بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

جۇڭگو كوممۋنيستىك پارتياسى 18 - كەزەكتى ورتالىق ءتارتىپ تەكسەرۋ كوميتەتى جەتىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى 18 - كەزەكتى ورتالىق ءتارتىپ تەكسەرۋ(جۇڭگو كوممۋنيستىك پارتياسى 18 - كەزەكتى ورتالىق ءتارتىپ تەكسەرۋكوميتەتىنىڭ جەتىنشى جالپى ماجىلىسىندە 2017 - جىلى 8 - قاڭتاردا ماقۇلداندى)

2017.01.10 13:24     كەلۋ قاينارى : شينجياڭ گازەتى

  جۇڭگو كوممۋنيستىك پارتياسى 18 - كەزەكتى ورتالىق ءتارتىپ تەكسەرۋ كوميتەتىنىڭ جەتىنشى جالپى ءماجىلىسى 2017 - جىلى 6 - قاڭتاردان 8 - قاڭتارعا دەيىن بەيجيڭدە وتكىزىلدى.

  وسى جولعى جالپى ماجىلىسكە ورتالىق ءتارتىپ تەكسەرۋ كوميتەتىنىڭ مۇشەلەرىنەن 123 ادام قاتىناستى، 266 ادام سىرتتاي قاتىناستى.

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. پارتيا مەن مەملەكەت باسشىلارىنان لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋليلەر ماجىلىسكە قاتىناستى.

  جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس 2016 - جىلعى ءتارتىپ تەكسەرۋ قىزمەتىن قورىتىندىلاپ، 2017 - جىلعى مىندەتتەردى ورنالاستىردى، ۋاڭ چيشان جولداستىڭ ورتالىق ءتارتىپ تەكسەرۋ كوميتەتى اتىنان جاساعان «پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، پارتيا 19 - قۇرىلتايىنىڭ اشىلۋىن تاڭداۋلى ناتيجەلەرمەن قارسى الايىق» دەگەن تاقىرىپتاعى قىزمەت بايانداماسىن قاراپ ماقۇلدادى، «جۇڭگو كوممۋنيستىك پارتياسى ءتارتىپ تەكسەرۋ ورگاندارىنىڭ باقىلاۋ، ءتارتىپتى اتقارۋ قىزمەت ەرەجەسىن (سىناق رەتىندە اتقارىلادى)» قاراپ ماقۇلدادى. ۋاڭ چيشان جولداس ەرەجەنىڭ (سىناق رەتىندە اتقارىلادى) قارالعان نۇسقاسى جونىندە جالپى ماجىلىسكە تۇسىنىك جاسادى.

  جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ءتۇسىندى. جالپى ءماجىلىس ءبىر اۋىزدان بىلاي دەپ ەسەپتەدى: ءسوزدىڭ ماعىناسى تەرەڭ، مازمۇنى باي، قازىرگى بولمىسقا تۋرا قاراعان، سەنىمگە تولى، باستان - اياق حالىققا دەگەن قاراپايىم دا شىنايى سۇيىسپەنشىلىكتى، پارتياعا، وتانعا ءوزىن ارناۋداي جاۋاپكەرشىلىك رۋحىن ارقاۋ ەتكەن، يدەيالىعى تەرەڭ، اسەرلەندىرۋ قۋاتى كۇشتى. باس شۋجي شي جينپيڭ پارتيانىڭ تاريحي بورىشىن جۇزەگە اسىرۋداي ستراتەگيالىق، جالپى جاعداي تۇرعىسىنان، پارتيانىڭ 18 - قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكەن كورنەكتى ناتيجەلەردى تولىق تۇراقتاندىرىپ، قازىرگى كەزدەگى جانە مۇنان بىلايعى ءبىر مەزگىلدەگى قىزمەتتىڭ جالپى تالابى مەن باستى مىندەتىن ايقىن العا قويدى. سوزدە بىلاي دەپ اتاپ كورسەتىلدى: بۇكىل پارتيانىڭ 4 جىلدان استام قۇلشىنىسىنىڭ ناتيجەسىندە، پارتيانىڭ ءار دارەجەلى ۇيىمدارىنىڭ پارتيانى باسقارۋ، پارتيانى جونگە سالۋداعى سۋبيەكتتىك جاۋاپكەرشىلىكتەرى ايقىن ارتتى، ورتالىقتىڭ «8 ءتۇرلى بەلگىلەمەسىنىڭ» رۋحى باتىل تياناقتاندىرىلدى، پارتيا ءتارتىبى قۇرىلىسى جاپپاي كۇشەيتىلدى، جەمقورلىقتىڭ ءورشۋ اۋقىمى ءونىمدى تۇردە اۋىزدىقتالدى، جەمقورلىققا قارسى كۇرەستىڭ ۇستەم جاعدايى قالىپتاسىپ بولدى، جەمقورلىققا باتىلدىق ەتكىزبەۋ نىساناسى العاشقى قادامدا جۇزەگە استى، جەمقورلىققا مۇمكىندىك بەرمەۋ ءتۇزىمى كۇن سايىن كەمەلدەندى، جەمقورلىقتى ويعا الدىرماۋ قامالى سوعىلۋ ۇستىندە، پارتيانىڭ ىشكى ساياسي تۇرمىسىندا جاڭا لەپ جارىققا شىقتى. سوزدە بىلاي دەپ دارىپتەلدى: پارتيانى جاپپاي قاتاڭ جونگە سالۋدا ءالى دە مىندەت اۋىر، جول ۇزاق، كەڭدىكتەن، بوساڭدىقتان، جۇمساقتىقتان قاتاڭدىققا، بەرىكتىككە، قاتتىلىققا قاراي بەت الۋدا ماشاقاتتى بارىستى وتكەرۋگە تۋرا كەلەدى، ۇدايىلىق پەن باياندىلىققا، قاتاڭدىق پەن شىنايىلىققا، تەرەڭدىك پەن ىجداعاتتىلىققا ۇزدىكسىز كۇش سالىپ، پارتيانىڭ 19 - قۇرىلتايىنا ستيلدى جاقسارتۋدىڭ، ءتارتىپتى قاتايتۋدىڭ، جەمقورلىقتى قاتاڭ جازالاۋدىڭ ۇزدىك جاۋابىن تاپسىرۋ كەرەك. ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، كوممۋنيستەردىڭ قۇن كوزقاراسىنا تاباندى بولىپ، ساياسي سانانى ۇزدىكسىز بەكەمدەپ جانە ءوسىرىپ، مادەنيەت سەنىمىنە سۇيەنىپ، مۇرات - سەنىمدى بەكەمدەۋ؛ پارتيانىڭ جوعارى دارەجەلى كادرلارى پارتيانىڭ ىشكى ساياسي تۇرمىسىن قاتايتۋدىڭ ۇلگىسى بولىپ، پارتيانىڭ ءار دارەجەلى ۇيىمدارى پارتيا ىشىندەگى باقىلاۋدى كۇشەيتىپ، پارتيانى جاپپاي قاتاڭ جونگە سالۋدىڭ جۇيەلىلىگىن، جاسامپازدىعىن، ونىمدىلىگىن ۇزدىكسىز ارتتىرۋى كەرەك. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ قىزمەتىن تولىق تۇراقتاندىرىپ، ءتارتىپ تەكسەرۋ، باقىلاۋ - تەكسەرۋ قوسىنى قۇرىلىسىن كۇشەيتۋ جونىندە ءتىپتى جوعارى تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ − بۇكىل پارتيانىڭ ساياسي مىندەتى. وعان بار ىقىلاسىمىزبەن كىرىسىپ، يدەيا جانە قىزمەتتىڭ ءىس جۇزىندىك جاعدايىمەن تىعىز بايلانىستىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جاپپاي، عىلمي، جۇيەلى، ءدال ۇيرەنىپ، ۇعىنىپ، ويلانا ءبىلىپ، ساناعا ۇيالاتىپ، اڭعارىپ، جەتە ءتۇسىنىپ، دايەكتى تياناقتاندىرۋداعى سانالىلىق پەن تاباندىلىقتى ارتتىرۋ كەرەك. جالپى ءماجىلىس بىلاي دەپ ەسەپتەدى: 2016 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتى «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە جاڭا جەتىستىكتەرگە قول جەتكىزدى. ءار دارەجەلى ءتارتىپ تەكسەرۋ ورگانى پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن دايەكتى تياناقتاندىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىن ىشكەرىلەي ورىستەتىپ، جەلىلەس ماڭىزدى ءسوزدىڭ رۋحىن يدەيالىق قارۋ جانە ارەكەت قىبلاناماسى ەتىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن مىقتاپ ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتادى. پارتيانى جاپپاي قاتاڭ باسقارۋدا بورىشتىڭ تۇراقتىلىعىن ساقتاپ، پارتيا ۋستاۆىن، پارتيا ەرەجەسىن، پارتيا ءتارتىبىن باستاماشىلدىقپەن اتقارىپ، باقىلاۋدى، ءتارتىپتى اتقارۋدى، جاۋاپقا تارتۋدى كۇشەيتتى.پارتيانى ەرەجەمەن جونگە سالۋ مەن مەملەكەتتى زاڭمەن جونگە سالۋدىڭ بىرلىگىنە تاباندى بولىپ، پارتيا ىشىندەگى باقىلاۋ ەرەجەسىنە وزگەرىس ەنگىزىپ، جاۋاپقا تارتۋ ەرەجەسىن جاريالاپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسى جوباسىن جاساپ، ۋاقىت كەستەسىن، جول كارتاسىن بەلگىلەپ، بەيجيڭ قالاسىندا، سانشي ولكەسىندە، جىجياڭ ولكەسىندە رەفورمانىڭ سىناق تۇيىندەرىن اشىپ، پارتيا ىشىندەگى باقىلاۋ مەن مەملەكەتتىڭ باقىلاۋ - تەكسەرۋىنىڭ جاپپاي قامتۋىن ىلگەرىلەتتى. ۇدايى يگەرۋگە، ۇدايىلىقتى يگەرۋگە تاباندى بولىپ، «ءتورت بۇرىس ستيلدى» بۇلجىماي تۇزەتىپ، وتكەندەگىدەن ساباق الىپ، كەيىنگىگە عيبىرات ەتىپ، اۋرۋدى ەمدەپ ادامدى قۇتقارىپ، باقىلاۋ مەن ءتارتىپتى اتقارۋدىڭ «ءتورت ءتۇرلى كۇيىن» امالياتتا ايگىلەپ، كۇندەلىكتى باقىلاۋ مەن ءتارتىپتى اتقارۋعا كۇش سالىپ، ەرتە قارمانىپ، ۇلعايتپاي، قىلت ەتكەنىن قاقتى. ساياسي شارلاۋدى كۇشەيتىپ، ورتالىق پەن مەملەكەت ورگاندارىن شارلاۋدى جاپپاي قامتىپ، «قايىرىلا قاراۋدى» تەرەڭ ورىستەتىپ، ءتاسىل، ادىستەرگە جاڭالىق ەنگىزىپ، شارلاۋ مەن تەكسەرۋدى توعىستىرىپ، الماس سەمسەرلىك رولىن تولىق ايگىلەدى. باتىل تۇردە مولشەرىن ازايتىپ، ارتۋىن شاۋجايلاپ، كەزەك اۋىستىرۋ ءتارتىبىن قاتايتىپ، جەمقورلىقتى اۋىزدىقتاۋدىڭ تەگەۋرىندى كۇيىن ۇزدىكسىز ساقتاپ، قاشىپ جۇرگەن جەمقورلار مەن ارام اقشانى قايتارىپ اكەلەتىن «اسپان تورىن» مىقتاپ قۇردى. كەدەيلەردى سۇيەمەلدەۋ جاعىنداعى حالىق تۇرمىسىنا نازار اۋدارىپ، ءتۇيىندى تۇردە قۋزاپ، تەكسەرىپ، بۇقارانىڭ مۇددەسىنە زيان جەتكىزەتىن بۇرىس ستيلدەر مەن جەمقورلىق ماسەلەلەرىن باتىل جونگە سالدى. ءتارتىپ تەكسەرۋ القاسى مەن قوسىنى قۇرىلىسىن كۇشەيتىپ، كادرلار اۋىس - كۇيىسىن جانە باسقارۋدى باقىلاۋ سەرپىنىن ارتتىرىپ، «جۇڭگو كوممۋنيستىك پارتياسى ءتارتىپ تەكسەرۋ ورگاندارىنىڭ باقىلاۋ، ءتارتىپتى اتقارۋ قىزمەت ەرەجەسىن (سىناق رەتىندە اتقارىلادى)» بەلگىلەپ، ادال، كىرشىكسىز، جاۋاپكەرشىلىكتى باتىل ارقالايتىن ءتارتىپ تەكسەرۋ، باقىلاۋ - تەكسەرۋ قوسىنىن قۇردى. ناتيجەلەردى تۇراقتاندىرۋمەن قاتار، جالپى ءماجىلىس قىزمەتتە ورىن تەۋىپ وتىرعان ماسەلەلەرگە شىندىقتى ءىس جۇزىنەن ىزدەي وتىرىپ تالداۋ جاساپ، وعان بارىنشا ءمان بەرۋدى، مۇقيات شەشۋدى تالاپ ەتتى.

  جالپى ءماجىلىس پارتيا 18 - قۇرىلتايىنان بەرگى قىزمەتتەردى قورىتىندىلاپ، مىناداي اسەر الدى:

  ءبىرىنشى، پارتيانىڭ باسشىلىعىنا تاباندى بولۋدا، الدىمەن، پارتيا ورتالىق كوميتەتىنىڭ شوعىرلى، ءبىر تۇتاس باسشىلىعى بولۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنە ساپ تۇزەۋ، پارتيانىڭ ىنتىماعىن، بىرلىگىن قورعاۋ كەرەك. جاڭا ءداۋىر جاڭا بورىش ارقالادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن قورعاۋ پارتيانىڭ باسشىلىعىنا تاباندى بولۋدىڭ ءتۇبىرلى تياناعى، جۇڭگوشا سوتسياليزمگە تاباندى بولۋ مەن ونى دامىتۋدىڭ ءتۇبىرلى كەپىلى. پارتيانىڭ باسشىلىعى ناقتى بولادى، ول مۇرات - سەنىم تۇپكى ماقساتىنان تاپجىلماي، دۇرىس لۋشيان، باعىت - ساياساتتاردى جاساۋدا جانە اتقارۋدا، پارتيا كادرلاردى باسقارۋ پرينسيبىنە تاباندى بولىپ، ادامدى دۇرىس تاڭداۋدا، ادامدى جاقسى ىستەتۋدە ، ايقىن قۇن كوزقاراسى مەن ساياسي بەتالىستى ورناتۋدا ايگىلەنەدى. پارتيانىڭ باسشلىعىنا تاباندى بولۋ قازىرگى زامانعى جۇڭگونىڭ ەڭ ەلەۋلى ساياسي پرينسيبى، «4 تانىمدى» ورناتۋدا يدەيا جانە ارەكەت جاقتارىندا ساياسي تۇرعىنى جوعارىلاتىپ، ساياسي تانىم مەن جالپى جاعداي تانىمىنان پارىقتى ۇزدىكسىز تاپقاندا عانا، ۇيتقىعا قاراپ ساپ تۇزەۋگە شىنايى كەپىلدىك ەتۋگە بولادى. « 4 تانىمدى» كۇشەيتۋ − قوزعالىستاعى كۇي بارىسى. ساياسي سانانى ۇزدىكسىز جوعارىلاتىپ، پارتيا ورتالىق كوميتەتىنىڭ بەدەلىن قورعايتىن ادال جاۋىنگەر بولۋ كەرەك.

  ەكىنشى، پارتيانى جاپپاي قاتاڭ جونگە سالۋدا، ءسوزسىز، پارتيانىڭ ىشكى ساياسي تۇرمىسىن قاتايتۋ سىندى نەگىزدى يگەرىپ، تۇزىمدىك قاپاستى بەكەمدەپ، پارتيانىڭ ىشكى باقىلاۋىن كۇشەيتۋ كەرەك. ءبىر مەزگىلدەن بەرى، پارتيا ىشىندە ورىن تەپكەن كورنەكتى ماسەلەلەر − پارتيالىلىق كوزقاراستىڭ بۋالدىرلانۋى، ۇيىمنىڭ بوشالاڭ بولۋى، ءتارتىپتىڭ بوساڭسۋى. ونىڭ ءتۇپ قاينارى پارتيا باسشىلىعىنىڭ السىرەۋىندە، پارتيا قۇرىلىسىنداعى ولقىلىقتاردا، پارتيانى جاپپاي قاتاڭ جونگە سالۋدىڭ تەبىندى بولماۋىندا، اسىرەسە، پارتيانىڭ ىشكى ساياسي تۇرمىسىنا كىر كەلتىرۋدە. پارتيانىڭ ىشكى ساياسي تۇرمىس جاعدايى ساياسي ەكولوگيانى بەلگىلەيدى، پارتيانىڭ العاباسارلىعى مەن كىرشىكسىزدىگىن ساقتاۋدا، ءسوزسىز، پارتيانىڭ ىشكى ساياسي تۇرمىسىنان باستاپ يگەرۋ كەرەك. ساياسي ءتارتىپ پەن ساياسي قاعيدانى قاتايتىپ، پارتيانىڭ ىشكى ساياسي تۇرمىسىنىڭ پرينسيپتىك جانە جاۋىنگەرلىك سيپاتىن جوعارىلاتىپ، ماسەلەنى بايقاۋدىڭ، اعاتتىقتاردى تۇزەتۋدىڭ ۇتىمدى مەحانيزمىن قالىپتاستىرىپ، ءوزىن تازارتۋ، ءوزىن كەمەلدەندىرۋ، ءوزىن جاڭالاۋ، ءوزىن سومداۋ قۋاتىن كۇشەيتۋ كەرەك. ءۇشىنشى، حالىقتىڭ تىلەگى − ەڭ ءىرى ساياسي. پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن نەگىزگى ساتىدا تياناقتاندىرىپ، پارتيانىڭ بيلىك جۇرگىزۋ ساياسي نەگىزىن بەكەمدەۋ كەرەك. پارتيامىزدىڭ ەڭ ۇلكەن ساياسي ابزالدىلىعى بۇقارامەن تىعىز بايلانىس ورناتۋ، حالىق تىلەگى باستان - اياق پارتيامىزدىڭ بيلىك جۇرگىزۋدەگى ەڭ مىعىم نەگىزى بولىپ كەلەدى. ساياسيدى دارىپتەمەيتىن، بۇقارادان قول ۇزەتىن بولساق، پارتيانىڭ باسشىلىعى السىرەيدى. ساياسي تەرىستامپازدىق نىسايىن، ءسوزسىز، باتىل تۇزەتىپ، تۋى ايقىن تۇردە ساياسيدى دارىپتەۋ كەرەك. حالىقتىڭ ۇنى، ارمانى، ويى − حالىقتىڭ تىلەگى، حالىق بۇقاراسىنىڭ پارتيا ورتالىق كوميتەتىنە دەگەن سەنىمىن، نانىمىن جانە سەنىم ارتۋىن كۇشەيتۋ ەڭ ۇلكەن ساياسي ناتيجە. پارتيا ورتالىق كوميتەتىنىڭ حالىق ءۇشىن ناقتى ءىس ىستەۋگە قاتىستى ابزال ساياساتتارىن تياناقتاندىرۋدىڭ تەتىگى پارتيانىڭ پارمەندى باسشىلىعىنا سۇيەنۋدە، پارتيانى جاپپاي قاتاڭ جونگە سالۋعا كەپىل ەتۋدە. سۋبيەكتتىك جاۋاپكەرلىك پەن باقىلاۋ جاۋاپكەرشىلىگىنىڭ دارەجە بويىنشا نەگىزگى ساتىعا قاراي كەڭەيۋىن ىلگەرىلەتىپ، قالىڭ بۇقارانىڭ پارتيانى جاپپاي قاتاڭ جونگە سالۋ بارىسىندا تابىس سەزىمىن ارتتىرۋىنا مۇمكىندىك جاساپ، پارتيانىڭ بيلىك جۇرگىزۋ نەگىزىن ۇزدىكسىز بەكەمدەۋ كەرەك.

  ءتورتىنشى، سەنىم ارتۋ باقىلاۋدىڭ ورنىن باسا المايدى، ءتارتىپ تەكسەرۋ كوميتەتىنىڭ ءوزىن - ءوزى باقىلاۋىن پارتيانىڭ ىشكى باقىلاۋىمەن، قوعامدىق باقىلاۋمەن ورگانيكالى ۇشتاستىرىپ، پارتيا مەن حالىقتىڭ سىناعىن سانالى تۇردە قابىلداۋ كەرەك. پارتيانىڭ ۋستاۆى ءتارتىپ تەكسەرۋ كوميتەتىنە بەدەل، مارتەبە جانە ماڭىزدى جاۋاپكەرلىك سيلادى، بۇل سەنىم ءارى سىناق. تەمىر سوعۋدا الدىمەن قۇرىشتاي شىڭدالۋ كەرەك. پارتيانى جاپپاي قاتاڭ جونگە سالۋ ءتارتىپ تەكسەرۋ كوميتەتىنىڭ وزەكتى قىزمەتىمەن بايلانىستى، ادال، پاك، جاۋاپكەرلىكتى ارقالايتىن قوسىن قۇرۋ ءبىزدىڭ ساياسي جاۋاپكەرشىلىگىمىز. پارتيانىڭ باسشىلىعىندا باسقارۋ مەن باقىلاۋ قامتىلعان، الدىمەن پارتكومنىڭ ءتارتىپ تەكسەرۋ كوميتەتىنە قاراتىلعان كۇندەلىكتى باقىلاۋدى كۇشەيتۋ كەرەك. ءتارتىپ تەكسەرۋ كوميتەتى ءوزىن - ءوزى باقىلاۋدى پارتيانىڭ ىشكى باقىلاۋىن قابىلداۋمەن ۇشتاستىرىپ، دەموكراتيالىق باقىلاۋمەن، بۇقارالىق باقىلاۋمەن، جاماعات پىكىرى باقىلاۋىمەن ورگانيكالى توعىستىرىپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ جونگە سالۋ جۇيەسى مەن جونگە سالۋ قابىلەتى قۇرىلىسىن ىلگەرىلەتۋى كەرەك.

  بەسىنشى، پارتيانى جاپپاي قاتاڭ جونگە سالۋ ۇزدىكسىز جالعاسا بەرەدى، كەڭدىكتەن، بوساڭدىقتان، جۇمساقتىقتان قاتاڭدىققا، بەرىكتىككە، قاتتىلىققا ويىسۋ ۇزاق ۋاقىتتىق بارىس. تاباندى بولۋ بارىسىندا تەرەڭدەتۋ، تەرەڭدەتۋ بارىسىندا تاباندى بولۋ كەرەك. ۇزدىكسىز جالعاستىرۋ بارىسىندا جاقسى باستاما بارىنەن قىمبات، بەتالىس بارىنەن ماڭىزدى. پارتيانى باسقارۋ، پارتيانى جونگە سالۋ بارىسىندا كەڭدىك، بوساڭدىق، جۇمساقتىق ۇزاق جىلدا قالىپتاسقان، قاتاڭدىق، بەرىكتىك، قاتتىلىق تا استە ءبىر كۇندە جۇزەگە اسا قويمايدى. تاباندى بولماسا تەرەڭدەمەيدى، تەرەڭدەتپەسە تاباندى بولۋعا بولمايدى. تاباندى بولۋ مەن تەرەڭدەتۋدىڭ قاتىناسىن ءداپ باسىپ يگەرۋ عىلمي رۋحتى ايگىلەيدى، ول ماڭىزدى يدەيالىق ءتاسىل جانە قىزمەت ءتاسىلى سانالادى. تىنباي دامۋ نازارياسى مەن دامۋ ساتىسى نازارياسىنىڭ ءوزارا بىرلىگىندە تاباندى بولۋ، پارمەندى ساياسي تۇراقتىلىقتى ساقتاۋ، ساياسي تۇرمىستى قاتايتۋعا، پارتيانىڭ ىشىندەگى باقىلاۋدى كۇشەيتۋگە، جاۋاپكەرشىلىكتى قۋزاستىرۋعا، ادامدى دۇرىس تاڭداۋعا، ادامنان ويداعىداي پايدالانۋعا سۇيەنىپ، پارتيانى جاپپاي قاتاڭ جونگە سالۋدى ىشكەرىلەتۋ كەرەك.

  جالپى ءماجىلىس مىنالاردى العا قويدى: بيىل پارتيانىڭ 19 - قۇرىلتايى اشىلادى، ءتارتىپ تەكسەرۋ قىزمەتىن تىڭعىلىقتى جاقسى ىستەۋ كەلەلى مانگە يە. بيىلعى قىزمەتتىڭ تۇلعالىق تالابى: پارتيانىڭ 18 - قۇرىلتايى مەن پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ءماجىلىسىنىڭ رۋحىن جاپپاي دايەكتىلەندىرۋ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ىشكەرىلەي دايەكتىلەندىرۋ، «بەستى ءبىر تۇلعالاندىرۋ» تۇلعالىق ورنالاستىرۋىن ءبىر تۇتاس جوسپارلاپ، جاپپاي ورنالاستىرا وتىرىپ العا ىلگەرىلەتۋ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى العا ىلگەرىلەتۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن باتىل قورعاۋ، پارتيانىڭ ىشكى ساياسي تۇرمىسىن قاتايتۋ، پارتيانىڭ ىشكى جاعىنداعى باقىلاۋدى كۇشەيتۋ، ۇستىنەن وڭاۋ مەن تۇبىرىنەن وڭاۋدى بىردەي يگەرۋدى جەبەۋ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ، باقىلاۋدى، ءتارتىپتى اتقارۋدى، جاۋاپقا تارتۋدى كۇشەيتۋ، «ءتورت ءتۇرلى بۇرىس ستيلدى» ۇزدىكسىز تۇزەتىپ، جەمقورلىقتى جازالاۋدىڭ تەگەۋرىندى كۇيىن ساقتاۋ، پارتيانىڭ ىشكى ساياسي ەكولوگياسىن ويداعىداي قورعاۋ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن العا ىلگەرىلەتۋ. تەمىردى سوعۋ ءۇشىن تەمىردەن دە بەرىك بولۋ كەرەك، ءتۇزىمنىڭ مەڭگەرۋىن، ءسوز جوق، قاتايتىپ، باقىلاۋ، ءتارتىپتى اتقارۋ قىزمەت قاعيداسىن قاتاڭ اتقارۋ، باسشىلىق القا مەن كادرلار قوسىنى قۇرىلىسىن كۇشەيتۋ، ادالدىقتى جاۋاپكەرشىلىكتى ۇستىگە الۋ ارقىلى ۇعىندىرۋ، پارتيانىڭ 19 - قۇرىلتايىنىڭ اشىلۋىن تاماشا رۋحاني كۇيمەن جانە سۇبەلى قىزمەت ناتيجەلەرىمەن قارسى الۋ كەرەك.

  ءبىرىنشى، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ ىشكى ساياسي تۇرمىسىن قاتايتىپ، پارتيانىڭ ىشكى جاعىنداعى باقىلاۋدى كۇشەيتىپ، كەزەك اۋىستىرۋ ءتارتىبىن قاتايتۋ كەرەك. ءتارتىپ تەكسەرۋ ورگاندارى پارتيانىڭ ىشكى جاعىنداعى باقىلاۋداعى ارناۋلى جاۋاپتى ورگاندىق بورىشىن ادا ەتىپ، پارتيانىڭ ىشكى ساياسي تۇرمىسىنداعى ولشەمدەر مەن پارتيانىڭ ىشكى جاعىنداعى باقىلاۋ ەرەجەسىن ولشەم ەتىپ، التىنشى جالپى ءماجىلىستىڭ رۋحىن دايەكتى تياناقتاندىرۋ جاعدايىن باقىلاۋ - تەكسەرۋدى كۇشەيتىپ، ساياسي ءتارتىپ پەن ساياسي قاعيدانى قاتايتىپ، پارتيانىڭ ىنتىماعىن، تۇتاستىعىن باتىل قورعاۋ كەرەك. ادامدى تاڭداۋ، ادامدى ىستەتۋدىڭ ساياسي وتكەلىن، پاك، كىرشىكسىزدىك وتكەلىن قاتاڭ يگەرىپ، ماسەلەسى بار كادرلاردى وسىرۋدەن، ماسەلەسى بار كادرلاردى قىزمەتكە قويۋدان ساقتانۋ، ورتالىق پەن جەرگىلىكتى ورىنداردىڭ كەزەك اۋىستىرۋىن ۇيىمدىق جاقتان، كادرلار جاعىنان قامتاماسىز ەتۋ كەرەك.ەكىنشى، باتىل اتقارۋ، مىقتى يگەرۋ، ستيل قۇرىلىسىندا تولىمدى جاۋاپ قايتارۋ كەرەك. «ءتورت ءتۇرلى بۇرىس ستيلدى» تۇزەتۋدى ىشكەرىلەي يگەرىپ، شىنايى ىستەپ، كونە ماسەلەلەردى بارىنشا قاداعالاپ، جاڭا اۋقىمعا نازار اۋدارىپ، كەرى تەبۋدەن، قايتا ورشۋدەن باتىل ساقتانۋ كەرەك. ءتارتىپتىڭ اتقارىلۋىن تەكسەرۋ وبيەكتىندە ورىن تەپكەن «ءتورت ءتۇرلى بۇرىس ستيل» ماسەلەسىن وزگە ماسەلەلەردەن بۇرىن تەكسەرىپ ءبىر جايلى ەتۋ جانە حابارلاندىرۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋ شارالارىنىڭ اتقارىلۋ جاعدايىن تەكسەرۋ، شىندىقتى ءىس جۇزىنەن ىزدەي وتىرىپ تۇزىمگە وزگەرىس ەنگىزۋ كەرەك. مادەنيەتكە دەگەن سەنىمدى بەرىكتەپ، پارتيانىڭ تاڭداۋلى ستيلىن ساۋلەلەندىرىپ، قوعامدىق سالتتىڭ جاقسارۋىن العا ىلگەرىلەتۋ كەرەك.

  ءۇشىنشى، پارمەندى جاۋاپقا تارتۋ ارقىلى ءار دارەجەلى پارتيا ۇيىمىن پارتيانى جاپپاي، قاتاڭ جونگە سالۋداعى ساياسي جاۋاپكەرشىلىگىن ادا ەتۋگە قۋزاۋ كەرەك. ءار دارەجەلى پارتيا ۇيىمىنىڭ پارتيانىڭ ىشكى ساياسي تۇرمىسىنداعى ورىن تەپكەن كورنەكتى ماسەلەلەردى ءبىر جايلى ەتۋىن جەبەپ، «شەشۋشى ازشىلىقتى» مىقتى يگەرىپ، ساتى - ساتى بويىنشا جاۋاپكەرشىلىكتى تياناقتاندىرۋ كەرەك. جاۋاپقا تارتۋ ەرەجەسىن قاتاڭ اتقارىپ، جاۋاپقا تارتۋ سەرپىنىن ارتتىرىپ، جاۋاپكەرشىلىكتى ۇستىنە الۋ رۋحىنا دەم بەرۋ كەرەك.

  ءتورتىنشى، باقىلاۋ - تەكسەرۋ ءتۇزىلىسى رەفورماسىن تىڭعىلىقتى العا ىلگەرىلەتىپ، پارتيا مەن مەملەكەتتىڭ ءوزىن - ءوزى باقىلاۋىن كەمەلدەندىرۋ كەرەك. پارتيا ورتالىق كوميتەتىنىڭ باسشىلىعىندا، ورتالىق ءتارتىپ تەكسەرۋ كوميتەتى باستاماشىلدىقپەن مەڭگەرۋى، رەفورما جوباسىن تياناقتاندىرۋ، مەملەكەتتىڭ باقىلاۋ - تەكسەرۋ زاڭىن بەلگىلەۋدى جەبەۋ، مەملەكەتتىك باقىلاۋ - تەكسەرۋ كوميتەتىن قۇرۋعا دايىندىق جاساۋ كەرەك. ورتالىقتىڭ سىناق ءتۇيىنى قىزمەتىنە باسشىلىق ەتۋ گرۋپپاسى جەتەكشىلىك ەتۋدى، سايكەستىرۋدى جانە قىزمەت كورسەتۋدى كۇشەيتۋى، سىناق ەتىلگەن وڭىرلەردەگى پارتكوم نەگىزگى جاۋاپكەرشىلىكتى ارقالاۋى، ءتارتىپ تەكسەرۋ كوميتەتى ۇيىمداستىرىپ اتقارۋدى مىقتى يگەرۋى، اكىمشىلىك باقىلاۋ - تەكسەرۋ، جەمقورلىقتان ساقتانۋ جانە پروكۋراتۋرا ورگاندارىنىڭ قياناتشىلدىقتى، پاراقورلىقتى، قىزمەت اتقارماۋدى، جاۋاپكەرسىزدىك ىستەۋدى تەكسەرىپ ءبىر جايلى ەتۋ، سونداي - اق مىندەتتىك قىلمىستان ساقتانۋ سياقتى قىزمەت كۇشتەرىن سايكەستىرىپ، ولكە، قالا، اۋدان ءۇش دارەجەلى باقىلاۋ - تەكسەرۋ كوميتەتىن قۇرىپ، شوعىرلى، تۇتاستىققا يە، بەدەلدى، ءونىمدى باقىلاۋ - تەكسەرۋ جۇيەسىن قۇرۋ كەرەك.

  بەسىنشى، تۋدى مىقتى ۇستاپ، مايداندا بەرىك تۇرىپ، نىساناعا، مىندەتكە قاداعالاي نازار اۋدارىپ، جەمقورلىققا قارسى تۇرۋ كۇرەسىنىڭ باسىم جاعدايىن بەكەمدەۋ كەرەك. ءتارتىپ قۇرىلىسىن جاپپاي كۇشەيتۋ، باقىلاۋداعى، ءتارتىپتى اتقارۋداعى «ءتورت ءتۇرلى كۇيدەن» ءونىمدى پايدالانىپ، كۇندەلىكتى باسقارۋدى، باقىلاۋدى نىعايتۋعا كۇش سالۋ كەرەك. تەگەۋرىندى كۇيدى ۇزبەي ساقتاپ، سەرپىندى السىرەتپەي، ريتىمدى وزگەرتپەي، جەمقورلىقتىڭ مولشەرىن باتىل ازايتىپ، ارتۋىن ءتۇيىندى تۇردە شاۋجايلاۋ كەرەك. بۇقارانىڭ ماڭايىنداعى بۇرىس ستيلدەر مەن جەمقورلىق ماسەلەسىن قاتاڭ تەكسەرىپ ءبىر جايلى ەتۋ، جەمقورلىققا قارسى تۇرۋداعى حالىقارالىق سەلبەستىكتى تەرەڭدەتۋ كەرەك. تيپتىك دەلولارعا ىشكەرىلەي، جىنتىكتەي تالداۋ جاساپ، وكىنىش ەستەلىكتەرىنىڭ اشىق جاريالاۋعا بولاتىندارىن تۇگەلدەي اشىق جاريالاۋ، ۇنامسىز ماتەريالداردى اشىق جاريالاۋدىڭ رولىن تولىق ساۋلەلەندىرۋ كەرەك.

  التىنشى، وسى كەزەكتە ءتارتىپ تەكسەرۋ ءتۇزىلىسى رەفورما مىندەتىن ورىنداپ بولۋدى تياناق ەتىپ، امالياتتىق تابىستاردى سۇرىپتاۋ، قورىتىندىلاۋ كەرەك. ورتالىق كوميتەتتىڭ ۇيىمداستىرۋ ءبولىمىنىڭ تىكە باسقارۋىنداعى جوعارى مەكتەپتەردى شارلاۋدى ورىنداپ، پارتيا ورتالىق كوميتەتىنىڭ ءبىر رەتكى مىندەت وتەۋ مەرزىمىندە جالپى بەتتىك شارلاۋ نىساناسىن جۇزەگە اسىرىپ، پارتيانىڭ 18 - قۇرىلتايىنان بەرگى شارلاۋ قىزمەتىندەگى تاجىريبەلەردى قورىتىندىلاپ، سۇرىپتاپ، شارلاۋداعى جاسامپاز امالياتتى تۇزىمدىك تابىسقا اينالدىرۋ كەرەك. پارتيانى جاپپاي قاتاڭ جونگە سالۋدى ارقاۋ ەتىپ، «قىزمەتتە، فورمادا، ستيلدە بۇرىلىس جاساۋدى» ۇزبەي تەرەڭدەتىپ، ءتارتىپ تەكسەرۋ ورگاندارىنىڭ ىشكى جاعىنداعى ءتۇزىلىس رەفورماسىن العا ىلگەرىلەتىپ، ۋاكىلەتتى قىزمەت مەحانيزمىن كەمەلدەندىرىپ، باقىلاۋ رولىن ساۋلەلەندىرۋ كەرەك.

