بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

جۋ دى جولداس دۇنيەگە كەلگەندىگىنىڭ 130 جىلدىعىن ەسكە ءتۇسىرۋ جونىندەگى اڭگىمە ماجىلىستە سويلەنگەن ءسوز

(2016 - جىلى 29 - قاراشا)

شي جينپيڭ

2016.12.01 13:31     كەلۋ قاينارى : شينجياڭ گازەتى

  جولداستار، دوستار:

  بۇگىن ءبىز وسى ارادا باس قوسىپ، جۋ دى جولداس دۇنيەگە كەلگەندىگىنىڭ 130 جىلدىعىن ەسكە ءتۇسىرىپ، ونىڭ ۇلت تاۋەلسىزدىگى مەن حالىقتىڭ ازاتتىعى، مەملەكەتتىڭ قۇدىرەتتەنۋى مەن حالىقتىڭ باقىتى جولىندا قوسقان وشپەس ەڭبەگىن ساعىنا ەسكە الىپ، ونىڭ پارتيا مەن حالىق ىستەرى جولىندا تالماي كۇرەس جۇرگىزگەن شۇعىلالى ومىرىنە ايالداپ وتىرمىز، سول ارقىلى ونىڭ وسكەلەڭ ءمورالى مەن رۋحاني قاسيەتىنەن ۇيرەنىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جۇڭگوشا سوتسياليزم ۇلى ءىسىن كوكىرەك تولى سەنىممەن ۇزدىكسىز العا ىلگەرىلەتۋگە ىنتالاندىرماقشىمىز.

  جۋ دى جولداس −ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، جۇڭگو حالىق ازاتتىق ارمياسىن قۇرعان نەگىزگى تۇلعالاردىڭ ءبىرى، جۇڭحۋا حالىق رەسپۋبليكاسىنىڭ مەملەكەت شاڭىراعىن كوتەرگەن مارشال، پارتيانىڭ ءبىرىنشى بۋىن ورتالىق باسشىلىق كوللەكتيۆىنىڭ ماڭىزدى مۇشەسى.

  جۋ دى جولداس 1886 - جىلى 1 - جەلتوقساندا سىچۋان ولكەسىنىڭ يلۇڭ اۋدانىندا كەدەي ديقان وتباسىندا دۇنيەگە كەلگەن. ول تۇستاعى جۇڭگو جارتىلاي وتار، جارتىلاي فەودالدىق قوعامدى باستان وتكەرىپ، جۇڭگو حالقى بۇرىن - سوڭدى بولماعان تاۋقىمەتتەردى تارتىپ جاتقان ەدى. جۋ دى جولداس سانسىزداعان ارداگەرلەر سياقتى مەملەكەتتى، ۇلتتى قۇتقارۋ جولىندا باس قاتىردى جانە ىزدەنىس جاسادى. جاس كەزىندە ول: «وتاننىڭ تاعدىرىنا بارلىق ادام جاۋاپتى، سوندىقتان سامۇرىقتاي قانات قاعاتىن ەرىك جىگەر بولۋ كەرەك» دەگەن ۇلى مۇراتىن بەينەلەيدى. 1909 - جىلى ول اۋىلىنان اتتانىپ، كۇنميڭگە بارىپ، يۇننان قۇرلىق ارمياسىنىڭ سوعىس ونەرىن ۇيرەتۋ كلاسىنا تۇسەردەن بۇرىن «نامىستى ازاماتتار نامىسىن قايراتىنا جانىپ، جالپاق دالانى كەزەدى. قالامدى تاستاپ، ارمياعا قاتىناسىپ، ەسكى مەملەكەت سالتىن جاڭالايدى» دەپ سەرت جاسايدى. ول سۇن جۇڭشان مىرزا باسشىلىعىنداعى وداق ۇيىمىنا قوسىلىپ، چيڭ پاتشالىعىنىڭ فەودالدىق ۇستەمدىگىن اۋدارىپ تاستاعان شينحاي توڭكەرىسىنە بەلسەنە ات سالىسىپ، وتاندى قورعاۋ مەن زاڭدى قورعاۋ سوعىسىنا قاتىناسىپ، يۇننان ارمياسىنىڭ اتاقتى قولباسشىسىنا اينالدى.

  جۋ دى جولداس ميليتاريستەردىڭ قىرىق پىشاق بولىپ، قىرقىسۋىنىڭ مەملەكەتتى «جالپاق دالادا جەل ازىناپ، ورتا جازىقتى قاراڭعى تۇنەككە اينالدىرعان» قاسىرەتتى كۇيگە كىرىپتار ەتكەندىگىن كوزىمەن كورىپ، بۋرجۋازيا باسشىلىعىنداعى كونە دەموكراتيالىق توڭكەرىستىڭ جۇڭحۋا ۇلتىنا شىعار جول تابۋ ماسەلەسىن شەشە المايتىندىعىن تانىپ جەتتى. ول روسسيانىڭ قازان توڭكەرىسى مەن جۇڭگونىڭ 4 - مامىر قوزعالىسىنان ءۇمىت ۇشقىنىن بايقاپ، ءمانساپتىلاردىڭ كوپ جالاقى بەرەمىز دەگەن شىرعاسىنان باتىل باس تارتىپ، الدىمەن شاڭحاي، بەيجيڭگە بارىپ، ونان كەيىن تاعى الىس ساپار شەگىپ، وتاندى، حالىقتى قۇتقارۋ اقيقاتىن تابۋ جولىندا تالماي ىزدەنىس جاسايدى. جۋ دى جولداس 1922 - جىلى ماركستىڭ اتا مەكەنى گەرمانيادا جۇڭگو كوممۋنيستىك پارتياسىنا قاتىناسادى، وسىلايشا ول توڭكەرىس جولىنا ءتۇسىپ، وزىندەگىنىڭ بارلىعىن كوممۋنيزمنىڭ وسكەلەڭ ىستەرىنە ارنايدى.

