بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ شىنجوۋ − 11 عارىش كەمەسىندەگى عارىشكەرلەرمەن تەلەفوندا ىستىق ىقىلاسپەن سويلەستى
شي جينپيڭ شىنجوۋ − 11 عارىش كەمەسىندەگى عارىشكەرلەرمەن تەلەفوندا ىستىق ىقىلاسپەن سويلەستى

پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان عارىشكەر جيڭ حايپىڭعا، چىن دۇڭعا ىزگى نيەتتى سالەم جولدادى، ولاردىڭ ۇزدىكسىزقۇلشىنىپ، تىعىز سەلبەسىپ، تىڭعىلىقتى ىستەپ، سوڭعى مىندەتتەردى ءساتتى ورىنداپ، جەڭىسپەن ورالۋىن تىلەدى

2016.11.11 09:55     كەلۋ قاينارى : شينجياڭ گازەتى

  شينحۋا اگەنتتىگىنىڭ 9 - قاراشادا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - قاراشا تۇستەن كەيىن جۇڭگو ادام الىپ ۇشاتىن عارىش ينجەنەرياسىنىڭ قولباسشىلىق ورتالىعىنا كەلىپ، تيانگۇڭ − 2دە مىندەت اتقارىپ جاتقان شىنجوۋ − 11 عارىش كەمەسىندەگى عارىشكەرلەر جيڭ حايپىڭمەن، چىن دۇڭمەن تەلەفوندا ىقىلاسپەن سويلەسىپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان ولارعا ىزگى نيەتتى سالەم جولدادى.

  شىنجوۋ − 11 عارىش كەمەسى 17 - قازاندا كەڭىستىككە شىعارىلعاننان بەرى، شي جينپيڭ مىندەت اتقارىپ جاتقان 2 عارىشكەرگە ەرەكشە كوڭىل ءبولدى. 9 - قاراشا كۇنى ساعات 16 شاماسىندا ول جۇڭگونىڭ عارىشقا ادام الىپ ۇشۋ ينجەنەرياسىنىڭ قولباسشىلىق ورتالىعىنا ارنايى بارىپ، تيانگۇڭ − 2 مەن شىنجوۋ − 11 عارىش كەمەسىنىڭ ادام الىپ ۇشۋ مىندەتىنىڭ ورىندالۋ جاعدايى جونىندەگى تانىستىرۋدى تىڭدادى ءارى عارىشكەرلەرمەن تەلەفوندا سويلەستى.

  ساعات 16دان 20 مينۋت وتكەندە، شي جينپيڭ قولباسشىلىق ورتالىعىنا كىرىپ، قولباسشىلىق ورنىنا جايعاستى. تيانگۇڭ − 2 كەڭىستىك تاجىريبەحاناسىنىڭ سۋرەتى ەكراننان انىق كورىنىپ تۇر. جيڭ حايپىڭ، چىن دۇڭ مانيپۋلياتورمەن سايكەسىپ وربيتادا جوندەۋ تەحنيكاسىنىڭ سىناعىن جاساۋدا. شي جينپيڭ 2 عارىشكەردىڭ تاجىريبەسىن زەر سالا كوردى. عارىشكەرلەر مەڭگەرىلمەلى مانيپۋلياتورمەن الدىن الا بەلگىلەنگەن ورىنعا جەتكىزۋ، مەحانيكالىق قول مەن مانيپۋلياتوردىڭ ارەكەتتەنۋى... سياقتى ءبىر قىدىرۋ تاجىريبە جۇمىستارىن ورىندادى.

  دۇنيە جۇزىندە العاش رەت ىستەلىپ وتىرعان ادام مەن قۇلتەمىردىڭ سەلبەسكەن وربيتاداعى جوندەۋ تەحنيكاسى سىناعى رەتىندە، وربيتادا ەلەكترلى قۇرال - جابدىقتاردان پايدالانىپ بۇراندا شەگە بۇراۋ، ىستىق وتكىزبەيتىن ماتەريالداردى بۇزىپ الۋ سياقتى جۇمىستاردى ىستەپ، ادام مەن قۇلتەمىردىڭ سەلبەسىپ جۇمىس ىستەۋى ۇلگىسىن قاراستىرۋ ارقىلى كەڭىستىكتەگى قۇلتەمىردىڭ وربيتادا قىزمەت ىستەۋىنە تاجىريبە توپتايدى.

  ساعات 16دان 25 مينۋت وتكەندە، جيڭ حايپىڭ، چىن دۇڭ ەكراندى سويلەسۋ ورنىنا كەلدى ءارى قاتار تۇرىپ شي جينپيڭگە سالەم بەردى. شي جينپيڭ 2 عارىشكەرگە كۇلىمسىرەي باس يزەپ، تەلەفوندى الىپ ولارمەن سويلەستى. ىستىق ىقىلاسقا تولى ءۇن ەلەكتر تولقىنى ارقىلى جەر شارىنان 380 كيلومەتردەي بيىكتىكتەگى تيانگۇڭ − 2 مەن شىنجوۋ − 11دىڭ بىرىككەن تۇلعاسىنا جەتكىزىلدى.

