- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ پەرۋدىڭ زۇڭتۇڭى كۋچينسكيمەن كەڭەس وتكىزدى
ەكى ەل باسشىلارى جۇڭگو - لاتىن امەريكاسى مادەنيەت اۋىس - كۇيىسى جىلىنىڭ اياقتالۋ سالتىنا قاتىناستى ءارى «الىستاعى دوستارعاسۇيىسپەنشىلىك − حۋاشيا اسىلدار كورمەسىن» ەكسكۋرسيالادى
2016.11.23 10:24 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - قاراشادا ليمادان بەرگەن حابارى. مەملەكەت ءتوراعاسى شي جينپيڭ 21 - قاراشا كۇنى ليمادا پەرۋدىڭ زۇڭتۇڭى كۋچينسكيمەن كەڭەس وتكىزدى. ەكى ەل باسشىلارى جۇڭگو - پەرۋ قاتىناسىنىڭ دامۋىنا جانە ءتۇرلى سالاداعى ناقتىلى سەلبەستىكتەردىڭ جەتىستىكتەرىنە جوعارى باعا بەردى، ەكى ەلدىڭ بىرگە كوڭىل ءبولىپ وتىرعان ماسەلەلەرى جونىندە ىشكەرىلەي پىكىر اۋىستىرىپ، ورتاق تانىمعا كەلدى.
شي جينپيڭ بىلاي دەپ اتاپ كورسەتتى: بيىل جۇڭگو مەن پەرۋدىڭ ديپلوماتيالىق بايلانىس ورناتقانىنا 45 جىل تولدى. كۋچينسكي زۇڭتۇڭ بيلىككە كەلىپ نەبارى 6 اپتادان كەيىن جۇڭگوعا ساپارلاي كەلدى، ءبىز اسا ناتيجەلى كەڭەس وتكىزىپ، جۇڭگو مەن پەرۋدىڭ قاتىناسىن تىڭ بەلەسكە كوتەرۋگە ءبىر اۋىزدان قوسىلدىق. مەن وسى جولعى ساپارىمدا ەكى ەلدىڭ ءداستۇرلى دوستىعىن تەرەڭدەتىپ، جان - جاقتىلى ديالوگ پەن سەلبەستىكتى جەبەپ، جۇڭگو مەن پەرۋدىڭ جاپپاي ستراتەگيالىق سەرىكتەستىك قاتىناسىنىڭ ءتىپتى زور دامۋعا قول جەتكىزۋىن ىلگەرىلەتىپ، ەكى ەل حالىقتارىن ءتىپتى مول باقىتقا كەنەلتۋدى ءۇمىت ەتەمىن.
شي جينپيڭ بىلاي دەپ باسا دارىپتەدى: الداعى 5 جىل جۇڭگو مەن پەرۋدىڭ وزىندىك دامۋىنداعى شەشۋشى كەزەڭ، وسى 5 جىلدا جۇڭگو «قوس 100 جىل» كۇرەس نىساناسىنىڭ العاشقىسىن ىسكە اسىرادى، پەرۋ دە وسىزاماندانعان مەملەكەت قۇرۋ ارمانىن ىسكە اسىرادى. جاڭا جاعدايدا، ءبىز شوقتىقتى جوبا جاساۋ مەن ءبىر تۇتاس ىلگەرىلەتۋگە ءمان بەرىپ، ەكى جاقتى سەلبەستىك مەحانيزمىنەن ۇتىمدى پايدالانىپ، ەكى ەلدىڭ 2016 - جىلدان 2021 - جىلعا دەيىنگى ورتاق ارەكەت جوسپارىن ويداعىداي اتقارىپ، دامۋ ستراتەگيالارىنىڭ ۇشتاسۋىن كۇشەيتىپ، ەكى جاقتىڭ ورتاق تانىمىن ناقتاپ تياناقتاندىرۋىمىز، ناقتى ونىمدىلىككە قول جەتكىزۋىمىز كەرەك. ەكونوميكا - ساۋدا سەلبەستىگىندە ءجۇرىس اۋىستىرىپ، جىلدامدىقتى ۇدەتۋدى ىسكە اسىرىپ، وندىرىستىك قۋات جاعىنداعى سەلبەستىك ورناتۋ سىندى جاڭا قوزعالتقىشتى شىن مانىندە ىسكە قوسىپ، ءتۇيىندى نىسانداردان باستاپقى مەرزىمدە ناتيجە شىعارۋعا دەم بەرىپ، كەن، ەنەرگيا، نەگىزدىك قۇرىلعى قۇرىلىسى سەلبەستىگى سياقتى ءداستۇرلى قوزعالتقىشتاردىڭ رولىن ۇزدىكسىز ساۋلەلەندىرىپ، قورشاعان ورتانى قورعاۋ، تازا ەنەرگيا، ينفورماتسيالىق بايلانىس سياقتى جاڭاشا سەلبەستىكتەردىڭ ارتۋ تۇيىندەرىن اشىپ، ەركىن ساۋدا كەلىسىمىنىڭ دەڭگەيىن جوعارىلاتۋ جونىندە بەلسەندى ىزدەنىس جاساپ، ەكى جاقتى ساۋدانى ارتتىرۋعا جانە ونى ساپالىلاندىرۋعا تىڭ قوزعاۋشى كۇش قوسۋىمىز كەرەك. جۇڭگو ۇكىمەتى قۋاتتى، بىلىكتى جۇڭگو كاسىپورىندارىن پەرۋگە بارىپ قارجى قوسىپ، شارۋاشىلىقتى گۇلدەندىرۋگە ۇزدىكسىز شابىتتاندىرادى. ءبىز مادەنيەت، وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە، مەديا، جوعارى مەكتەپ، اقىل - پاراسات قويماسى سياقتى گۋمانيتارلىق سالاداعى اۋىس - كۇيىستى ۇزدىكسىز كەڭەيتىپ، ساياحات سەلبەستىگىن كۇشەيتۋىمىز كەرەك. جۇڭگو پەرۋمەن قول ۇستاسا قۇلشىنىپ، ەكى ەل قاتىناسىنىڭ ءتىپتى جاقسى، ءتىپتى تەز دامۋىن ىلگەرىلەتۋدى قالايدى.
شي جينپيڭ پەرۋدىڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ءماجىلىسىن ءساتتى وتكىزگەندىگىن قۇتتىقتاپ، ماجىلىستە قول جەتكەن ءبىرقاتار ماڭىزدى جەتىستىكتەردىڭ ازيا - تىنىق مۇحيت ءوڭىرىنىڭ باياندى دامۋى مەن قاتار گۇلدەنۋىنە قۇدىرەتتى قوزعاۋشى كۇش قوسقاندىعىن، مۇنىڭ پەرۋدىڭ ۇلەسى مەن لاتىن امەريكاسى ەلدەرىنىڭ اقىل - پاراساتىن ايگىلەيتىندىگىن اتاپ كورسەتتى. جۇڭگونىڭ پەرۋمەن جانە باسقا مۇشە ەلدەرمەن بىرگە بۇرىنعىعا مۇراگەر بولىپ، بولاشاققا جول اشىپ، ورتاق تانىمدى ويداعىداي تياناقتاندىرىپ، ازيا - تىنىق مۇحيت ەركىن ساۋدا رايونىنىڭ اياق الىسىن ۇزدىكسىز ىلگەرىلەتۋدى، ازيا - تىنىق مۇحيت وڭىرىندە اشىق ەكونوميكا جاعدايىن قالىپتاستىرىپ، ازيا - تىنىق مۇحيت ءوڭىرى مەن دۇنيە ءجۇزىنىڭ ەكونوميكاسىن ارتتىرۋعا ءتىپتى دە زور ۇلەس قوسۋدى قالايتىندىعىن ايتتى.