  جاڭا دەموكراتيالىق توڭكەرىس كەزىندە، جۋ دى جولداس ىلگەرىندى - كەيىندى جۇڭگو جۇمىسشى - ديقان قىزىل ارمياسىنىڭ باس قولباسشىسى، 8 - ارميانىڭ باس قولباسشىسى، جۇڭگو حالىق ازاتتىق ارمياسىنىڭ باس قولباسشىسى مىندەتىن اتقارىپ، جۇڭحۋا ۇلتىنىڭ تاۋەلسىزدىگى مەن ازاتتىعى، حالىقتىڭ ءوز - وزىنە قوجا بولعان جاڭا جۇڭگو قۇرۋى جولىندا كورنەكتى ۇلەس قوستى. ول 1 - تامىز نانچاڭ كوتەرىلىسىنە قاتىناسىپ جانە باسشىلىق ەتىپ، گومينداڭ پارتياسى كەرتارتپاشىلارىنا قارۋلى قارسىلىق كورسەتۋدىڭ العاشقى وعىن اتتى. ول نانچاڭ كوتەرىلىسى ارمياسىنىڭ قالدىق ءبولىمى مەن وڭتۇستىك حۋنان كوتەرىلىسىنە قاتىناسقان ديقاندار ارمياسىن جيڭگاڭشانعا باستاپ بارىپ، ماۋ زىدۇڭ جولداس باسشىلىعىنداعى حۋنان - جياڭشي شەكاراسىنداعى كۇزگى جيىن - تەرىن كوتەرىلىسى قوسىنىمەن قوسىلىپ، جەر توڭكەرىسى سوعىسىنىڭ لاۋلاعان ءورتىن تۇتاندىرادى. وسىدان كەيىن، ول اۋىل - قىستاق ارقىلى قالانى قورشاۋعا الۋ، قارۋلى كۇشپەن اكىمياتتى تارتىپ الۋ سىندى جۇڭگونىڭ توڭكەرىس جولى جونىندە ماۋ زىدۇڭ جولداسپەن بىرگە ىزدەنىس جاسايدى. جۋ دى جولداس ىلگەرىندى - كەيىندى ماۋ زىدۇڭ جولداسپەن، جوۋ ىنلاي جولداسپەن بىرگە قىزىل ارمياعا قولباسشىلىق ەتىپ، گومينداڭ ارمياسىنىڭ ورتالىق كوميتەتتىڭ توڭكەرىستىك بازاسىنا باعىتتاعان 4 رەتكى «قورشاپ جويۋىن» تالقاندايدى، سونداي - اق ستراتەگيالىق ورىن اۋىستىرۋ بارىسىندا قىزىل ارمياعا باسشىلىق ەتىپ، ۇزاق جورىق جاسايدى.زۇن - ي ماجىلىسىندە جۋ دى جولداس ماۋ زىدۇڭ جولداستىڭ دۇرىس دارىپتەمەسىن باتىل قولداپ، ماۋ زىدۇڭ جولداستىڭ قىزىل ارميا مەن پارتيا ورتالىق كوميتەتىندەگى باسشىلىق ورنىن تۇراقتاندىرۋ جونىندە ماڭىزدى ۇلەس قوسادى. ول جاڭ گوتاۋدىڭ پارتيا مەن قىزىل ارميانى بولشەكتەۋدەي قاتە ارەكەتىمەن استە ىمىراعا كەلمەيتىن كۇرەس جۇرگىزىپ، 4 - باعىت قىزىل ارمياسىنداعى، 2 - باعىت قىزىل ارمياسىنداعى قالىڭ كوماندير - جاۋىنگەرلەردى ىنتىماقتاستىرىپ، قىزىل ارميانىڭ 3 ۇلكەن نەگىزگى كۇشىنىڭ توعىسۋىن جۇزەگە اسىردى. ماۋ زىدۇڭ جولداس جۋ دى جولداستىڭ وسى جولعى كۇردەلى شايقاستاعى بەينەسىن «پەيىلى دارياداي، جىگەرى بولاتتاي» دەپ القايدى.

  بۇكىل ەل بويىنشا جاپون شاپقىنشىلارىنا قارسى تۇرۋ سوعىسى باستالعاننان كەيىن، جۋ دى جولداس «جاپون شاپقىنشىلارىمەن ولىسپەي - بەرىسپەيتىن شايقاس جاساپ، بايتاق دالامدى قايتارىپ الۋ، ۇلتتى، مەملەكەتتى قورعاۋ بورىشىم» دەگەن سەرت جازىپ، 8 - ارميانى باستاپ حۋاڭحىدان ءوتىپ، سولتۇستىك جۇڭگونىڭ جاپون شاپقىنشىلارىنا قارسى تۇرۋ الدىڭعى شەبىنە اتتانادى. ول پارتيا ورتالىق كوميتەتىنىڭ ستراتەگيالىق باعىتتارىن باتىل دايەكتىلەندىرىپ، بۇقارانى كەڭ كولەمدە جۇمىلدىرىپ، جاپون شاپقىنشىلارىنا قارسى تۇرۋدىڭ پارتيزاندىق سوعىسىن جۇرگىزىپ، سولتۇستىك جۇڭگونىڭ جاپون شاپقىنشىلارىنا قارسى تۇرۋ بازاسىن اشىپ، جاپون شاپقىنشىلارىنا ۇزاق ۋاقىت قارسى تۇرۋدى قولداۋدىڭ، ەڭ سوڭعى جەڭىسكە قول جەتكىزۋدىڭ ماڭىزدى ستراتەگيالىق بازاسىن قۇرادى. 1940 - جىلى ول يان - انعا بارىپ، ماۋ زىدۇڭ جولداسقا سايكەسىپ، بۇكىل ەلدەگى ءارقايسى بازالارداعى جاپون شاپقىنشىلارىنا قارسى تۇرۋ سوعىسىنا قولباسشىلىق ەتەدى. شانشي، گانسۋ، نيڭشيا شەكارا رايونىنداعى اۋىر ەكونوميكالىق قيىنشىلىقتى جەڭۋ ءۇشىن، ول ناننيۋاندى اشۋ قىزمەتىنە تىكەلەي جەتەكشىلىك ەتىپ، قاۋىرت ءوندىرىس قيمىلىن جۇرگىزىپ، «ناننيۋان رۋحىن» جەتىلدىردى جانە دارىپتەدى. پارتيانىڭ 7 - قۇرىلتايىندا ول «ازات رايونداردىڭ سوعىس مايدانى تۋرالى» دەگەن اسكەري بايانداما جاساپ، پارتيانىڭ باسشىلىعىنداعى قارۋلى سوعىستىڭ، اسىرەسە، جاپون شاپقىنشىلارىنا قارسى تۇرۋ سوعىسىنىڭ تاجىريبەلەرىن جۇيەلى قورىتىندىلادى، حالىقتىق سوعىستىڭ نەگىزگى ەرەكشەلىگىن ەگجەي - تەگجەيلى پايىمدادى.

  ازاتتىق سوعىسى مەزگىلىندە، جۋ دى جولداس «دامۋدا سولتۇستىككە، قورعانىستا وڭتۇستىككە بەيىمدەلۋ» سىندى جەلىلەس كەلەلى ستراتەگيالىق شەشىم جاساۋعا ات سالىسىپ، ماۋ زىدۇڭ جولداسقا سايكەسىپ، ازات رايونداعى ارميا مەن حالىقتىڭ گومينداڭ ارمياسىنىڭ جالپى بەتتىك شابۋىلىن جانە ءتۇيىندى شابۋىلىن تالقانداۋىنا قولباسشىلىق ەتىپ، لياۋشىن شايقاسىنىڭ، حۋايحاي شايقاسىنىڭ، پيڭجين شايقاسىنىڭ جەڭىسىنە قول جەتكىزىپ، بۇكىل ەلگە شەرۋ تارتىپ، گومينداڭ كەرتارتپا ارمياسىن تۇبەگەيلى تالقانداپ، جاڭا دەموكراتيالىق توڭكەرىستىڭ ۇلى جەڭىسىن قارسى الدى.

  جاڭا جۇڭگو قۇرىلعاننان كەيىن، جۋ دى جولداس پارتيانىڭ، مەملەكەتتىڭ، ارميانىڭ ماڭىزدى قىزمەت ورنىندا سوتسياليستىك توڭكەرىس پەن قۇرىلىستىڭ ماڭىزدى شەشىمدەرىنە بەلسەنە ات سالىسىپ، ەلىمىزدىڭ سوتسياليستىك ءتۇزىمىنىڭ قۇرىلۋىنا جانە ءتۇرلى قۇرىلىس ىستەرىنىڭ دامۋىنا ماڭىزدى ۇلەس قوستى. ول ەلىمىزدىڭ سوتسياليستىك وزگەرتۋ مەن ەكونوميكالىق قۇرىلىسىنا قاتىناسىپ جانە باسشىلىق ەتىپ، پارتيانىڭ ءتارتىپ تەكسەرۋ قىزمەتى جونىندە قىرۋار نەگىز قالاۋ سيپاتىندىق قىزمەتتەر ىستەدى، حالىق ارمياسىن توڭكەرىستەندىرۋ، مونتيزمدەندىرۋ قۇرىلىسى جاعىندا كوپتەگەن ماڭىزدى يدەيالاردى العا قويدى، مەملەكەتتىڭ بيلىك قۇرىلىمدارى ءتۇزىمى قۇرىلىسى، ۇيىمدىق قۇرىلىسى جانە سوتسياليستىك زاڭ - ءتۇزىم قۇرىلىسى ءۇشىن قىرۋار ناتيجەلى قىزمەتتەر ىستەدى.

  جۋ دى جولداس 70 جىلعا تاياۋ توڭكەرىستىك ومىرىندە جۇڭگو توڭكەرىسىنىڭ جەڭىسكە جەتۋىنە، جۇڭگو حالقىنىڭ ازاتتىق ىستەرىنە مول ۇلەس قوسىپ، ۇلى ەڭبەك ءسىڭىردى، ەلىمىزدىڭ سوتسياليستىك توڭكەرىسى مەن قۇرىلىس ىستەرىنە وشپەس ۇلەس قوسىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ قادىرلەۋى مەن قۇرمەتىنە بولەندى. ماۋ زىدۇڭ جولداس جۋ دى جولداستى «حالىقتىڭ داڭقى» دەپ القادى، جوۋ ىنلاي جولداس جۋ دى جولداستىڭ توڭكەرىس تاريحىن «20 - عاسىرداعى جۇڭگو توڭكەرىسىنىڭ ەسكەرتكىشىنە اينالدى» دەپ القادى. مىنە بۇل پارتيا مەن حالىقتىڭ جۋ دى جولداسقا بەرگەن ەڭ جوعارى باعاسى، جۋ دى جولداس اتى - زاتىنا ساي وسىنداي ادام.

  جولداستار، دوستار!

