بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

سۇن جۇڭشان مىرزا دۇنيەگە كەلگەندىگىنىڭ 150 جىلدىعىن اتاپ ءوتۋ جينالىسى بەيجيڭدە وتكىزىلدى

شي جينپيڭ ماڭىزدى ءسوز سويلەدى لي كىچياڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى، يۇي جىڭشىڭ جينالىستى باسقاردى

2016.11.15 10:18     كەلۋ قاينارى : شينجياڭ گازەتى

  شينحۋا اگەنتتىگىنىڭ 11 - قاراشادا بەيجيڭنەن بەرگەن حابارى. سۇن جۇڭشان مىرزا دۇنيەگە كەلگەندىگىنىڭ 150 جىلدىعىن اتاپ ءوتۋ جينالىسى 11 - قاراشا تۇستەن بۇرىن بەيجيڭ حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ، مىنانى باسا دارىپتەدى: جۇڭگو كوممۋنيستەرى − سۇن جۇڭشان مىرزانىڭ توڭكەرىستىك ءىسىنىڭ ەڭ تاباندى قولداۋشىسى، ەڭ ادال سەلبەسۋشىسى، ەڭ ادال جالعاستىرۋشىسى. سۇن جۇڭشان مىرزانى ەسكە الۋدىڭ ەڭ جاقسى جولى − ىنتىماقتاسۋعا بولاتىن بارلىق كۇشپەن ىنتىماقتاسىپ، جۇمىلدىرۋعا بولاتىن بارلىق فاكتوردى جۇمىلدىرىپ، سۇن جۇڭشان مىرزا سياقتى بارلىق توڭكەرىستىك اعا بۋىندار جۇزەگە اسىرۋ ءۇشىن كۇرەسكەن ۇلى ءىستى ۇزدىكسىز العا ىلگەرىلەتۋ، تاياۋ زاماننان بەرگى تالايلاعان ايتۋلى ارداگەرلەر جۇزەگە اسىرۋ ءۇشىن كۇرەسكەن ۇلى ءىستى ۇزدىكسىز العا ىلگەرىلەتۋ، تاياۋ زاماننان بەرگى جۇڭگو حالقى مەن جۇڭحۋا ۇلتى جۇزەگە اسىرۋ ءۇشىن كۇرەسكەن ۇلى ءىستى ۇزدىكسىز العا ىلگەرىلەتۋ )ءسوزدىڭ تولىعى ايىرىم بەرىلدى(.

  لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.

  حالىق سارايىنىڭ ۇلكەن زالى ايبىندى ءارى دۋماندى مەرەيگە شومدى. ءتوراعالار مىنبەسىنىڭ جوعارعى جاعىنا «سۇن جۇڭشان مىرزانىڭ دۇنيەگە كەلگەندىگىنىڭ 150 جىلدىعىن اتاپ ءوتۋ جينالىسى» دەگەن بەلگى، ءتوردىڭ قاق ورتاسىنا سۇن جۇڭشان مىرزانىڭ سۋرەتى جانە «2016 − 1866» دەگەن جازۋ ىلىنگەن، ەكى جاعىنا بەس - بەستەن تۋ قويىلعان.

  تۇستەن بۇرىن ساعات 10دا جينالىس اشىلدى. بارلىق ادام ورىندارىنان تۇرىپ، مەملەكەت گيمىنىن اسقاقتاتا ورىندادى.

  قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەدى: سۇن جۇڭشان مىرزا − ۇلى ۇلت قاھارمانى، ۇلى وتانشىل، جۇڭگو دەموكراتيالىق توڭكەرىسىنىڭ ۇلى ارداگەرى، ول عۇمىر بويى توڭكەرىستى ءوز بورىشى ساناپ، وتاندى، ۇلتتى قۇتقارۋعا بەل بايلاپ، جۇڭحۋا ۇلتىنا تاريحتا وشپەيتىن ۇلەس قوستى. ۇلى ادامدى ءداۋىر تۇلعالايدى، ۇلى ادام داۋىرگە قايتا ىقپال ەتەدى. سۇن جۇڭشان مىرزا جۇڭگو حالقى مەن جۇڭحۋا ۇلتىنا ەلەۋلى ۇلەس قوسىپ، جۇڭگو حالقىنىڭ كوڭىل تورىنەن بەدەلدى ورىن الىپ، بارلىق جۇڭحۋا ۇلاندارىنىڭ ىززەت - قۇرمەتىنە بولەندى.

  شي جينپيڭ مىنانى باسا دارىپتەدى: ءبىز سۇن جۇڭشان مىرزانىڭ وتاندى ءسۇيىپ، وتانعا بارىن ارناعان اسىل قاسيەتىنەن ۇيرەنۋگە ءتيىسپىز. بۇرىنعى مەن قازىرگى جانە جۇڭگو مەن شەتەلدىڭ تاريحى بىزگە دۇنيە جۇزىندە باسقالاردىڭ سورابىمەن ءجۇرىپ ءوزىنىڭ دامۋى مەن گۇلدەنۋىن ىسكە اسىرعان ۇلتتىڭ جوق ەكەنىن ءارى بارلىق ۇلتتى دامۋ مەن گۇلدەنۋگە جەتەكتەيتىن وزگەرمەس جول جوق ەكەنىن؛ ءساتتى دامىپ گۇلدەنگەن ۇلتتىڭ ءوزىنىڭ ءىس جۇزىندىك جاعدايىنا ۇيلەسەتىن جول تاپقان ۇلت ەكەنىن ءتۇسىندىردى.

  بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىنىڭ جاڭا جاعدايىن اشۋدا، ءسوز جوق، ۇلى وتانشىلدىق رۋحتى بارىنشا ساۋلەلەندىرىپ، جۇڭحۋا ۇلتىنىڭ گۇلدەنۋدىڭ تابىستى جولىنا تۇسۋگە قابىلەتتى ەكەندىگىنە كامىل سەنىپ، جۇڭگوشا سوتسياليزم جولى، نازارياسى، ءتۇزىمى، مادەنيەتى جونىندەگى سەنىمدى كۇشەيتىپ، جۇڭگوشا سوتسياليزم جولىمەن بۇلجىماي ءجۇرىپ، ۇلى مەملەكەتىمىزدى ويداعىداي قورعاۋىمىز، گۇلدەندىرۋىمىز كەرەك.

  شي جينپيڭ مىنانى اتاپ كورسەتتى: ءبىز سۇن جۇڭشان مىرزانىڭ بارلىق بيلىكتى حالىققا تاۋەلدەپ، جۇرتشىلىقپەن ەتەنە سۇيىسپەنشىلىك ورناتقان دارقان پەيىلىنەن ۇيرەنۋىمىز كەرەك. ءارقانداي ءبىر ۇلى ىستە تابىسقا جەتۋ ءۇشىن، ءسوز جوق، حالىق ىشىنەن ءتۇپ نەگىزىن تاۋىپ، حالىقتان كۇش - قۋات توپتاپ، حالىقتى جۇمىلدىرىپ بىرگە ورىنداۋ كەرەك. بۇگىنگى تاڭدا جۇڭحۋا ۇلتىنىڭ ۇلى گۇلدەنۋىنىڭ جاڭا جاعدايىن اشۋ ءۇشىن، پارتيامىز، ءسوز جوق، بۇكىل ىنتا - پەيىلىمەن حالىق ءۇشىن ىستەۋدى باستان - اياق تۇپكىلىكتى ماقسات ەتىپ، حالىقتىڭ قولداپ - قۋاتتاۋىن باستان - اياق كۇش قاينارى ەتىپ، حالىقتى كوڭىلدىڭ تورىنە شىعارۋعا، بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، حالىققا دەگەن قالتقىسىز سۇيىسپەنشىلىكتى ماڭگى ساقتاپ، حالىقپەن ماڭگى بىرگە بولىپ، ءبىر ميلليارد 300 ميلليون جۇڭگو حالقىن جۇڭحۋا ۇلتىنىڭ دامۋى مەن كۇشەيۋىن ىلگەرىلەتەتىن جويقىن كۇشكە اينالدىرۋىمىز كەرەك.

