بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى

2017.03.09 16:14     كەلۋ قاينارى : حالىق تورابى


  شينحۋا اگەنتتىگى، 8 – ناۋرىز، بەيجيڭ. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 8 - ناۋرىز كۇنى تۇستەن كەيىن حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، كوميتەت باستىعى جاڭ دىجياڭ ماجىلىسكە قىزمەتتەن بايانداما جاسادى. جيىن ازاماتتىق ىستەر زاڭىنىڭ باس ەرەجەسى جوباسى جونىندەگى تۇسىنىكتى، مەملەكەتتىك 13 - كەزەكتى حالىق قۇرىلتايى ۋاكىلدەرىنىڭ سانى جانە ولاردى سايلاۋ ماسەلەلەرى تۋرالى قارار جوبا جونىندەگى تۇسىنىكتى، شياڭگاڭ ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسى جوباسى جانە اۋمىن ەرەكشە اكىمشىلىك رايونىنىڭ مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ ءادىسى جوباسى جونىندەگى تۇسىنىكتى تىڭدادى.

  شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.

  جاڭ دىجياڭ بايانداماسىندا بىلاي دەدى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا مەملەكەتتىك حالىق قۇرىلتايىنىڭ تۇراقتى كوميتەتى پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ ءوز – وزىنە قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى تۇتاستىعىنان جازباي، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن تىعىز توڭىرەكتەپ، جاڭا دامۋ تانىمىن دايەكتى تياناقتاندىرىپ، نەگىزگى زاڭ مەن زاڭداردا بەرىلگەن قىزمەت ۇقىقتارىن مۇقيات اتقارىپ، مەملەكەتتىڭ ەڭ جوعارى بيلىك ورگانىندىق رولىن قۇلشىنا ساۋلەلەندىردى. ءبىر جىلدان بەرى تۇراقتى كوميتەت 8 زاڭ شىعاردى، 27 زاڭعا وزگەرىس ەنگىزدى، زاڭدىق ماسەلەلەرگە قاتىستى 7 قاۋلى شىعاردى، ءبىر زاڭعا تۇسىنىك جاسادى، ءبىر زاڭ جوباسىن، زاڭدىق ماسەلەگە قاتىستى 3 قاۋلى جوباسىن مەملەكەتتىك حالىق قۇرىلتايىنىڭ قاراۋىنا ۇسىنۋدى ۇيعاردى، زاڭ شىعارۋ قىزمەتىندە سانى كوپ بولۋ، مىندەت اۋىر بولۋ، ريتىمى تەز بولۋ ەرەكشەلىگى ءۇرتىس جارىققا شىقتى، زاڭ شىعارۋ ساپاسى اناعۇرلىم جوعارىلادى؛ 6 زاڭنىڭ اتقارىلۋ جاعدايى تەكسەرىلدى، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋرا مەكەمەسىنىڭ 20 قىزمەت بايانداماسى تىڭدالدى، 2 قاۋلى ماقۇلداندى، 3 رەت ارناۋلى سۇراۋ سالۋ جانە 5 رەت ارناۋلى تەكسەرىپ – زەرتتەۋ قيمىلى ورىستەتىلىپ، باقىلاۋ قىزمەتى اماليات بارىسىندا ۇزدىكسىز كەمەلدەندى، باعىتتامالىلىق پەن ونىمدىلىك قاتار كۇشەيدى؛ ارناۋلى كوميتەتتىڭ ۋاكىلدەردىڭ كەڭەستىك جوبا تالقى ناتيجەسى جونىندەگى 8 بايانداماسى، ۋاكىلدەردىڭ تولىمدىلىعىن تەكسەرۋ كوميتەتىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى 7 بايانداماسى قاراپ ماقۇلداندى، ەلىمىز بەن شەتەلدەردىڭ جاساسقان شارتتارىنان، كەلىسىمدەرىنەن جانە قاتىناسقان حالىقارالىق شارتتارىنان 7 قۇجاتتى بەكىتۋ ۇيعارىلدى، مەملەكەت ورگاندارىنىڭ ءبىرقىدىرۋ قىزمەتكەرىن مىندەتكە قويۋ جانە مىندەتتەن قالدىرۋ ۇيعارىلدى جانە بەكىتىلدى، حالىق قۇرىلتايىنىڭ ءتۇرلى قىزمەتى بۇرىنعى نەگىزدە تاعى دا جاڭا ىلگەرىلەۋشىلىككە، جاڭا ونىمدىلىككە قول جەتكىزدى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار