لي كىچياڭ قازاقستان پارلامەنتى سەناتىنىڭ ءتوراعاسى توقايەۆپەن كەزدەستى

2016.12.07 13:28   كەلۋ قاينارى : حالىق تورابى

　　حالىق گازەتى، 6 – جەلتوقسان، بەيجيڭ. (دۋ يفەي) مەملەكەتتىك كەڭەس زۇڭليى لي كىچياڭ 6 – جەلتوقسان كۇنى تۇستەن كەيىن جۇڭنانحايداعى زىگۋاڭگى سارايىندا قازاقستان پارلامەنتى سەناتىنىڭ ءتوراعاسى توقايەۆپەن كەزدەستى.

　　لي كىچياڭ بىلاي دەدى: مەن جۋىردا ەلدەرىڭىزدە ساپاردا بولعانىمدا، ىستىق ىقىلاسپەن، دوستىقپەن مەرەيمەن قارسى الدىڭىزدار، بۇعان راحىمەتىمدى بىلدىرەمىن. قازىرگى تاڭدا جۇڭگو مەن قازاقستاننىڭ ساياسي جاقتاعى ءوزارا سەنىمدىلىگى ۇزدىكسىز كۇشەيىپ، ناقتى سەلبەستىكتەر جەمىستى بولۋدا، ءوندىرىس قۋاتى سەلبەستىگى ەكى ەل سەلبەستىگىنىڭ ەكونوميكانى ارتتىرۋداعى تىڭ تۇيىنىنە اينالدى. جۇڭگو جاق «ءبىر بەلدەۋ، ءبىر جول» ۇندەۋى مەن قازاقستان جاقتىڭ «نۇرلى جول» جاڭا ەكونوميكالىق باعدارلاماسىن اناعۇرلىم ويداعىداي سايكەستىرىپ، بىرگە دامۋعا قوزعاۋشىلىق ەتۋدى قالايدى. ەكى ەل زاڭ شىعارۋ تاراۋلارىنىڭ تاجىريبە اۋىستىرۋدى، سەلبەستىكتى كۇشەيتىپ، ەكى ەل قارىم – قاتىناسىن دامىتۋدىڭ حالىقتىق نەگىزىن بەكەمدەۋگە زاڭدىق جانە تۇزىمدىك جاقتان كەپىلدىك ەتۋىن ءۇمىت ەتەمىز.

　　لي كىچياڭ جۇڭگونىڭ ەكونوميكالىق جاعدايىن قىسقاشا تانىستىرىپ، قازىر جۇڭگو ەكونوميكاسى ورنىقتى ارتۋدى ساقتاپ، تيپتىك بۇرىلىس جاساپ، ساپاسىن وسىرۋدە بەلسەندى ىلگەرىلەۋشىلىككە قول جەتكىزگەنىن اتاپ ءوتتى. قيىنشىلىقتار مەن سىناقتارعا ءدۇپ كەلسەك تە، ەكونوميكا جانە قوعام دامۋىنىڭ جىلدىق باستى نىسانالارىن ورىنداۋعا سەنىمدىمىز، بۇل كەلەسى جىلى جۇڭگو ەكونوميكاسىن دامىتۋعا ويداعىداي نەگىز قالايدى دەپ اتاپ ءوتتى.

　　كەلۋ قاينارى: حالىق تورابى