- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ پەرۋ پارلامەنتىندە ماڭىزدى لەكسيا جاسادى
پەرۋ پارلامەنتىنىڭ ءتوراعاسى سالگادومەن كەزدەستى
2016.11.23 10:22 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - قاراشادا ليمادان بەرگەن حابارى. مەملەكەت ءتوراعاسى شي جينپيڭ 21 - قاراشا كۇنى پەرۋ پارلامەنتىندە «بىلەك بىرىكتىرىپ، جەلكەن كوتەرىپ، جۇڭگو مەن لاتىن امەريكاسى قارىم - قاتىناسىنىڭ كوركەم بولاشاعىن بىرگە قالايىق» دەگەن تاقىرىپتا ماڭىزدى لەكسيا جاساپ، جۇڭگو مەن لاتىن امەريكاسى ەلدەرىنىڭ بەيبىتشىلىك، دامۋ، سەلبەستىك تۋىن بيىك ۇستاپ، جۇڭگو مەن لاتىن امەريكاسى ورتاق تاعدىر قوعامداستىعىنىڭ الىپ كەمەسىن بىرگە سوعىپ، جۇڭگو ارمانى مەن لاتىن امەريكاسى ارمانىن ىسكە اسىرۋ جولىندا تىعىز سەلبەسىپ، جاپپاي سەلبەستىك - سەرىكتەستىك قاتىناسىنىڭ ءتىپتى جوعارعى دەڭگەيدە دامۋىن ىلگەرىلەتۋدى باسا دارىپتەدى.
جەرگىلىكتى ۋاقىت تۇستەن كەيىن ساعات 3تەن 50 مينۋت وتكەندە، شي جينپيڭ مەن پەرۋ پارلامەنتىنىڭ ءتوراعاسى سالگادو پارلامەنت زالىنا كىردى. زالداعىلار تەگىس ورنىنان كوتەرىلىپ، دۇركىرەتە شاپالاق سوقتى. زالدا جۇڭگو مەن پەرۋدىڭ گيمىنى ورىندالدى. سالگادو شي جينپيڭدى پارلامەنت اتىنان قارسى الدى ءارى وعان پەرۋ پارلامەنتىنىڭ ەڭ جوعارعى قۇرمەت بەلگىسى − «ۇلكەن كرەست» وردەنىن تاقتى. دۇركىرەگەن شاپالاق ءۇنى باسىلىپ، شي جينپيڭ لەكسياسىن باستادى.
شي جينپيڭ مىنانى اتاپ كورسەتتى: پەرۋ جۇڭگونىڭ تىنىق مۇحيتتىڭ ار جاعىنداعى «كورشىسى». جۇڭگو مەن پەرۋ ديپلوماتيالىق بايلانىس ورناتقان 45 جىلدان بەرى، ەكى ەل شىنايى دوستىق پەيىلمەن، تەڭ نەگىزدە مامىلە جاساسىپ، ءوزارا ءتيىمدى سەلبەستىك ورناتىپ، قاتار دامىپ كەلەدى. جۇڭگو مەن پەرۋ ءوزارا سەنىمدى جاقسى اعايىن، قاتار دامىعان جاقسى سەرىكتەس، تەڭ جاۋاپتى جاقسى دوس. پەرۋ 2021 - جىلعا دەيىن «ادىلەتتى، تۋراشىل، بەرەكەلى پەرۋ» كۇرەس نىساناسىن ىسكە اسىرماق. سول كەزدە، جۇڭگو حالقى جاپپاي دوڭگەلەك داۋلەتتى قوعام قۇرىپ، الدىمىزعا قويىلعان «قوس 100 جىل» كۇرەس نىساناسى اياسىنداعى العاشقى نىسانانى ىسكە اسىرادى. دەمەك، ءبىز تىزە قوسا العا باسىپ، ارمانعا قاتار قول سوزامىز.
شي جينپيڭ مىنانى باسا دارىپتەدى: جۇڭگو مەن لاتىن امەريكاسى ەلدەرىنىڭ بايلانىسى ارىدان باستالادى. جاڭا عاسىرعا قادام قويعاننان بەرى، جۇڭگو مەن لاتىن امەريكاسىنىڭ قارىم - قاتىناسى قارىشتاپ دامىپ، سان سالالى سەلبەستىك جاپپاي ىلگەرىلەدى. ءبىز جۇڭگو مەن لاتىن امەريكاسى ەلدەرى اراسىندا تەڭ تۇرعىدا ءوزارا تيىمدىلىك جاساپ، قاتار داميتىن جاپپاي سەرىكتەستىك قاتىناس ورناتتىق، جۇڭگو - لاتىن امەريكاسى جانە كارايب قوعامداستىعى تالقى مىنبەرىن اشىپ، جۇڭگو مەن لاتىن امەريكاسى قارىم - قاتىناسىنىڭ ءبىر تۇتاس سەلبەستىك پەن ەكى جاقتى سەلبەستىك قاتار ورىستەپ، ءبىرىن - ءبىرى جەبەگەن جاڭا كەزەڭگە قادام تاستاۋىن ىلگەرىلەتتىك، بۇل ءداۋىر اعىمىنا دا، ەكى جاقتاعى حالىقتاردىڭ ءتۇبىرلى مۇددەسىنە دە ۇيلەسەدى. جۇڭگو مەن لاتىن امەريكاسى جاڭا تاريحي باستامادا تۇر، ءبىز جۇڭگو مەن لاتىن امەريكاسى ورتاق تاعدىر قوعامداستىعىنىڭ الىپ كەمەسىن بىرگە سوعىپ، جۇڭگو مەن لاتىن امەريكاسىنىڭ دوستىق قاتىناسىن جاڭا ساپارعا باستاۋعا ءتيىسپىز. وسى ءۇشىن، مەن مىناداي ۇسىنىستار ايتامىن:
ءبىرىنشى، بەيبىتشىلىك، دامۋ، سەلبەستىك تۋىن بيىك ۇستاپ، جۇڭگو - لاتىن امەريكاسى ورتاق تاعدىر قوعامداستىعى كەمەسىنىڭ ساپارىن باياندى، جولىن اشىق ەتۋگە ءتيىسپىز. ءبىز عالامدىق ماسەلەلەردەگى ستراتەگيالىق بايلانىس پەن ديالوگتى كۇشەيتىپ، گۇلدەنە باستاعان بازار ەلدەرى مەن دامۋ ۇستىندەگى ەلدەردىڭ وكىلەتتىگى مەن ءسوز ۇقىعىن قۇلشىنا كوتەرۋىمىز كەرەك. جۇڭگو لاتىن امەريكاسى ەلدەرىنىڭ ءوز جاعدايىنا ۇيلەسەتىن دامۋ جولى ۇستىندە ىزدەنىس جاساۋىنا، لاتىن امەريكاسىنىڭ بىرلەسۋ، الۋەتتەنۋ، دامۋ، گۇلدەنۋىنە، لاتىن امەريكاسىنىڭ حالىقارالىق جانە وڭىرلىك ىستەردە ءتىپتى زور رول اتقارۋىنا باتىل قولداۋ كورسەتەدى.
ەكىنشى، دامۋ ستراتەگيالارىنىڭ ۇشتاسۋىن ىلگەرىلەتىپ، جۇڭگو - لاتىن امەريكاسى ورتاق تاعدىر قوعامداستىعى كەمەسىنىڭ جەلىن وڭىنان تۇرعىزۋعا ءتيىسپىز. ءبىز جۇڭگونىڭ دامۋ جوباسىنىڭ لاتىن امەريكاسى مەن كارايب ەلدەرىنىڭ دامۋ ستراتەگيالارىمەن ۇشتاسۋىن ىلگەرىلەتىپ، جۇڭگو مەن لاتىن امەريكاسى اراسىنداعى قارىم - قاتىناستاردىڭ دامۋىن حالىقارالىق جانە وڭىرلىك دامۋمەن ۇلاستىرىپ، ازيا - تىنىق مۇحيت وڭىرىندەگى ساۋدا - قارجى ورنالاستىرۋى مەن جاڭاشىل دامۋعا بەلسەندى تۇردە ات سالىسىپ، اناعۇرلىم اۋقىمدى ءوزارا ءتيىمدى سەلبەستىك جەلىسىنە قوسىلۋىمىز كەرەك.
ءۇشىنشى، سەلبەستىكتىڭ ءجۇرىس الماسۋى مەن جىلدامدىق ۇدەتۋىن ىلگەرىلەتىپ، جۇڭگو - لاتىن امەريكاسى ورتاق تاعدىر قوعامداستىعى كەمەسىنىڭ ساپارىن مول تابىستى ەتۋگە ءتيىسپىز. ءبىز جۇڭگو مەن لاتىن امەريكاسىنىڭ اراسىنداعى ناقتىلى سەلبەستىكتىڭ دارەجەسى مەن دەڭگەيىن كوتەرىپ، ساۋدا ارقىلى جاڭا ەكونوميكالىق ءوسىمدى جەبەپ، قارجى سالۋ ارقىلى جاڭا دامۋعا تۇرتكى بولىپ، فينانس سەلبەستىگى ارقىلى جاڭا تىرەك ازىرلەپ، سالالىق ۇشتاسۋ ارقىلى جاڭا قوزعاۋشى كۇش ازىرلەپ، ءبىر تۇتاس سەلبەستىك ارقىلى جاڭا مۇمكىندىكتەر تۋدىرىپ، جۇڭگو - لاتىن امەريكاسى جانە كارايب ەلدەرى قوعامداستىعى تالقى مىنبەرىنىڭ دامۋىن باتىل ىلگەرىلەتۋىمىز كەرەك. ءتورتىنشى، سەلبەستىك ناتيجەلەرىن ءوزارا ءبولىسىپ، جۇڭگو - لاتىن امەريكاسى ورتاق تاعدىر قوعامداستىعى كەمەسىنىڭ حالىققا يگىلىك اكەلۋىنە مۇمكىندىك جاساۋعا ءتيىسپىز. ءبىز ەكى جاقتاعى حالىقتاردى جۇڭگو مەن لاتىن امەريكاسىنىڭ سەلبەستىگىن ىلگەرىلەتۋشى، ىسكە اسىرۋشى، يگىلىكتەنۋشى ەتىپ، گۋمانيتارلىق بايلانىس پەن وركەنيەت اۋىسۋىن ورىستەتىپ، جۇڭگو مەن لاتىن امەريكاسى سەلبەستىگىنىڭ ماتەريالدىق جانە رۋحاني تۇرعىدا قاتار دامۋىنا مۇمكىندىك جاساۋىمىز كەرەك.
شي جينپيڭ مىنانى اتاپ كورسەتتى: قازىرگى دۇنيەدە، ءار ەل سەلبەستىك پەن ءوزارا تيىمدىلىكتى وزەك ەتكەن جاڭا ۇلگىدەگى حالىقارالىق قاتىناستىڭ ورناۋىن ىلگەرىلەتىپ، ادامزاتتىڭ ورتاق تاعدىر قوعامداستىعىن قالىپتاستىرۋعا مۇددەلى. تەڭ نەگىزدە مامىلە جاساسىپ، ءبىر - بىرىنە اقىل سالىپ، ءوزارا تۇسىنىستىكپەن قارايتىن سەرىكتەستىك قارىم - قاتىناس، ادىلەتتى، قاتار گۇلدەنىپ، تەڭ يگىلىكتەنەتىن حاۋىپسىزدىك قۇرىلىمىن، اشىق، جاڭاشىل، كەڭ قولتىق، ءوزارا ءتيىمدى دامۋ بولاشاعىن، ءبىر - بىرىنەن ايىرماسى بولسا دا تاتۋ - ءتاتتى، بارلىعىن تەگىس قامتىپ جاتاتىن مادەني بايلانىس، تابيعاتتى قاستەرلەپ، جاسىل دامۋعا مۇمكىندىك بەرەتىن ەكولوگيالىق جۇيە ورناتۋ قاجەت.