  ەلىمىزدىڭ تاياۋ زامانعى ايبىندى تاريحىندا نەشە ۇرپاق كوممۋنيستەر بۇكىل ەلدەگى ءار ۇلت حالقىن ۇزدىكسىز كۇرەس جۇرگىزۋگە ىنتىماقتاستىرا باستاپ، جۇڭحۋا ۇلتىن تاياۋ زاماننان بەرگى بۇرىن - سوڭدى بولىپ كورمەگەن ازاپ - بەينەتتەن قۇتقارىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن شۇعىلالى بولاشاقتى قارسى الدى. جۋ دى جولداس مىنە وسىنداي كوممۋنيستەردىڭ كورنەكتى ۋاكىلى، ەلىمىزدىڭ جاقۇتتاي جارقىراعان ۇلت قاھارماندارىنىڭ ىشىندەگى الىپتاردىڭ ءبىرى. جۋ دى جولداس ومىرلىك كۇرەس بارىسىندا بەينەلەگەن يدەيالىق ءمورال مەن رۋحاني قاسيەت −پارتيا مەن حالىقتىڭ قىمباتتى رۋحاني بايلىعى.−ءبىز جۋ دى جولداستى ەسكە العاندا، ونىڭ اقيقاتقا تالپىنعان، اۋەلگى ماقساتتى ۇمىتپاعان بەرىك سەنىمىنەن ۇيرەنۋىمىز كەرەك. جۋ دى جولداس كونە دەموكراتيالىق توڭكەرىستىڭ ساتسىزدىكتەرىن باسىنان كەشكەن، كونە جولمەن جۇرۋگە كەلمەيتىندىگىن، تەك ماركسيزمنىڭ عانا جۇڭگونىڭ ماسەلەلەرىن شەشەتىن اقيقات ەكەندىگىن ءتول كەشىرمەلەرى ارقىلى تانىپ جەتكەن. ماركسيزمدىك سەنىمدى ايقىنداپ، كوممۋنيزم ىستەرى ءۇشىن كۇرەس جۇرگىزۋ سىندى ۇلى مۇراتتى ورناتقاننان كەيىن مەيلى قانداي جاپا - ماشاقاتقا، تار جول، تايعاق كەشۋلەر مەن ۇلكەن ساتسىزدىكتەرگە كەز بولسا دا، ول ەشقاشان دا سولقىلداقتىق ىستەگەن جوق. جاعداي قىسىلتاياڭ بولعان سايىن ونىڭ سەنىمى سونشالىق بەكەمدەلە ءتۇستى. نانچاڭ كوتەرىلىسىنە قاتىناسقان اسكەري ءبولىم وڭتۇستىكتەگى چاۋشانعا بارامىز دەپ ساتسىزدىككە جولىققاننان كەيىن، جۋ دى جولداستىڭ باسشىلىعىنداعى اسكەري قوسىن وقشاۋلانىپ كومەككە يە بولا الماي قالعاندا، ءوزى كەۋدە كەرىپ العا شىعىپ، ارميانى ورنىقتىرىپ: قاراڭعىلىق −ۋاقىتتىق نارسە، توڭكەرىسكە بەل بۋعاندار مەنىڭ سوڭىمنان ەرىڭدەر، ەڭ سوڭعى جەڭىس، ءسوز جوق، بىزگە ءتان، - دەيدى كەسەتىپ. 1975 - جىلدىڭ باسىندا 89 جاسىندا قولىنا قالام الىپ «توڭكەرىستى اقىرىنا دەيىن جۇرگىزەيىك» دەپ جازدى. 1976 - جىلى اقپاندا ول تاعى «بۇكىل پارتيا تىعىز ىنتىماقتاسسا، قۇز - قيالى اسقار تاۋ بۇيىم ەمەس» دەگەن جىر جولدارىن جازدى. دۇنيەدەن وتەرىنە 2 ايعا تولمايتىن ۋاقىت قالعاندا «كوممۋنيستىك پارتيا جارناماسىنىڭ» جاڭا اۋدارما نۇسقاسىن كورگەننەن كەيىن جاسىنىڭ ۇلعايىپ، دەنە قۋاتىنىڭ السىرەگەنىنە قاراماستان ورتالىق پارتيا مەكتەبىنە ارنايى بارىپ، اۋدارماشى جولداستارعا امانداسىپ، ماركسيزمنىڭ وسى ءبىر كلاسسيك ەڭبەگىن ۇيرەنۋدەن العان اسەرى جونىندە وي ورتاقتاستى.

  اۋەلگى ماقساتتى ۇمىتپاعاندا عانا، باستان - اياق مىزعىماۋعا بولادى. ماركسيزمگە دەگەن سەنىم، سوتسياليزم مەن كوممۋنيزمگە دەگەن سەنىم −كوممۋنيستەردىڭ ساياسي جانى، كوممۋنيستەردىڭ ءتۇرلى سىن - سىناققا توتەپ بەرۋىندەگى رۋحاني تىرەگى. تەك مۇرات - سەنىمى بەرىك ادام عانا باستان - اياق بۇلجىماي، قايىسپاس قايسارلىق كورسەتە الادى، مەيلى قانداي بوران - شاشىنعا كەز بولسا دا قيىنشىلىقتان، حاۋىپ - قاتەردەن قورىقپاي، بەلگىلەنگەن نىسانانى جۇزەگە اسىرۋ ءۇشىن تاباندىلىقپەن كۇرەس جۇرگىزە الادى. بۇگىن دە ءاربىر كوممۋنيست كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ بەرىك سەنۋشىسى، ادالدىقپەن امالياتتا ايگىلەۋشىسى بولۋى، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ەرلىكپىن كۇرەس جۇرگىزۋى كەرەك.

  −ءبىز جۋ دى جولداستى ەسكە العاندا، ونىڭ قالتقىسىز ادالدىعىنان، اق كوڭىل، اشىق - جارقىن بولۋداي مىزعىماس پارتيالىلىعىنان ۇيرەنۋىمىز كەرەك. جۋ دى جولداس ارميانىڭ يدەيالىق قۇرىلىسىنا، ساياسي قۇرىلىسىنا اۋەل باستان - اق ايرىقشا نازار اۋدارعان. ول نانچاڭ كوتەرىلىسىنە قاتىناسقان اسكەري بولىمدەردىڭ قالدىعىن باستاپ، «جياڭشيدىڭ وڭتۇستىگىندە ءۇشتى رەتكە سالدى»، اسكەري بولىمدەردە پارتيا ياچەيكاسىن قۇرىپ، پارتيانىڭ ارمياعا جاپپاي باسشىلىعىن جۇزەگە اسىردى. دۇنيەگە اتى ايگىلى باس قولباسشى ساناتىنداعى ول ارميا، ءسوز جوق، «كوممۋنيستىك پارتيانىڭ شارتسىز باسشىلىعىندا بولۋى كەرەك» دەگەن پرينسيپكە باستان - اياق تاباندى بولدى. ۇزاق جورىق بارىسىندا جاڭ گوتاۋ ءوز الدىنا «ورتالىق كوميتەت» قۇرىپ، پارتيا مەن قىزىل ارميانى بولشەكتەدى، سول كەزدە جۋ دى جولداس جاعدايدىڭ قيىندىعىنا قاراماستان ادىلدىك ءۇشىن الىسىپ: پارتيا −ءبىر تۇتاس تۇلعا، ونى بولشەكتەۋگە بولمايدى، قىزىل ارميا پارتيا ورتالىق كوميتەتىنىڭ ۇيعارىمىن اتقارۋى كەرەك، - دەيدى باتىل تۇردە. ول تاعى دا: ورتالىق تەك بىرەۋ عانا، ول زۇن - ي ماجىلىسىندە تۇراقتاندىرىلعان ورتالىق، ونان وزگە قۇرىلعان ورتالىق زاڭسىز، وعان جول بەرۋگە بولمايدى، - دەپ ايقىن اتاپ كورسەتتى. جۋ دى جولداس قاي - قاشان دا پارتيا مەن حالىقتىڭ ىستەرىن، پارتيا مەن مەملەكەتتىڭ جالپى جاعدايىن ماڭىزدى ورىنعا قويىپ، پارتيا ورتالىق كوميتەتىنىڭ بەدەلىن باتىل قورعاپ، «كوممۋنيزم ىستەرىنە ادال بولعان بارلىق توڭكەرىسشى، ءسوز جوق، پارتيانىڭ تۇتاستىعى مەن ىنتىماعىن قورعاۋدى ءوزىنىڭ ەڭ ماڭىزدى مىندەتىنە بالاۋى كەرەك» دەگەندى العا قويدى. ول پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، كەلەلى پرينسيپتىك ماسەلەدە مايدانى بەرىك بولدى، دۇرىس پەن بۇرىستى ايقىن اجىراتتى، كۇرەس جۇرگىزۋدەن تايىنبادى. ول ەشقاشان دا ەڭبەگىن بۇلداعان ەمەس، جەكە باسىنىڭ پايدا - زيانىمەن دە ەسەپتەسپەي، «كوممۋنيستەردىڭ ارمانى اسقاق، ءىشى كەڭ بولۋى، سابىرلى دا سالماقتى بولۋى، وزدەرىنە وزگەلەردەن دە قاتاڭ تالاپ قويۋى كەرەك. ەڭبەكتى الدىمەن كوپكە ءتان دەپ قاراۋى، اعاتتىق كەتسە جاۋاپكەرشىلىكتى باتىلدىقپەن ارقالاۋى كەرەك، <ەڭبەكتى ەلگە، كەمشىلىكتى وزىنە جازۋ> دەگەن وسى» دەپ قاراعان.پارتيالىلىق، سايىپ كەلگەندە، مايدان ماسەلەسى. پارتيالىلىق −پارتيا مۇشەلەرىنىڭ، كادرلاردىڭ ادام بولۋىنىڭ، قىزمەت ىستەۋىنىڭ، كوزقاراس ءبىلدىرۋىنىڭ، ءمورالدى بولۋىنىڭ ىرگە تاسى. ءبىر ادامنىڭ قانداي ادام ەكەنىن بەلگىلەيتىنى ونىڭ مىنەز - قۇلقى، پارتيا مۇشەسىنىڭ قانداي ەكەنىن بەلگىلەيتىنى ونىڭ پارتيالىلىعى. پارتيالىلىق پارتيا ستاجىنىڭ ارتۋىنا ىلەسىپ كۇشەيۋى مۇمكىن ەمەس، قىزمەت ورنىنىڭ وسۋىنە ىلەسىپ كۇشەيۋى دە مۇمكىن ەمەس، قايتا پارتيا ىشىندەگى تۇرمىستىڭ قاتاڭ شىڭداۋىندا ۇزدىكسىز كۇشەيتىلۋى كەرەك. بۇگىنگى كۇندە جالپى پارتياداعى جولداستار ءوزىنىڭ ءبىرىنشى سالاۋاتى كوممۋنيست ەكەنىن ەستەرىندە بەرىك ساقتاپ، ءارقانداي كەزدە دە پارتيامەن نيەتتەس، تىلەكتەس بولۋى، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن مىقتاپ ورناتىپ جانە سانالىلىقپەن كۇشەيتىپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى قاي - قاشان دا ساقتاپ، پارتياعا ادال بولۋى، پارتيامەن مۇڭداس بولۋى، پارتياعا جاۋاپتى بولۋى، پارتيانىڭ جاۋاپكەرلىگىن تولىق اتقارۋى، پارتيا جۇكتەگەن بورىش پەن مىندەتتى كۇش سالا ورىنداۋى كەرەك.−ءبىز جۋ دى جولداستى ەسكە العاندا، ونىڭ شىندىقتى ءىس جۇزىنەن ىزدەيتىن، شىندىققا جۇگىنىپ، ناقتى جۇمىس تىندىراتىن يدەيالىق ءادىسىن ۇيرەنۋىمىز كەرەك. جۋ دى جولداس ماركسيزمنىڭ نەگىزگى قاعيداسىن جۇڭگو توڭكەرىسى مەن قۇرىلىسىنىڭ ناقتى امالياتىمەن ۇشتاستىرۋدان جازباي، ماسەلەلەردى ءىس جۇزىندىكتى شىعار ءتۇيىن ەتە وتىرىپ شەشتى. ونىڭ ماۋ زىدۇڭ جولداسپەن بىرگە تۇجىرىمداعان «جاۋ كىرسە شەگىنەمىن، جاۋ باسىپ السا قامىعامىن، جاۋ شارشاسا سوعىسامىن، جاۋ شەگىنسە قۋامىن» دەگەن ءادىسى ءدال جۇڭگو توڭكەرىستىك سوعىسىنىڭ ءىس جۇزىندىگىنەن قورىتىندىلانعان پارتيزاندىق سوعىس تاكتيكاسىنىڭ نەگىزگى پرينسيبى. جاڭا جۇڭگو قۇرىلعاننان كەيىن، وتكەن عاسىردىڭ 60 - جىلدارىنىڭ باسىندا ول مىنانى ايقىن العا قويعان: دۇنيە جۇزىندە بىردە - ءبىر مەملەكەت سوتسياليزمدى شىنايى جۇزەگە اسىرا الماعان جاعدايدا، ءبىز جۇڭگونىڭ وزىنە ءتان سوتسياليزم جولىن قاراستىرۋىمىز كەرەك. وسى جولدى قاراستىرۋ ءۇشىن ول ۇنەمى ءىس جۇزىندىك جاعدايعا ىشكەرىلەي ارالاسىپ، نەگىزگى ساتىعا تەكسەرۋ - زەرتتەۋ جۇرگىزگەن. 1951 - جىلدان 1966 - جىلعا دەيىن ول پارتيا ورتالىق كوميتەتىنە ءار سالا، ءار كاسىپتىڭ ءىس جۇزىندىك جاعدايى اڭىس ەتىلگەن 108 تەكسەرۋ - زەرتتەۋ مالىمەتىن تاپسىرعان، مۇنىڭ 98ىن ول ءوزى جازىپ ازىرلەگەن. ول العا قويعان قولونەر كاسىبى مەن اۋىل شارۋاشىلىعىنىڭ كوپ ءتۇرلى شارۋاشىلىعىن دامىتۋعا ءمان بەرۋ كوزقاراسى سوتسياليزم قۇرىلىسىنىڭ ماڭىزدى تاجىريبەسىنە اينالدى. ول ەرتەرەكتە مەملەكەت قورعانىس ونەركاسىبىندە «ارميا مەن حالىقتى ۇشتاستىرۋ، بەيبىتشىلىك كەز بەن سوعىستىق كەزدى ۇشتاستىرۋ» سىندى دامۋ جولىن العا قويعان. وتكەن عاسىردىڭ 60 - جىلدارىنىڭ باسىنداعى حالىق شارۋاشىلىعىن رەتتەۋ بارىسىندا ول العا قويعان اۋىل - قىستاق الەۋمەتتىك اسحاناسىن توقتاتۋ، اۋىل - قىستاق ەركىن بازارىن قالپىنا كەلتىرۋ، اۋىل - قىستاق حالىقتىق كوممۋناسىن باسقارۋ ءتۇزىلىسىن رەتتەۋ سياقتى كوزقاراستار ماڭىزدى جەتەكشىلىك مانگە يە ەدى. ول پارتيا بيلىك جۇرگىزگەننەن كەيىنگى ءتارتىپ تەكسەرۋ قىزمەتىنىڭ نەگىزگى مىندەتى −ءوندىرىستى قورعاۋ، پارتيا ۇيىمىن بەكەمدەۋ جانە كىرشىكسىزدەندىرۋ، پارتيانىڭ بۇقارامەن بايلانىسىن بەكەمدەۋ، پارتيانىڭ شوعىرلى تۇتاستىعىنا كەپىلدىك ەتۋ دەپ اتاپ كورسەتىپ، پارتيانىڭ ءتارتىپ تەكسەرۋ قىزمەتىنىڭ ۇزاق ۋاقىت بيلىك جۇرگىزۋ تالابىنا سايكەسۋىنە ايقىن باعىت نۇسقاعان. جۋ دى جولداستىڭ وسى ورەلى ويلارى شىندىقتى ءىس جۇزىنەن ىزدەۋدىڭ جاۋھارى ەدى.

