مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى بەيجيڭدە اشىلدى
2017.03.06 14:44 كەلۋ قاينارى : حالىق تورابى
شينحۋا اگەنتتىگى، 5 – ناۋرىز، بەيجيڭ. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 5 - ناۋرىز تۇستەن بۇرىن حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ ماجىلىسكە ۇكىمەت قىزمەتىنەن بايانداما جاساعاندا بىلاي دەپ اتاپ كورسەتتى: بورىش ارقالاعاندا عانا ورىندالادى، ءىستى تىڭعىلىقتى ىستەگەندە عانا تابىسقا جەتەدى. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر نيەتپەن جۇمىلىپ، ءورىس اشا العا ىلگەرىلەپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداپ، «ەكى 100 جىلدىق» كۇرەس نىساناسىن ورىنداۋعا كۇش سالىپ، باي دا قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەسەيىك.
بۇگىن حالىق سارايى ايبىندى دا دۋماندى مەرەيگە شومدى. 10 مىڭ ادامدىق ۇلكەن زالدا شامدار جاقۇتتاي جارقىرادى، ءتوراعالار مىنبەسىنىڭ تورىنە مەملەكەت گەربى ءىلىنىپ، ەكى جاعىنا بەستەن نارت قىزىل تۋ قويىلدى. مەملەكەتتىك حالىق قۇرىلتايىنىڭ 3 مىڭعا جۋىق ۋاكىلى حالىقتىڭ ماڭىزدى تاپسىرماسىن ارقالاپ سالتاناتتى جينالىسقا قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت ۇقىقتارىن مۇقيات وتەدى.
ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ دىجياڭ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭبا پيڭسو، ەركىن يمىرباقى، ۋان ىشياڭ، جاڭ باۋۋىن، چىن جۋ ءتوراعالار مىنبەسىندەگى اتقارۋشى ءتوراعالار ورنىنا وتىردى.
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسۋعا ءتيىستى ۋاكىل 2 مىڭ 924 ادام. بۇگىنگى ماجىلىسكە 2 مىڭ 862 ۋاكىل قاتىناستى، 62 ۋاكىل قاتىناسا المادى، قاتىناسقاندار سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا جاڭ دىجياڭ جۇڭحۋا حالىق رەسپۋبليكاسى مەملەكەتتىك 12 - كەزەكتى حالىق قۇرىلتاي 5 - ءماجىلىسىنىڭ اشىلعاندىعىن جاريالادى. زالداعىلار تۇگەل ورىندارىنان تۇرىپ، مەملەكەت گيمىنىن شىرقادى.
ءماجىلىستىڭ كەڭەستىك تارتىبىنە ساي، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما مىناداي 3 بولىمنەن قۇرالعان: ءبىرىنشى، 2016 - جىلعى قىزمەتتەرگە شولۋ؛ ەكىنشى، 2017 - جىلعى قىزمەت جونىندە جالپى ورنالاستىرۋ؛ ءۇشىنشى، 2017 - جىلى ىستەلەتىن ءتۇيىندى قىزمەت مىندەتتەرى.
لي كىچياڭ بىلاي دەدى: وتكەن جىلدا ەلىمىزدىڭ دامۋى ىشكى - سىرتقى قات - قابات قايشىلىقتار مەن حاۋىپ - قاتەردىڭ اۋىر سىندارىنا ءدوپ كەلدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل ەلدەگى ءار ۇلت حالقى قيىنشىلىقتاردان تايسالماي، جىگەرلەنە العا باسىپ، ەكونوميكانىڭ، قوعامنىڭ باياندى، اقاۋسىز دامۋىن جەبەدى. پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى باس شۋجي شي جينپيڭنىڭ ۇيىتقىلىق ورنىن رەسمي ايقىندادى، بۇل پارتيا مەن حالىقتىڭ ءتۇبىرلى مۇددەسىن ايگىلەپ، پارتيا مەن مەملەكەتتىڭ كوركەيىپ - گۇلدەنۋىنە، باياندى تىنىشتىعىنا كەپىلدىك ەتۋدە اسا كەلەلى دە تەرەڭ ماڭىزعا يە. جەر - جەر، تاراۋلار ساياسي تانىمدى، جالپى جاعداي تانىمىن، ۇيىتقىلىق تانىمدى، ساپ تۇزەۋ تانىمىن ۇزدىكسىز كۇشەيتىپ، جاپپاي دوڭگەلەك داۋلەتتى قوعام قۇرۋدا تىڭ دا ماڭىزدى ىلگەرىلەۋشىلىكتەرگە قول جەتكىزۋدى جەبەپ، رەفورمانى جاپپاي تەرەڭدەتۋدە ارشىندى قادام تاستاپ، مەملەكەتتى جاپپاي زاڭمەن جونگە سالۋدى ىشكەرىلەي اتقارىپ، پارتيانى جاپپاي قاتاڭ جونگە سالۋدى ىلگەرىلەتىپ، تۇتاس جىلدا ەكونوميكالىق، قوعامدىق دامۋدىڭ نەگىزگى نىسانالىق مىندەتتەرىن تولىق ورىنداپ، «13 – بەس جىلدىق» جوسپاردى تاماشا باستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