شي جينپيڭ مىنالاردى باسا دارىپتەدى: جۇڭگو ءارقاشان الەمدىك بەيبىتشىلىكتىڭ قۇرىلىسشىسى، عالامدىق دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى بولىپ، بەيبىت دامۋ جولىنان جازبايدى. جۇڭگو ورتاق دامۋ جولىنا تاباندى بولىپ، ءوزارا ءتيىمدى اشىق ەسىك ستراتەگياسىن ۇزدىكسىز اتقارىپ، تۋرالىق پەن پايداعا دۇرىس كوزقاراستى بەلسەندى تۇردە ىسكە اسىرىپ، ءار ەلدىڭ جۇڭگونىڭ دامۋىن ءوز كادەسىنە جاراتۋىنا وڭ قاباق تانىتىپ، قاتار دامۋدى جۇزەگە اسىرادى. جۇڭگو ەكونوميكاسىنىڭ دامۋ بولاشاعى جارقىن، عالامدىق ەكونوميكانىڭ وسۋىنە ۇلەس قوسا بەرەدى. جۇڭگو تاراپتارمەن الەمدىك ەكونوميكانىڭ ەكپىندى، باياندى، تەڭ، قامتىمدى ءوسۋىن قاتار ىلگەرىلەتە بەرۋدى قالايدى.
شي جينپيڭ: ءبىز زامان تىنىسىن تانىپ، دامۋ ورايىن يگەرىپ، تىزە قوسا تەڭ العا باسقان جۇڭگو - لاتىن امەريكاسى ورتاق تاعدىر قوعامداستىعىن قالىپتاستىرۋىمىز كەرەك، - دەپ باسا دارىپتەدى.
لەكسيا اياقتاعاندا، تىڭداۋشىلار ۇزاق شاپالاق سوقتى.
پەرۋدىڭ ورىنباسار زۇڭتۇڭى اراوس، مينيسترلەر كەڭەسىنىڭ ءتوراعاسى ساۆالا، نەگىزگى زاڭ سوتىنىڭ باستىعى ميراندا، ۇكىمەت مينيسترلەرى، پارلامەنت مۇشەلەرى، ولكە، قالا باسشىلارىنىڭ ۋاكىلدەرى، ارميا ۋاكىلدەرى، پەرۋدە تۇراتىن ەلشىلىكتەر مەن حالىقارالىق ۇيىمداردىڭ ۋاكىلدەرى، جەرگىلىكتى جۇڭگولىقتار مەن جۇڭگو مۇھاجىرلارىنىڭ جانە جۇڭگو قارجىلاندىرعان قۇرىلىمداردىڭ ۋاكىلدەرى بولىپ 200دەن اسا ادام لەكسيانى تىڭدادى.
ۋاڭ حۋنيڭ، لي جانشۋ، ياڭ جيەچىلەر قاتىناستى.
شينحۋا اگەنتتىگىنىڭ 21 - قاراشادا ليمادان بەرگەن حابارى. مەملەكەت ءتوراعاسى شي جينپيڭ 21 - قاراشا كۇنى ليمادا پەرۋ پارلامەنتىنىڭ ءتوراعاسى سالگادومەن كەزدەستى. شي جينپيڭ پارلامەنتكە بارعاندا اسكەري وركەستر قارسى الۋ مۋزيكاسىن ورىندادى. شي جينپيڭ قۇرمەت قاراۋىلىن كوزدەن كەشىردى. سالگادو پارلامەنتتىڭ ەسىك الدىندا ىستىق ىقىلاسپەن قارسى الدى.