  شىندىقتى ءىس جۇزىنەن ىزدەۋ −ماركسيزمنىڭ جاۋھارى، ءبىز كوممۋنيستەردىڭ ماڭىزدى يدەيالىق ءادىسى. ءبىزدىڭ وتكەندە قول جەتكىزگەن بارلىق ناتيجەلەرىمىز شىندىقتى ءىس جۇزىنەن ىزدەۋدىڭ ارقاسىندا قولعا كەلگەن. بۇگىنگى تاڭدا ءبىز جۇڭگوشا سوتسياليزم ىستەرىن ۇدەرە العا باستىرۋ ءۇشىن تاعى دا شىندىقتى ءىس جۇزىنەن ىزدەۋگە سۇيەنۋىمىز كەرەك. بۇكىل پارتياداعى جولداستار يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، ءسوز جوق، تاباندى بولىپ، اقيقاتتان جازباۋعا، قاتەلىكتى تۇزەتۋگە قاشاندا دايىن بولۋى كەرەك. پارتيا مەن حالىقتىڭ ىستەرىنە ءتيىمدى ءارقانداي ءىستى باتىل ىستەۋىمىز، كۇش سالا ىستەۋىمىز، ءبىر ءسات تە بوساڭسىتپاۋىمىز كەرەك؛ پارتيا مەن حالىقتىڭ ىستەرىنە ءتيىمسىز ءارقانداي ءىستى باتىل وزگەرتۋىمىز، تۇبەگەيلى وزگەرتۋىمىز، ءبىر ءسات تە ايالداماي وزگەرتۋىمىز، ىستەردى دامىتۋدىڭ تىڭ جاعدايىن ۇزبەي اشىپ، ماركسيزمدى دامىتۋدىڭ تىڭ ورەسىن ۇزدىكسىز جاراتۋىمىز كەرەك.−ءبىز جۋ دى جولداستى ەسكە العاندا، ونىڭ حالىقتىڭ قامىن جەيتىن، قاجىرلى، قاراپايىم حالىقتىڭ كومپىس قىزمەتكەرىندىك قاسيەتىنەن ۇيرەنۋىمىز كەرەك. جۋ دى جولداس كەزىندە ولەڭ جازىپ، پارتيامىز باسشىلىق ەتكەن ازات رايوندارعا «ءمانساپتى جوق كەرديگەن، حالىقتىڭ كومپىس قىزمەتكەرى بارلىعى» دەپ ماداق ارناعان، ول كىسىنىڭ ءوزى دە حالىقتىڭ كومپىس قىزمەتكەرىنىڭ ۇلگىسى بولا ءبىلدى. بۇكىل ەلدە جاپون شاپقىنشىلارىنا قارسى سوعىس باستالعاننان كەيىن، ول ۇيىنە جازعان حاتىندا: «جاسىم 52گە كەلسە دە، دەنساۋلىعىم ءالى جاقسى، مەملەكەت پەن حالىقتىڭ تاعدىرى ءۇشىن، بارلىعىن قايىرىپ قويىپ، باسىمدى ءباي تىگىپ، جاۋمەن ايقاسۋعا بەل بۋدىم»، «ءمانساپتى بوپ، اقشا تاپقىسى كەلەتىندەر بىزدەن اۋلاق ءجۇرسىن، ال وتان ءۇشىن بارلىعىن قۇربان ەتۋدەن ايانبايتىن، جاپا - ماشاقاتتان تايمايتىن ادامدارعا قۇشاعىمىز ايقارا اشىق» دەپ جازدى. سوناۋ شالعايداعى سىچۋانداعى اتا مەكەنىندە جاتقان، جاسى 80نەن اسقان شەشەسىنىڭ تۇرمىسى اۋىر قيىنشىلىقتا قالعاندا، ول ءوزىنىڭ ساباقتاسىنا حات جازىپ كومەك سۇراۋعا ءماجبۇر بولدى، ول حاتىندا: «تالاي جىلدان بەرى جارتى جارماق تا جيعان ەمەسپىن، كەيىن دە وسىلاي وتەرمىن. مەن جاقسى دوستىق قارىم - قاتىناسىمىزدى كولدەنەڭ تارتىپ، سەنەن 200 يۋان اقشا سۇرايمىن» دەپ جازدى. سوعىستاعى ەڭبەگى ەگەي 8 - ارميا باس قولباسشىسىنىڭ وسىنشا كەدەي، پاك بولعانى ادامدى شىنايى سۇيىندىرەدى! جاڭا جۇڭگو قۇرىلعان سوڭ، جۋ دى جولداس حالىقتىڭ اماندىعىن، مۇڭ - مۇقتاجىن كوكەيىندە بەرىك ساقتاپ، تۇرمىستا ۇنەمشىل، ۇقىپتى، كىرشىكسىز، پاك بولىپ، قاراپايىمدىلىق قاسيەتىن ساقتاي ءبىلدى. ول: «ءبىزدىڭ بارلىق كۇش - قۋاتىمىز بۇقارادا جاتىر، بارلىق ءادىس - امالدارىمىزدى دا بۇقارا جاراتىپ بەرەدى» دەپ باسا دارىپتەيتىن. حالىقتىق مايدان −پارتيانىڭ ءتۇبىرلى ساياسي مايدانى، بۇكىل ىنتا - پەيىلىمەن حالىق ءۇشىن قىزمەت ەتۋ پارتيانىڭ ءتۇبىرلى ماقساتى، پارتيانىڭ اششى - تۇششىنى حالىقپەن بىرگە تاتۋى، ءولىم مەن ومىردە حالىقپەن بىرگە بولۋى −پارتيانىڭ بارلىق قيىنشىلىقتار مەن قاتەرلەردى جەڭۋىندەگى ءتۇبىرلى كەپىل، حالىقپەن ەتەنە بولۋ −ءبىزدىڭ قاشاندا جاپاعا شىدامدى، قاجىرلى، قاراپايىم ستيلدى ماڭگى ساقتاۋىمىزدىڭ ماڭىزدى كەپىلى. «ءتاڭىر حالىقتىڭ كوزىمەن كورەدى، حالىقتىڭ قۇلاعىمەن ەستيدى». بۇگىنگى تاڭدا بارلىق پارتياداعى جولداستار قىزمەت ورنى جوعارى، الدە تومەن بولسىن، تەگىس حالىقتىڭ قولداۋ - قولداماۋىن، قۇپتاۋ - قۇپتاماۋىن، قۋانۋ - قۋانباۋىن، ماقۇلداۋ - ماقۇلداماۋىن بارلىق قىزمەتتىڭ تابىسى مەن ولقىلىعىن باعامداۋدىڭ ءتۇبىرلى ولشەمى ەتۋى ءتيىس. ءبىزدىڭ قىزمەتتەرىمىز بەن قابىلداعان شەشىمدەرىمىز، مىندەتتى تۇردە حالىقتىڭ جاعدايىن تانۋى، حالىقپەن ەتەنە بولۋى كەرەك، حالىقتىڭ مۇددەسىن ءتۇيىن، تىلەگىن ماقسات ەتۋىمىز، بۇقارانىڭ ۇنىنە شىن نيەتپەن قۇلاق ءتۇرىپ، بۇقارانىڭ تىلەگىن ءوز قالپىندا جەتكىزۋىمىز، بۇقارانىڭ مۇڭ - مۇقتاجىنا شىن نيەتىمىزبەن كوڭىل ءبولۋىمىز كەرەك. قىزمەتتىڭ سالماعىن نەگىزگى ساتىعا ۇيىستىرۋعا، ءىس جۇزىندىك جاعدايعا، نەگىزگى ساتىعا، بۇقاراعا ىشكەرىلەي ارالاسۋعا تاباندى بولىپ، حالىقتىڭ جاعدايىن بىلۋگە، حالىقتىڭ مۇڭىن شەشۋگە، حالىقتىڭ وكپەسىن تارقاتۋعا، حالىقتىڭ جۇرەگىن جىلىتۋعا كەپىلدىك ەتىپ، حالىق رازى بولاتىن ناقتى ىستەردى، جاقسى ىستەردى كوبىرەك ىستەپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن بارىنشا جۇمىلدىرىپ، پارتيامىزدىڭ قاشاندا سارقىلماس كۇش قاينارعا يە بولۋىنا مۇمكىندىك جاساۋىمىز كەرەك.