  شي جينپيڭ مىنانى باسا دارىپتەدى: ءبىز سۇن جۇڭشان مىرزانىڭ اقيقاتقا تالپىناتىن، داۋىرمەن بىرگە العا باساتىن تاڭداۋلى قاسيەتىنەن ۇيرەنۋىمىز كەرەك. تاريح تەك تاباندىلارمەن، العا ۇمتىلۋشىلارمەن، كۇرەسكەرلەرمەن عانا ساناسادى، ءارى - ءسارى بولۋشىلاردى، بويكۇيەزدەردى، قيىنشىلىقتان قورقاتىنداردى كۇتىپ وتىرمايدى. بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىنىڭ جاڭا جاعدايىن اشۋ ءۇشىن، ءسوز جوق، ۇلى تاريحي كوز ايا قالىپتاستىرىپ، الەمنىڭ دامۋ اۋقىمىن يگەرىپ، ءداۋىر ۇنىنە قۇلاق اسىپ، اقيقاتقا تاباندى بولۋعا باتىلدىق ەتىپ، قاتەلىكتەردى تۇزەتىپ، نازاريادا، امالياتتا، تۇزىمدە، مادەنيەتتە، سونداي - اق باسقا جاقتاردا ۇزدىكسىز جاڭالىقتار اشىپ، ءداۋىردىڭ العا باسۋ كەرۋەنىندە جۇڭحۋا ۇلتى دامۋىنىڭ جاڭا داستانىن جازۋىمىز كەرەك. شي جينپيڭ مىنانى اتاپ كورسەتتى: ءبىز سۇن جۇڭشان مىرزانىڭ قايىسپاس قايسارلىعىنان، تايسالمايتىن كۇرەسكەرلىك رۋحىنان ۇيرەنۋىمىز كەرەك. ۇلى ءىستىڭ ۇلى بولۋىنىڭ سەبەبى وسى ءىستىڭ ادىلەتتى، ۇلى بولعاندىعىندا عانا ەمەس، ونىڭ ۇستىنە وسى ءىستىڭ نە ءبىر بۇراڭدىقتاردى باستان كەشكەندىگىندە. ۇلى ادامداردىڭ ۇلى بولۋىنىڭ سەبەبى ولاردىڭ حالىققا، ۇلتقا، ادامزاتقا ەسەلى ەڭبەك ەتىپ، سۇبەلى ۇلەس قوسقاندىعىندا عانا ەمەس، ونىڭ ۇستىنە ولاردىڭ جاپا - ماشاقاتتىڭ تەزىندە شىڭالىپ، بەرىك جىگەر مەن وسكەلەڭ ءمورالدى سومداعاندىعىندا. بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىنىڭ جاڭا جاعدايىن اشۋ ءۇشىن، ءسوز جوق، تەرەڭ، كۇردەلى وزگەرىسكە تولى حالىقارالىق جاعدايدى بايسالدىلىقپەن بارلاپ، رەفورمانىڭ، دامۋدىڭ، ورنىقتىلىقتىڭ قات - قابات جاپالى مىندەتتەرىن جاپپاي يگەرىپ، ۇزاق ۋاقىت تالماي جاپالى قۇلشىنىس جاساپ، اۋىر سىندارعا توتەپ بەرۋگە، اۋىر حاۋىپ - قاتەرگە قارسى شابۋعا، اۋىر كەدەرگىلەردى جەڭۋگە، اۋىر قايشىلىقتاردى شەشۋگە قاشاندا ساقاداي سايلانىپ، جۇڭحۋا ۇلتىنىڭ ۇلى گۇلدەنۋ ءىسىن ۇزدىكسىز العا ىلگەرىلەتە بەرۋىمىز كەرەك.

