- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۋبانىڭ توڭكەرىستىك كوسەمى فيدەل كاسترو قايتىس بولدى
شي جينپيڭ كۋبا مەملەكەت كەڭەسىنىڭ ءتوراعاسى ءارى مينيسترلەر كەڭەسىنىڭ ءتوراعاسى راۋل كاستروعا تەلەگرامما جولداپ كوڭىل ايتتى
2016.11.28 11:05 كەلۋ قاينارى : شينجياڭ گازەتى
شينحۋا اگەنتتىگىنىڭ 26 - قاراشادا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 26 - قاراشادا كۋبا مەملەكەت كەڭەسىنىڭ ءتوراعاسى ءارى مينيسترلەر كەڭەسىنىڭ ءتوراعاسى راۋل كاستروعا تەلەگرامما جولداپ، جۇڭگو كوممۋنيستىك پارتياسى، ۇكىمەتى، حالقى جانە ءوز اتىنان فيدەل كاسترو جولداستىڭ قازاسىنا قايعىلى ازا بىلدىرەتىندىگىن، ونىڭ ءۇي ىشىندەگىلەردەن شىن ىقىلاسپەن حال سۇرايتىندىعىن ءبىلدىردى. تەلەگراممانىڭ تولىق مازمۇنى بىلاي:
كۋبا توڭكەرىسىنىڭ باسشىسى فيدەل كاسترو جولداستىڭ باقىتقا قارسى قايتىس بولعانىن ەستىپ قابىرعامىز قاتتى قايىستى.
مەن فيدەل كاسترو جولداستىڭ قايتىس بولعانى جونىندە جۇڭگو كوممۋنيستىك پارتياسى، ۇكىمەتى، حالقى، سونداي - اق ءوز اتىمنان سىزگە، سونداي - اق ءسىز ارقىلى كۋبا كوممۋنيستىك پارتياسىنا، ۇكىمەتىنە، حالقىنا قايعىلى ازا بىلدىرەمىن، سونداي - اق فيدەل كاسترونىڭ وتباسىنداعىلارعا شىن ىقىلاسپەن كوڭىل ايتامىن.
فيدەل كاسترو جولداس كۋبا كوممۋنيستىك پارتياسىنىڭ جانە كۋبا سوتسياليزم ىستەرىنىڭ قۇرۋشىسى، كۋبا حالقىنىڭ ۇلى كوسەمى. ول جۇرەك قانىن كۋبا حالقىنىڭ ۇلتتىق تاۋەلسىزدىككە قول جەتكىزۋ، مەملەكەتتىڭ يەلىك ۇقىعىن قورعاۋ مەن سوتسياليزمدى قۇرۋ سىندى ايبىندى ىسكە ارناپ، تاريحتا وشپەس ەڭبەك قالدىردى، سونداي - اق دۇنيە ءجۇزى سوتسياليزمىن دامىتۋعا وشپەس ەڭبەك ءسىڭىردى. فيدەل كاسترو جولداس ءبىز جاساپ جاتقان وسى داۋىردەگى ۇلى قايراتكەر، تاريح پەن حالىق ونى ماڭگى ەستەن شىعارمايدى.
مەن فيدەل كاسترو جولداسپەن تالاي رەت كەزدەسىپ، بۇكپەسىز اڭگىمەلەسكەم، ول كىسىنىڭ تەرەڭ ويىنان زور شابىت العام، داۋىسى قۇلاعىمنان، تۇلعاسى كوز الدىمنان كەتپەيدى، جۇڭگو حالقى ونى ساعىنا ەسكە الادى.
فيدەل كاسترو جولداس كوزى تىرىسىندە جۇڭگو مەن كۋبانىڭ دوستىعىن نىعايتۋعا كۇش سالدى، جۇڭگونىڭ دامۋ اياق الىسىنا قاداعالاي نازار اۋدارىپ، جۇڭگونىڭ دامۋىنا جوعارى باعا بەردى، ونىڭ تىكەلەي قامقورلىعى مەن قولداۋىندا، كۋبا لاتىن امەريكاسى ەلدەرىنىڭ ىشىندە جۇڭگومەن ەڭ الدىمەن ديپلوماتيالىق قاتىناس ورناتقان ەل بولدى. جۇڭگو مەن كۋبا ديپلوماتيالىق قاتىناس ورناتقان 56 جىلدان بەرى، ەكى ەلدىڭ قاتىناسى ارشىندى دامىپ، ءتۇرلى سالالارداعى ناقتى سەلبەستىكتەرى مول تابىسقا قول جەتكىزدى، ەكى ەل حالقىنىڭ دوستىعى كۇن سايىن نىعايدى، مۇنى فيدەل كاسترو جولداستىڭ قامقورلىعى مەن ەڭبەگىنەن بولە قاراۋعا بولمايدى.
فيدەل كاسترو جولداستىڭ قازاسى كۋبا مەن لاتىن امەريكاسى ەلدەرىنىڭ زور جوعالتۋى بولدى، كۋبا مەن لاتىن امەريكاسى حالقى ارداقتى ازاماتتارىنان، جۇڭگو حالقى دا سەنىمدى جولداسىنان، ناعىز دوسىنان ايرىلدى. ونىڭ جارقىن بەينەسى مەن ۇلى ەڭبەگى تاريحقا ماڭگى جازىلادى.
مەن ءتوراعا جولداستىڭ پارمەندى باسشىلىعىندا، كۋبا كوممۋنيستىك پارتياسى، ۇكىمەتى، حالقى، ءسوز جوق، فيدەل كاسترو جولداستىڭ ارمان - مۇراتىنا مۇراگەرلىك ەتىپ، قايعىنى قايراتقا اينالدىرىپ، سوتسياليزمدى قۇرۋ ىستەرىندە ۇزدىكسىز تىڭ ناتيجەگە قول جەتكىزەتىندىگىنە كامىل سەنەمىن، جۇڭگو مەن كۋبا پارتيالارىنىڭ، ەكى ەلدىڭ، ەكى ەل حالقىنىڭ دوستىعى، ءسوز جوق، بارعان سايىن بەكەمدەلە تۇسەدى، دامي تۇسەدى.
ۇلى فيدەل كاسترو جولداس ماڭگى جاسايدى!
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