  −ءبىز جۋ دى جولداستى ەسكە العاندا، ونىڭ ءومىر بويى ۇيرەنىپ، ءومىر بويى العا ۇمتىلعان كۇرەسكەرلىك رۋحىنان ۇيرەنۋىمىز كەرەك. جۋ دى جولداس كونە دەموكراتيالىق توڭكەرىس، جاڭا دەموكراتيالىق توڭكەرىس، سوتسياليستىك توڭكەرىس جانە سوتسياليستىك قۇرىلىس سياقتى بىرنەشە تاريحي كەزەڭدى باستان كەشىرىپ، قاشاندا ءداۋىردىڭ الدىڭعى لەگىندە ءجۇردى. ول ۇنەمى «ولە - ولگەنشە توڭكەرىس جاسايمىن، ولە - ولگەنشە ۇيرەنەمىن، ولە - ولگەنشە وزگەرىس جاسايمىن» دەگەندى وزىنە قامشى ەتىپ، «جەر تايانعانعا دەيىن ۇيرەنسەم دە تاعى دا جەتپەي تۇرادى» دەيتىن جۇڭگونىڭ اقىلياسى ارقىلى توڭىرەگىندەگى جولداستارعا شابىت بەرىپ وتىراتىن. ول «ۇيرەنبەسەڭ كوشتەن قالاسىڭ، قوعاممەن بىرگە العا باسا المايسىڭ» دەگەندى دارىپتەيتىن. يان - ان داۋىرىندە كادرلاردى ۇيرەنۋگە ىنتالاندىرۋ ءۇشىن، پارتيا ورتالىق كوميتەتى ماركستىڭ تۋعان كۇنى 5 - مامىردى «كادرلاردىڭ ۇيرەنۋ مەرەكەسى» دەپ بەلگىلەگەن بولاتىن، سوندا ول 1 - كەزەكتى ۇيرەنۋ مەرەكەسىنىڭ «ۇلگىلى وقۋشىسى» بولىپ باعالاندى. وتكەن عاسىردىڭ 60 - جىلدارىنىڭ ورتا شەنىندە جۋ دى جولداس 80 جاستان اسسا دا، پارتيا ورتالىق كوميتەتى ۇيرەنۋگە بەلگىلەگەن 32 تومدىق ماركس شىعارمالارىن دەن قويا وقىدى. ول كىتاپتاعى بىلىمدەردى ۇيرەنۋگە ءمان بەرۋمەن قوسا، امالياتتان، بۇقارادان ۇيرەنۋگە ءتىپتى دە كوڭىل بولەتىن. ول: «ماركسيزمنىڭ ەڭ ماڭىزدى جاۋھارلارىنىڭ ءبىرى بۇقارامەن بايلانىس ورناتىپ، بۇقارادان ۇيرەنۋ»، «ماركسيزمدى ۇيرەنۋدىڭ 1 - تالابى وبيەكتيۆ شىندىقتى، دۇنيەنى دۇرىس تانۋ»، «2 - تالابى نازاريا مەن امالياتتىڭ بىرلىگى، نازاريانى امالياتتا قولدانىپ، ءىس جۇزىندىك جاعدايدى وزگەرتۋ، ءىس جۇزىندىك جاعدايدى وزگەرتۋ بارىسىندا نازاريانىڭ مازمۇنى ءتىپتى دە بايىدى جانە دامىدى» دەيتىن.