  شي جينپيڭ مىنانى باسا دارىپتەدى: سۇن جۇڭشان مىرزا باستان - اياق وتاننىڭ تۇتاستىعى مەن ۇلتتاردىڭ ىنتىماعىنا تاباندى بولىپ، مەملەكەتتى بولشەكتەيتىن، ۇلتتى بولشەكتەيتىن بارلىق ءسوز - ارەكەتتەرگە ايقىن تۋ ۇستاي وتىرىپ قارسى تۇردى. مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ، مەملەكەت بولشەكتەنەتىن تاريحي تراگەديانىڭ قايتا تۋىلۋىنا مۇلدە جول بەرمەۋ − ءبىزدىڭ تاريح پەن حالىققا بەرگەن ايبىندى ۋادەمىز. مەملەكەتتى بولشەكتەيتىن ءارقانداي ارەكەت، ءسوز جوق، بارلىق جۇڭگو حالقىنىڭ باتىل قارسىلىعىنا ۇشىرايدى. ءبىز ءارقانداي ادامنىڭ، ءارقانداي ۇيىمنىڭ، ءارقانداي ساياسي پارتيانىڭ، ءارقانداي كەزدە، ءارقانداي فورمامەن، جۇڭگونىڭ ءبىر سۇيەم تەرريتورياسىن جۇڭگودان بولشەكتەپ اكەتۋىنە استە جول بەرمەيمىز.

  شي جينپيڭ مىنانى اتاپ كورسەتتى: سۇن جۇڭشان مىرزا اسا قاربالاس توڭكەرىستىك قيمىلدار بارىسىندا جۇڭگونى كوركەيتۋ ماسەلەسى جونىندە باستان - اياق وي جۇگىرتۋمەن بولدى. كونە جۇڭگونىڭ ساياسي، ەكونوميكالىق، قوعامدىق شارت - جاعدايىندا سۇن جۇڭشان مىرزانىڭ وسى ۇلى ويلارىنىڭ جۇزەگە اسۋى قيىن ەدى. بۇگىنگى تاڭدا جۇڭگو كوممۋنيستىك پارتياسىنىڭ باسشىلىعىندا، بۇكىل ەلىمىزدەگى ءار ۇلت حالقىنىڭ قايسارلىقپەن كۇرەسۋىندە، سۇن جۇڭشان مىرزا ءوز كەزىندە العا قويعان جوبا الدەقاشان جۇزەگە اسىپ، سۇن جۇڭشان مىرزا قۇرۋعا كۇش سالعان تاۋەلسىز، دەموكراتيالى، باي، قۇدىرەتتى مەملەكەت دۇنيەنىڭ شىعىسىندا الدەقاشان اسقاق ايبىنمەن بوي كوتەردى. اماليات تەك جول دۇرىس، نازاريا دۇرىس، ءتۇزىم دۇرىس، مادەنيەت دۇرىس بولسا، تەك بۇلجىتپاي، مىزعىماي، قاجىماي - تالماي، قاجىرلىلىقپەن كۇرەس جاساپ، ۇلى نىساناعا قاراي ۇدەرە العا تارتساق، بوران - شاشىنداردا تۇرلاۋسىزدىق ىستەمەسەك بولعانى العا قويعان نىسانامىزعا جەتە الاتىندىعىمىزدى، ءسوز جوق، جەتە الاتىندىعىمىزدى تولىق ءتۇسىندىردى.