كۋچينسكي مىنانى ءبىلدىردى: ءتوراعا شي جينپيڭنىڭ پەرۋدە مەملەكەتتىك ساپاردا بولعاندىعىن قىزۋ قارسى الامىن. پەرۋ مەن جۇڭگونىڭ تاريحي كەشىرمەسى ۇقساپ كەتەدى، ەكى ەل مەملەكەتتى دامىتۋ جانە گۇلدەندىرۋ جولىندا ايانباي قۇلشىنىس جاساۋدا. قازىرگى كەزدە ەكى ەلدىڭ جاپپاي ستراتەگيالىق سەرىكتەستىك قاتىناسى ۇزدىكسىز دامۋدا، ەكى جاقتىڭ ەكونوميكا - ساۋدا جانە گۋمانيتارلىق سەلبەستىكتەرىنىڭ مۇمكىندىكتەرى مول. پەرۋ جۇڭگومەن ەكى ەلدىڭ ەركىن ساۋدا كەلىسىمىنىڭ دەڭگەيىن جوعارىلاتۋدى قالايدى، جۇڭگو كاسىپورىندارىنىڭ پەرۋدىڭ كەن، ەنەرگيا، سۋ ەلەكتر، قاتىناس جانە نەگىزدىك قۇرىلعى قۇرىلىسى سياقتى سالالارىنا قارجى قوسۋىن، پەرۋدىڭ ءوزارا بايلانىس قۇرىلىسىنا ات سالىسۋىن قارسى الادى. پەرۋ جۇڭگومەن وقۋ - اعارتۋ، مادەنيەت جاعىنداعى اۋىس - كۇيىستى جانە ساياحات سەلبەستىگىن كۇشەيتىپ، ەكى ەل حالىقتارىنىڭ بارىس - كەلىس جاساۋىنا ءتىپتى قولايلىلىقتار تۋدىرۋدى ءۇمىت ەتەدى. پەرۋ مەن جۇڭگو ب م ۇ سياقتى كوپ جاقتى قۇرىلىمداردا ويداعىداي ءتىل تابىسىپ، جاقسى سايكەسىپ كەلەدى. پەرۋ جۇڭگونىڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ءماجىلىسىن ءساتتى وتكىزۋىن قولداعانىنا العىس ايتادى، سونداي - اق جۇڭگومەن بىرگە ازيا - تىنىق مۇحيت ءوڭىرىنىڭ ساۋدا جانە قارجى قوسۋ ىستەرىنىڭ ەركىن بولۋىن، قورعانىمپازدىققا قارسى تۇرۋدى ۇزدىكسىز ىلگەرىلەتۋدى قالايدى.
كەڭەستەن كەيىن ەكى ەل باسشىلارى «جۇڭحۋا حالىق رەسپۋبليكاسى ۇكىمەتى مەن پەرۋ رەسپۋبليكاسى ۇكىمەتىنىڭ 2016 - جىلدان 2021 - جىلعا دەيىنگى ورتاق ارەكەت جوسپارىنىڭ» جانە ەكونوميكا - ساۋدا، كەن، ونەركاسىپ باقشاسى، ينفورماتسيالىق بايلانىس، ەكونوميكا - تەحنيكا، ساپا تەكسەرۋ، قورشاعان ورتا سياقتى سالالارعا قاتىستى ەكى جاقتى سەلبەستىك جونىندەگى ءبىرقاتار حۇجاتتاردىڭ قول قويىلۋ ساتىنە كۋا بولدى.
كەڭەستىڭ الدىندا شي جينپيڭ كۋچينسكيدىڭ زۇڭتۇڭ سارايىنىڭ الدىنداعى الاڭدا وتكىزگەن قارسى الۋ سالتىنا قاتىناستى. جەرگىلىكتى ۋاقىت تۇستەن بۇرىن ساعات 9دان 45 مينۋت وتكەندە، شي جينپيڭ مەن حانىمى پىڭ لييۋان زۇڭتۇڭ سارايىنىڭ الدىنداعى الاڭعا كەلدى. 21 رەت قۇرمەت ساليۋتى اتىلدى. شي جينپيڭ قۇرمەت قاراۋىلىن كوزدەن كەشىردى. شي جينپيڭ كۋچينسكيمەن شىن ىقىلاسپەن قول الىستى. اسكەري وركەستر جۇڭگو مەن پەرۋدىڭ مەملەكەت گيمىنىن ورىندادى.
قارسى الۋ سالتىنان بۇرىن، شي جينپيڭ مەن پىڭ لييۋان كۋچينسكي مەن حانىمىنىڭ سەرىك بولۋىندا پەرۋ تاۋەلسىزدىك ارداگەرلەرىنىڭ ەسكەرتكىشىنە گۇل شەڭبەر قويدى.
ۋاڭ حۋنيڭ، لي جانشۋ، ياڭ جيەچىلەر اتالعان قيمىلدارعا قاتىناستى.