  جەتىنشى، سانالىلىقپەن العا ۇمتىلىپ، پارتيا مەن حالىقتىڭ كۇتكەن ۇمىتىنەن شىعۋ كەرەك. ءتارتىپ تەكسەرۋ كوميتەتىنىڭ باسشىلىق القاسىنىڭ كەزەك اۋىستىرۋ قىزمەتىن تىڭعىلىقتى جاقسى ىستەۋ، كادرلاردى سارالاۋ، باۋلۋ، اۋىس - كۇيىس جاساسۋ، پايدالانۋدى ءبىر تۇتاس جوسپارلاپ، جاپپاي ورنالاستىرۋ، باقىلاۋ، ءتارتىپتى اتقارۋ قىزمەت قاعيداسىن قاتاڭ تياناقتاندىرۋ، پارتيانى الاڭسىز ەتەتىن، حالىق سەنىم ارتاتىن قوسىن قۇرۋ كەرەك.جالپى ءماجىلىس «جۇڭگو كوممۋنيستىك پارتياسى ءتارتىپ تەكسەرۋ ورگاندارىنىڭ باقىلاۋ، ءتارتىپتى اتقارۋ قىزمەت ەرەجەسىن (سىناق رەتىندە اتقارىلادى)» قارادى. جالپى ءماجىلىس ءبىر اۋىزدان بىلاي دەپ قارادى: پارتيا ورتالىق كوميتەتى ءتارتىپ تەكسەرۋ كادرلارى قوسىنىنا ايىرىقشا ءمان بەرەدى، ءتارتىپ تەكسەرۋ ورگانىنان شىنايى ءۇمىت كۇتەدى. باقىلاۋ، ءتارتىپتى اتقارۋ قىزمەتى ەرەجەسىن بەلگىلەۋ ءتارتىپ تەكسەرۋ ورگانىنىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن دايەكتىلەندىرىپ، پارتيانى جاپپاي، قاتاڭ جونگە سالۋ جونىندەگى ورنالاستىرۋلاردى تياناقتاندىرىپ، ءوزىن تەجەۋدى باستاماشىلدىقپەن كۇشەيتىپ، باقىلاۋ، ءتارتىپتى اتقارۋ ۇقىعىن ءتۇزىم ارقىلى مەڭگەرىپ، وزگەنى تۇزەۋ ءۇشىن ءوزىن دۇرىستاۋىنداعى ناقتى ارەكەت، بۇل ءوزىن قاتاڭ تارتىپكە شاقىرۋداعى جاۋاپكەرشىلىكتى ارقالاۋ مەن بەرىك بەكىمدى تولىق ايگىلەيدى. جالپى ءماجىلىس بىلاي دەپ اتاپ كورسەتتى: ەرەجە باقىلاۋ، ءتارتىپتى اتقارۋ قىزمەتىنىڭ بارىسىن مىقتاپ ارقاۋ ەتكەن، نۇسقاۋ سۇراۋ، مالىمدەۋ، دەرەكتى ءبىر جايلى ەتۋ، العاشقى ادىمدا اداقتاۋ، دەلو تۇرعىزىپ تەكسەرۋ، دەلونى قاراۋ، دەلوعا قاتىستى اقشانى، زاتتى باسقارۋ سياقتى قىزمەت تارتىپتەرىن ايقىندادى؛ اڭگىمەلەسۋ، حات ارقىلى سۇراستىرۋ ءتارتىبىن، ءتارتىپتى اتقارۋدىڭ، تەكسەرۋدىڭ بەكىتۋ ۇقىق شەگىن، تەكسەرۋ، اڭگىمەلەسۋ مەن دالەل - سىپاتتى جيناۋدىڭ ناقتى تالاپتارىن بەلگىلەدى؛ ءونىمدى، كادەگە جارايتىن ناقتى شارالاردى سۇرىپتاپ، ونى تۇزىمگە، ولشەمگە اينالدىرىپ، ءتارتىپ تەكسەرۋ كوميتەتىنىڭ ءوزىن - ءوزى باقىلاۋىن پارتيانىڭ ىشكى جاعىنداعى باقىلاۋدى، قوعامدىق باقىلاۋدى قابىلداۋ سياقتىلارمەن ورگانيكالى ۇشتاستىرىپ، پارتيا مەن حالىق بەرگەن ۇقىقتىڭ بەتالدى ىستەتىلمەۋىنە شىنايى كەپىلدىك ەتتى. ورتالىق ءتارتىپ تەكسەرۋ كوميتەتى ەرەجەنى باستاماشىلدىقپەن اتقارۋى، باقىلاۋ، ءتارتىپتى اتقارۋ قىزمەتىنە باسشىلىق ەتۋدى، باسقارۋدى جانە باقىلاۋدى كۇشەيتۋى كەرەك، ءار دارەجەلى ءتارتىپ تەكسەرۋ كوميتەتى ءوز قۇرىلىسىنداعى تۇلعالىق جاۋاپكەرشىلىگىن شىن مانىندە ادا ەتىپ، ءتارتىپتى اتقارۋداعى تارتىپكە قايشىلىق جاساۋ، قىزمەت ىستەمەۋ، جاۋاپكەرسىزدىك ىستەۋ جايتتەرىن قاتاڭ ءبىر جايلى ەتۋى كەرەك.

  جالپى ءماجىلىس پارتيا ۋستاۆىنداعى بەلگىلەمەگە ساي، لي شۋلەي جولداستى ج ك پ ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلىگىنە، ورىنباسار شۋجيلىگىنە سايلادى.

  جالپى ءماجىلىس ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ۋاڭ جۇڭتيان جولداستىڭ تارتىپكە اۋىر قايشىلىق جاساۋ ماسەلەسى، لي جيانبو جولداستىڭ تارتىپكە قايشىلىق جاساۋ ماسەلەسى جونىندەگى تەكسەرۋ بايانداماسىن قارادى ءارى ماقۇلدادى، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ۋاڭ جۇڭتيان جولداسقا پارتيا ىشىندەگى مىندەتىنەن الىپ تاستاۋ جازاسىن بەرۋ، لي جيانبو جولداسقا پارتيا ىشىندە قاتاڭ ەسكەرتۋ بەرۋ جازاسىن بەرىپ، ورتالىق ءتارتىپ تەكسەرۋ كوميتەتىنىڭ مۇشەلىك قىزمەتىنەن بوساۋعا بۇيىرۋ جونىندەگى قاۋلىسىن بەكىتتى.

  جالپى ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، كىشى پەيىل، ۇستامدى بولىپ، داندايسۋدان، ۇشقالاقتىقتان ساقتانىپ، اۋەلگى ماقساتتى ۇمىتپاي، ۇزدىكسىز العا تارتىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ىشكەرىلەي العا ىلگەرىلەتىپ، پارتيانى جاپپاي قاتاڭ جونگە سالۋدىڭ تىڭ تابىستارىنا تىنباي قول جەتكىزىپ، جاپپاي دوڭگەلەك داۋلەتتى قوعام قۇرۋدىڭ تىڭ جەڭىستەرىنە قول جەتكىزۋدى پارمەندى قامتاماسىزداندىرىپ، پارتيا مەن حالىققا ءدان ريزا بولارلىق جاۋاپ قايتارۋعا ۇندەدى.

  (شينحۋا اگەنتتىگىنىڭ 8 - قاڭتاردا بەيجيڭنەن بەرگەن حابارى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.