  يۇي جىڭشىڭ جينالىستى باسقارعاندا بىلاي دەدى: باس شۋجي شي جينپيڭنىڭ ماڭىزدى سوزىندە سۇن جۇڭشان مىرزانىڭ ۇلت تاۋەلسىزدىگى، قوعامنىڭ العا باسۋى، حالىقتىڭ باقىتى جولىندا تالىقپاي كۇرەس جۇرگىزگەن شۇعىلالى ءومىرى ساعىنا ەسكە الىندى، سۇن جۇڭشان مىرزا باسشىلىق ەتكەن تاياۋ زامانداعى جۇڭگونىڭ ۇلتتىق دەموكراتيالىق توڭكەرىسىنىڭ وشپەس ەڭبەكتەرى جوعارى باعالاندى، جۇڭگو كوممۋنيستىك پارتياسىنىڭ سۇن جۇڭشان مىرزانىڭ مۇراتىنا مۇراگەرلىك ەتىپ، بۇكىل ەلىمىزدەگى ءار ۇلت حالقىنا باسشىلىق ەتىپ ەرلىكپەن كۇرەس جۇرگىزگەن ماشاقاتتى بارىسى مەن ۇلى تابىستارىنا كوز جىبەرىلىپ قورىتىندىلاندى، جۇڭحۋا ۇلاندارى بىرگە كۇش شىعارعان جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىش ىشكەرىلەي پايىمدالدى، وتاننىڭ تۇتاستىعىن قورعاۋداعى قاتاڭ تۇرعى مەن بەرىك سەنىم بايسالدىلىقپەن قايتالاي دارىپتەلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ءبىر نيەت، ءبىر تىلەكپەن قاجىرلىلىقپەن كۇرەس جۇرگىزىپ، وتاننىڭ بەيبىت تۇتاستىعى سىندى ۇلاعاتتى ءىس پەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا زور ۇلەس قوسۋىمىز كەرەك.

  ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

  ورتالىقتاعى پارتيا، ۇكىمەت، ارميا، بۇقارالىق تاراۋلاردىڭ جانە بەيجيڭ قالاسىنىڭ جاۋاپتى جولداستارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ بەيجيڭدەگى تۇراقتى مۇشەلەرى مەن حالىق قۇرىلتايىنىڭ ءىشىنارا ۋاكىلدەرى، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى، سونداي - اق ءىشىنارا مۇشەلەر، ۇلت، ءدىن سالاسىنىڭ، قوعامدىق توپتاردىڭ ۋاكىلدەرى، شەتەلدىڭ جۇڭگوداعى ءىشىنارا ەلشىلەرى، سۇن جۇڭشان مىرزانىڭ تۋىس - تۋعاندارىنىڭ ۋاكىلدەرى، شياڭگاڭدىق، اۋمىندىق، تايۋاندىق قاتىستى قايراتكەرلەردىڭ ۋاكىلدەرى، ەل ءىشى - سىرتىنان كەلگەن قوناقتار، استانانىڭ ءار سالاسىنداعى بۇقارانىڭ ۋاكىلدەرى، ازاتتىق ارميا، قارۋلى ساقشى اسكەري بولىمدەرىنىڭ كوماندير - جاۋىنگەرلەرىنىڭ ۋاكىلدەرى بولىپ 3000داي ادام جينالىسقا قاتىناستى.

  اتاپ ءوتۋ جينالىسىنان ىلگەرى، شي جينپيڭ قاتارلىلار سۇن جۇڭشان مىرزانىڭ تۋىس - تۋعاندارىنىڭ جانە ەل ءىشى - سىرتىنان كەلگەن قوناقتاردىڭ ۋاكىلدەرىمەن كەزدەستى.سۇن جۇڭشان مىرزا دۇنيەگە كەلگەندىگىنىڭ 150 جىلدىعىن اتاپ ءوتۋ جينالىسى 11 - قاراشادا بەيجيڭ حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. )شينحۋا اگەنتتىگى(سۇن جۇڭشان مىرزانىڭ دۇنيەگە كەلگەندىگىنىڭ 150 جىلدىعىن اتاپ ءوتۋ جينالىسى 11 - قاراشادا بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.(شينحۋا اگەنتتىگى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.