شي جينپيڭ مىنالاردى باسا دارىپتەدى: جۇڭگو مەن پەرۋ ءبىر - بىرىنە سەنەتىن ابزال دوس، قاتار داميتىن تاماشا سەرىك. ديپلوماتيالىق بايلانىس ورناتقان 45 جىلدان بەرى، جۇڭگو - پەرۋ قاتىناسى ءساتتى دامىپ كەلەدى. ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي ءوزارا سەنىمى ۇزدىكسىز تەرەڭدەپ، ناقتى سەلبەستىكتەردە تولاعاي تابىستارعا قول جەتتى، گۋمانيتارلىق بارىس - كەلىس كۇن سايىن نىعايا ءتۇستى، جۇڭگو مەن پەرۋدىڭ جاپپاي ستراتەگيالىق سەرىكتەستىك قاتىناسى جاڭا ومىرشەڭدىك كۇشىن ۇزدىكسىز تاسقىنداتتى. جۇڭگو ەكى ەل قاتىناسى دامۋىنىڭ جارقىن بولاشاعىنا كامىل سەنەدى، پەرۋمەن بىرگە قۇلشىنىپ، وسى رەتكى ساپار كەزىندە كەلىسىلگەن ءتۇرلى ماڭىزدى ورتاق تانىمدار مەن جەتىستىكتەردى ويداعىداي تياناقتاندىرىپ، ەكى جاقتى قاتىناستىڭ تاعى دا تىڭ ساتىعا كوتەرىلۋىن ىلگەرىلەتىپ، ەكى ەل حالقىنا ءتىپتى زور باقىت جەتكىزۋدى قالايدى.
شي جينپيڭ بىلاي دەپ اتاپ كورسەتتى: زاڭ شىعارۋ قۇرىلىمدارىنىڭ قارىم - قاتىناسى − مەملەكەت قاتىناسىنىڭ ماڭىزدى قۇرامداس ءبولىمى. جۇڭگو مەملەكەتتىك حالىق قۇرىلتايى پەرۋ پارلامەنتىمەن دوستىق قارىم - قاتىناستى، سەلبەستىكتى ساقتاپ، ەكى ەل قاتىناسىنىڭ جاپپاي دامۋىن پارمەندى جەبەدى. ەكى ەلدىڭ زاڭ شىعارۋ قۇرىلىمدارى قازىرگى اۋىس - كۇيىس مەحانيزمىن كەمەلدەندىرىپ، ءار جىكتەگىلەردىڭ دوستىق بارىس - كەلىسىن جيىلەتىپ، زاڭ شىعارۋ، باقىلاۋ، ەل بيلەۋ جاقتارىندا تاجىريبە اۋىسۋدى كۇشەيتىپ، حالىقارالىق پارلامەنتتەر ۇيىمى اياسىندا قارىم - قاتىناس پەن سايكەسۋدى نىعايتىپ، جۇڭگو - پەرۋ قاتىناسىنىڭ اقاۋسىز، ورنىقتى دامۋىن جەبەۋگە ەسە قوسۋ كەرەك.
سالگادو ءتوراعا شي جينپيڭنىڭ پەرۋگە ساپارلاي كەلگەندىگىن قارسى الىپ، پەرۋ مەن جۇڭگونىڭ ءداستۇرلى دوس ەكەندىگىن ايتتى. ول بىلاي دەدى: پەرۋ جۇڭگونىڭ دامۋ جەتىستىكتەرىنە سۇيىنەدى. پەرۋ پارلامەنتى پەرۋ - جۇڭگو قاتىناسىن دامىتۋعا باسا ءمان بەرەدى، جۇڭگونىڭ زاڭ شىعارۋ قۇرىلىمىمەن اۋىس - كۇيىستى، سەلبەستىكتى كۇشەيتىپ، نەگىزدىك قۇرىلعىلار قۇرىلىسى، ءبىلىم مەن تەحنيكانى وتكەرمەلەۋ، جاستار سياقتى سالالارداعى سەلبەستىكتى نىعايتىپ، پەرۋ مەن جۇڭگونىڭ جاپپاي ستراتەگيالىق سەرىكتەستىك قاتىناسىنىڭ دامۋىن ىلگەرىلەتۋدى قالايدى.
ياڭ جيەچى قاتارلىلار كەزدەسۋدە بىرگە بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