شينحۋا اگەنتتىگىنىڭ 21 - قاراشادا ليمادان بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 21 - قاراشا كۇنى ليمادا پەرۋدىڭ زۇڭتۇڭى كۋچينسكي جانە ونىڭ حانىمى لانگەمەن بىرگە جۇڭگو - لاتىن امەريكاسى مادەنيەت اۋىس - كۇيىسى جىلىنىڭ اياقتالۋ سالتىنا قاتىناستى ءارى «الىستاعى دوستارعا سۇيىسپەنشىلىك − حۋاشيا اسىلدار كورمەسىن» ەكسكۋرسيالادى.
شي جينپيڭ مەن پىڭ لييۋان پەرۋدىڭ مەملەكەتتىك ارحەولوگيا، انتروپولوگيا، تاريحي مۇراجايىنا بارعاندا، كۋچينسكي مەن حانىمىنىڭ ىستىق ىقىلاسپەن قارسى الۋىنا بولەندى. ەكى ەل باسشىلارى مەن حانىمدارى اياقتالۋ سالتى وتكىزىلەتىن زالعا بارا جاتىپ، «وركەنيەت كەرۋەنى − جۇڭگو - لاتىن امەريكاسى وركەنيەتىنىڭ ءبىر - بىرىنەن ۇلگى الۋى» اتتى سۋرەت كورمەسىن ەكسكۋرسيالادى، سونداي - اق جۇڭگو ورتالىق ۇلتتىق وركەسترى مەن پەرۋ ۇلتتىق وركەسترى بىرگە ورىنداعان جۇڭگونىڭ حالىق ءانى «يمىڭشان جىرىن» جانە پەرۋدىڭ حالىق ءانى «قىران ءانىن» تىڭدادى.
ەكى ەل باسشىسى اياقتالۋ سالتىندا جەكە - جەكە ءسوز سويلەدى.
شي جينپيڭ مىنانى اتاپ كورسەتتى: مەن 2014 - جىلى شىلدە ايىنداعى لاتىن امەريكاسىنداعى ساپارىم كەزىندە 2016 - جىلى جۇڭگو - لاتىن امەريكاسى مادەنيەت اۋىس - كۇيىسى جىلىن وتكىزۋدى ورتاعا سالعان ەدىم، بۇعان لاتىن امەريكاسىنداعى ءار ەل ۇكىمەتى مەن حالقى بەلسەندى ءۇن قوستى. جۇڭگو مەن لاتىن امەريكاسىنىڭ باي مازمۇندى مادەنيەت - كوركەمونەرى جايناعان شوق گۇلدەي ەكى جاقتىڭ كەڭ - بايتاق دالاسىندا قۇلپىرا اشىلىپ، جۇڭگو - لاتىن امەريكاسىنىڭ مادەنيەت جاعىندا ءبىر - بىرىنەن ۇلگى الۋىن تىڭ دەڭگەيگە كوتەرەتىن بولادى.
شي جينپيڭ مىنالاردى باسا دارىپتەدى: جۇڭگو - لاتىن امەريكاسىنىڭ مادەنيەت اۋىس - كۇيىسى ارىدان باستاۋ الادى. تاياۋ جىلداردان بەرى، جۇڭگو - لاتىن امەريكاسىنىڭ مادەنيەت اۋىس - كۇيىسى قارىشتاپ دامىدى. جۇڭگو مەن لاتىن امەريكاسىنىڭ حالقى ءبىر - بىرىنەن شالعايدا جاتسا دا، جۇرەكتەرى توعىسقان، اراسىندا تەرەڭ دوستىق سۇيىسپەنشىلىك بار. ەكى جاقتىڭ ۇزاق تاريحى جانە شۇعىلالى مادەنيەتى بار، ەكەۋى دە تاريحتا شەتەلدەردىڭ شاپقىنشىلىعىنا ۇشىراعان جانە قوعامدىق الاساپىراندىقتىڭ تاۋقىمەتىن تارتقان، قازىر ەكونوميكانى دامىتۋ، حالىق تۇرمىسىن جاقسارتۋ ۇلى ىسىنە كۇش سالۋدا. ورتاق ارمان، ورتاق ۇمتىلىس جۇڭگو مەن لاتىن امەريكاسىن تىعىز بايلانىستىرا تۇسەدى. ۇلى ارماندارىمىزدى ىسكە اسىرۋدا ەكونوميكا دامىپ قانا قويماي، اسىرەسە، مادەنيەت گۇلدەنىپ - كوركەيۋى كەرەك. ءبىز ءوزارا قۇرمەتتەۋ، تەڭ تۇرعىدا ءوزارا تيىمدىلىك جاساۋ نەگىزىندە، جۇڭگو مەن لاتىن امەريكاسى اراسىنداعى مادەنيەت ديالوگىن ۇزدىكسىز تەرەڭدەتىپ، مادەنيەتتە ءبىر - بىرىنەن ۇلگى الۋدىڭ جۇڭگو - لاتىن امەريكاسى حالقىنىڭ دوستىعىن نىعايتاتىن كوپىرگە، ادامزات قوعامىنىڭ العا باسۋىن ىلگەرىلەتەتىن قوزعاۋشى كۇشكە، دۇنيە ءجۇزىنىڭ بەيبىتشىلىگىن جەبەيتىن دانەكەرگە اينالۋىنا مۇمكىندىك جاساۋىمىز كەرەك.