  پارتيامىز باسشى كادرلاردىڭ ۇيرەنۋىنە ەجەلدەن باسا ءمان بەرىپ كەلەدى. مەن جۇڭگونىڭ ماڭگى ۇيرەنەتىن ءىرى ەل بولاتىندىعىن ايتقان بولاتىنمىن. قازىرگى زاماندا ءبىلىمنىڭ جاڭالانۋى ۇزبەي جەدەلدەپ، جاڭا بىلىمدەر، جاڭا جاعدايلار، جاڭا بولمىستار تولاسسسىز جارىققا شىعۋدا. دۇنيە العا باسۋدا، قوعام العا باسۋدا، تۇرمىسىمىزدا وزگەرىستەر بولۋدا، سوندىقتان ءبىز تاريحتىڭ اياق الىسىنا، ءسوز جوق، ىلەسۋىمىز كەرەك. قازىرگى قۇبىلمالى جاعدايدا العا باسپاساڭ، جاعداي سەنى شەگىنۋگە ماجبۇرلەيدى، باسىپ وزباساڭ كەنجە قالاسىڭ. بۇگىنگى تاڭدا بۇكىل پارتيا ەلىمىز دامىعاننان كەيىن ۇزبەي جارىققا شىققان جاڭا جاعدايلاردى، تىڭ ماسەلەلەردى دۇرىس تانىپ، ونى لايىقتى ءبىر جايلى ەتۋى، ءوز قابىلەتىن ۇزدىكسىز ءوسىرىپ، ۇيرەنگەن ءبىلىمدى امالياتتا قولدانا بىلۋمەن بىرگە، اماليات بارىسىندا ماسەلەنى شەشۋدىڭ جاڭا قابىلەتىن ءوسىرۋى كەرەك. الدىمەن، ماركسيزمدى دەن قويا ۇيرەنۋىمىز كەرەك. بۇل ءبىزدىڭ بارلىق قىزمەتتى ويداعىداي ىستەۋدەگى ونەرىمىز. ماركستىك مايداندى، كوزقاراستى، ءادىستى ۇيرەنۋ، يگەرۋ ارقىلى ستراتەگيالىق وي جۇگىرتۋ قابىلەتىن، جالپىلىق شەشىم جاساۋ قابىلەتىن، جالپى جاعدايدى مەڭگەرۋ قابىلەتىن ءوسىرىپ، ءبىلۋ مەن ارەكەتتىڭ بىرلىگىن ىسكە اسىرىپ، قىزمەتتىڭ عىلميلىعىن، بولجامپازدىعىن، ىرىقتىلىعىن كۇشەيتىپ، ءبىلىم تايازدىعىنان تۇجىرىم جاساۋ قابىلەتىنەن ايرىلاتىن، ءبىلىم يگەرمەۋدەن زاتتاردى، قۇبىلىستاردى دۇرىس پارىقتاي المايتىن، ءبىلىم جوقتىعىنان بىلىقپالىق تۋىلاتىن قيىن جاعدايدا قالۋدان ساقتانۋىمىز كەرەك. بۇكىل پارتياداعى جولداستار، اسىرەسە، ءار دارەجەلى باسشى كادرلار ۇيرەنۋدى كۇشەيتۋدەي كوكەي تەستى سەزىمدە بولا وتىرىپ، ءوز قىزمەتىمەن ۇشتاستىرىپ، پارتيانىڭ لۋشيانىن، باعىتىن، ساياساتىن جانە مەملەكەتتىڭ زاڭ - ەرەجەلەرىن، ەكونوميكا، ساياسات، تاريح، مادەنيەت، قوعام، عىلىم - تەحنيكا، اسكەري ىستەر، سىرتقى ىستەر، ت. ب جاعىنداعى بىلىمدەردى ۇيرەنۋى كەرەك. ءبىز ۇيرەنۋ ارقىلى بۇگىنگى كۇنگە جەتىپ وتىرمىز. ۇيرەنۋ ارقىلى بولاشاققا قادام تاستاۋىمىز دا كەرەك.

  جولداستار، دوستار!

  جۋ دى جولداستىڭ ارامىزدان اتتانعانىنا تۇپ - تۋرا 40 جىلدىڭ ءجۇزى بولدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ −جۋ دى جولداس قاتارلى اعا بۋىن توڭكەرىسشىلەرى مەن سانسىز توڭكەرىسشىل اعا بۋىنداردىڭ ماڭگىلىك كۇرەس، تالپىنىس نىساناسى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، ءبىر نيەت، ءبىر تىلەكپەن، ۇدەرە العا باسىپ، قاجىرلىلىقپەن كۇرەس جۇرگىزىپ، توڭكەرىسشىل اعا بۋىندار اشقان ۇلى ىستەردى تىنباي ىلگەرىلەتىپ، ءتىپتى دە جارقىن بولاشاق جاراتۋ جولىندا قۇلشىنا كۇرەس جۇرگىزۋى كەرەك!

  (شينحۋا اگەنتتىگىنىڭ 29 - قاراشادا بەيجيڭنەن بەرگەن حابارى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.