  شي جينپيڭ: حاي پىڭ جولداس، چىن دۇڭ جولداس، جاپا شەكتىڭىزدەر. پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇكىل ەلدەگى ءار ۇلت حالقى اتىنان سىزدەرگە ىزگى نيەتتى سالەم جولدايمىن.

  جيڭ حايپىڭ: باس شۋجيگە راقىمەت، بۇكىل ەل حالقىنا راقىمەت!.

  شي جينپيڭ: سىزدەر عارىشتا جارتى ايدان استام ۋاقىت تۇردىڭىزدار، حايپىڭ جولداس عارىشقا ادام الىپ ۇشۋ مىندەتىن ءۇشىنشى رەت اتقارىپ وتىر، چىن دۇڭ جولداس عارىشقا ءبىرىنشى رەت ۇشىپ وتىر، بۇكىل ەل حالقى سىزدەرگە ەرەكشە كوڭىل بولەدى. دەنساۋلىقتارىڭىز قانداي، تۇرمىستارىڭىز قانداي، قىزمەتتەرىڭىز تابىستى ما؟

  جيڭ حايپىڭ: باس شۋجيدىڭ قامقورلىعىنا راقىمەت! دەنساۋلىعىمىز وتە جاقسى، قىزمەتتەرىمىز دە وتە ءساتتى ىستەلىپ جاتىر. كەڭىستىكتە تۇرىپ اقپاراتتىق حابارلاردى وتە انىق كورە الامىز. باس شۋجيدىڭ پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىنە قاتىناسقان كەزدەگى كورىنىسىن كورىپ، ەرەكشە جەلپىندىك. جۇڭگونىڭ عارىشقا ادام الىپ ۇشۋ ءىسى جاڭا ورەگە كوتەرىلدى، جۇڭگو عارىشكەرلەرىنىڭ عارىشتاعى قىزمەت، تۇرمىس جاعدايلارى ءتىپتى كەمەلدەنە ءتۇستى، ۇلى وتانىمىزدى ماقتانىش ەتەمىز!

  چىن دۇڭ: مالىمەت، باس شۋجي، كەڭىستىكتەگى سالماقسىز ورتاعا ۇيرەندىم، تاماق، كۇندەلىكتى تۇرمىس ءبارى قالىپتى، قىزمەتىمىز دە جوسپار بويىنشا ىستەلۋدە. ءسوز جوق، ۇزدىكسىز قۇلشىنىپ، سوڭعى مىندەتتەردى تابىسپەن ورىندايمىن.

  شي جينپيڭ: جاعدايلارىڭىزدىڭ ءبارى ويداعىداي ەكەنىن كورىپ قاتتى قۋاندىق. سىزدەر ىنتىماقتاسا سەلبەسىپ، قيىندىقتاردان تايسالماي قامال الىپ، بىرەگەي، مىقتى ساپانى ايگىلەدىڭىزدەر. سىزدەردىڭ ۇزدىكسىز قۇلشىنىپ، تىعىز سەلبەسىپ، تىڭعىلىقتى ىستەپ، سوڭعى مىندەتتەردى تولىق ورىنداۋلارىڭىزدى ءۇمىت ەتەمىن. وتان مەن حالىق سىزدەردىڭ جەڭىسپەن ورالۋلارىڭىزدى كۇتەدى.

  جيڭ حايپىڭ: باس شۋجيدىڭ نۇسقاۋىن، ءسوز جوق، ەستەن شىعارماي، مىندەتتەردى باتىل تۇردە ورىندايمىز. باس شۋجي الاڭسىز بولىڭىز، بۇكىل ەلدەگى ءار ۇلت حالقى الاڭسىز بولىڭىزدار!

  «سالەم» جيڭ حايپىڭنىڭ بۇيرىق بەرۋىمەن 2 عارىشكەر شي جينپيڭگە، بۇكىل ەل حالقىنا اسكەري سالەم بەردى. قولباسشىلىق ورتالىعىندا شاتىرلاعان شاپالاق ءۇنى كوتەرىلدى.

  تەلەفوندا سويلەسۋ اياقتاعان سوڭ، شي جينپيڭ قولباسشىلىق ورتالىعىنداعى تاجىريبەگە قاتىسۋشى قىزمەتكەرلەرگە بارىپ ولارمەن ىقىلاسپەن قول الىسىپ، ەسەندىك سۇرادى.

  ليۋ ياندۇڭ، شۇي چيلياڭ، فان چاڭلۇڭ، لي جانشۋ جانە ورتالىق اسكەري ىستەر كوميتەتىنىڭ مۇشەسى جاڭ يۋشيا تەلەفوندا سويلەسۋ قيمىلىنا قاتىناستى.9 - قاراشادا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو عارىشقا ادام الىپ ۇشۋ ينجەنەرياسىنىڭ قولباسشىلىق ورتالىعىنا كەلىپ، تيانگۇڭ − 2 كەڭىستىك تاجىريبەحاناسىندا مىندەت وتەپ جاتقان شىنجوۋ − 11 عارىش كەمەسىندەگى عارىشكەرلەر جيڭ حايپىڭمەن، چىن دۇڭمەن ىستىق ىقىلاسپەن تەلەفوندا سويلەستى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.