بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ۇكىمەت قىزمەتىنەن بايانداماعا نازار: «رەفورما» دەگەن ءسوز 83 رەت تىلگە الىندى، قول سوعۋ ەڭ ۇزاق بولعاندا 11 سەكۋندقا جالعاستى

2017.03.06 14:48     كەلۋ قاينارى : حالىق تورابى

  مەملەكەتتىك 12 – كەزەكتى حالىق قۇرىلتايىنىڭ 5 - ءماجىلىسى 5 – ناۋرىز تۇستەن بۇرىن حالىق سارايىندا باستالدى، لي كىچياڭ زۇڭلي مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى.

  تىلشىلەردىڭ ساناققا الىپ بايقاۋىنشا، بيىلعى ۇكىمەت قىزمەتىنەن باياندامادا «رەفورما» دەگەن ءسوز 83 رەت تىلگە الىنىپ، قولدانىلۋ جيىلىگى ەڭ جوعارى سوزگە اينالعان.

  ۇكىمەت قىزمەتىنەن باياندامادا مىنالار ايتىلدى، وتكەن جىلى رەفورما جۇرگىزىپ، قاقپا اشۋ زور كۇشپەن تەرەڭدەتىلدى، دامۋ ومىرشەڭدىك قۋاتى اناعۇرلىم كۇشەيدى، ءبىرقىدىرۋ بوگەنايلىق، سۇيمەندىك رەفورما شاراسى ورتاعا قويىلدى، ايتالىق، ۇكىمەت پەن بازاردىڭ قاتىناسى سىندى وسى شارۋاشىلىق ءتۇزىلىس رەفورماسىنىڭ وزەكتى ماسەلەسىن ويداعىداي ءبىر جاقتى ەتۋ توڭىرەكتەلىپ، ۇكىمەت قۇرىلىمىن ىقشامداپ، ۇقىقتى تومەنگە بەرىپ، ىرقىنا جىبەرۋ مەن باسقارۋدى ۇشتاستىرىپ، قىزمەت وتەۋدى ساپالىلاندىرۋ رەفورماسى ءۇرتىس ىلگەرىلەتىلدى. وسى كەزەكتى ۇكىمەتتىڭ اكىمشىلىك تەكسەرىپ بەكىتۋ ىستەرىنىڭ ۇشتەن ءبىرىن ازايتۋ نىساناسى كۇنى بۇرىن ورىندالۋ نەگىزىندە وتكەن جىلى تاعى مەملەكەتتىك كەڭەس تاراۋىنىڭ تەكسەرىپ بەكىتۋ تۇرلەرىنەن جانە ولار جەرگىلىكتى ورىندار اتقارادى دەپ بەلگىلەگەن تەكسەرىپ بەكىتۋ تۇرلەرىنەن 165 ى كۇشىنەن قالدىرىلىپ، 192 ءتۇرلى دانەكەرلىك قىزمەت وتەۋىن تەكسەرىپ بەكىتۋ ىستەرى، 220 ءتۇرلى كاسىپتىك تولىمدىلىقتى تانۋ ىستەرى اداقتالىپ، ارناعا ءتۇسىرىلدى.

  ساۋدا ءتۇزىمى رەفورماسى، مەملەكەت مەنشىگىندەگى كاسىپورىنداردى رەتتەپ قايتا قۇرۋ جانە ارالاس مەنشىك ءتۇزىمى رەفورماسى، بايلىق باجىسى رەفورماسى، عىلىم – تەحنيكالىق باسقارۋ ءتۇزىلىس رەفورماسى، ءدارى – دارمەكتى، ەمدەۋ جابدىقتارىن تەكسەرىپ بەكىتۋ ءتۇزىمى رەفورماسى... وتكەن جىلى وسى ءبىرقىدىرۋ ماڭىزدى سالا مەن شەشۋشى سالاداعى رەفورما ەكونوميكانىڭ، قوعامنىڭ دامۋىنا تىڭ ومىرشەڭدىك قۋات باعىشتادى.

  2017 – جىلى رەفورمانى جاپپاي تەرەڭدەتۋ دەگەن ايتىلىم تاعى دا قولدانىس جيىلىگى جوعارى سوزگە اينالدى. بيىلعى قازىنا – باجى ءتۇزىلىس رەفورماسىندا مىناۋ اتاپ كورسەتىلدى: كاسىپورىنداردىڭ باجى اۋىرتپالىعى اناعۇرلىم ازايتىلىپ، ورتالىق پەن جەرگىلىكتى ورىنداردىڭ قازىنا ىستەرى ۇقىعى مەن كىرىس – شىعىس جاۋاپكەرلىگىن ايىرۋ ىلگەرىلەتىلەدى. فينانس ءتۇزىلىس رەفورماسى جاعىندا فينانستى باقىلاپ – باسقارۋ ءتۇزىلىس رەفورماسى بايىپپەن ىلگەرىلەتىلىپ، فينانس ءتارتىبى جونگە، ارناعا سالىنادى، فينانس قاتەرىنەن ساقتانۋ جۇيەسى بەكەمدەلەدى. مەملەكەت مەنشىگىندەگى كاسىپورىندار رەفورماسىنا قاراتا «ارالاس مەنشىك ءتۇزىمى رەفورماسى تەرەڭدەتىلىپ، ەلەكتر، مۇناي، تابيعي گاز، تەمىر جول، حالىقتىق اۆياتسيا، تەلەگراف، اسكەري ونەركاسىپ سياقتى سالالاردا ماندىك ىلگەرىلەۋشىلىك جارىققا شىعارىلادى».

  بۇدان تىس كىرىس ءبولىسى ءتۇزىمى، زەينەتكەرلىك قامسىزداندىرۋى ءتۇزىمى، ەمدەۋ، ەمدەۋ قامسىزداندىرۋى، ءدارى – دارمەك، وقۋ – اعارتۋ، مادەنيەت جانە ءىسورىندار، ەكولوگيالىق وركەنيەت ءتۇزىلىسى، سونداي – اق اۋىل – قىستاق، اۋىل شارۋاشىلىعى سياقتى كوپتەگەن سالالاردا دا نەگىزدىك رەفورما باستالادى.

  100 مينۋت مولشەرىندە لي كىچياڭ ناقتى ساندى مالىمەتپەن وتكەن ءبىر جىلداعى قىزمەتتى قورىتىندىلادى جانە بيىلعى ماڭىزدى قىزمەتتى ورنالاستىردى. تىلشىلەردىڭ ساناعىنا نەگىزدەلگەندە، ناق مايداندا جالپى 40 رەت قول سوعىلىپ، ورتا ەسەپپەن 2 – 3 مينۋتتا ءبىر رەت قول سوعىلىپ وتىرعان. «وسى جىلدا قولفونداردىڭ ەل ىشىندەگى الىس ارالىقتى اقىسى مەن ءوڭىر اتتاۋ اقىسى كۇشىنەن قالدىرىلادى» دەگەن ءسوز ايتىلىپ، بۇقارا ايرىقشا نازار اۋدارىپ وتىرعان تاقىرىپقا پوزيتسيا بىلدىرىلگەندە تۇتاس الاڭداعى قول سوعۋ ۋاقىتى 11 سەكۋندقا جالعاسقان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار