقتىڭ «سەگىز تارماقتى بەلگىلەمەسىن» تياناقتاندىرۋ، پارتيانىڭ كادر ولشەمىنەن جازباي، پاك، تارتىپشەڭ بولىپ، بيلىكتى ءادىل جۇرگىزۋ، پارتيا ورتالىق كوميتەتى مەن جوعارى دارەجەلى پارتيا ۇيىمدارى ورنالاستىرعان مىندەتتەردى ورىنداۋ، ت.ب.
جالپى ءماجىلىس مىنالاردى اتاپ كورسەتتى: پارتيا ىشىندەگى باقىلاۋدىڭ ءتۇيىندى وبيەكتىلەرى پارتيانىڭ باسشىلىق ورگانى جانە باسشى كادرلار، اسىرەسە، نەگىزگى باسشى كادرلار. بۇكىل پارتياعا پارتيا ورتالىق كوميتەتى ءبىر تۇتاس باسشىلىق ەتەتىن، پارتكومدار (پارتيا باسشىلىق گرۋپپالارى) جاپپاي باقىلايتىن، ءتارتىپ تەكسەرۋ ورگاندارى ارنايى جاۋاپتى بولىپ باقىلايتىن، پارتيانىڭ قىزمەت بولىمدەرى قىزمەت فۋنكتسيالارى بويىنشا باقىلايتىن، پارتيانىڭ نەگىزگى ساتى ۇيىمدارى كۇندەلىكتى باقىلايتىن، پارتيا مۇشەلەرى دەموكراتيالى باقىلايتىن پارتيانىڭ ىشكى باقىلاۋ جۇيەسىن قۇرۋ جانە كەمەلدەندىرۋ كەرەك.
جالپى ءماجىلىس مىنالاردى باسا دارىپتەدى: پارتيانىڭ ورتالىق كوميتەتى، پارتيا ورتالىق كوميتەتىنىڭ ساياسي بيۋروسى، پارتيا ورتالىق كوميتەتى ساياسي بيۋروسىنىڭ تۇراقتى كوميتەتى پارتيا ىشىندەگى باقىلاۋ قىزمەتىنە جالپى بەتتىك باسشىلىق ەتەدى. پارتكومدار (پارتيا باسشىلىق گرۋپپالارى) پارتيا ىشىندەگى باقىلاۋدا تۇلعالىق جاۋاپكەرشىلىك ارقالايدى، شۋجي 1 - جاۋاپكەرشىلىك ارقالاۋشى بولادى، پارتكوم تۇراقتى كوميتەتىنىڭ مۇشەلەرى (پارتيا باسشىلىق گرۋپپاسىنىڭ مۇشەلەرى) مەن پارتكوم مۇشەلەرى قىزمەت جاۋاپكەرشىلىگى كولەمىندە باقىلاۋ قىزمەت جاۋاپكەرلىگىن اتقارادى. پارتيانىڭ ءار دارەجەلى ءتارتىپ تەكسەرۋ كوميتەتتەرى ءتارتىپ اتقارۋدا جاۋاپقا تارتۋ قىزمەت جاۋاپكەرلىگىن اتقارۋ كەرەك. پارتيانىڭ قىزمەت تاراۋلارى ءوز قىزمەت مىندەتى كولەمىندە پارتيا ىشىندەگى باقىلاۋ قىزمەتىن كۇشەيتۋ كەرەك. پارتيانىڭ نەگىزگى ساتى ۇيىمدارى پارتيا مۇشەلەرىنىڭ بورىشىن شىنايى وتەۋىن باقىلاپ، پارتيانىڭ ءتارتىبىن قورعاۋ جانە اتقارۋ كەرەك. پارتيا مۇشەلەرى پارتيا مۇشەسىندىك ۇقىقتارىن بەلسەنە اتقارىپ، پارتيانىڭ باسشى كادرلارىنا دەموكراتيالىق باقىلاۋدى كۇشەيتۋ كەرەك.
جالپى ءماجىلىس مىنالاردى باسا دارىپتەدى: ءار دارەجەلى پارتكومدار وزىمەن دارەجەلەس حالىق قۇرىلتايى، ۇكىمەت، باقىلاۋ - تەكسەرۋ ورگانى، ءادىليا ورگانى سياقتى مەملەكەتتىك ورگانداردىڭ جانە ونداعى قىزمەتكەرلەردىڭ زاڭ بويىنشا باقىلاۋ جۇرگىزۋىن قولداۋى جانە وعان كەپىلدىك ەتۋى ءتيىس، حالىق ساياسي ءماسىليحات كەڭەسى ۋستاۆى بويىنشا دەموكراتيالىق باقىلاۋ جۇرگىزۋ، قازىنالىق باقىلاۋ ورگاندارى زاڭ بويىنشا قازىنالىق باقىلاۋ جۇرگىزۋ كەرەك. دەموكراتيالىق پارتيا - توپتاردىڭ باقىلاۋ فۋنكتسياسىن جۇرگىزۋىن قولداپ، دەموكراتيالىق پارتيا - توپتار مەن پارتيادا، توپتا جوق قايراتكەرلەر ورتاعا قويعان پىكىر، سىن، ۇسىنىستارعا ءمان بەرۋ كەرەك. قوعامدىق باقىلاۋعا مۇقيات مامىلە جاساۋ، قوعامدىق باقىلاۋدى سانالى تۇردە قابىلداۋ كەرەك.
جالپى ءماجىلىس مىنالاردى باسا دارىپتەدى: پارتيا ىشىندەگى ساياسي تۇرمىستى كۇشەيتۋ جانە ارناعا ءتۇسىرۋ، پارتيا ىشىندەگى باقىلاۋدى كۇشەيتۋ − بۇكىل پارتيانىڭ ورتاق مىندەتى، بۇكىل پارتيا، ءسوز جوق، بىرگە اتتانىسقا كەلۋى كەرەك. ءار دارەجەلى پارتكومدار (پارتيا باسشىلىق گرۋپپالارى) باسشىلىق جاۋاپكەرشىلىگىن جاپپاي اتقارىپ، كورنەكتى ماسەلەلەردى كۇش سالا شەشىپ، پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ، پارتيا ىشىندەگى باقىلاۋدى كۇشەيتۋدىڭ ءتۇرلى مىندەتتەرىن ناقتاپ تياناقتاندىرۋ كەرەك.
جالپى ءماجىلىس جۇڭگو كوممۋنيستىك پارتياسىنىڭ 19 - قۇرىلتايىن 2017 - جىلدىڭ سوڭعى جارتىسىندا بەيجيڭدە اشۋدى ۇيعاردى. جالپى ءماجىلىس بىلاي دەپ قارادى: پارتيانىڭ 19 - قۇرىلتايىن اشۋ − پارتيا مەن مەملەكەتتىڭ ساياسي ومىرىندەگى ءىرى ءىس، بۇكىل پارتيا پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ءماجىلىسىنىڭ رۋحىن جاپپاي دايەكتىلەندىرىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، سەنىمدى بەكەمدەپ، ۇدەرە العا تارتىپ، پارتيا مەن مەملەكەتتىڭ ءتۇرلى قىزمەتىن، اسىرەسە، يدەيالىق، نازاريالىق دايىندىق قىزمەتىن، ۇيىمدىق دايىندىق قىزمەتىن، ەكونوميكالىق، قوعامدىق دامۋ قىزمەتىن جانە يدەولوگيا قىزمەتىن ونان ارى جاقسى ىستەپ، قوعامنىڭ جاراسىمدىلىعىن، ورنىقتىلىعىن شىنايى قورعاپ، پارتيا 19 - قۇرىلتايىنىڭ اشىلۋىن ۇزدىك ناتيجەمەن قارسى الۋدى ۇيعاردى.
جالپى ءماجىلىس پارتيا ۋستاۆىنداعى بەلگىلەمە بويىنشا، پارتيا ورتالىق كوميتەتىنىڭ كانديدات مۇشەلەرى جاۋ شيانگىڭدى، شيان حۇيدى ورتالىق كوميتەتتىڭ مۇشەلىگىنە تولىقتاۋدى ۇيعاردى.
جالپى ءماجىلىس ج ك پ ورتالىق ءتارتىپ تەكسەرۋ كوميتەتىنىڭ ۋاڭ ميننىڭ، لۇي شي - ۋىننىڭ تارتىپكە اۋىر قايشىلىق جاساۋ ماسەلەسىن تەكسەرۋ بايانداماسىن قارادى جانە ماقۇلدادى، ج ك پ ورتالىق اسكەري ىستەر كوميتەتىنىڭ فان چاڭميدىڭ، نيۋ جىجۇڭنىڭ تارتىپكە اۋىر قايشىلىق جاساۋ ماسەلەسىن تەكسەرۋ بايانداماسىن قارادى جانە ماقۇلدادى، ورتالىق كوميتەت ساياسي بيۋروسىنىڭ ۋاڭ مينعا، لۇي شي - ۋىنعا، فان چاڭميعا، نيۋ جىجۇڭعا وسىدان ىلگەرى بەرگەن پارتيادان ايداۋ جازاسىن تۇراقتاندىردى.
جالپى ءماجىلىس بۇكىل پارتياداعى جولداستاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، وسى جولعى جالپى ءماجىلىستىڭ رۋحىن جاپپاي ىشكەرىلەي دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيا ورتالىق كوميتەتىنىڭ بەدەلى مەن پارتيا ورتالىق كوميتەتىنىڭ شوعىرلى ءبىر تۇتاس باسشىلىعىن تاباندىلىقپەن قورعاپ، پارتيانى جاپپاي قاتاڭ جونگە سالۋدى ۇزدىكسىز العا ىلگەرىلەتىپ، ستيلى پاك، سالتى دۇرىس ساياسي ەكولوگيانى بىرگە قالىپتاستىرىپ، پارتيانىڭ حالىقتى ىنتىماقتاستىرىپ، باستاپ، جۇڭگوشا سوتسياليزم ىستەرىندە ۇزدىكسىز جاڭا جاعداي قالىپتاستىرۋىنا شىنايى كەپىلدىك ەتۋگە ۇندەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