شي جينپيڭ مىنالاردى اتاپ كورسەتتى: مادەنيەت قاتىناسى − جۇڭگو - لاتىن امەريكاسىنىڭ جالپى تۇلعالىق ديپلوماتياسىنىڭ ماڭىزدى قاناتى. ءبىز 2016 - جىلعى جۇڭگو - لاتىن امەريكاسى مادەنيەت اۋىس - كۇيىس جىلىن وتكىزۋدى تىڭ باستاما ەتىپ، جۇڭگو - لاتىن امەريكاسىنىڭ جالپى تۇلعالىق سەلبەستىگى سىندى تاريحي ورايدى مىقتى يگەرىپ، ءبىر - ءبىرىمىزدىڭ مادەنيەت جەتىستىكتەرىمىزدەن جان - جاقتى ۇلگى الىپ، جۇڭگو - لاتىن امەريكاسى وركەنيەتىنىڭ ۇقساماعان وركەنيەتتەر اراسىنداعى جاراسىمدىلىقتىڭ ولاردىڭ ءبىر - ءبىرىن جەبەۋىنىڭ ۇلگىسىنە اينالۋىنا مۇمكىندىك جاساپ، دۇنيە ءجۇزىنىڭ كوپ نەگىزدى مادەنيەت اۋماعىنا ءتىپتى تاماشا ءتۇس قوسۋىمىز كەرەك.
كۋچينسكي مىنانى ءبىلدىردى: پەرۋ مەن جۇڭگونىڭ مىڭداعان جىلدىق تاريحقا يە بايىرعى وركەنيەتى بار، ۇزاق ۋاقىتتان بەرى ءبىر - بىرىنەن ۇيرەنىپ، ءبىر - بىرىنەن ۇلگى الىپ كەلەدى، سوڭعى جىلدارى ەكى جاقتىڭ مادەنيەت اۋىس - كۇيىسى ءتىپتى جيىلەي ءتۇستى. پەرۋ جۇڭگومەن گۋمانيتارلىق اۋىس - كۇيىستى كۇشەيتىپ، ەكى ەل قاتىناسىنىڭ دامۋىن اناعۇرلىم جەبەۋدى قالايدى.
اياقتالۋ سالتىنان كەيىن شي جينپيڭ مەن پىڭ لييۋان كۋچينسكي جانە ونىڭ حانىمىمەن بىرگە «الىستاعى دوستارعا سۇيىسپەنشىلىك − حۋاشيا اسىلدار كورمەسىن» ەكسكۋرسيالادى.
«الىستاعى دوستارعا سۇيىسپەنشىلىك − حۋاشيا اسىلدار كورمەسىندە» 5000 جىلدىق حۋاشيا وركەنيەتىنىڭ ءنارى سىڭگەن قاس تاسى بۇيىمدارى، قۋىرشاق جاساق، فارفور بۇيىمدار سياقتى 121 بۇيىم قويىلدى.
ۋاڭ حۋنيڭ، لي جانشۋ، ياڭ جيەچىلەر اتالعان قيمىلدارعا قاتىناستى.
مەملەكەت ءتوراعاسى شي جينپيڭ 21 - قاراشا كۇنى ليمادا پەرۋدىڭ زۇڭتۇڭى كۋچينسكيمەن كەڭەس وتكىزدى. (شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
